Qơư kriê ntơưr trâu têx mê nhuôk shux xênhz mênhx cxưx tsơưs nênhs nhoz thax tsav ntus đriv Phiêng Khoài

Đros tas nro pênhr yưv uô zos 215 tỷ đeiv, luz tsêr cơưv tâu cxiv uô hâur qơư đar 5 hecta, txâuk chiê tos jênhv 1 cxênhz 200 ntâu lênhx shux xênhz tuôx cơưv ntơưr; tâu cxiv uô hâur ntu 2025-2026, muôx ntâu côngz tsinhx li: chor lớp cơưv, thư viện, qơư nhoz trâu shux xênhz, cưk kriê, tsêr uô mor, tsêr nox mor; têx côngz tsinhx thiv thao...tuôv zênhv zoz qơưx zaoz zux thox cxov hâur kỷ nguyên yiêz.

          Cưk kriê Nguyễn Quốc Cường, Hiệu trưởng tsêr cơưv trung học cơ sở Phiêng Khoài puz pâuz, shông no tsêr cơưv muôx zuôr xar 700 lenhx shux xênhz, hâur co muôx zuôr xar 130 lênhx nhoz bán trú, tov kaz no tsêr cơưv cxiv uô tiêr, shux xênhz nhoz nội trú mak zuôr chuôz ndê siêz: “Thâuv tsêr cơưv tâu cxiv uô tiêr chox lok sir zôngv, têx shux xênhz li tênhx qơư zuôr muôx cxix cxuô đuô. Shux xênhz tâu nox, tâu nhoz hâur tsêr cơưv zuôr jông đuô trâu cưk kriê thiêz shux xênhz tsi zuôr khưr muk lok thiêz, thâuv nhoz ciês hâur tsêr cơưv, shux xênhz tâu nox nhoz, xênhz huôx, cxaz chuôz cơưv shâuv thiêz tâu huôv tsar tas nro”

          Tsôngv box têx mênhx cxưx đros têx cưk kriê thiêz shux xênhz tsêr cơưv THCS Phiêng Khoài lok six jông siêz thâuv luz tsêr cơưv yiêz tâu cxiv uô yiêz jông, paz jông trâu hâux lưv kriê thiêz cơưv ntơưr nhoz thax tsav ntus đriv. Tul nhuôv Ngô Vũ Bảo Trân, shux xênhz lớp 8A heik: “Cur lok six jông siêz viv tsêr cơưv yiêz zuôr paz pêz cơưv ntơưr jông đuô, tâu taz por đuô; li môn Hóa mak zuôr muôx qơư thí nghiệm, môn tin muôx cxix cxuô chuôz zênhx yiêz...paz pêz cơưv ntơưr tâu taz por thiêz muôx chêx cuk đuô”.

          Phưv Chủ tịch thường trực UB tỉnh Sơn La Tráng Thị Xuân khav tênhv, uô Bộ chính trị li chêx cuk, Chính phuv li chox kriê, tỉnh ủy, HĐ, UB tỉnh tưz sir jos chox kriê têx cấp, nganhx ciêr chênhr bax uô dự án. Thôngx cxix kruôk txos lưx lươngv Công an tỉnh li chinhz yênhx uô ntêx nyuôk hâur tos jênhv uô côngz tsinhx thiêz tsưr tsix krêz côngz uô: “Chiê côngz tsinhx nzor uô tiêr, gôngr phênhv uô yênhx côngz Đảng li chủ trương, cur thix ziv, têx cấp, têx nganhx seiz no zos jênhv vưv chính trị coaz tsôngv, tsuv tsưr tsix uô jông, muôx tsơưr lươngv, seiz thiêz taz por, thôngx cxix paz jông tiv zix trâu têx taz viv thi công hâur ntu uô”./.      

                                          Trấn Long-Txâur Vax cxeik nhênhv

Nzir têx heik pâuz trâu sơưr đơưk tsuv chênhr phax lok chor nênhs fêv tsưr ziv nziêk đas nhoz jêx jok tox siêz Lai Châu

Hâur luz tsêr ntông mê đreiv nhoz jok Pho Hồ Thầu, xã Tả Lèng, Vàng Thị Nguyệt, 16 shông, heir nênhs Cho cux tsênhv nyei thâuv muôx nênhs tuôx txos tsêr. Zos tus hloz hâur 4 lênhx vir ndâuk, nuk muôs, luz nênhx txov nhêv, Nguyệt tsuv tso ntơưr tsês nzor thiêz thâuv tưs cux xar tsuv paz niêv txir uô nuv, uô liêx têz chiê txoz cxơưx trâu chor zâu. Khưr uô liêx têz tưz phiv liv, sâu tsi tâu pêk tsơưs, Nguyệt thâuv tưs tưz xar njôngr zuôr muk zok nriêr hâux lưv uô chiê muôx nhiêx txiêx xa lok paz niêv thiêz txir.

Đhâu sâuv mạng xã hội, Nguyệt pâuz thiêz sưv iz tus nênhs bê hu uô Hằng, nưk tiêk nhoz Hà Nội muôx hâux lưv uô siz, tâu nhiêx hli siêz, 9 tsov đeiv iz hlik. Njênhs thiêz mnôngs trơưk têx luk nziêk đas, Nguyệt tưz cxov yêz tuôx đrav đrôngs, taz sik đhâu co trâus chor nênhs fêv chox muk trâu TP Hải Dương kuz (nhiv no zos TP Hải phòng), đhâu ntơư zos Quảng Ninh thiêz trâus nênhs fêv cơư tsês trâu ntơưv iz qơư hu gâux, zuôv taz kruô thiêz bax zuôr muôz muôs trâu saz Trung Quốc. Tax txos hnuz xiêz 03/8 nhiv kruôr đhâu, thâuv Nguyệt hu thiêz xa tâu tin nhắn lok trâu chor nênhs hâur tsêr, chuôz zis thiêx heik trâu công an pâuz, đros paz chơưv tâu tror lok tsêr. Vàng Thị Nguyệt heik: “Cur uô tsâus ntâu txos chor txir nzơưv công an tưz paz chơưv tâu cur tror lok tsêr. No zos iz kro uô trâu cur thiêz têx fôngx zưs thâuv njênhs thiêz uô trơưk chor nênhs fêv nziêk đas đhâu sâuv mạng xã hội. Cur heik trâu sơưr đơưk, tsuv chênhr phax, tsi njênhs, tsi mnôngs trơưk luôs lưv tus nziêk đas đhâu sâuv mạng xã hội, thiêz tsuv heik trâu chor lâul hâur tsêr pâuz thâuv zuôr muk uô iz zav hâux lưv đaz tsi”.

Đại úy Trần Mạnh Hùng, Phưv Tsar Công an xã Tả Lèng heik, đhâu hlo thâuv txeik tâu lênhx nhuôv Nguyệt chuôz zis mông heik pâuz, tix lâus tưz buôk ti đros têx lênhx uô hâux lưv uô cê muk trâu Hải Phòng, Quảng Ninh zok nriêr Nguyệt. Đros trâu lưv lươngv công an ntơưv qơư cêr paz thiêz txix têx faz tsưr ziv uô hâux lưv, sơưr đơưk tưz sik đros zok nriêr tâu Nguyệt. Đại úy Trần Mạnh Hùng heik, trơưk li Nguyệt piêr, thâuv Nguyệt cxov yêz muk Hà Nội mak muôx iz tus txir nênhx, nưk tiêk zos Hằng tus txir nzơưv tuôx tok Nguyệt. Đhâu hlo co, Nguyệt tâu lênhx txir nênhx no chox muk Hải Phòng thiêz txos co Nguyệt trâus lơưr zuôv cir ntơưr txeik zuôr xar 10 tsov đeiv nhiêx uô ntâuz ntơưr thiêz thêv gri yêz. Đhâu thâuv kuôz zuôv tsi tâu Nguyệt taz kruô ntơưv iz qơư hu gâux, chor nênhs fêv ntơư tror muôz Nguyệt muôs muk trâu xã Tiên Yên, tỉnh Quảng Ninh thiêz txos co, Nguyệt tror trâus zuôv cir ntơưr txeik nhiêx, taz kruô. Thâuv lưv lươngv công an tuôx txos, iz chas Nguyệt tsênhv muôx iz tus nhuôv nhoz Lai Châu cux trâus nênhs fêv nziêk đas tuôx trâu ntơưv co thiêz: “Chor nhuôv heik sâuv thâuv chox lok txos no, mak tưz trâus nziêk đas đhâu ntâu tus nênhs fêv. Lênhx nênhs fêv xuz thơưx hu trâu chor nhuôs mak xav tinhv tsi tâu tsênhz mênhx, shor zos lênhx tưs thiêz nhoz kror tưs, jông li chas. Thiêz thâuv tuôx txos qơư mak Nguyệt tưz trâus nênhs fêv xa đhâu 2, 3 kror qơư, 2, 3 lênhx nênhs lơưv thiêz. Chênhr viv li thâuv paz thiêz chox tâu Nguyệt tror lok, pêz pâuz tsi tâu shor Nguyệt pok trâus nênhs fêv nziêk đas muôs lok tsi trâus”.

Xã Tả Lèng tâu muôz 3 luz xã hâur huyện Tam Đường kuz nhoz tỉnh Lai Châu lok uô cê. Tas nro xã muôx 26 jok, 12 cxênhz ntâu lênhx nênhs, phênhv ntâu zos Hmôngz thiêz Cho uô nênhx nhoz. Đros trâu thax tsav tox siêz phiv liv muk lok, luz nênhx tsênhv yuôr ntâu txov nhêv thiêz tsôngv pêx xênhv tsi yuô tâu muôx txux chi tsưr ziv jênhv pâuz, thax tsav no tsênhv yênhx qơư chor nênhs fêv zôngx ziv nziêk đas, hâuz zâuv têx pox niêv vir ndâuk thiêz nhuôs zâu heir nênhs tsơưs muk đhâu ntus đriv tsi trơưk chei đros trâu têx luk chos, uô hâux lưv siz, tâu nhiêx siêz. Thiếu tá Lương Tiến Hoàng, Tsar công an xã Tả Lèng, tỉnh Lai Châu heik pâuz: Chiê phax tir thêir tâu chor nênhs fêv, xuz thơưx lưv lươngv công an xã zuôr sir jos yax kriê, gra siêz txux chi tsưr ziv jênhv pâuz trâu pêx xênhv thiêz hux jos phax tar, ruôr por tsês chor nênhs fêv zuôr muôs lênhx nênhs đhâu đriv têz têx hâux lưv uô tsi trơưk chei: “Hâur six hơưv yax mông, pêz zuôr zôngv têx đuôz hâur txuz trâus nênhs fêv nziêk đas chiê kriê trâu sơưr đơưk cov cxuô lênhx cxuô tus zôngx ziv pâuz. Thâuv yax kriê ntơưv têx jêx jok nênhs Cho mak pêz zuôr tso chor canr bôv nênhs Cho muk chiê kriê tâu trâu tsôngv pêx xênhv pâuz tsênhz. Hok jok Hmôngz mak pêz choz trâu canr bôv nênhs Hmôngz muk yax kriê, heik zuk lul chiê pêx xênhv to tâuz, zôngx ziv pâuz. Thiêz pêz cux yax kriê, tso sâuv mạng xã hội, tsi tiêk chiê têx thax tsav hâur xã pâuz, mak hur si 2 chas thax tsav đrâuv, chor nênhs trâus nziêk đas, nênhs fêv liv zôngv têx tuz nxeik hluôk tâu txo grêk tsơưs”.

Txuz Vàng Thị Nguyệt nhoz xã tox siêz Tả Lèng, tỉnh Lai Châu trâus nziêk đas, iz jiês thiêz uô trâu tsôngv box tox siêz pâuz tsênhz đuô lok têx nênhs fêv tsưr ziv txơưx nziêk đas hâur ntu têz qơưk hlôngr yiêz, vav mênhx no chiê sơưr đơưk chênhr phax, tsi trâus luôs lưv tus nziêk đas li uz li no./.

Khắc Kiên-Riê Lâux cxeik, nhênhv