Ciêr chênhr ngaz tul luz nênhx trâu tsôngv box thax tsav trâus tox poz Tà Xùa

Jiês tox poz ar lơưk nhiv kruôr muôx yưv ntơưv jos Tà Xùa, xã Tà Xùa, huyện Bắc Yên, Sơn La uô 1 lênhx tuôs, 3 lênhx trâus saz. Thax tsav tox poz yênhx puôk yiv, đros muôx nhos 50 cxênhz yiv đruôz ar, poz jêz sâuv trôngz lok cxuz tas 2 qơư muôv muôs nhoz saz hâur.

          Zơưv Đào Văn Nguyên, Chủ tịch UB huyện Bắc Yên puz pâuz, đhâu qênhz yuôx, ntơưv qơư tox poz, tưz pov muôx nzir 3 caz ar xưz poz ntêr muôx nhos 300 yiv, đar muôx nhos 4 đok, lok six toz, njuôs xav zuôr uô ar xưz poz: “Pêz ntâuk grê muôx nhos 20 ziv chuôz zis thiêz 5-6 luz tsêr tok kruô so nhoz saz hâur njuôs xav zuôr trâus zênhr shar. Nhiv no pêz tưz chox kriê lưx lươngv jor thiêz txar tas nro têx ziv chuôz zis thiêz têx chuôz zênhx muôx tsiv grê muk qơư taz por. Uô UB tỉnh li chox kriê, pêz tror seiz shuôk têx ziv chuôz zis trâus zênhr shar thiêz qơư chiê yưv pênhr uô qơư nhoz yiêz, txar tsôngv box muk qơư taz por”.

          Lưx lươngv, cxuô zav chuôz zênhx, yêz câuk ar tưz thiêz tsênhv tâu huiz tongv phênhv ntâu chêx chôngk thoz huk ar chiê khưx phưx zaoz thôngz muk lok 112 txuôk đros thị trấn Bắc Yên thiêz 5 xã tox siêz thax tsav huyện Bắc yên thiêz huyện Trạm Tấu, Yên Bái. Taz sik tiv ntâu ar thiêz poz jêz lox, ntux pok huôz, thax tsav tox poz tsi so muôx ntux nas, tiv zix zos têx qơư thâux nquôr chor ar thoz huk por tsês muôx tsơưs…uô phiv liv txos luôs hâux lưv thoz huv têx ar, poz jêz hêik sâu. Zơưv Phạm Văn Minh, Giám đốc Công ty CP seiz car, kho đuô thiêz cxiv tsa côngz tsinhx zaoz thôngz II Sơn La puz pâuz: “Nhiv no phêv liv tiv zix đros pêz zos qơư chiê thoz huk poz jêz, ar por tsês, tsênhv thâux muk hâur jos cêr xi măng lok six mê, huiz tôngv tsi tâu yêz teiv lox. Thix ziv têx chiz coaz chuyên môn, chính quyênx paz zok qơư nquôr por ar, poz jêz chiê pêz sir jos krêz thôngz cêr hâur ntu lur tiv zix”.

          Qênhz yuôx tsênhv tsênhz ntơưv têx qơư njuôs xav muôx ar xưz poz, zơưv Nguyễn Thành Công, Chủ tịch UB tỉnh Sơn La thix ziv huyện Bắc Yên tror seiz shuôk, bax qơư nhoz truôx tul tsi chiê tsôngv box nhoz têx qơư riêz nênhs, tsik chiê muôx yưv cêr pôngz siêz: “Ciêr chênhr bax qơư nhoz truôx tul trâu tsôngv box nhoz qơư njuôs xav muôx ar xưz poz no; sik côngv taz por uô jông, muôx tsưr ziv tsênhz mênhx bax qơư nquôr têx ar, poz jêz trâus poz por tsês. Tas nro têx qơư njuôs xav muôx ar xưz poz mak txar tas nro. Tror seiz shuôk thax tsav no muôx têx qơư njuôs xav zuôr trâus xưz poz, tsuv cxok fiêx canhv pov, txưr tsôngv box tuôx muk lok đhâu”.

          Hâu nov tỉnh Sơn La tưz hêik chính quyênx tiv phaz ciêr chênhr nriêr, bax qơư nhoz yiêz trâu tsôngv box thax tsav njuôs xav zuôr muôx ar xưz poz muk nhoz qơư taz por, nzor ngaz tul luz nênhx. Đros têx caz ar xưz poz ntêr 300 yiv, heik Sở tênhx qơư tsuv muôx cxuô faz tsưr ziv uô nzor, huv đros./.

Lê Hạnh-Txâur Vax cxeik nhênhv

Tênhv tênhz hur zos li chas thiêz têx muôx liv co

Tênhv tênhz hur, tâu chôngz lênhx pâuz txos viv txuôs tâu nhiêx txiêx, tsik uô vuôz tsuôz tênhx qơư. Tênhv tênhz hur zos têx tênhv tsơưs uô ruôr hiêv txos tênhx qơư. Têx tênhv li heik co khênhr zos tênhv tênhz yar ntux, tênhv tênhz chuô.....

Tênhv tênhz yar ntux: Phênhv ntâu têx tênhv nhiv no sâuv ntiêx têz tâu tsiv uô txix thênh, trox thiêz têx pa ….chor tênhv tênhz co tsênhv njiz trâul iz cxiê tsi jông li: Tsar ndê gri, khov lok sâuv têx thênh lok sik trox zuôr saz đrâuv têz qơưs lok thiêz têx uô tsi jông txos tênhx qơư đhâu ntux txơưr txar. Chênhr viv li, tênhv tênhz yar ntux ziv hnuz ziv tâu cxuô tsưr tsix, doanh nghiệp moz siêz yưv pênhr, nhênhz chơưv krêz uô ntâu jux juk.

-Tênhv tênhz chuô: Tsuôk hâur 2, 3 châuv đhâu, đros trâu tênhv tênhz yar ntux, tênhv tênhz chuô tưz tâu tsiv uô thiêz zôngv ntâu txos hâur tsiv uô tênhv tơưk. Viv muôx cxuô luz têz qơưk paz nhiêx txiêx, đros trâu têx hlôngr yiêz nhiv no, chor tsaz yênhx paz max kinh tế, nhiêx txiêx tsiv uô tênhv tênhz chuô ziv hnuz ziv huôv tsar uô tâu truôx jông thiêz iz phênhv tưs uô tâu huv đros xã hội.

-Tênhv tênhz sóng: Co tâu seiz zos tsưr ziv jông hâur têx tsưr ziv tsiv uô tênhv tơưk txix tênhv tênhz hur. Tsi thôngx li tênhv tênhz đêx, tênhv tênhz sóng tsơưs uô ruôr hiêv txos tênhx qơư.

Uô vuôz tsuôz tênhx qơư ziv hnuz ziv ntâu li nhiv no, hâux lưv sir zôngv têx tênhv tênhz hur tsênhv tâu moz siêz txos.

-Viv tênhv tênhz hur zos tênhv tênhz muôx hâur tênhx qơư, chênhr viv li, co zuôr zos têx tênhv tênhz hur trâu sơưr đơưk, trâu tênhx qơư hâur ntu zuôr txos.

Tsi thôngx li têx tênhv tênhz txơưr, tênhv tênhz hur tsi sir zôngv, tsi uô tuôr xuôv txos cxuô zav. Thiêz hâur six hơưv tso tênhv, tênhv tênhz tsi muôx têx pa kiêk nênhs vuôz tsuôz.

-Zos tênhv tênhz hur, muôx liv trâu tênhx qơư, sơưr đơưk luz nênhx xênhz huôx. Zos xưk li têx tênhv tênhz txơưr đuô li: Thênh, gas tsuv tas nhiêx txiêx zuôr mak chor tênhv co tsi tas iz đeiv nhiêx hlo.

-Sir zôngv chor tênhv heik sâuv muôx liv jông trâu sơưr đơưk luz nênhx xênhz huôx, nox nhoz. Paz cxơưz cxiz têx têz qơưk tsênhv huôv tsar kinh tế truôx jông.

Co zos têx tênhv tênhz jông thiêz muôx liv trâu lênhx nênhs luz nênhx. Taz sik, huôv tsar uô chor tênhv tênhz co tsênhv tâu sir jos fuô uô hâur yênhx hnuz. Sơưr đơưk tsuv sik đros côngv têk thiêz xar tsưr ziv tsiv uô têx tênhv tênhz no./.

Hồng Việt-Riê Lâux cxeik, nhênhv