Lâul jok K’Keo-Lênhx nênhs por hưv, tuôr tsês tâu jông têx txux chi vênhx huôv thiêz kriê côngv thôngx K’Ho uô nênhx sik thôngx siêz

Heik tâu uô trơưk, lâul jok K’Keo thâuv tưs tưz uô ntêx nyuôs hâur cxuô luôs hâux lưv. Lok sâuv huôv tsar kinh tế, zơưv chuôz zis muôx 2 ha ar têz chos cà phê, iz shông đê sâu tâu 8 tênhr ntâu cà phê nôngz; zuôr xar 3 cxênhz liêx uô blêx 2 chiv, iz shông hlêis sâu tâu 8 tênhr blêx. Iz chas ntơư, zơưv tsênhv chos nzir têx tsoz chos txơưr đuô shơư cà phê li: Sầu riêng, mắc ca, txir bơ, mo mix.... Khov li co, zơưv K’Keo chuôz zis tsi tiêk muôx txâuk nox txâuk hnar, tsênhv paz tsôngv cưr tix nênhx tsa sơưr đơưk hâur jok hur si thiêz. Zơưv heik pâuz:

“Thâuv ntêx tsôngv cưr tix nênhx tsa hâur jok tsi tâu pâuz uô lơưr têx tsưr ziv uô nox yiêz, uô blêx, chos cà phê tsi tâu pâuz trâu qir thiêz tu. Cur chuôz zis tưz zos ziv chuôz zis uô ntêx hlo uô trơưk têx cêr uô nox yiêz, thâuv uô tâu trơưk tsưr ziv, tsôngv box sơưr đơưk thiêx tuôx cơưv shâuv, uô lơưr. Đhâu têx hâux lưv uô tâu ntơư, cur lâul puôr lênhx sik pheiz kênh, kriê trâu tsôngv cưr tix nênhx tsa cơưv shâuv, uô trơưk, vav chiê siêz sơưr đơưk cux zuôr uô tâu yênhx côngz li cur”.

Jok Hàng Làng muôx 384 chuôz zis, phênhv ntâu zos nênhs K’Ho, nhiv no tsuôk yuôr 4 chuôz zis pluôs. Luz nênhx xênhz huôx iz hnuz hlôngr yiêz, vav mênhx jux juk, tsôngv box cêr nênhx vênhx huôv ziv hnuz ziv muôx ntâu txux chi jông. Pos Ka’Lèm nhoz xã Di Linh heik pâuz, khov lâul jok K’Keo têx côngz đas jos paz, jok Hàng Làng tưz hlôngr yiêz, huôv tsar lok six ntâu.

“Lâul jok K’Keo zos lênhx txir ndâux txir luk, muôx suôz đror bê hâur thax tsav qơư lok huôv tsar uô nox uô hâuk coz, por hưv tâu jông têx txux chi vênhx huôv cxôngx nzor tsi chiê pôngz plox. Zơưv thâuv tưs tưz moz siêz uô jông hâux lưv yax kriê Đảng, têz qơưk têx tsưr ziv, tsênhv chei trâu tsôngv pêx xênhv, kriê sơưr đơưk tsưr ziv uô nox, vênhv tôngv tsôngv niêv txir cưr tix nênhx tsa uô nênhx sik thôngx siêz thiêz siz chos tsưx phưv truôx tuk thax tsav qơư”.

Trơưk li lâul jok K’Keo vênhv tôngv thiêz heik, ntâu chuôz zis pêx xênhv tưz tso tsês têx cêr nênhx pôngz kaz, sik đros cxiv tsa luz nênhx vav mênhx, hlôngr yiêz. Tsi tas li, zơưv tsênhv zos lênhx pâuz thôngz pâuz cxuô lok nênhs K’Ho têx txux chi cêr nênhx vênhx huôv thiêz. Hâur têx hâux lưv vênhx huôv nhoz thax tsav tsôngv box heir nênhs tsơưs ntơưv Lâm Đồng, zơưv puôr lênhx chox đoanx nthuôr uô cêr lov jêv muk cxaz chuôz thiêz tưr thik tâu jông. Iz chas ntơư, zơưv lâul jok K’Keo cux tưz buôk ti kriê 5 lớp ntâuk đruôl tôngx nxêz tôngx trâu têx nhuôs zâu thiêz chor tuz nxeik hluôk. Zơưv Phạm Văn Linh, kuz hâu nov xã Gung Ré, nhiv no zos xã Di Linh, tỉnh Lâm Đồng heik pâuz, lâul jok K’Keo tưz paz zov chênhr trâu cxiv tsa luz nênhx yiêz hâur thax tsav tsôngv box heir nênhs tsơưs ntơưv qơư. 

“Zơưv K’Keo zos lênhx muôx txux chi jông, txơưx choz kriê, vênhv tôngv tsôngv box sơưr đơưk uô trơưk Đảng, têz qơưk tsưr ziv, tsênhv chei; yax kriê vênhv tôngv tsôngv cưr tix nênhx tsa tso tsês têx cêr nênhx pôngz kaz, tsi huv đros ntu hlôngr yiêz nhiv no lok sik tsưx phưv truôx nênhs K’Ho têx txux chi vênhx huôv jông tsi chiê pôngz plox.... Lâul jok K’Keo uô tâu lok six jông têx hâux lưv no”.

VOVTN-Riê Lâux cxeik, nhênhv  

Hlôngr yiêz sôr-paz trâu du lịch Lào Cai huôv tsar

Txix chor jêx jok nhoz sâuv têx ntar trôngz txos chor liêx ntêir plox pliês hâur têx huôz, uô trâu du lịch tox siêz muôx têx kror jông jav txơưr đros trâu muôx ntâu vênhx huôv jông. Têx shông jê lok no, đros tsưr ziv huôv tsar du lịch tox siêz, cxuô thax tsav qơư tưz piz kriz uô hlôngr yiêz sôr xưv li zos iz kror jông paz uô cov nganhx du lịch hlôngr yiêz đuô.

Ntơưv xar tox siêz Y Tý, tỉnh Lào Cai-qơư nto bê muôx ntâu kror jông jav thiêz tsôngv box Hà Nhì li têx vênhx huôv jông-pêx xênhv nhiv no tưz tsik zos khov trâu têx đrox tsuôs chiv xênhz lok sik têx vênhx huôv zênhx muôx chiê uô du lịch mak tsênhv pâuz sir zôngv điện thoại, mạng xar hôiv chiê piêr kriê lok thax tsav qơư txos trâu têx fôngx zưs hâur têz qơưk thiêz sâuv ntiêx têz pâuz txos.

Tix lâus Lý Xá Xuy-Tsưr qơư Homestay Y Tý Cloud- hêik pâuz:

“Nhoz Y Tý mak zuôr muôx chêix sêiz thiêz cxêik đuôz chor huôz, chêix blêx siêr, chêix uô liêx… Iz chas co tsênhv muôx tsôngv box Hà Nhì têx ntênhk hôiv. Thâuv ntêx tsik tau sir zôngv facebook, Zalo lok uô kinh doanh mak chor kruô tuôx trâu Y Tý cux li Homestay muôx lok six tsơưs. Txix thâuv sir zôngv mạng xar hôiv li Facebook, Zalo, TikTok chiê piêr kriê têx đuôz, têx qơưk jông jav mak chor kruô tuô Y Tý tưz muôx chôngz đuô”.

Txix tsưr ziv zaz zâuv tsôngv kruô cxôngx nzor zos khov trâu muôx têx qơư jông jav, têx vênhx huôv jông thiêz chor nênhs chox kriê tsôngv kruô ndis sêiz, ntâu kror qơư du lịch nhiv no tưz hlôngr yiêz đuô khov trâu công nghệ. Tưz tsik zos tênhv qơư nhoz so trực tuyến, piêr pâuz têx hax huv đhâu Fanpage, ntâu taz viv tsênhv cxiv tsa dữ liệu tsôngv kruô, uô mã QR ntơưv qơư tuôx, thêv nhiêx, txêik jênhv sơưr đơưk têx hêik pâuz đhâu hlôngr yiêz sôr… Têx tsưr ziv uô no tưz tsik zos paz cxênhx txuôs pênhr jos mak tsênhv paz gra siêz têx txux chi, tsav txênhz sâuv ciêz đrôngs.

Zơưv Vương Anh Tiến-Chủ tịch Hôiv đồng Quảng triv qơư nhoz so Eco Garden Trạm Tấu-puz pâuz:

“Sir zôngv công nghệ sôr li no mak tsôngv kruô zuôr tso siêz đuô. Tiv oz zos đhâu têx trang ntâuk gri mak tsôngv kruô cux zuôr pâuz tâu zuk kror qơư uô jông lok tsik jông. Iz chas co, muk trâu chor trang hêik kriê mak lơưr cux zuôr pâuz tâu zuk kror qơư yuôr qar pư lok tsik yuôr, tsik thav hu ciês trâu zuk lơưv”.

Tỉnh Lào Cai nhiv no muôx 35 qơư du lịch tâu côngz jênhv, hâur co muôx têx qơư nto bê cấp têz qơưk li Sa Pa, liêr ntêir Mù Cang Chải, pak đêx Thác Bà… Tas nro tỉnh muôx 2.100 ntâu qơư nhoz so đros xar muôx 20.600 qar, hâur co muôx ntâu tsêr kruô nhoz so jông thiêz 700 ntâu homestay phưx vưv trâu tsôngv kruô.

Khov sir jos hlôngr yiêz sôr thiêz chuôz cxaz têx tsưr ziv hêik kriê, 6 luz hli hâur shôngk shông 2025, Lào Cai tưz tok 7,3 triệu lênhx kruô, tas nro phênhv sâu tâu muôx 21.000 tiv đêiv ntâu. Chor qơư li Sa Pa, Bắc Hà, Nghĩa Lộ, Trạm Tấu, Mù Cang Chải tror zos têx qơưk paz trâu du lịch zos yênhx nganhx kinh têr chênhr ntơưv thax tsav qơư, đros tsưr ziv zos yênhx têx qơưk jông tuôx ndis shuôk, uô si tiv zix nhoz thax tsav faz Bắc, txos 2030, tok cov tâu muôx 15 triệu lênhx kruô, phênhv sâu tâu muôx 71 cxênhz tiv đêiv, paz muôx nhos 65 kror hâux lưv uô… No tưz tsik zos kror phiv liv, mak tsênhv zos kror paz trâu Lào Cai khav tênhv zuk, ndar txos uô tâu du lịch hur jông, txơưx njê thiêz truôx đrenhk nhoz thax tsav Tây Bắc thiêz tas nro têz qơưk./.

Thừa Xuân-Lik Thox cxêik nhênhv