Cêr shir phaz hâur chêix ntux yiêz nhoz thax tsav qơư trâul đêx nas uô ruôr hiêv Liên Minh

Hâur oz pêz hnuz no, tix lâus Phàn Lổ Xeng, nhoz jok Nậm Cang, xã Liên Minh sir jos đros paz tus tuz qêz suô, tu luz tsêr yiêz. Đhâu đêx nas cuôr yôngz, uô vax tsêr trâul puôk tsuôx, tsi jông tas, taz sik “tsênhv yuôr nênhs, yuôr chuôz zênhx mav tror huôv tsar, tsiv uô đuô”-Tix lâus Xeng xar li ntơư thiêz njênhs njôngr tiêk, luz tsêr yiêz zuôr gra têx hmôngr jông lok trâu sơưr đơưk:“Tsi muôx vax tsêr nhoz viv li thiêx chiê mê nhuôv lok uô tsêr nhoz ntơưv no. Yêik lol nhoz tsêr yiêz chiê tso siêz, tsi trâul cxơưx li thâuv nhoz đrav luz tsêr kuz, shir phaz hênhr”.

Seiz njiê tus đêx Nậm Cang, tsi pov lox li thâuv ntu ntux nas lơưv, nhiv no đêx nyiêz si xưz. Nzaz nzơưv thâuv đêx mê, tsi hloz co, tix lâus Chằn Quyên ntiêr meir lok khơưz, kho đuô qơư tu zus njêl đêx txiêk tưz yưv pênhr uô tas 10 ntâu tyv đeiv trâul đêx nas uô ruôr hiêv, puôk tsuôx tas ntơư:“Pêz zuôr sir jos chiê khưx phưx jux juk. Nhiv no tsênhv tok njuôk hov chiê cxiv uô, thêir kho đuô têx njưs cov truôx tuk, đhâu ntơư li khơưz kho qơư tu zus njêl. Cur cux xar cov tsêr nhiêx tsênhv chei paz max pênhr txeik, zuôr nhiêx nju tsơưs, paz pêz thiêz”.

Lơưr zơưv Phạm Tiến Dũng, Phưv Chủ tịch Ủy ban thị xã Sa Pa, đhâu đêx nas uô ruôr hiêv, 17 côngz trênhx lox zâu txix cêr muk lol, đêx liv, đêx hur, qox, njưs tar đêx.....hâur Liên Minh puôr lênhx tâu thôngz sâu chiê heik trâu cấp muôx vax huôv cux li qênhz shuôs đuô têx nhiêx txiêx ntơưv qơư chiê choz yưv pênhr uô, kho đuô têx côngz trênhx hâur shông 2024 thiêz ntu zuôr txos:“Txos nhiv no, Ủy ban tỉnh tưz choz 4 luôs hâux lưv, Mặt trận Tổ quốc tỉnh tưz choz 2 hâux lưv, Ủy ban thị xã Sa Pa cux tsênhv qênhz shuôs đuô têx pênhr jos chiê tror choz uô thiêz kho đuô têx côngz trênhx hâur thax tsav trâul đêx nas uô ruôr hiêv, puôk tsuôx. Cik txos têx qơư tu zus njêl, pêz cux heik chor tsêr nhiêx lơưr paz max pêx xênhv chiê nzor khưx phưx, tror huôv tsar tu zus tsiêx cxu, zus njêl đêx txiêk hâur thax tsav”.

Trơưk li zơưv Zax Seo Vần, Chủ tịch Ủy ban Mặt trận Tổ quốc Việt Nam tỉnh Lào Cai, lok six ntâu lênhx nênhs siêz jông tưz siz chos côngv têk paz trâu Liên Minh đros thiêz tsưr ziv “siz hluz siz paz chiê hla đhâu cêr txov, phiv liv”. Iz chas sir zôngv têx pênhr hu zâuv sơưr đơưk sik đros paz chiê muk shuôs thiêz muôz puz trâu chor chuôz zis trâul đêx nas uô ruôr hiêv, Mặt trận Tổ quốc tỉnh tưz hux jos đros hâu nov ntơưv qơư qênhz shuôs, thôngx ziv paz khưx phưx têx côngz trênhx zov chênhr thiêz paz max chor chuôz zis muôx vax tsêr trâul ruôr hiêv, puôk tsuôx ntơư:“Lok sâuv nhiêx txiêx buôk ti xa trâu Sa Pa zos zuôr xar 5 tyv đeiv. Muôx têx heik, tas nro têx nhiêx txiêx, cêr paz lênhk txeik tâu txix chor nênhs siêz jông hâur thiêz đrâuv luôs 2 chas tỉnh, pêz tưz tsês ntâu chiê paz khưx phưx têx tsi jông, trâul ruôr hiêv tiv đêx nas uô trơưk li Chính phủ Nghị định tưz tso tơưv”.

Nhoz xã cxiv uô tâu jông luôs hâux lưv cxiv tsa jêx jok yiêz xuz thơưx hâur Sa Pa gra bê Liên Minh. Suôv qơư no thâuv tưs sơưr đơưk cux muôx cêr sik thôngx siêz, siz hluz siz paz hla đhâu têx cêr txov, siz chos huôv tsar uô nox, muôx luz nênhx tsâu sor, vav mênhx./.

                                                                      An Kiên-Riê Lâux cxeik, nhênhv

Cấp ủy hâur ntu hlôngr yiêz

          Tsi hu xor tôngx trâu yênhx lênhx nênhs, lok sik tsik muk txos yênhx lênhx đangv viên tsêr chiê thôngz pov six hơưv khiêz phêv chi bộ cux xưk li têx luôk hâux lưv zuôr trâus krêz uô, tsuôk txix iz qơư zôngv Zalo, zơưv Lò Văn Oai, Bí thư chi bộ cux zos Tsar jos Mạt, xã Mường Lèo, huyện Sốp Cộp, Sơn La tưz zôngx ziv chêx chôngk đảng viên tuôx khiêz phêv: “Tsi tâu đhâu thox cxov lok công nghệ thôngz xor mông, taz sik pêz cux sir jos zuôr 1 luz meir tính, 1 luz meir in chiê cơưv shâuv jux jus. Pêz chi bộ tưz muôx 31 lênhx nênhs nhoz sâuv nhóm Zalo, tsi xav đảng viên muôx hnuz nhôngs siêz mak zuôr thôngz pov lơưr tsưr ziv txơưr. Chi bộ muôx nhóm Zalo nhiv no, thôngz pov six hơưv khiêz phêv trâu đảng viên thiêz iz cxiê côngz xưv txơưr cux zôngx ziv đuô”

          Chi bộ jos Mạt li khôngz qiv xênhz huôx cux ziv hnuz ziv muôx têx hlôngr yiêz txix thâuv nênhs sơưr thơưx cấp ủy pâuz zôngv công nghệ. Têx njiêz luv lênhs tov, chox kriê hlôngr yiêz tsoz chos, tsiêx tu zus thâuv ntêx tsi muôx tsưr ziv uô mak nhiv no đros têx yênhx tưv, tsưr ziv txix Internet, têx phaz pênhv thôngz xor mông….cấp ủy jos Mạt tưz sik đros seiz lax, đros đảng viên nriêr tsưr ziv krêz uô cov huv đros. Muôx ntu phêv liv lok cxuô zav, nhiv no jsó Mạt tưz muôx têx hlôngr yiêz jông, pox nhuôk txơux zôngv KHKT lok tsiv uô, tsêz chos 50 hecta ntâu blêx, 25 hecta kok ntông, 25 hecta ntông nox txir, tu zus zuôr xar 4 cxênhz tul tsiêx cxu, keiz ok; yênhx lix tâu 2 HTX kôngz nuv….chor ziv chuôz zis pluôk, zuôr xar pluôk hâur jos khov co txu grês ntâu, txos nhiv no tsuôk yuôr 6%. Niêv lâuk Lường Thu Hương, đảng viên chi bộ jos Mạt pheiz kênh:“Cur txơưx zôngv KHKT, cơưv shâuv cxaz sâuv mạng tsưr ziv tu zus nhux đas, tsêz chos chiê muôx tâu chêx cuk, phênhv sâu siêz. Zos đảng viên cur cux phuôx huiz pưs txux, yax mông trâu pox nhuôk tsưr ziv tu zus muôx chêx cuk siêz”

          Hlôngr yiêz siêz xar, tsưr ziv uô txix têx lênhx nênhs lênhs tov hâur cấp ủy cux uô pox nhuôk tsôngv box mênhx cxưx Hmôngz nhoz jos Sam Quảng, xã Mường Lèo (Sốp Cộp) li luz nênhx muôx ntâu hlôngr yiêz jông. Têx tsưr ziv uô jông chiê huôv tsar kinh têr, cxiv tsa luz nênhx yiêz vav mênhx nhoz ntâu tiv phaz, ntâu mênhx cxưx….tâu Bí thư chi bộ, tập thêv cấp ủy đros têx đảng viên hâur jos sir jos pheiz kênh sâuv mạng, têx hội nhóm hâur jos, hâur xã….Zơưv Zax A Dệnh, Bí thư Chi bộ cux zos tsar jos Sam Quảng heik:“Seiz sâuv mạng xã hội cux muôx ntâu jax sâu jông lok đảng viên jông, nênhs uô tâu hâux lưv jông, cur pheiz kênh txos đảng viên hâur chi bộ. Sâuv kênh xa đuôz thiêz têx kênh thôngz xor mông pêz cux tưz cơưv shâuv, zôngv KHKT lok tsêz chos, tu zus, cấp ủy chi bộ cux tưz nhênhz chơưv, nriêr pâuz, cơưv shâuv chiê krêz uô txos tsôngv box”

          Zos cán bộ huyện, tâu tso lok uô Bí thư đảng ủy xã ntus đriv txov nhêv tiv zix Mường Lèo, huyện Sốp Cộp, Sơn La, zơưv Phan Thanh Lăng xar lok six ntâu txos hâux lưv uô li chas chiê uô tiêr jông zuk li jênhv vưv txơưx jênhv zos lênhs tov, chox kriê chiê taz por txiv ngaz, tsôngv box nhoz ntus đriv muôx luz nênhx tsâu sor, hlôngr yiêz jông. Zơưv Lăng pheiz kênh: Đảng ủy xã tưz vênhv tôngv têx chi bộ zuôr meir tính, phưx vưv huôx tôngv, côngz xưv cxuô. Txos nhiv no, 10/17 chi bộ nhoz hâur xã tưz muôx meir tinhd; têx bí thư chi bộ puôr lênhx chuv tôngv nriêr pâuz, cơưv shâuv chiê sir zôngv công nghệ thôngz xor mông hâur chox kriê uô hâux lưv. Đrâuv co, đảng ủy xã cux heik kriê txos tas nrot êx cán bộ, công chức, đảng viên phuôx huiz công nghệ li têx jông, đros co tsuv taz por uô trơưk đảng, têz qơưk li cui tênhv nhiv no:          “Cur tưz chox kriê cán bộ, công chức heik kriê cxix cxuô têx tài khoản sâuv mạng xã hội, nhóm zalo chiê uô li chas muôx txơưx jênhv hâur hâux lưv sir zôngv jông trơưk cấp thênhv siêz li seiz car. Sir jos pheiz kênh xor mông txix têx pov tsir, đeix TW, tiv phaz li trang mạng; heik kriê tsi pheiz kênh têx xor mông tsi tâu xav tênhv tsênhz mênhx, xor mông tsi zos, tsi muôx tsênhv tsênhz….uô zênhr shar txos xã hội li siêz njênhs txos Đảng, têz qơưk. Đrâuv co, cxơưz cxiz têx chi bộ tsov shav, quay video lok jos, chi bộ li huôx tôngv txix têx hâux lưv mê tiv zix…”

          Cêr nanv 70 lênhx tsôngv box jông lok hâur đảng six cxiv no tâu seiz zos tsưr ziv siêz đros iz xã thax tsav III ntus đriv xưk li Mường Lèo. Taz sik đhâu 3 shông, đảng bộ xã tưz tax tâu zuôr xar 70% tsưr ziv tso tơưv; shông 2023 tưz uô tiêr tsưr ziv cêr nanv đảng, hâur co muôx chỉ tiêu cêr nanv đảng đros tsôngv box muk lơưr đạo thiêz đảng viên khối doanh nghiệp, HTX. Chor ziv chuôz zis pluôs nhoz Mường Lèo cux txu grês tsi so hâur 3 shông jê ntơưv no; 100% taz viv thiêz 13 jêx jos puôr lênhx taz por txiv ngaz côx phax…. No zos cấp ủy, chính quyênx, cán bộ, đảng viên nhoz tox siêz ntus đriv têz qơưk li cêr shir phaz, siêz txưv haox ndax hâur shôngk shông yiêz./.

                                                                Lê Hạnh-Txâur Vax cxeik nhênhv