Qơư tsav tros Vần hlôngr yiêz li chas đhâu 80 shông tir ntâuk zênhx tros châuz

Zơưv Trần Đình Khánh vax tsêr thâuv ntêx zos iz hâur 4 qơư di tích nhoz hâur qơư di tích lịch sử tsav tros Vần, shông 1995 tưz tâu côngk nhav zos Di tích lịch sử cấp têz qơưk. Zơưv Khánh iz txưv zos hâu nov thâuv ntu tir ntâuk tros châuz Pháp, zos lênhx nênhs uô thơưx iz thax tsav têx xã: Việt Cường, Vân Hội, Lương Thịnh, Hưng Khánh thiêz Hồng Ca nhoz huyện Trấn Yên nhiv no.

Zơưv Trần Đình Khánh zos iz lênhx nênhs nhiêv têz qơưk, hluz txos pêx xênhv, pâuz tsênhz lok têz qơưk, tsôngv pêx xênhv têx cêr trâul tsiv txov, zơưv tưz vênhv tôngv tsôngv niêv txir lax pêx xênhv hâur thax tsav sik thôngx siêz tir ntâuk tros châuz, tsưx phưv qơư nhoz, paz kôngz krâur, zav nox, nhiêx txiêx, chuôz zênhx triêv fov trâu paz tuz lênhv Âu Cơ tir ntâuk tsav.

Zơưv chuôz zis thâuv co yênhx qơư lênhk txeik sơưr đơưk têx zav nox, chuôz zênhx, nhiêx txiêx muôz tuôx paz, zos qơư chor tuz lênhv Âu Cơ tir ntâuk tsav tsưr tsix ntâu jiês cơưv thiêz zos chor tuz lênhv tir ntâuk tros châuz thâuv ntêx qơư uô hâux lưv chênhr.

Hnuz xiêz 07/5/1945, Ủy an Hành chính tir ntâuk tros châuz tỉnh Yên Bái tâu yênhx lix. Zơưv Khánh luz tsêr nhoz yênhx Ủy ban cxiv tsav tros tỉnh Yên Bái thâuv ntêx qơư uô hâux lưv xuz thơưx. Đros thiêz têx côngz đas jos lox paz tir ntâuk tros châuz, shông 1946 zơưv tâu bâux xeir uô Chủ tịch Ủy ban tir ntâuk tros châuz tỉnh Yên Bái thiêz zos lênhx Đại biểu Côx hôiv khóa xuz thơưx hâur têz qơưk Việt Nam Dân chủ cộng hòa. Nhiv no zos Trần Đình Khánh li vax tsêr thiêz têx qơư di tsich lịch sử txơưr đuô li: Gốc vải Đình Trung, Kror tsuô puôr.....tưz yênhx qơư jông choz kriê cxênhx hluôk nhiv no pâuz lok chor lâul thâuv ntêx cêr tir ntâuk tros châuz, uô nênhx nhiêv têz nhiêv qơư.

Cưk kriê Khổng Thị Thu Nga, uô hâux lưv kriê txux chi hâur tsêr cơưv cxênhx iz thiêz cxênhx 2 Việt Hồng heik pâuz, uô lơưr tsêr cơưv tsưr ziv, hâux lưv tso tơưv, niêx shông, cưk kriê Nga cux khênhr chiê shux xênhz muk ndis seiz têx qơư di tích lịch sử hâur xã, chiê têx nhuôs muk hlơưr shaz ndo txiêx njis chor nênhs côngz trâu têz qơưk, piêr kriê têx chuôz zênhx thâuv ntêx zôngv tir ntâuk tros châuz, cxiv kho têz qơưk têx muôx liv.... “Thôngz đhâu luôs hâux lưv uô tsênhv tsênhz co, paz chor nhuôs pâuz tsênhz đuô lok têx lâul thâuv ntêx cêr uô nênhx xênhz huôx, cux li côngz đas jos, tsưr ziv tsưx phưv, cxiv kho têz qơưk. Zos tsi uô têx li heik co, têx cêr lịch sử jông ntơưv qơư iz hnuz zuôr trâul pôngz plox jux juk, tsi yuô muôx nênhs pâuz txos, tsi pâuz zơưv Trần Đình Khánh zos lênhx tưs, tsi pâuz shor uô chas ho cxiv kho, por hưv tsês luz tsêr tsar lơưx co tax txos nhiv no? Thiêz cux tsi pâuz hâur luz tsêr ntơư muôx têx zav chuôz zênhx thâuv ntêx, tâu zôngv thâuv ntu co xưz”.

Por hưv, tuôr tsês jông têx li heik sâuv, tsôngv pêx xênhv xã Việt Hồng, huyện Trấn Yên iz cxênhx đhâu iz cxênhx, iz fâuv đhâu iz fâuv tưz sir jos sik tưr uô nox uô hnar, muôx luz nênhx tsâu sor, siz chos cxiv tsa qơư nhoz ziv hnuz ziv huôv tsar, vav mênhx.

Nhiv no, hâur xã tưz muôx ntâu trâur nuv huôv tsar uô nox tâu trơưk têk li: Huôv tsar tu zus njêl tầm, zus keiz ok, nhux tưv, chos njuôs shôngz bát độ, ju lix côngv thôngx...., ntâu qơư huôv tsar uô nox li heik sâuv muôx phênhv sâu tâu txix 500-600 tsov đeiv iz shông. Zơưv Nguyễn Viết Bảo, Bí thư Chi bộ jok Chao, thiêz cux zos Giám đốc HTX kôngz nuv Việt Hồng heik pâuz: “Tsôngv box nhoz thax tsav no njiz trâul lok six ntâu phiv liv, viv têx kôngz uô tâu cux muôs tsi yuô pôngz, qir txix têx li heik co, pêz quyết tinhv yênhx lix HTX kôngz nuv chiê côngz xiv huv kôngz nuv txos trâu pêx xênhv gri huv đros. Tiv 2, sâu zuôr hur si pêx xênhv têx kôngz, txar jav têx kôngz uô tâu tsi muôx qơư muôs truôx tuk, uô tsi jông txos pêx xênhv hâur jok, hâur xã cêr huôv tsar uô nox”.

Zơưv Nguyễn Văn Thịnh, seiz car qơư y tế xã Việt Hồng heik pâuz, hâur qơư uô hâux lưv muôx 5 lênhx canr bôv, niêx shông thâuv tưs tưz uô tâu jông luôs hâux lưv seiz njuôk shuôs đas jos, kho moz, phax tir thêir têx moz gênhk trâu pêx xênhv hâur xã. Nhiv no qơư y tế xã tưz tâu côngk nhav uô tâu hâux lưv jông cấp têz qơưk: “Hâur shông zuôr txos, qơư y tế tror cê sir jos uô jông têx luôs hâux lưv zok muôz, cê gra siêz tsơưr lươngv seiz njuôk shuôs moz; tsi so cơưv shâuv cxaz nzir têx txux chi tsưr ziv yuôr trâul chiê uô tâu jông đuô hâux lưv seiz njuôk shuôs moz trâu pêx xênhv. Qơư y tế cux zuôr tsi so cxiv tsa tsưr ziv yax kriê chiê pêx xênhv pâuz tsênhz lok têx moz gênhk huôv xênhz hâur shông chiê phax tir thêir”.

Txos nhiv no, xã tsuôk yuôr zuôr xar 3% chuôz zis zos chuôz zis pluôs; têx chuôz zis zuôr xar pluôs cux tsuôk yuôr xar muôx 4%; xav kror đruôz đraz iz lênhx nênhs muôx phênhv sâu tâu tax 53 tsov đeiv iz shông. Xã tưz uô tiêr 12 hâur 19 hâux lưv tso tơưv lok cxiv tsa xã jông jav, huôv tsar. Zơưv Triệu Khánh Thiện, Chủ tịch Ủy ban xã Việt Hồng, huyện Trấn Yên, Yên Bái heik pâuz: “Hâur ntu zuôr txos, xã zuôr tso tơưv Nghị quyết chuyên đề huôv tsar ju lix reik đros por hưv, tuôr tsês heir nênhs Tày têx txux chi vênhx huôv jông cxôngx nzor, đros trâu di tích lịch sử qơư tsav tros Vần hâur thax tsav. Đros thiêz têx muôx jông ntơưv qơư, hâur thax tsav cux zuôr xeir iz cxiê trâur nuv huôv tsar uô nox huv đros chiê huôv tsar uô tâu trơưk ciêz đrôngs tsưr ziv, siêz xar. Đros trâu ju lix, kôngz-jôngr nuv, pêz zuôr moz siêz txos huôv tsar uô têx jông chiê muôz hâux lưv uô ntơưv qơư trâu nênhs lox tôngv....”.

Việt Hồng-Chor tuz lênhv tir ntâuk tros châuz thâuv ntêx qơư nhoz uô hâux lưv nhiv no tưz hlôngr yiêz ntâu. Tsôngv pêx xênhv thâuv tưs cux uô nênhx sik thôngx siêz, sir jos đros cấp ủy, hâu nov ntơưv qơư cxiv tsa têz qơưk ziv hnuz ziv tsâu sor, vav mênhx, chiê yênhx xã uô tâu jông luôs hâux lưv cxiv tsa jêx jok yiêz truôx jông hâur tỉnh Yên Bái./.

 Thừa Xuân-Riê Lâux cxeik, nhênhv