Uô jông cxuô luôs hâux lưv zok muôz chiê cxơưz pêx xênhv Lào Cai luz nênhx tsâu sor, hlôngr yiêz

Ntơưv Đại hội đại biểu Đảng bộ tỉnh jiês tiv 19, six cxiv 2020-2025, jiês xuz thơưx tỉnh Yên Bái muôz têx uô trâu pêx xênhv jông siêz, shir phaz tso hâur tsênhv njiêz đại hội. No zos hâux lưv uô yiêz, tsi tâu muôx thax tsav tưs hâur tas nro têz qơưk fuô uô hlo. Thâuv co, pêx xênhv jông siêz, thôngx ziv, trơưk hâu nov tỉnh, tâu cxiv tsa khov lok 3 tsưr ziv chênhr: Pêx xênhv txâuk siêz lok luz nênhx nox nhoz, huv siêz lok hnuz nhôngs thiêz huv đros pêx xênhv luz nênhx tsênhv tsênhz. Pos Vũ Thị Hiền Hạnh, Phưv Chủ tịch Ủy ban tỉnh Yên Bái, nhiv no zos tỉnh Lào Cai heik pâuz: “Tỉnh têx hâux lưv uô jông phưx vưv tsôngv pêx xênhv heik sâuv tưz yênhx đas jos, qơư khov lok six zov chênhr, heik lok cxix luôs chính trị txix tỉnh txos ntơưv qơư têx sir jos viv pêx xênhv luz nênhx”.

Đại hội Đảng bộ tỉnh lào Cai jiês tiv I, six cxiv 2025-2030 (đhau muôz 2 tỉnh Yên Bái thiêz Lào Cai lok uô cê) tror heik mênhx: Zuôr lênhx nênhs uô qơư chênhr, zos đas jos, zos hâux lưv huôv tsar; sir jos uô jông cxuô luôs hâux lưv li: Y tế, zoz zux, tsêr nhoz, đêx hur, thôngz xor mông, hâux lưv....phưx vưv pêx xênhv chiê sơưr đơưk muôx luz nênhx tsâu sor, truôx tuk, vav mênhx.

Uô lơưr Nghị quyết Đại hội, hâur cxuô luôs hâux lưv, tỉnh Lào Cai puôr lênhx cxiv tsa têx trâur nuv jông li: Tsêr cơưv truôx tuk, jêx jok hur jông.... Lar heik, tsêr cơưv truôx tuk tưz tâu nthuôr đêz đar hâur tas nro ngênhx, uô hlôngr yiêz tsưr ziv xar, têx hâux lưv. Lar heik zos luôs hâux lưv muôz qơư kriê txux chi truôx tuk, sưv jông; cưk kriê ntơưr thiêz shux xênhz, tsêr cơưv thiêz shux xênhz niêv txir muôx cêr thôngx siêz jông đuô. Thâuv tâu seiz hloz, moz siêz txos, shux xênhz zuôr tso siêz, sir jos đuô hâur cêr cơưv txux, đros uô têx hâux lưv uz no, txix ntơư, nthuôr đar tâu tsưr ziv, pênhr xưv, shâuv uô hâux lưv jông muôx liv trâu zuk, trâu chuôz zis thiêz xã hội. Cưk kriê ntơưr Lương Thị Hạnh, uô hâux lưv hâur tsêr cơưv cxênhx iz thiêz cxênhx 2 Suối Giàng, xã Văn Chấn, tỉnh Lào Cai heik pâuz: Chênhr chor cưk kriê ntơưr cux shir phaz thâuv pov zuk têx shux xênhz jông siêz: “Pêz tsưr tsix têx hâux lưv muk ndis seiz têx muôx jông chiê chor shux xênhz tâu đros cxaz chuôz, tâu seiz njiê pov, pâuz tâu cêr cơưv txux zos iz kro jông, muôx liv thiêz tsêr cơưv zos iz qơư truôx tuk trâu cur cux li têx fôngx zưs, chor nênhs đros uô hâux lưv uô cê thiêz cur têx shux xênhz”.

Heik lok tsêr kho moz Đa khoa sôr 01 tỉnh Lào Cai thâuv uô lơưr trâur nuv “Tsêr kho moz uô hâux lưv viv nênhs moz”, niêv lâul Hoàng thị Nhạn, nhoz xã Lục Yên, muôx tus txir chơưv kho moz gênhk ntơưv tsêr kho moz heik: “Chor bác sĩ nhoz no lênhx tưs cux sir jos, moz siêz tsoz phưz đas jos trâu nênhs moz, thiêz têx tsưr ziv seiz njuôk shuôs, kho moz cux jông cơưk. Txơưv chor nênhs hâur tsêr, têx lênhx cxênhz jê, siz pâuz cux heik tiêk cov chox muk Hà Nội, muôx kênh jiês cux xar ntâu, tsi pâuz uô li chas taz sik zuk njênhs njôngr trâu chor cưk yuôx, bác sĩ nhoz no, tus txir zênhx zuôr tsuv jông moz, khax jux juk xưz thiêz thâuv cơưk cux tâu trơưk tsưr ziv xar”.

Lào Cai têx sir jos hâur hlôngr yiêz ntâuz ntơưr hành chính, hlôngr yiêz sôr thiêz uô jông cxuô luôs hâux lưv phưx vưv pêx xênhv, doanh nghiệp. Zơưv Trần Trí Dũng, Giám đốc tsênhv qơư phưx vưv hành chính công sôr 01 tỉnh Lào Cai heik pâuz:“Tỉnh tror sir jos hlôngr yiêz têx ntâuz ntơưr hành chính; Tsênhv qơư hành chính công cux zuôr nhênhz chơưv paz Ủy ban tỉnh, Văn phongx Ủy ban tỉnh fuô uô jông têx hâux lưv Chính phủ zuôk muôz phưx vưv pêx xênhv đơưk uô ntâuz ntơưr cux li côngz dịch vụ công hâur điện tử”.

Nghị quyết Đại hội Đảng bộ tỉnh Lào Cai jiês tiv I, six cxiv 2025-2030 tso tơưv tsưr ziv sir jos txos shông 2030, uô tâu têx luôs hâux lưv heik sâuv muôx 72%. Chiê fuô uô tâu jông hâux lưv tso tơưv, Lào Cai tưz cxiv tsa ntâu tsưr ziv, hâux lưv tsênhv tsênhz, txix ntơư ntâuk grê cxuô cêr nuv hâur pêx xênhv luz nênhx thiêz côngv thôngx chiê cxiv kho tsi so, huv đros. Zơưv Hoàng Giang, Phưv Bí thư Thường trực Tỉnh ủy Lào Cai heik pâuz: “Cux muôx têx kinh tế huôv tsar tsi tâu truôx jông, taz sik pêx xênhv tsuv zos qơư chênhr, uô huv đros hâur luz nênhx, cxuô luôs hâux lưv, cêr uô nox uô hâuk”./.

Đinh Tuấn-Riê Lâux cxeik, nhênhv

6 kror jênhv vưv tsênhv njiêz kriz uô Chêi Ngaz tuk mạng

Tsưr ziv no zos chiê xav jênhv tsênhz mênhx tsênhv njiêz côngz xưv, ntu kriz uô, six hơưv uô tiêr thiêz chor cơ quan, tsưr tsix cik txos li txơưx jênhv hâur kriz uô Chêi Ngaz tuk mạng (đrav kaz no hu uô Chêi), paz uô tâu huv six hơưv, cxix cxuô, thôngx ziv, truôx jông.

Tiv iz, Txis shông 2026 thiêz chor shông txuôk lơưr, Bôv Công an sêiz car, sik côngv đros têx bôv, nganhx, cơ quan pov tsir thiêz thax tsav qơư tsưr tsix yax kriê, piêr pâuz thiêz hêik kriê kriz uô Chêi sâuv têx chuôz zênhx thôngz xor mông.

Tiv oz, Bôv Công an sêiz car, sik côngv đros tex bôv, cơ quan bôv, cơ quan Chinhr phủ thiêz Ủy ban têx tỉnh, thành phố cxiv sau ntâuz ntơưr, tsưr tsix chor jiês cơưv kriê lok chêi, côngz xưv ngaz tuk mạng trâu têx cơ quan, taz viv, thax tsav qơư.

Tiv pêz, Bôv Công an kriz uô qênhz shuôk chor ntâuz ntơưr quy phạm pháp luật cik txos Chêi nhoz vax huôv sêiz car têz qơưk. Têx bôv, cơ quan bôv, Ủy ban têx tỉnh, thành phố qênhz shuôk quy phạm pháp luật cik txos Chêi nhoz hâux lưv, thax tsav sêiz car têz qơưk tâu phêiz côngz, xa hâux lưv qênhz shuôk lok trâu Bôv Công an uô ntêx hnuz 1/4/2026. Bôv Công an tổng hợp hâux lưv qênhz shuôk, hêik trâu Thủ tướng Chinhr phuv pâuz uô ntêx hnuz 15/6/2026.

Tiv plâuz, Bôv Công an sêiz car, sik côngv đros Văn phòng Chinhr phuv, Bôv Tư pháp thiêz têx cơ quan cik txos cxiv tsa, tso tơưv têx ntâuz ntơưr quy phạm pháp luật cui tênhv tsênhz mênhx, kriê uô trơưk Chêi thiêz têx ntâuz ntơưr txơưr cik txos uô ntêx hnuz 1/7/2026. Uô ntêx hnuz 1/7/2026, Bôv Côx phax sêiz car, sik côngv đros Văn phòng Chinhr phuv, Bôv Công an, Bôv Tư Pháp thiêz têx cơ quan cik txos cxiv tsa thiêz tso tơưv Chinhr phuv 2 Nghị định lok huôx tôngv mật mã dân sự thiêz Nghị định cui tênhv tsênhz mênhx iz cxiê grê Chêi Ngaz tuk mạng hâur Bôv Côx phax vax huôv sêiz car.

Tiv tsiz, Bôv Công an sêiz car cxiv tsa Thủ tướng Chinhr phuv li Quyết định tso ntơưv bê ntơưr Cxiv luôs thôngz mông zov chênhr lo ngaz tuk têz qơưk, tso tơưv uô ntêx hnuz 31/12/2026.

Tiv trâu, Shông 2026 thiêz chor shông txuôk lơưr, Bôv Công an sêiz car, sik côngv đros têx bôv, cơ quan bôv, cơ quan Chinhr phuv, Ủy ban têx tỉnh, thành phố, cơ quan, tsưr tsix txơưr cik txos tsưr tsix sêiz kaz, qênhz yuôx, hêik kriz uô chêi thiêz chor ntâuz ntơưr quy phạm pháp luật cui tênhv tsênhz mênhx, kriê kriz uô.

Cxuô thax tsav qơư, têx bôv, nganhx tsuv tsưr tsix yax kriê, piêr pâuz, kriê kriz uô Chêi; kruôz kriê txux chi, nriêr pâuz chêi, côngz xưv ngaz tuk mạng. iz chas co, sir jos nriêr pâuz lok Chêi thiêz cxuô cấp, cxuô nganhx, cơ quan, tsưr tsix cik txos li txơưx jênhv hâur kriz uô, uô trơưk Chêi./.

Cổng TTCP-Lik Thox cxêik nhênhv