Lai Châu uô jông luôs hâux lưv phax tar tsik chiê hluôr tơưk cuz tox cuz jông hâur  têx hnuz ntux cuz sor

Zơưv Voòng Cá Lành chuôz zis nhoz Pa So, đrôngtl Phong Thổ, huyện Phong Thổ, tỉnh Lai Châu têx ar têz nhoz puôz ntus jôngr txưr, zos kiểm Lâm sêiz car. Hâur têx hnuz ntux gruôs gis, zơưv Lành chuôz zis tưz muk suô cêv têx ntus têz, ntus jôngr tsik chiê hluôr tơưk txêik cuz trâu têx har jông zos đrêiv chêi têz qơưs têx chêi tso tơưv, chiê bax ar têz chos poz cưk, chos blêx: “Chuôz zis têx liêx têz nhoz puôz ntus jôngr thiêz tâu cán bộ sêiz car jôngr yax kriê lok tsưr ziv tir thêir tsik chiê hluôr tơưk txêik cuz trâu têx har jôngr txưr. Chênhr zos li hêik ntơư, cur tưz đros chuôz zis uô truôx jông luôs hâux lưv tir thêir tsik chiê hluôr tơưk cuz har jôngr har tsuôs”

          Hâur têx hnuz no, ntâu tsênhv qơư li Mường So, Hoang Thèn, Khổng Lào thiêz đrôngl Phong Thổ, huyện Phong Thổ, tỉnh Lai Châu, yar ntux cuz sor 32-34 độ, uô trâu têx har jôngr har tsuôs kruôr gis, zôngx ziv trâus hluôr tơưk txêik cuz. Zơưv Lò Văn Tuyến, cán bộ sêiz car jôngr nhoz đrôngl Phong Thổ, huyện Phong Thổ cux hêik pâuz tiêk: tsôngv px muôx ntâu đêiv ar têz uô puôz ntus jôngr; Chênhr zos li hêik ntơư, pêz cux tsik so yax kriê tsôngv px uô jông luôs hâux lưv tir thêir tsik chiê hluôr tơưk cuz trâu têx har jông txưr: “Uô hâux lưv sêiz car har jôngr, cur tưz sir tas đas jos tsưr ziv yax kriê tsôngv px luôx cêv kuôk têx ntus ar têz, ntus jôngr cov đar tsik chiê hluôr tơưk txêik cuz trâu har jôngr”

          Nhiv no, hur si huyện Phong Thổ muôx 45.600 ntâu ha har jôngr, chiê sêiz car cov tâu truôx jông têx har jôngr tsik trâus hluôr tơưk cuz hâur luz chêix ntux kruôr gis, cán bộ sêiz car har jôngr tưz đros hâu nov cxuô xã fuô uô truôx jông cxuô faz tsưr ziv tir thêir tsik chiê hluôr tơưk cuz har jôngr har tsuôs. Zơưv Nguyễn Văn Tuấn,  phưv hạt tsar sêiz car jôngr huyện Phong Thổ, tỉnh Lai Châu hêik pâuz nzir: “Hâur ntu no, yar ntux cuz sor, har jôngr har tsuôs kruôr gis, zôngx ziv trâus hluôr tơưk cuz. Pêz chor sêiz car jôngr tưz tưz hêik trâu ủy ban huyện tso tơưv ntâuz ntơưr, bax cxuô zav chuôz zênhx tir thêir tuô hluôr tơưk, tsik chiê muôx yưv hluôr tơưk cuz jôngr”

          Trơưk li cơ quan njuôk ntux yar ntux nas hêik pâuz, ntux tsênhv zuôr cuz sor truz ntêr hnuz, zôngx ziv uô hluôr tơưk txêik cuz trâu har jôngr har tsuôs; viv li chor nênhs sêiz car jôngr nhoz cxuô tsênhv qơư hâur thax tsav tsênhv taz tov sir tas đas jos tsưr ziv uô truôx luôs hâux lưv tir thêir tsik chiê hluôr tơưk txêik cuz trâu têx har jôngr txưr./.

                                       Tsu cxêik nhênhv-Khắc Kiên, CQTT Tây Bắc

Taz por txiv ngaz, taz por zaoz thôngz nhoz Sơn La hâur têx hnuz so ntênhs

“Qơư ndis seiz shuôk têx huôz jông jav” Tà Xùa, huyện Bắc Yên (Sơn La) zos iz hâur têx qơư ju lix nto bê nhoz thax tsav Tây Bắc. Njuôs pov hâur têx hnuz so ntênhs shông no, kruô ndis shuôk uô si zuôr chuôz ndê 2-3 jiês têx hnuz fênhx yax, tsôngv kruô sir zôngv jix vuv vênhv teiv cux xưk li têx yêz muk lok cxaz chuôz zaoz thôngz cux zuôr chuôz ndê siêz. Viv li, côngz xưv taz por txiv ngaz, taz por zaoz thôngz tsênhv tâu tsov cưv krêz uô. Đại úy Đinh Văn Thoa, Tuêv tsar tuêv cảnh sát zaoz thôngz, Công an huyện Bắc Yên puz pâuz: “Bax trâu jiês so ntênhs, pêz tưz heik cán bộ chiến sĩ, seiz shuôk têx cêr muk lok, thax tsav qơư, thix ziv têx tsi taz por zaoz thôngz. Thôngx cxix bax lưx lươngv qênhz yuôx seiz car, yưr lir têx uô cxâuv lok hâuk chơưr bia, zax zênhz thâuv cxaz chuôz zaoz thôngz, tiv zix zos chêx chôngk qênhz yuôx yêz teiv, yêz thâux kruô”…

          Jiês so ntênhs zos jiês tsôngv box nhoz hâur thiêz đrâuv tiv phaz thiêz tsôngv box têx mênhx cxưx nhoz uô nênhx ntơưv têx jêx jos huyện tox siêz Bắc Yên muk têx tsênhv qơư xã, thị trấn chôngz. Lơưr Thượng tá Đinh Hùng Sơn, Phưv tsar Công an huyện Bắc Yên, chiê pox nhuôk muôx jiês so ntênhs taz por, têx tsưr ziv taz por txiv ngaz tưz thiêz tsênhv tâu Công an huyện chox kriê, krêz uô txos qơư: “Công an huyện tưz chox kriê công an têx xã, thị trấn thiêz têx tuêv nghiệp vụ sâuv chinhz yênhx zos chuôz tsar ntâu tiv zix lưx lươngv seiz jor chiê yưr lir têx hâux lưv muôx lênhx coaz txos txiv ngaz muôx yưv; tsưr tsix têx jiês ntês cxov nênhs phamv cxâuv, chêx chôngk lok têx qơư ju lix, qơư nhoz so uô si, têx cêr zaoz thongz muk lok khênhr muôx hâux lưv uô cxâuv cêr chei…”

          Ntơưv huyện Vân Hồ- tiv phaz nhoz hâur thax tsav ju lix têz qơưk Mộc Châu, đros têx ntênhs phêv, têx luôk hâux lưv vênhx huôv, ju lix tsưr tsix hâur jiês no, lưx lươngv muôx txơưx jênhv cux tưz chuv tôngv, bax têx tsưr ziv taz por txiv ngaz, taz por zaoz thôngz. Thượng tá Nguyễn Quốc Việt, Tsar Công an huyện Vân Hồ heik: “Công an huyện seiz jor 100% quân số, chuôz tsar lưx lươngv muk thax tsav seiz shuôk, qênhz yuôx taz por txiv ngaz trâu pox nhuôk thâuv cxaz chuôz têx ntênhs phêv, cxaz chuôz zaoz thôngz sâuv cêr muk lok”.

          Têx qar tsav yêz, doanh nghiệp vênhv teiv thâux kruô Sơn La nhiv no cux sik côngv đros têx taz viv muôx txơưx jênhv cxiv tsa tsưr ziv jông tiv zix chiê phưx vưv tsôngv box, tsôngv kruô li zoz qơưx muk lok. Thôngx cxix, chuv tôngv qênhz yuôx têx yêz muk lok, đas jos nênhs tsar yêz; cam kết uô trơưk cui tênhv lok grê vé yêz muk lok thiêz têx cui tênhv txơưr. Tix lâuk Hà Văn Nghiệp, tsar yêz muk Hưng yên- Bắc yên- Sơn La pheiz kênh: “Pêz thâux trơưk lênhx nênhs cui tênhv sâuv yêz, taz por chiê phưx vưv tsôngv kruô muk lok, thâux kruô muk trơưk qơư cui tênhv”.

          Ntu so ntênhs 30/4 thiêz xiêz 1/5 shông no truz ntêr 5 hnuz, njuôs pov zuôr muôx chôngz kruô tuôx tỉnh Sơn La ndis seiz, tiv zix zos têx tiv phaz muôx ntâu qơư uô si jông li Mộc Châu, Vân hồ, Bắc yên, Thuận Châu, Quỳnh Nhai….têx lưx lươngv muôx txơưx jênhv tiv phaz tưz bax jông têx tsưr ziv, paz tsôngv box thiêz kruô ndis shuôk uô si muôx tâu jiês so ntênhs taz por thiêz muôx ziz njiêz tiv zix./.

Lê Hạnh-Txâur Vax cxeik nhênhv