Thâuv “qơư khov txos”zos bộ đội pênhz phax

Nhiv kruôr nto 11 shông hnuz nhôngs, bax muk cơưv lớp 6, Lý A Giờ tâu Zênhx pênhz phax Trịnh Tường jênhv uô mê nhuôv puôs chiê cxaz nzir cêr hluz trâu lênhx nhuôk uô njuôs txir, niêv ho muk uô hâux lưv đêz tsi lok tsêr. Giờ tul txir nzơưv zos Lý A Sắc pheiz kênh: “Cux lok six hluz taz sik mak chuôz zis txov nhêv cux uô tsi tâu tul tsi, cux xar paz mak paz tsi tâu, zos zênhx pênhz phax jênhv tsoz phưz, paz max mak jông cơưs”.

          Paz tul nhuôv Lý A Giờ tsuôk zos iz hâur yênhx puôk hâux lưv uô jông mak cán bộ, chiến sĩ Zênhx pênhz phax Trịnh Tường uô hâur ntu đhâu. Sâuv thax tsav tox siêz Trịnh Tường ar cxaz, yax six trâus ntux nas uô ruôr hiêv, muk tưs cux njiz têx lênhx nênhs zuôr trâus tâu paz txưv, đrâuv paz têx mê nhuôv njuôs nos, têx lênhx nênhs lâuk tsi muôx qơư khov vav...têx cán bộ, chiến sĩ tsênhv cxaz chuôz paz txar qơư nhoz trâu tsôngv box nhoz thax tsav riêz nênhs, muôx đêx cuôr yôngz, cxuôv tsêr lav uô, paz nôngz zuz tsoz chos, heik kriê tsưr ziv tsêz chos trâu pox nhuôk.

          Lơưr zơưv Vừ A Chả, Tsar jos Nà Lặc, qir thơưx cux tsi xar thor zênhx pênhz phax paz txưv, taz sik thâuv pov têx cán bộ, chiến sĩ lok six jông siêz paz mak tsôngv px thiêx li jông siêz đuô: “Pox nhuôk đros zênhx pênhz phax mak lok six siz jê. Muôx tul phêv liv zuk hu ciês lơưr txơưv tuôx paz, muôx têx jiês tsi hu cux tuôx paz. Viv li tsôngv box cux lok six njênhs njôngr, tso siêz thâuv muôx têx cán bộ, chiến sĩ pênhz phax”.

          Lơưr niêv lâuk Phàn Thị Mẩy, Bí thư Chi bộ jos Tân Giang, pox nhuôk nhoz tiv phaz phênhv ntâu zos nênhs Hmôngz, Cho, iz cxiê lênhx tsi pâuz luk choz tsiz, taz sik tas nro puôr lênhx muôx siêz xar por vêv ntus đriv. No cux zos iz hâux lưv uô cê paz zuk, cê hlôngr trâu luk uô tsâus ntâu txos cán bộ, chiến sĩ pênhz phax, xar njôngr têx cán bộ chiến sĩ thâuv tưs cux uô tiêr jông jênhv vưv: “Chi bộ yax mông trâu cán bộ, đảng viên hâur jos chiê pâuz tâu têx vênhv thix muôx yưv nhoz ntus đriv. Yênhx hli, pêz cux huiz tôngv đoanx hluôk nênhs thiêz têx ziv chuôz zis hâur jos sik côngv đros lưx lươngv zênhx paz phax qênhz yuôx, taz por tsi chiê muôx yưv qênhx shênhx muk đhâu ntus đriv thiêz nhiês zuôr muôs hax huv đhâu ntus đriv tsi trơưk chei”.

          Lơưr trung tá Phạm Quang Thảo, Chính trị viên phó Zênhx pênhz phax Trịnh Tường, chiê seiz car chêx cuk thax tsav 2 xã Cốc Mì thiêz Trịnh Tường huyện Bát Xát kuz, đros 16 cei cêr ntus đriv, zos tsi khov txos tsôngv box mak zuôr tsi uô tiêr jông jênhv vưv. Chênhr viv li, “3 sik côngv; 4 sik đros” thâuv tưs cux zos tsưr ziv yax six uô, côngv đros tas nro têx luôk hâux lưv uô tsênhv tsênhz mê tiv zix, nzor lis cux zuôr tâu tsôngv px sđ njênhs njôngr txos: “Thâuv pêz muk uô hâux lưv, paz tsôngv px mak lơưr ho pâuz txos pêz ntâu đuô. Khov co, tas nro têx hâux lưv muôx yưv hâur jos pox nhuôk puôr lênhx thôngz pov trâu bộ đội pênhz phax xuz thơưx. No zos iz hâur têx lok six jông pir đros thâuv ntêx”

          Têx cán bộ, chiến sĩ zênhx pênhz phax Trịnh Tường li têx hâux lưv uô tâu tsênhv tsênhz mak muôx ziz njiêz tưz paz cxuôv por tsês têx cêv kuôk hâur tsôngv px thiêz bộ đội, paz bộ đội thiêz tsôngv px sđ sik côngv uô jông cxuô luôk hâux lưv cxiv tsa iz thax tsav ntus đriv truôx tul  đuô, por vêv jông trâu têz qơưk./.

An Kiên –Txâur Vax cxeik nhênhv

Sơn La sir jos uô truôx hâux lưv phax tar têx nênhs fêv nziêk đas lênhx nênhs muôs

Đros công nghệ thôngz mông, mạng xar hôiv huôv tsar hênhr, sik thav uô fôngx zưs zôngx ziv đuô. Liv zôngv txos têx kror no thiêz pêx xênhv tsênhv pauz tsik tâu tsênhz, chor nênhs fêv tưz nziêk đas chiê uô têx huôx tôngv zuôr muôs lênhx nênhs.

Chor nênhs hmôngr jông tâu chơưv paz!

Hâur shôngk shông 2020, thôngz đhâu mạng xar hôiv, tuk muôv Dờ Xênhv Zax, mênhx cxưx Hmôngz, xênhz shông 2002, nhoz ntơưv xar Phiêng Pằn, huyện Mai Sơn kuz, tỉnh Sơn La trâus iz chor nênhs đas nziêk tiêk chox muk trâu saz Trung Quốc chiê uô jos; đhâu co niêv tix tưz trâus đas nziêk muôs trâu iz lênhx txir nênhx Trung Quốc đros gri xar muôx 43 triệu đêiv. Hmôngr jông, txos hli 7 shông co, niêv tix tâu Bôv đôiv Pênhz phax Sơn La sik côngv đros Cục phax tar Zax zênhz thiêz nênhs phamv cxâuv Bôv đôiv Pênhz phax, đros chor lưx lươngv muôx vax huôv chơưv paz tâu, chox tror lok tsêr đros chuôz zis.

1 shông uô ntêx, niêv tix Lường Thị D, mênhx cxưx Thái, nhoz xar Đông Sang, thị xar Mộc Châu kuz, nhiv no zos phường Mộc Châu, tỉnh Sơn La cux trâus đas nziêk muôs muk trâu saz Trung Quốc tiv njênhs trâu iz lênhx nênhs nhoz đros hâur xar têx luk hêik đas tiêk muk trâu saz Trung Quốc zuôr nriêr tâu hâux lưv uô siz, nhiêx hli siêz, luz nênhx thiêz phênhv sâu truôx tuk. Taz sik, đhâu thâuv muk trâu saz Trung Quốc, niêv tix tưz trâus muôx trâu iz lênhx txir nênhx chiê uô pox niêv. Hâur ntu no, niêv tix tsik so trâus ntâuk, zuôv uô têx hâux lưv hnhar. Oz pêz hli tov kaz, thâuv tsik muôx nênhs nhoz tsêr, niêv tix tưz khiêr gâuv, thor chor lưx lươngv muôx vax huôv paz thiêz hmôngr jông tâu chơưv paz chox tror lok tsêr.

Ntơưv têx tỉnh Tây Bắc li Lai Châu, Điện Biên… tiv tsôngv box cxuô mênhx cxưx li jênhv pâuz tsênhv kik, viv li chôngz lênhx nênhs tưz trâus chos nênhs fêv zuôr muôs lênhx nênhs nziêk đas. Jê no tiv zix, Vàng Thị Nguyệt, 16 shông, mênhx cxưx Cho, nhoz xar Tả Lèng, tỉnh Lai Châu đhâu iz ntu trâus nziêk đas muk Hà Nội txix iz lênhx nênhs pâuz đhâu sâuv mạng đros hêik tiêk “muôx hâux lưv uô siz, nhiêx hli siêz” tưz trâus lênhx nênhs co chox muk thành phố Hải Phòng, muk trâu Quảng Ninh, cơư tsês ntơưv iz qơư hu gâux lok zos karaoke, zuôv tiêv kruô thiêz bax zuôr trâus muôs muk trâu saz Trung Quốc. Hmôngr jông, txos hnuz 3/8 nhiv kruôr đhâu, thâuv xa tâu xor mông lok tsêr, chuôz zis tưz hêik trâu côngz an pâuz thiêz tưz tâu chơưv paz chox tror lok tsêr.

Jênhv pâuz chor nênhs fêv têx tsưr ziv đas nziêk zuôr muôs lênhx nênhs:

Đhâu chor txuz anr cik txos chor nênhs fêv đas nziêk zuôr muôs lênhx nênhs, lưx lươngv công an hêik pâuz iz cxiê tsưr ziv tâu chor nênhs fêv no tsik so kriz uô zos: Liv zôngv txos têx mạng xar hôiv li Zalo, Facebook, Viber… kriz chor trang hêik pâuz lok hâux lưv uô, sik thav uô fôngx zưs, gâux đrâus, sir zôngv têx xênhv bê, hnuz nhôngs chuôr chiê sik thav uô fôngx zưs, hêik kriê muôx “hâux lưv uô siz, nhiêx hli siêz”, đhâu co chox muk trâu têx đrôngs nhoz qơư kik muôs trâu chor qơư hu gâux, lok sik muôs tơưv saz đrâuv têz qơưk chiê zuôv muôs pax muôs chêr, zuôv uô lox tôngv hnhar.

Lơưr hâu nov Công an tỉnh Sơn La, chor nênhs trâus nziêk đas muôs phênhv ntâu zos nhoz ntơưv têx jêx jok, tiv zix zos thax tsav nhoz đêz, tox siêz, thax tsav tsôngv box mênhx cxưx tsơưs nênhs, phênhv ntâu zos chor nênhs muôx luz nênhx txov nhêv, tsik muôx hâux lưv uô, njiz cêr pôngz siêz hâur luz nênhx, tsik pâuz ntâu txos xar hôiv thiêz tsik muôx txux chi uô nênhx, jênhv pâuz tsênhz kik, siêz muôs lok sik iz cxiê lênhx nxêik hluôk tsik xar khưr, xar uô si, zôngx ziv njênhs trơưk chor nênhs fêv têx luk nziêk đas tiêk muôx hâux lưv uô si, nhiêx hli siêz lok sik zuôr txir nênhs saz đrâuv têz qơưk muôx nhiêx, bluô nux.

Sơn La sir jos phax tar chor nênhs fêv zuôr muôs lênhx nênhs

Tỉnh Sơn La nhiv no muôx 13 xar thiêz xar muôx 300 jêx jok nhoz ntus đriv. Đrâuv chor trôngx đriv, trạm qênhz yuôx pênhz phax mak tsênhv yuôr ntâu txox cêr lus zâu muk lok đhâu trâu oz saz ntus đriv. No chênhr zos têx qơư trâu chor nênhs fêv liv zôngv chiê uô têx tsưr ziv phamv cxâuv, nziêk đas zuôr muôs lênhx nênhs.

Pos Tráng Thị Xuân, Phưv Chủ tịch Ủy ban tỉnh Sơn La puz pâuz, đros qênhx shênhx zuôr muôs lênhx nênhs ziv hnuz ziv phiv liv, Ủy ban tỉnh Sơn La tưz chox kriê chor sở, ban, nganhx thiêz chor lưx lươngv vũ trang nriêr pâuz tsênhz qênhx shênhx thax tsav qơư, lênhx nênhs, tsik so qênhz yuôx, ntâuk gri, đhâu co xav jênhv tâu têx thax tsav zov chênhr chiê muôx tsưr ziv phax tar, pov, tsav txênhz tir tar cov tâu sêi. Chuôz cxaz uô côngz xưv qênhz yuôx ntus đriv, hêik pâuz têx xor mông, sik côngv qênhz yuôx, zok cxov chor nênhs uô cxâuv, chơưv paz chor nênhs trâus đas nziêk. Tsik so sik côngv đros chor tsưr tsix hâur têz qơưk thiêz saz đrâuv têz qơưk, chor tsưr tsix phi chinhr phuv yax kriê, piêr pâuz chêi têz qơưk, tiv zix zos têx hiệp định, tsaz yênhx sik côngv ntiêx têz cik txos phax tar zuôr muôs lênhx nênhs, cxaz chuôz têx hâux lưv mít tinh, yax kriê ndax “Hnuz tas nro pêx xênhv phax tar zuôr muôs lênhx nênhs”…

Pos Tráng Thị Xuân cux puz pâuz, đros njuôk xav qênhx shênhx phamv cxâuv zuôr muôs lênhx nênhs hâur ntu zuôr txos txơưr txar phiv liv ntâu, yênhx lênhx nênhs, tiv zix zos pox niêv, nhuôv nxêik nhoz tox siêz, nhoz đêz, ntus đriv tsuv sir jos nriêr pâuz, phax tar, tsik njênhs thiêz nriêr pâuz jông txos chor nênhs fêv têx tsưr ziv nziêk đas, tiv zix zos đas tiêk muôx hâux lưv uô siz, nhiêx hli siêz cov thiêx tsik trâus chor nênhs fêv zuôr muôs lênhx nênhs co đas nziêk.

Zos hmôngr ho tsik jông trâus chor nênhs fêv zuôr muôs lênhx nênhs đas nziêk, sơưr đơưk tsuv truôx siêz, nhiês hêik trâu chor nênhs txơưr pâuz tsik khênhr chor nênhs fêv co pâuz, chiê nriêr tsưr ziv hêk trâu chuôz zis lok sik cơ quan têz qơưk nhoz jê tiv zix pâuz lok zuk qơư nhoz, xênhv bê chiê tâu hêik kriê thiêz tâu chơưv paz cov ngaz tuk tror lok đros zuk chuôz zis./.

Bích Thủy BS-Lik Thox cxêik nhênhv