Sơn La: Tox siêz hlôngr yiêz đhâu 10 uô trơưk tsưr ziv chos tsoz chos nox txir sâuv têz nxaz

Hâur six cxiv 2015-2020, Sơn La tsênhv njiz trâus ntâu phiv liv, kinh tế huôv tsar tsi truôx, tsênhv tsi tâu muôx cxix cxuô tsar zav, chuôz zis pluôs ntâu, têx liêx têz phênhv ntâu nxaz tox, tsoz chos niêx shông zos blêx, poz cưk, kok ntông, sâu tsi tâu nju; iz chuôs zis, iz lênhs lav uô iz kro mê njik, tsi huôv tsar uô ntâu; iz chas co cux tsi yuô muôx pênhr uô nox, têx kôngz uô tâu cux tsi yuô nênhs zuôr.....

Tỉnh Sơn La tưz bax nhênhz chơưv, nzaz nzơưv Đảng, têz qơưk têx tsưr ziv, tsênhv chei paz; txix ntơư  tso tơưv ntâu tsưr ziv, chei paz huôv tsar uô kôngz, cxiv tsa qơư nhoz, zênhx max đơưk têx phiv liv. Hâur co lar heik zos Suô luk sôr 121 hnuz 30/11/2015 lok iz cxiê tsưr ziv chos tsoz chos nox txir sâuv ar têz nxaz txos shông 2020; đros thiêz hâux lưv sir jos muôz chor liêx têz nxaz uô blêx, chos poz cưk, kok ntông hlôngr chos tsoz chos nox txir; iz chas ntơư, xav tinhv co zos tas nro cxix luôs chính trị txix tỉnh txos ntơưv qơư hâux lưv zov chênhr. Zơưv Hoàng Văn Chất, kuz Bí thư Tỉnh ủy Sơn La heik: “Hâur 10 shông thâuv ntêx, Tỉnh ủy tưz xeir tsưr ziv huôv tsar uô kôngz trơưk công nghệ siêz thiêz chos tsoz chos nox txir sâuv ar têz nxaz zos huv đros tsênhv tsênhz hâur thax tsav tỉnh.... Xuz thơưx tỉnh tưz uô tâu yênhx côngz, taz sik vênhv tôngv cxuô chuôz zis sir jos huôv tsar uô kôngz txix nhiêk uô trâu nhiêk nox yênhx uô ntâu muôs zos lok six zov chênhr; muôs tâu ntâu têx txir ntông hâur ciêz đrôngs, reik đros jux juk cxuz cêr yeiz pluôs, cxiv tsa luz nênhx truôx tuk, huôv tsar uô bluô nux sâuv chênhr thax tsav qơư mak ntâu lênhx hâu nov tưz tas ntâu côngz đas jos, tsưr ziv cxiv tsa”.

Txos nhiv no, Sơn La zos tỉnh muôx liêx têz chos ntâu tsoz chos nox txir đuô hur si hâur faz Bắc, xav tas nro chor têz ntông nox txir thiêz txir tuôz ziz zos 85 cxênhz ntâu ha, shông 2025 njuôk xav sâu đê tâu 510 cxênhz tênhr, kror đruôz đraz iz ha zuôr tâu txix 150-300 tsov đeiv iz shông; iz cxiê thax tsav, qơư huôv tsar chos tâu ntâu, tu jông muôx têx tax 400-500 tsov đeiv iz ha, pir li shông 2016 tưz tâu gri đuô lok six ntâu.

Thax tsav muôx 200 ntâu zav txir shôngz txir ntông đros thiêz xav hur si liêx têz chos muôx 4.500 ha; 335 doanh nghiệp, HTX chos 9 cxênhz ntâu ha tsoz chos nox txir; yênhx cxênhz ha têz tsoz chos li heik sâuv đhok uô tâu qơư zưs đêx, tâu côngk nhav uô tâu trơưk cui tinhv; 14 xiv huv tâu Cục sở hữu trí tuệ muôz ntơưr côngk nhav por hưv; 8 thax tsav uô lơưr tsưr ziv yiêz trâu tsoz chos; zuôr xar 60 xiv huv txir ntông tâu côngk nhav OCOP..... Jux juk cxiv tsa, muôx suôz bê hâur ciêz đrôngs têz qơưk thiêz sâuv ntiêx têz, txix shông 2017-2025, Sơn La tưz muôs 158 cxênhz ntâu tênhr txir ntông trâu ciêz đrôngs 15 luz têz qơưk, hâur co muôx ntâu ciêz đrôngs lox li: Nhật, Úc, Pháp, Anh thiêz iz cxiê têz qơưk Liên minh châu Âu txơưr đuô. Zơưv Nguyễn Xuân Cường, Kuz ủy viên BCH T.Ư Đảng, kuz Bộ trưởng Bộ Kôngz nuv thiêz huôv tsar tox siêz ntâuk grê: “Xuz thơưx tsuv côngk nhav tỉnh Sơn La uô tâu jông, đhâu 10 shông tưz hlôngr yiêz ntâu, txix têx côngz trênhx, cêr huôv tsar uô nox, tsôngv pêx xênhv luz nênhx xênhz huôx. Thâuv ntêx, tsi yuô muôx lênhx nênhs pâuz txos Sơn La, nhiv no heik txos kôngz nuv công nghệ siêz zos heik txos Sơn La. Sơn La têx luôs hâux lưv uô tâu tsênhv nthuôr đêz đar txos trâu 2 chas thax tsav cơưv shâuv, uô trơưk”.

Zơưv Hoàng Quốc Khánh, Bí thư Tỉnh ủy Sơn La heik pâuz, ntơưv qơư zuôr fuô uô ntâu tsưr ziv chiê tror huôv tsar tsoz chos nox txir truôx tuk, gra siêz suôz bê, gri muôs hâur ntu zuôr txos. Hâur co, cxơưz cxiz huôv tsar tsoz chos nox txir truôx tuk, hur jông; tror cxiv tsa thiêz huôv tsar têx thax tsav chos ntâu; tror muôx nhiêx txiêx paz phưx vưv huôv tsar uô nox, por hưv, tsiv uô têx xiv huv...... “Tỉnh zuôr tror nhênhz chơưv, tso tơưv iz cxiê tsênhv chei cxơưz cxiz huôv tsar uô nox, zuôr muôs têx txir ntông hâur thax tsav tỉnh; huôv tsar công nghiệp tsiv uô xiv huv, tsov cưv paz max tỉnh chor txir ntông hur jông muôs trâu 2 chas thax tsav, têz qơưk đrâuv; gra siêz chor tuz luôv, têx qơư sik hux jos hâux lưv uô, cxơưz cxiz zuôr muôs xiv huv truôx tuk đhâu ntâu qơư, ntâu thax tsav”./.

Lê Hạnh-Riê Lâux cxeik, nhênhv

Tsênhv chêi tsik thêv nhiêx cơưv: Tsôngv box tox siêz Điện Biên cêr shir phaz

Niêv lâuk Quảng Thị Thủy chuôz zis nhoz jos Đông Mệt, xã Pá Khoang, TP Điện Biên Phủ muôx 2 tul mê nhuok iz lênhx cơưv lớp 7 thiêz iz lênhx cơưv 11. Zos chuôz zis nôngx cxênhz, phênhv sâu phênhv ntâu zos uô liêx têz thiêz tu zus, taz sik ar uô kôngz muôx tsi ntâu thiêz tsuôk khov txos chiv cheix, viv li phênhv sâu tsi truôx tul. Iz shông, niêv lâuk cxơưx zuôr ntâuz ntơưr, trik yo thiêz nhiêx xênhz huôx trâu tuz nhuôk cux njiz lok six ntâu phêv liv. Thâuv tâu pâuz zuôr tsi tsuv khiêz nhiêx cơưv txix shông cơưv yiêz no, niêv lâuk Thủy lok six shir phaz: “Shux xênhz tsi zuôr khiêz nhiêx cơưv ntơưr mak cur lok six jông siêz. Chor nhiêx co cur zuôr zôngv tâu chiê zuôr cxaz chuôz zênhx, trik yo, ntâuz ntơưr trâu mê nhuôk”

          Cux xưk li niêv lâuk Thủy, niêv lâuk Trần Thị Thanh nhoz phường Thanh Bình, TP Điện Biên Phủ muôx 3 tul mê nhuôk tsênhv cơưv cxênhx nhuôk zâu txos cxênhx 1 cux jông siêz đros chính sách no: “Cur chuôz zis muôx 3 tul mê nhuôk, thâuv pâuz muôx chính sách txu grês thiêz tsi zuôr khiêz nhiêx cơưv trâu mê nhuôk txix cxênhx nhuôk zâu txos trung học phổ thôngz, cur lok six jông siêz. Têx phênhv nhiêx khiêz cơưv tâu txu grês thiêz tsi zuôr khiêz cur zuôr zôngv chiê đăng cir cxaz trâu mê nhuôk cơưv têx lớp năng khiếu hâur ntu so ntux sor...”

          Tsi taz shux xênhz xưz mak chor cưk kriê ntơưr, cán bộ seiz car zaoz zux cux lok six jông siêz đros chủ trương no. Hâux lưv tsi zuôr khiêz nhiêx cơưv ntơưr gôngr phênhv tuôr truôx chor shux xênhz muk cơưv ntơưr, txu grês qênhx shênhx shux xênhz tso ntơưr tsês, thôngx cxix paz jông chiê muôz siêz tsơưr lươngv zaoz zux tas nro. Cưk kriê Nguyễn Thành Trung, Hiệu trưởng Tsêr cơưv cxênhx 2 Võ Nguyên Giáp, xã Mường Phăng, TP Điện Biên Phủ pheiz kênh: tỉnh Điện Biên muôx shux xênhz mênhx cxưx chôngz. Viv li, no zos chủ trương huv đros, paz chiê shux xênhz tox siêz tso siêz muk cơưv ntơưr. Đros xã Mường Phăng, chính sách no zuôr paz tas nro shux xênhz, paz txu grês têx phêv liv lok kinh têr trâu chuôz zis, chiê shux xênhz sir jos đuô hâur luz nênhx: “Têz qơưk li Chủ trương zos shông cơưv 2025-2026 tsi zuôr khiêz nhiêx cơưv trâu shux xênhz txix cxênhx mê nhuôk zâu txos cxênhx 3. No zos iz hâux lưv jông paz trâu shux xênhz, tiv zix zos shux xênhz nhoz thax tsav txov nhêv. Nhiv no tsêr cơưv muôx 878 lênhx shux xênhz, shux xênhz mênhx cxưx tsav txos 90% ntâu. Hâux lưv tsi zuôr khiêz nhiêx cơưv zuôr paz chox lok têx liv zix trâu shux xênhz. Chor nhiêx co hâur shông cơưv têx shux xênhz tsês zuôr ntâuz ntơưr, trik yo, chuôz zênhx cơưv ntơưr. Đros têx shux xênhz nhoz bán trú mak chor nhiêx co zos iz phênhv paz shux xênhz muôx nhiêx nox, tso siêz muk cơưv ntơưr”.

Tỉnh Điện Biên nhiv no muôx 200 cxênhz ntâu lênhx shux xênhz txix cxênhx nhuôk zâu txos cxênhx 3. Têx shôngk đhâu, têx chính sách paz shux xênhz zos ziv chuôz zis pluôk, chuôz zis zuôr xar pluôk, tiv zix zos nhoz têx thax tsav txov nhêv, ntus đriv, li paz cơưv bán trú thiêz nhiêx khiêz cơưv tưz tâu krêz uô muôx chêx cuk. Taz sik, chính sách tsi zuôr khiêz nhiêx cơưv jiês no tâu ntâuk grê siêz đuô tas nro thiêz côngz fênhx, paz cxuô lênhx shux xênhz puôr lênhx tâu muk cơưv ntơưr./.

Vũ Lợi-Txâur Vax cxeik nhênhv