Sir jos phax tir thêir, txo grêk tsơưs têx lênhx nênhs zuôr muôs, uô luôv zax zênhz nhoz tỉnh ntus đriv Điện Biên

30 ntâu shông uô hâux lưv nhoz đreiv thax tsav ntus đriv txov nhêv Mường Nhé, tỉnh Điện Biên, Thiếu tá Nguyễn Đức Diện, cưk yuôx bôv đôiv Zênhx Pênhz phax Leng Su Sìn, Bôv đôiv Pênhz phax tỉnh Điện Biên tưz paz max ntâu lênhx nênhs hlôngr yiêz tsưr ziv siêz xar, luz nênhx đhâu têx ntu njiz trâus phiv liv, cêr txov, chuôz zis trâus puôk tsi jông tas viv zax zênhz. Thiếu tá Diện heik pâuz: Zênhx Pênhz phax Leng Su Sìn seiz car thax tsav 2 xã Chung Chải thiêz Leng Su Sìn, muôx 10 cxênhz ntâu lênhx nênhs, ntâu heir nênhs uô nênhx nhoz uô cê thiêz iz heir nênhs nhiêk muôx niêk têx cêr nênhx phôngz cxưx txơưr tsi siz thôngx. Thâuv ntêx, fuô uô luôs hâux lưv tsoz phưz y tế, lar heik zos paz pêx xênhv chiv zênhk zax zênhz njiz trâus ntâu phiv liv viv cor cav sir zôngv tâu ntêr niêx ntâu shông. Têx tổ côngz xưv tưz tsuv cơưv jêx jok ntâu jiês, chiê kriê thiêz heik pêx xênhv tso zax zênhz tsês, muôx têx tưz trâus zuôv chiv zênhk zax zênhz hur si. Thâuv qênhz pov chuôz zis tưs nhiês uô zênhz pêv têx liêx têz mak zênhx max hu sơưr đơưk muk muôz ro por tsês: “Iz jiês chiv zênhk zax zênhz, pêz tsưr tsix tso muôx 50 lênhx nênhs thiêz chor nênhs no tsuv tuôx ntơưv Zênhx Pênhz phax lok sik qơư y tế xã, lok sik Ủy ban xã, tsuv muôx iz cxiê lênhx nênhs uô hâux lưv phưx vưv, seiz kaz, seiz jor thiêz por hưv tsav lơưr khiêr”.

Zơưv Sừng Pó Tư, kuz tsar jok A Pa Chải, xã Sín Thầu, huyện Mường Nhé-lênhx tưz muôx jiês tâu Thiếu tá Nguyễn Đức Diện paz chiv zênhk zax zênhz yênhx côngz lok shông 1999 heik, đhâu chiv tâu zênhk zax zênhz, zơưv luz nênhx tưz jux juk hlôngr yiêz, viv muôx đas jos khưr uô liêx têz, huôv tsar kinh tế. Đhâu têx phiv liv, cêr txov tưz njiz trâus ntơư, zơưv Tư tưz yênhx lênhx txir ndâux txir luk, đros chor canr bôv, chiến sĩ tuz lênhv pênhz phax vênhv tôngv pêx xênhv hâur jok chiv zênhk zax zênhz, tsi đros luôs cor, luôs lưv tus hâuk zênhz: “Canr bôv heik cur tiêk, tsuv chiv zênhk zax zênhz, 2, 3 shông đhâu chiv tâu yênhx côngz, chor hâu nov, têx hloz tưz xeir cur uô tsar jok thiêz cur cux heik trâu pêx xênhv sơưr đơưk pâuz lok zax zênhz têx tsi jông, uô ruôr hiêv txos đas jos. Tov kaz pêx xênhv chiv zênhk zax zênhz tas, sơưr đơưk luz nênhx iz hnuz tưz vav mênhx jux juk”.

Ntâu shông uô ntêx, Chung Chải thiêz Leng Su Sìn zos thax tsav lok six txov nhêv hâur huyện Mường Nhé, tỉnh Điện Biên thâuv cxuô jêx jok, cxuô ziv chuôz zis muôx ntâu tus chôngz lênhx trâus muôx zênhk zax zênhz. Zơưv Sừng Sừng Khai, kuz Bí thư Đảng ủy xã Leng Su Sìn heik pâuz: “Ntu thâuv ntêx, tas nro xã đhâu thâuv qênhz shuôs, thôngz sâu mak muôx  txos 317 lênhx trâus muôx zênhk zax zênhz. Chor cưk yuôx hâur Zênhx pênhz phax cux lok six moz siêz txos pêx xênhv, paz sơưr đơưk lok six ntâu. Tas cik, tsâuk ntux thâuv tưs txos six hơưv chor tuz lênhv cưk yuôx tuôx qênhz njuôk shuôs đas jos trâu iz tus jux juk, seiz chiv tâu li chas, đas jos pok nhoz khênhr đuô..., muôx li chas lơưr puôr lênhx pâuz hur si”.

Fuô uô luôs hâux lưv phax tir thêir têx lênhx nênhs zuôr muôs thiêz sir zôngv zax zênhz tsi trơưk chei, txix hâur shôngk shông txos nhiv no, chor lưv lươngv muôx vax huôv tỉnh Điện Biên tưz qênhz pov, ruôr por tsês zuôr xar 500 txuz, ntêk cxov 600 ntâu lênhx nênhs zuôr muôs, sir zôngv zax zênhz tsi trơưk chei; sâu tsês zuôr xar 16 cir zênhz đơưz; xar muôx 23 cir zax zênhz cxuô zav đros ntâu chuôz zênhx txơưr đuô cik txos. Thượng tá Đào Ngọc Minh, Tsar phongx phax tar têx lênhx nênhs zuôr muôs, uô luôv zax zênhz tsi trơưk chei, Công an tỉnh Điện Biên heik pâuz: “Têx lênhx canr bôv, chiến sĩ tsuv tsi so lês uô têx hâux lưv riêz nênhs, phax tir thêir chor nênhs fêv, nênhs uô cxâuv chei têz qơưk, muôx têx lơưr gra đros têx chuôz zênhx riêz nênhs, triêv fov tir chor lưv lươngv muôx vax huôv hur si thâuv trâus ntêk cxov. Taz sik, đros thiêz canr bôv lês uô luôs hâux lưv co thâuv tưs tưz truôx siêz, sir jos uô jông hâux lưv zok muôz chiê phax tir thêir têx lênhx nênhs zuôr muôs, uô luôv zax zênhz tsi trơưk chei”.

Txơưv yuôr ntâu phiv liv, njiz trâus tsi tsơưs têx riêz nênhs, taz sik viv jêx jok, têz qơưk truôx tuk, viv pêx xênhv luz nênhx, chor canr bôv, chiến sĩ lưv lươngv vũ trang thiêz pêx xênhv Điện Biên cux tsênhv taz tov sir jos phax tir thêir, txo grêk tsơưs lênhx nênhs zuôr muôs, uô luôv zax zênhz tsi trơưk chei, cxơưz cxiz Điện Biên ziv hnuz ziv huôv tsar truôx jông./.

Vũ Lợi-Riê Lâux cxeik, nhênhv