Zơưv Hloz Hôx ntơưr kriê Lai Châu huôv tsar

              Nhạc nền bài hát về Bác....

         Côngz trênhx muôx “zơưv Hloz Hôx traz ntơưr xa trâu tsôngv box thiêz canr bôv Lai Châu” ntơưv Quảng trường tỉnh Lai Châu zos côngz trênhx chor hluôk nênhs tỉnh Lai Châu cxiv uô. Xav txix thâuv uô tiêr shông 2022, côngz trênhx tưz yênhx iz qơư yiêz thiêz jông, cxơưz cxiz tâu tsôngv kruô tuôx ndis seiz, nriêr pâuz lok iz cxiê cêr lịch sử zov chênhr hâur tỉnh, paz tsôngv pêx xênhv cxuô heir nênhs hâur tỉnh pâuz tsênhz đuô lok zơưv Hloz Hôx têx luk kriê sơưr đơưk sir jos cơưv ntâuz ntơưr; cơưv shâuv uô trơưk Hloz Hôx têx cêr nênhx jông, paz cxiv tsa tỉnh Lai Châu ziv hnuz ziv huôv tsar. Tix lâus Lò Minh Hiếu, Phưv Bí thư Tỉnh đoanx Lai Châu heik pâuz: “Chor shông đhâu, pêz fuô uô jông  têx jiês xênhz huôx chính trị, zov chênhr zos fuô uô têx phôngz yaox hluôk nênhs uô têx nuv jông siêz, hluôk nênhs xar tơưv tsưr ziv jông. Lar heik zos chor phôngz yaox hluôk nênhs huôv tsar uô nox, muôx yênhx puô côngz trênhx, nuv uô hluôk nênhs cấp tỉnh txos ntơưv qơư..... Co zos têx pov tsênhz tâu hluôk nênhs cêr uô ntêx nyuôs, tsưr ziv, siêz xar, txơưx jênhv cơưv shâuv thiêz uô trơưk zơưv Hloz Hôx luk kriê”.

             Iz txưv, zơưv Hloz Hôx thâuv tưs tưz moz siêz txos sik thôngx siêz, viv muôx cêr thôngx siêz thiêx uô tâu hâux lưv. Pâuz tsênhz lok zơưv Hloz Hôx luk kriê, chor canr bôv, đảng viên nhoz Lai Châu tưz sik thôngx siêz, xar tơưv têx tsưr ziv jông chiê siz paz huôv tsar. Zơưv Lò Quyết Thắng, Chủ tịch ủy ban xã Mường Kim, huyện Than Uyên, Lai Châu heik: “Uô trơưk zơưv Hloz Hôx luk kriê hâur traz ntơưr xa trâu tsôngv box thiêz canr bôv Lai Châu, pêz phênhz côngz đảng viên muk xênhz huôx hâur jêx jok, paz thiêz kriê pêx xênhv huôv tsar kinh tế, xã hội. Iz lênhx đảng viên thâuv lok xênhz huôx hâur chi bộ puôr lênhx kriê jok huôv tsar uô nox. Nhiv no, pêz tsênhv fuô uô đreiv têx hâux lưv li heik co thiêz siz paz uô, sâu zuôr têx xiv huv li: Tâuz tưs, điz, kok zax zưv; chos cuô txoz nhoz têx jok Nà Đình, Nà Dân, Nà Khương, Chiềng Ban.....”.

           Thượng tá Trương Minh Đức, Phưv chỉ huy trưởng, Tham mưu trưởng Bộ Chỉ huy bôv đôiv Pênhz phax tỉnh Lai Châu heik pâuz, txix têx jiês tir ntâuk tros châuz txos trâu ntu têz qơưk tiêx tuk, hlôngr yiêz, tsôngv box cxuô heir nênhs tỉnh Lai Châu thâuv tưs tưz sik thôngx siêz đros têx lưv lươngv muôx vax huôv cxiv tsa, tsưx phưv truôx têz qơưk. Đros trâu têx uô ntêx nyuôs li heik sâuv, bôv đôiv pênhz phax Lai Châu tsênhv niêx hnuz hmo sir jos lês uô jông luôs hâux lưv zok muôz, đros pêx xênhv tsưx phưv truôx thax tsav đriv têz, têz qơưk: “Pâuz tsênhz lok zơưv Hloz Hôx têx luk kriê hâur traz ntơưr Hloz Hôx xa trâu canr bôv chiến sỹ thiêz tsôngv pêx xênhv Lai Châu, têx shông đhâu, Đảng ủy, Bộ Chỉ huy Bôv đôiv Pênhz phax tỉnh tưz fuô uô ntâu hâux lưv, tsưr tsix yax mông, fuô kriê uô trơưk Đảng, têz qơưk têx Nghị quyết, Chỉ thị lok tsưx phưv truôx tuk ntus đriv têz qơưk. Tiv 2, chox kriê cxuô taz viv hux jos đros têx lưv lươngv, lar heik zos tuz lênhv, công an lok tsưx phưv têz qơưk, tsôngv pêx xênhv”.

            Nhạc nền giai điệu kết đoàn....

         70 ntâu shông uô lơưr zơưv Hloz Hôx têx luk kriê thiêz 20 shông pheiz, yênhx lix tỉnh, txos nhiv no tỉnh Lai Châu tưz uô tâu ntâu luôs hâux lưv zov chênhr, lar heik zos huôv tsar kinh tế. Ciês shông 2023, tưz huôv tsar uô tâu 225 cxênhz tênhr kôngz krâur; xav kror đruôz iz lênhx nênhs muôx phênhv sâu tâu 47 tsov đeiv ntâu; txo grêk tsơưs 5% ntâu chuôz zis pluôs; nhiêx txiêx ntơưv qơư sâu tâu zuôr xar 2.400 tyv đeiv...., co zos iz kro Đảng bộ, hâu nov thiêz tsôngv pêx xênhv cxuô heir nênhs ntơưv qơư sir jos thiêx uô tâu.

            Zơưv Lê Đức Dục, Tsar Ban tuyên giáo Tỉnh ủy Lai Châu heik pâuz: Zơưv Hloz Hôx têx luk kriê hâur traz ntơưr xa trâu tsôngv box, canr bôv Lai Châu txos nhiv no cux tsênhv nhoz đreiv hâur sơưr đơưk đruôz siêz tsi plox. Tưz yênhx iz tsưr ziv jông choz kriê lês uô hâux lưv chox car, fuô kriê sơưr đơưk hâur thax tsav huôv tsar uô nox hâur têx shông đhâu chiê Lai Châu hlôngr yiêz, huôv tsar li nhiv no. “Pêz zuôr tror piêr kriê têx tsiv grê zơưv Hloz Hôx heik txos hâur traz ntơưr xa trâu chôngz lênhx ntâu tus canr bôv, đảng viên, tsôngv pêx xênhv cxuô heir nênhs hâur tỉnh; lar heik zos cxênhx hluôk chiê pâuz cxuô thiêz tsênhz lok Đảng, chính phủ, zơưv Hloz Hôx têx luk jông kriê tsês trâu Lai Châu. Txix ntơư cxơưz cxiz canr bôv, đảng viên thiêz tsôngv pêx xênhv cxuô heir nênhs Lai Châu tror sir jos lês uô jông cxuô luôs hâux lưv, huôv tsar uô nox uô hnar. Tiv 2, pêz zuôr fuô kriê mênhx têx njiêz luk zơưv Hloz Hôx heik hâur traz ntơưr co chiê sơưr đơưk cơưv shâuv, uô trơưk thiêz uô lơưr suô luk 01 lok tror uô trơưk Chỉ thị 05 cơưv shâuv thiêz uô trơưk zơưv Hloz Hôx cêr nênhx jông hâur yênhx thax tsav, cơ quan, taz viv chiê yênhx phôngz yaox đêz đar trâu cxuô lênhx cxuô tus đros uô lơưr zơưv Hloz Hôx”./.

Khắc Kiên-Riê Lâux cxeik, nhênhv