![VOVTB](/themes/custom/vov_4/images/avatar.png)
Seiz lax tsưr ziv paz trâu thax tsav ju lix Mộc Châu huôv tsar jông thiêz truôx
Đros trâu muôx ntâu tsar zav jông huôv tsar ju lix li: Chiv xênhz đrox tsuôs, qơư nhoz lax nziês thiêz têx txux chi vênhx huôv jông, đhâu 10 shông sir jos, cxiv tsa, tsôngv kruô tuôx ndis shuôs ntux uô si txos Mộc Châu tưz tsar ndê 3,5 jiês; xav hur si phênhv sâu tâu txix ju lix tsar ndê ntâu đuô 6 jiês pir li shông 2014.
Têx lênhx nênhs seiz car, nhênhz chơưv, khoa học đros têx doanh nghiệp uô hâux lưv txeik tok kruô tuôx nhoz so, ndis shuôs ntux uô si T.Ư thiêz ntơưv qơư tưz tso tơưv ziv chênhv, seiz lax, ntâuk grê lok thax tsav ju lix Mộc Châu; lok huôv tsar ju lix nhoz iz cxiê suôv qơư, têx pâuz tâu thiêz tsưr ziv paz trâu thax tsav ju lix Mộc Châu; piêr kriê cxiv tsa têx tsưr ziv chox kriê chor kruô ndis seiz têz qơưk uô si; doanh nghiệp thiêz kruô ndis shuôs têz qơưk uô si li ntâuk grê thâuv tuôx trâu thax tsav ju lix Mộc Châu.....Zơưv Nguyễn Hữu Tân, Tsar phongx tênhx qơư Việt Nam, Công ty ju lix VietTreval heik: “Tsuv phuôx huiz têx muôx jông ntơưv qơư txix tsiv uô têx xiv huv jông hâur thax tsav; lar heik zos chor xiv huv chênhr, txix khov lok tsôngv kruô li tsưr ziv, siêz nhiêv chiê muôx tâu xiv huv Mộc Châu. Thiêz txix ntơư pêz muôx têx tsưr ziv yưv pênhr uô jông đuô têx côngz trênhx, cxuô luôs hâux lưv phưx vưv tsôngv kruô thâuv kruô muôx zoz qơưx txos”.
Lok sâuv tsưr ziv hlôngr yiêz sôr chiê huôv tsar uô ju lix hâur thax tsav ju lix Mộc Châu, pos Phan Thái Hà, Phưv Giám đốc Tsênhv qơư thôngz xor mông ju lix-Cục ju lix têz qơưk Việt Nam heik: Thax tsav ju lix Mộc Châu cux tưz hlôngr yiêz, uô tâu ntâu luôs hâux lưv chiê huôv tsar ju lix. Taz sik, têx li heik co uô tsi yuô tâu truôx, tsi tâu muôx sik côngv đros têx cơ quan, tsưr tsix cik txos hâur piêr kriê, yax mông.... “Xar chuôs li zôngx ziv, taz sik têx hâux lưv hêik sâuv tsuv uô tsi so thiêz tsuv muôx nênhs lês uô, Mộc Châu tsuv moz siêz txos fuô uô têx li heik co. Tsuv yax kriê ntâu txos têx qơư jông, huôv tsar têx nền tảng sôr, tiv zix zos gra siêz tsưr ziv yax mông, piêr kriê lok ju lix Mộc Châu. Iz chas ntơư, cux tsuv xeir tsov têx qơư jông chiê huôv tsar cxiv uô truôx luôs hâux lưv phưx vưv kruô ndis seiz têz qơưk uô si.....”.
Zơưv Hồ An Phong, Thứ trưởng Bộ Vênhx huôv, Thêv thao thiêz Ju lix ntâuk grê: Hâur tsưr ziv huôv tsar thax tsav ju lix tas nro têz qơưk, Mộc Châu zos iz hâur têx thax tsav tâu côngk nhav uô tâu têx hâux lưv zok muôz nzor đuô tsưr ziv tso tơưv. Tỉnh tưz lok six sir jos, têx hâux lưv co tưz tâu uô truôx jông. Taz sik, tsi zos uô li co xưz, mak zos kror xuz thơưx chiê paz trâu kriz uô têx tsưr ziv txuôk nzir txơưr đuô: “Côngk nhav zos thax tsav ju lix jông cấp têz qơưk, tsơưs tsơưs tưz đhâu 10 shông njuôk hov, txix moz siêz paz max, njuôk xav têx tsênhv chei, phênhz pênhr jos, hu zâuv xã hội sik đros paz, cxiv tsa côngv thôngx ju lix, cxiv tsa xiv huv ju lix, uô yênhx iz tênhx qơư ju lix truôx. Tâu côngk nhav zos thax tsav ju lix jông cux krêz iz hâu cêr yiêz trâu Mộc Châu, chiê huôv tsar ju lix tâu truôx jông, paz cxơưz kinh tế-xã hội huôv tsar”.
Têx doanh nghiệp ju lix Sơn La, Câu lạc bộ Unessco thiêz têx doanh nghiệp hâur têz qơưk tưz cir ntơưr chos luk siz paz huôv tsar ju lix, siz paz muôs têx xiv huv ju lix./.
Long Hạnh-Riê Lâux cxeik, nhênhv
Lào Cai tsênhv muôx têx tsi ngaz tuk lok cêr hlâu
Ntâu shông no, txơưv pâuz tiêk uô li tsik zos taz sik pos Trần Thị Thơm thiêz tsôngv box nhoz iz ndis thax tsav thị trấn Phố Lu, huyện Bảo Thắng, tỉnh Lào Cai cux tsuôk pâuz muk lok đhâu ntu cêr hlâu sâuv thax tsav hâur niêx hnuz: “Muk đhâu cêr hlâu mak pêz cux pov lok six riêz nênhs, taz sik viv muk jêx jos lok sik chox mê nhuôk muk cơưv ntơưr mak tsuôk pâuz muk đhâu cêr hlâu. Zos tsi muk đhâu mak zuôr tsuv muk lus lok six đêz”
Yuôr zơưv Phạm Văn Hoành, nhoz xã Trì Quang, huyện Bảo Thắng, muk đhâu cêr hlâu cux tsuv muôx chênhz zênhv thiêz muôx têx thâuv cux njiz trâus têx phiv liv tsi jông. “Muk đhâu cêr hlâu li no mak ntos yêz cux zos fênhx yax. Zos muôx yêz hlâu tuôx mak cux tsuv tso yêz tsês ntơưv no xưz tsi pâuz uô li chas”.
Tas nro tỉnh Lào Cai muôx 70 ntâu cei cêr hlâu muk đhâu têx huyện Bảo Thắng, Bảo Yên thiêz TP Lào Cai. Hâur tas nro zuôr xar 190 qơư cêr hlâu muk đhâu cêr ar, phênhv ntâu zos têx cêr chiv chir krêz, viv li tsi zos qơư tưs cux xor their thiêz muôx canhv pov taz por. Zơưv Nguyễn Thanh Hải, Phưv Chủ tịch UB xã Thống Nhất, TP Lào Cai puz pâuz: “Đros têx thax tsav no, pêz yax six yax mông trâu tsôngv box têx vênhv thix taz por thâuv muk đhâu cêr hlâu, yuôr chiê seiz car têx thax tsav no mak tsi tâu muôx tsưr ziv tưs chiê uô”.
Txơưv têx tiv phaz thiêz nganhx muôx txơưx jênhv tưz sir jos yax mông, tsưr tsix canhv pov, cxok fiêx canhv pov, cxuôv por tsês ntâu cêr muk đhâu cêr hlâu, taz sik tsênhv muôx ntâu têx tsi taz por. Hâur shông 2023, tas nro tỉnh Lào Cai muôx yưv 3 txuz txiêz nanv cêr hlâu uô 3 lênhx nênhs trâus saz. Yuôr hâur hlik hli 4 shông no, sâuv cêr hlâu ntu đhâu xã Bảo Hà, huyện Bảo Yên (Lào Cai) tưz muôx yưv txuz txiêz nanv cêr hlâu zov chênhr thâuv yêz hlâu thiêz yêz tuôv tênhv siz đrâu uô 2 lênhx nênhs tuôs.
Nhiv kruôr jê ntơưv no, UB tỉnh Lào Cai tror khiêz phêv chiê tso tơưv tsưr ziv muôz siêz chêx cuk canhv pov taz por zaoz thôngz cêr hlâu; tiv zix zos têx cêr muk đhâu cêr hlâu tâu tsôngv box chiv chir krêz zuôr trâus tâu cxuôv por tsês./.
An Kiên-Txâur Vax cxeik nhênhv
Viết bình luận