Têx ntâuz ntơưr uô tâu sei đuô đhâu thâuv phênhz qơư uô hâux lưv, muôz iz cxiê cơ quan lok uô cê

“Cur tuôx uô đuô ntâuz ntơưr tso chei zuôr muôs yuôx tsuôs tuô đrox, caz hmoz, canr bôv nhoz no lơưr moz siêz kriê pêz uô tâu lok six sei têx ntâuz ntơưr uz no”.

Tsi uô kênhz, tsi uô tuôr thênhv txos six hơưv, hâux lưv zos tix lâus Quàng Văn Hóa nhoz huyện Thuận Châu, tỉnh Sơn La cux li ntâu lênhx pêx xênhv têx luk kruôs txos thâuv tuôx uô ntâuz ntơưr uz no ntơưv qơư txeik tok, lênhk uô tsôngv pêx xênhv sơưr đơưk têx ntâuz ntơưr, Tsênhv qơư hành chính công tỉnh Sơn La.

Lênhk txeik thiêz uô Sở Kôngz nuv thiêz tênhx qơư têx ntâuz ntơưr, niêv lâul Lê Thị Loan heik:

“Luôs hâux lưv lênhk nhav thiêz uô tsôngv pêx xênhv têx ntâuz ntơưr cux uô hâux lưv xưk li niêx hnuz. Pêz sở nhiv no cux tsênhv muôx 2 qơư chiê phưx vưv uô têx ntâuz ntơưr uz no trâu tsôngv pêx xênhv nhoz Sở Kôngz nuv thiêz tênhx qơư”.

Txơưv đhâu phênhz, ntâu sở tưz tâu muôz lok uô cê, taz sik luôs hâux lưv seiz car, lênhk nhav, đơưk uô têx ntâuz ntơưr trâu tsôngv pêx xênhv, doanh nghiệp.....cux tsênhv lês uô li thâuv ntêx. Cxuô cơ quan, taz viv, canr bôv, công chức bax hux jos, taz por uô tâu truôx jông cxuô luôs hâux lưv, tsi uô tuôr thênhv txos pêx xênhv, doanh nghiệp cêr huôv tsar uô nox, lax luôv thiêz luz nênhx. Zơưv Lò Văn Xoa, Phưv Giám đốc tsênhv qơư phưx vưv hành chính công tỉnh Sơn La heik pâuz:

“Thâuv tsênhv tok T.Ư fuô kriê, pêz uô trơưk cui tinhv cxuô cơ quan, taz viv lênhk lês uô têx hâux lưv zuôr uô têx ntâuz ntơưr zos taz viv zok muôz. Taz por đơưk uô tâu cxuô cơ quan, tsưr tsix têx ntâuz ntơưr trơưk tsưr ziv, tsi uô tuôr thênhv, ruôr hiêv txos tsôngv pêx xênhv, doanh nghiệp cêr uô nox, lax luôv”.

Yuôr têx hâux lưv nhiv kruôr lênhk nhav uô li: Hlôngr đuô, uô ntơưr tsar yêz, Công an tỉnh Sơn La tưz bax phênhz, tso lênhx nênhs, chuôz zênhx uz no phưx vưv uô hâux lưv chiê muôz jông six hơưv, txuôs hnuz nhôngs, nhiêx txiêx muk lol trâu pêx xênhv. Iz chas ntơư, hlôngr viv nhoz ntâu hâur tsênhv qơư hành chính công thiêz Phongx Cảnh sát zoz thôngz, Công an tỉnh Sơn La tưz phênhz nzir 11 qơư lênhk txeik thiêz lês uô têx ntâuz ntơưr trâu pêx xênhv ntơưv iz cxiê xã, phường hâur têx huyện, TP, thị xã. Thượng tá Nguyễn Trung Kiên, Phưv Tsar phongx Cảnh sát zoz thôngz Công an tỉnh Sơn La heik pâuz nzir:

“Lưv lươngv cảnh sát zoz thôngz tưz nhênhz chơưv thiêz cxiv tsa cui tinhv; phênhz côngz têx lênhx canr bôv lês uô tâu hâux lưv jông chiê lênhk uô têx hâux lưv heik sâuv. Hâur ntu zuôr txos, Phongx Cảnh sát zoz thôngz zuôr fuô uô ntâu faz tsưr ziv chiê gra siêz tsơưr lươngv hâux lưv hlôngr đuô thiêz uô ntơưr tsar yêz trâu tsôngv pêx xênhv sơưr đơưk hâur tas nro thax tsav tỉnh; 100% canr bôv, chiến sĩ tưr thik chiê tâu muôz thẻ uô hâux lưv uô ntơưr tsar yêz trâu tsôngv pêx xênhv trơưk cui tinhv, hâux lưv zok muôz”.

Đhâu phênhz thiêz muôz iz cxiê cơ quan, taz viv lok uô cê, tỉnh Sơn La tưz txo grêk 26% ntâu têx cơ quan lês uô hâux lưv têz qơưk nhoz hâur Ủy ban tỉnh; txo grêk 15% têx phongx lês uô cxuô luôs hâux lưv uz no. Chor tsưr tsix zos Đảng, têz qơưk choz hâux lưv cux txo grêk tsơưs zuôr xar 24%./.

Lê Hạnh-Riê Lâux cxeik, nhênhv   

Têx cưk yuôx nhoz tox siêz Điện Biên li têx sir jos tsoz phưz đas jos trâu tsôngv box

          2 luz hlik hâur shôngk shông no, xã Pa Tần thiêz Nà Khoa, huyện Nậm Pồ, tỉnh Điện Biên yênhx qơư moz kruô piêk huôv xênhz thâuv pov muôx chôngz lênhx nênhs trâus moz. Chiê phax tar moz, lưx lươngv y tế đros chính quyênx tiv phaz tưz sir jos uô hâux lưv yênhx hnuz hmo.

          Tix lâuk Hà Đức Thắng, Phưv tsar qơư y tế xã Pa Tần puz pâuz: Têx lênhx nênhs trâus moz kruô piêk phênhv ntâu pov nhoz têx jos Nậm Thà Là, Huổi Khương thiêz Huổi Tre, xã Pa Tần; đuô li zos nhoz chor jos Huổi Lụ 3, xã Nậm Nhừ thiêz Huổi Lụ 1, xã Nà Khoa. Chiê phax tar moz cik đêz đar, tsuv uô lơưr chính quyênx tiv phaz li chox kriê, cán bộ y tế ntơưv 2 xã tưz chêx chôngk cêv kuôk, tsuôk yuôx tuô caz moz ntơưv thax tsav muôx nênhs moz nhoz uô nênhx. Thôngx cxix sik côngv đros têx lưx lươngv txơưr muk trâu yênhx jêx jos, yênhx ziv chuôz zis chiê yax mông lok cxax yuôx phax moz thiêz tsưr ziv phax tar moz trâu tsôngv box… Khov co, moz kruô piêk ntơưv no jux jus tâu phax tar, tsôngv box truôx siêz khưr uô nox. Tix lâuk Shôngx A Phùa, Tsar jos Huổi Khương, xã Pa Tần heik:

          “Cur jos muôx moz kruô piêk huôv xênhz, tsôngv box cux lok six cxơưx. Tâu têx y bác sĩ thiêz chính quyênx tiv phaz tsov cưv muk vênhv tôngv tsôngv box phax tar moz gênhk, tsi chiê cik đêz đar trâu cxuô thax tsav qơư”

          Tsi taz sir jos phax tar moz huôv xênhz, têx y bác sĩ ntơưv Điện Biên tsênhv truôx siêz nhoz jêx jos, chox têx jix vuv y tế jông txos ciês yênhx jêx jos tox siêz chiê muôz siêz đas jos trâu tsôngv box. Têx bác sĩ Tsêr kho moz 7/5, Công an tỉnh Điện Biên li jiês muk uô côngz xưv ntơưv jos Huổi Va B nhoz xã Háng Lìa, huyện Điện Biên Đông muôx 20 cei cêr lok six lax muk viv puôr lênhx zos cêr ar, ar nxaz, ntux lok nas mak cêr bluô, muôx ntâu ntu tsuv muk tơư.

          Trung tá Đào Thành Uỷ, Phưv giám đốc Tsêr kho moz 7/5, puz pâuz: Jos Huổi Va B muôx zuôr xar 100 ziv chuôz zis, đros 50% ntâu ziv zos chuôz zis pluôs. Muôx tsi txâuk nox, txâuk hnar, viv li tsôngv box tsi tâu tsov cưv txos hâux lưv tsoz phưz zuk li đas jos. Pâuz tâu luôk hâux lưv no, txơưv phêv liv txos tưs, têx y bác sĩ hâur taz viv cux xav tênhv tsuv muk txos ciês ntơưv qơu chiê seiz njuôs, muôz siêz đas jos trâu pox nhuôk.

          “Xã tox siêz tsôngv box nhoz tsi chêx chôngk viv li tsơưs tâu zôngv têx jix vuv y tế tsoz phưz đas jos jông. Viv li hâur têx jiês pêz muk uô côngz xưv pêz thâuv tưs cux xar muk heik kriê tsưr ziv tsoz phưz đas jos trâu tsôngv pox nhuôk nhoz têx thax tsav txov nhêv co”.

          Niêv lâuk Vax Thị Sinh, tsôngv box nhoz jos Huổi Va B puz pâuz, niêv lâuk thiêz pox nhuôk lok six shir phaz thiêz jông siêz thâuv tâu têx y bác sĩ tuôx txos ciês jêx jos chiê seiz njuôs thiêz kho moz, muôz yuôx tsi zuôr nhiêx txiêx, tâu yax mông, heik kriê tsưr ziv nox nhoz huv vêv xênhz, tsưr ziv phax tar moz muôx chêx cuk…

          “ Cêr lax muk lok, tâu têx y bác sĩ tuôx txos ciês ntơưv jêx jos seiz njuôs moz, muôz yuôx tsi zuôr nhiêx txiêx mak pêz lok six jông siêz, kriê pêz tsưr ziv nox hâuk, tsoz phưz đas jos nhoz uô nênhx jông...”

          Zơưv Phạm Giang Nam, Giám đốc Sở y tế tỉnh Điện Biên puz pâuz: Nhiv no nganhx y tế tiv phaz tsênhv chêx chôngk cxuô pênhr jos chiê muôz siêz tsơưr lươngv y tế trâu tiv phaz, hâur co zuôr chêx chôngk yưv pênhr lok cơ sở cxuô zav, chuôz zênhx ytế thiêz kriê cxaz chuyên môn trâu têx nhân viên y tế. Nhiv no 100% qơư y tế hâur tỉnh puôr lênhx muôx têx bác sĩ; 96% qơư y tế muôx têx pox niêv paz txeik mê nhuôk; zuôr xar 70% xã, phường, thị trấn tax ploz tsênhr têz qơưk lok y tế xã… No zos têx kror zov chênhr chiê uô jông côngz xưv por vêv, tsoz phưz thiêz muôz siêz đas jos trâu tsôngv box, tiv zix zos tsôngv box nhoz têx thax tsav tsenhv yuôr ntâu phêv liv, tox siêz, ntus đriv.

          “Txix têx y tế tiv phaz nhiv no tâu yưv pênhr, huôv tsar uô gôngr phênhv trâu luôs hâux lưv tsoz phưz đas jos tsôngv box, tiv zix zos ntơưv têx xã tox siêz, ntus đriv. Njuôs xav tas shông 2025 no, 100% qơư y tế zuôr muôx txâuk tsêr, chuôz zênhx njuôk kho moz lơưr Bộ y tế cui tênhv./.

Vũ Lợi- Txâur Vax cxeik nhênhv