Kinh tế kôngz nuv hur- tsưr ziv uô muôx chêx cuk nhoz Than Uyên

          Tix lâuk Vax Văn Hới chuôz zis, nhoz jos Đán Đăm, xã Hua Nà, huyện Than Uyên (Lai Châu) muôx ntu zos ziv chuôz zis pluôk hâur jos. Shông 2021, uô đề án huôv tsar thax tsav tsiv uô kôngz nuv hax huv chêx chôngk hâur huyện, tix lâuk chuôz zis hlôngr 3 cxênhz ntâu yiv ndis ar tox trôngz chiê chos txir chuôz thox Đài Loan. Txos nhiv no, phênhv sâu txix chos tsoz chos yiêz no tsi taz paz tix lâuk chuôz zis hla đhâu cêr pluôk mak tsênhv yênhx ziv chuôz zis bluô nux hâur jos: “Thâuv ntêx cur chuôz zis tsuôk chos blêx, sâu tsi tâu ntâu viv li chuôz zis txeik pênhr zênhx hangx 40 tsov đeiv chiê chos tsoz chos txơưr. Chuôz zis tưz xeir yưv pênhr chiê chos txir chuôz thox, đhâu 2 shông txir chuôz thox qir sâu đêx tâu, grê muôs niêv ciêz chuôz ndê, viv li cur chuôz zis tưz thêv tas nux grê zênhx hangx. Nhiv no chuôz zis tror chêx chôngk huôv tsar uô nox txix tsoz txir chuôz thox thiêz njuôs xav zuôr krêz đar mênhv chêx chiê huôv tsar uô nox”.

          Hua Nà zos xã thax tsav qơư kis nhoz huyện Than Uyên, muôx 6 jêx jos, 720 ziv chuôz zis thiêz zuôr xar 3 cxênhz 500 lênhx nênhs; phênhv ntâu zos tsôngv box mênhx cxưx Thái nhoz uô nênhx. Chiê muôz siêz phênhv sâu trâu tsôngv box, txix ciês hâur six cxiv, chính quyênx xã tưz yax mông, vênhv tôngv pox nhuôk hlôngr yiêz tsoz chos, tsiêx tu zus lơưr saz tsiv uô hax huv, chuôz tsar chiv chos thiêz sir jos zôngv KHKT yiêz lok tsiv uô. Txos nhiv no, tiv phaz tưz muôx 25 hecta ntâu tsoz ntông nox txir li txir chuôz thox, nho, mắc ca, txir lưs jôngr thiêz 30 hecta blêx tsơưr lươngv siêz Séng Cù.

          Pos Lê Thị Hạnh, Chủ tịch UB xã Hua Nà puz pâuz, phênhv sâu txix kôngz nuv hax huv tưz gôngr phênhv muôz siêz luz nênhx chinhz yênhx thiêz tiv zix zos uô kôngz yiêz tsôngv box li siêz xar hâur hâux lưv cxiv tsa nôngx cxênhz yiêz: “Chiê gôngr phênhv cxuôv yiêz thiv pluôk sâuv thax tsav xã, ntu zuôr txos xã zuôr chox kriê pox nhuôk chêx chôngk hlôngr yiêz tsoz chos, tsiêx tu zus, hâur co chêx chôngk lok chos blêx uô hax huv tsơưr lươngv siêz, cxơưz tiês chos txir chuôz thox thiêz yuôx zêx, mắc ca sâuv thax tsav. Đrâuv co, xã zuôr ndaz ndơưv têx pênhr jos hâur tỉnh, huyện chiê chêx chôngk cxiv tsa têx cơ sở cxuô zav, uô cêr zaoz thôngz, paz pox nhuôk huôv tsar tsêz chos jông đuô”

          Đhâu 4 shôngk ntâu uô trơưk Nghị quyết Đại hội Đảng huv đros hâur luz nênhx, kôngz nuv hur ntơưv Than Uyên tưz muôx ntâu hlôngr yiêz jông. Txos nhiv no, đrâuv 6 cxênhz 600 hecta kôngz lôngk, tiv phaz tưz muôx 5 cxênhz hecta ntâu yuôx zêx, cao su, mắc ca thiêz têx zav ntông nox txir. Chiê krêz uô muôx chêx cuk têx pênhr jos yưv trâu huôv tsar kôngz nuv, Than Uyên tưz uô uô cê tsaz yênhx txu grês cêr pluôk đros tsaz yênhx cxiv tsa nôngx cxênhz yiêz, sir zôngv jông têx muôx ntơưv qơư, ar têz, qiv hơưv, nênhs lox tôngv chiê cxiv tsa têx trâur nuv kinh têr Vax-pas-guôx; vax-pas-guôx-jôngr, paz tsôngv box muôx cxaz hâux lưv uô, chuôz cxaz phênhv sâu.

          Zơưv Lò Văn Hương, Bí thư Huyện ủy Than Uyên pheiz kênh, đrâuv chuôz tsar côngz xưv lênhs tov, chox kriê, cấp ủy, chính quyênx têx cấp thiêz nganhx muôx txơưx jênhv tiv phaz tưz đros pox nhuôk krêz uô tsaz yênhx kôngz nuv hur jông chiê tax chêx cuk siêz tiv zix. “Txos nhiv no huyện krêz uô têx trâur nuv jông li trâur nuv huôv tsar tu zus njês hâur tơưz, hâux lưv krêz uô hâux lưv sik côngv, tiv zix zos sik côngv tsiv uô yuôx zêx, cxur. Tiv zix zos cxur Séng Cù nhiv no tưz sik côngv uô jông, chox lok chêx cuk kinh tế siêz trâu tsôngv box. Pêz njênhs njôngr đhâu krêz uô têx trâur nuv no, têx ziv chuôz zis tsôngv box, tiv zix zos têx ziv chuôz zis pluôk zuôr tâu sơưv liv thiêz sir jos đuô chiê cxuôv yeiz thiv pluôk”.

          Txos nhiv no, huyện Than Uyên li phênhv sâu chungz fênhx tưz tax zuôr xar 50 tsov đeiv iz lênhx nênhs iz shông thiêz txix hâur six cxiv txos nhiv no, iz shông tiv phaz txu grês fênhx pheiz muôx nhos 4% chor ziv chuôz zis pluôk, chor ziv chuôz zis pluôk hâur huyện nhiv no tsuôk yuôr 11%, sir jos cov tax tâu huyện nôngx cxênhz yiêz lok shông 2025./.

Khắc Kiên-Txâur Vax cxeik nhênhv