Chos tsoz chos cuô txoz hlôngr trâu tsês chos blêx- tsưr ziv uô yiêz paz tsôngv px Lào Cai muôx phênhv sâu tâu siêz

Uô lơưr tsưr ziv hlôngr yiêz tsoz chos, txix shông 2025, tsoz chos cuô txoz njuôz tâu chox lok chos ntơưv ntâu jêx jok sâuv thax tsav xã Văn Chấn, lơưr tsưr ziv sik côngv hâur Hội Nôngx mênhx xã thiêz Hợp tác xã tsêz chos thiêz tsiv uô kôngz nuv GOC. Tsi tiêk taz por tsơưr lươngv, hâux lưv sik côngv tsêz chos tsênhv paz ntâu ziv chuôz zis tso siêz lok qơư sâu zuôr xiv huv. Cxaz chuôz tsaz yênhx no, hâur chiv uô kôngz nhiv kruôr đhâu, zơưv Lò Văn Bộ nhoz jok Nà Trạm, xã Văn Chấn chuôz zis tưz chos 2.000m2 ntâu tsoz chos cuô txoz njuôz. Thâuv yưx tas têx nhiêx txiêx yưv uô, chuôz zis sâu tâu 50 triệu đeiv ntâu:“Chuôz zis sik côngv đros Hợp tác xã GOC mak heik cxuô lok six tso siêz lok qơư sâu zuôr xiv huv thâuv muôx hợp tác xã jênhv sâu zuôr. Hợp tác xã cux paz zuz nôngz, chuôz zênhx uô kôngz chiê tsêz chos”.

Cxaz chuôz trâur nuv, nôngx mênhx tâu Hợp tác xã uô xênhz yar thiêz tsiv uô kôngz nuv GOC paz heik kriê tsưr ziv txix ntu uô ar, tsoz phưz txos sâu đê. Zơưv Hà Đình Bay, Tsar jok Nà Trạm, xã Văn Chấn shir phaz heik tas nro xiv huv tâu hợp tác xã cir jênhv sâu zuôr, paz pêx xênhv tso siêz huôv tsar uô, txo grêk qênhx shênhx tâu chiv cheix, pôngz gri:“Tsoz chos cuô txoz mak tsơưr lươngv jông, chêx cuk kinh têr siêz đuô 4, 5 jiês pir li tsêz chos blêx. Tsôngv px ntơưv jok shông nhiv kruôr đhâu tâu sâu zuôr xiv huv, tsi cxơưx txos qơư muôs. Lênhx tưs cux lok six shir phaz”.

Chiv cuô txoz nhiv kruôr đhâu, tas nro xã Văn Chấn muôx 68 ziv chuôz zis sik côngv đros Hợp tác xã tsiv uô kôngz nuv GOC chiê chos tsoz chos cuô txoz njuôz, tas nro mênhv chêx muôx 93.000 ntâu yiv ndis. Chêx cuk tso pov têx mênhv chêx no puôr lênhx chox lok chêx cuk kinh têr siêz. Zơưv Lò Văn Sĩ, Chủ tịch Hôiv Nôngx mênhx xã Văn Chấn, tỉnh Lào Cai puz pâuz:“Đhâu thâuv chor hôiv viên nôngx mênhx chos tsoz chos txoz, pêz seiz shuôk chêx cuk kinh têr đros tsoz chos blêx mak jông đuô. Hâur shông zuôr txos, Hôiv Nôngx mênhx xã cux tưz sik côngv đros Phongx Kôngz nuv thiêz Tênhx qơư vênhv tôngv hôiv viên nôngx mênhx tror huôv tsar chos tsoz chos cuô txoz. Njuôk xav hâur đăngk cir chor hôiv viên nôngx mênhx mak zuôr chos muôx nhos 20 ha ntâu”.

Trâur nuv sik côngv chos tsoz chos cuô txoz ntơưv xã Văn Chấn qir thơưx tưz paz muôx phênhv sâu tâu siêz trâu pêx xênhv nhoz tiv phaz. Txix co kriz đar mênhv chêx, hlôngr yiêz ar uô kôngz chiê chos tsoz chos cuô txoz cov muôx phênhv sâu tâu kinh tế siêz  hâur ntu zuôr txos./.

                                                                                                      Đinh Tuấn- Txâur Vax cxeik nhênhv

Têz qơưk Tsaz yênhx cxiv tsa jêx jok yiêz, txo grêk yêiz pluôs truôx đrênhk thiêz huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz li têx luôs hâux lưv thiêz tsênhv njiêz

Tsênhv njiêz 5: Tror yưv pênhr cxiv tsa, kho đuô cxuô zav, zuôr têx chuôz zênhx kriê ntơưr, thư viện trâu chor qơư zoz zux nhuôv zâu, qơư zoz zux phôv thông sâuv thax tsav jêx jok lơưr saz yiêz jông, huv đros, paz tâu jông trâu hâux lưv cơưv ntơưr. Tsêx trung, sir jos paz yưv pênhr trâu thax tsav chor xar, jêx jok txov nhêv tiv zix, ngaz tuk thax tsav, ntus đriv thiêz poz hiêr;

Tsênhv njiêz 06: Jux juk uô cov tiêr cxiv luôs zuôr muôs jêx jok; huôv tsar chor ciêz cov muôx txâuk têx tsưr ziv paz ngaz tuk jông zav nox cấp xar; cxơưz cxiz zuôr muôs điện tử; cxơưz cxiz huôv tsar cxiv luôs dịch vuv logistics đros thax tsav uô hax huv. Tsêx trung, paz trâu yưv pênhr cxiv tsa, kho đuô chor ciêz thax tsav tsôngv box mênhx cxưx tsơưs nênhs thiêz tox siêz, ngaz tuk thax tsav, ntus đriv thiêz poz hiêr;

Tsênhv njiêz 07: Huôv tsar cxuô zav ntơưv têx qơưk uô tsêx trung; hạ tầng kỹ thuật, qơư tsês chiê, qơư tsês txiêk, tsênhv qơư uô, kra kruôr, tsênhv qơư cungz-sâu zuôr kôngz nuv ntơưv thax tsav uô hax huv tsêx trung cov jông đuô, huv đros trâu cêv kuôk uô nox; yưv pênhr, kho đuô cxuô zav hâur jêx jok uô hâux lưv huv đros trâu tsưr ziv uô nox ntơưv thax tsav qơư. Tsêx trung, sir jos paz trâu thax tsav tsôngv box mênhx cxưx tsơưs nênhs thiêz tox siêz;

Tsênhv njiêz 08: Huôv tsar hạ tầng sôr, hạ tầng viễn thôngz nhoz thax tsav jêx jok; uô jông qơư phưx vưv bưu chính phưx vưv công côngv thiêz chinhr quyền sôr. Tsêx trung, sir jos paz yưv pênhr trâu têx xar, jêx jok txov nhêv tiv zix, thax tsav tsôngv box mênhx cxưx tsơưs nênhs thiêz tox siêz, ngaz tuk thax tsav, ntus đriv thiêz poz hiêr;

Tsênhv njiêz 09: Hlôngr yiêz têx chuôz zênhx nta suôz xar chiê xa têx xor mông zov chênhr txos trâu pêx xênhv pâuz (muôx kho đuô đaix nta suôz xar; kho hlôngr yiêz đuô đaix nta suôz xar têx huôx tôngv; kriz uô jông têx qơư txêik tso nta suôz sir zôngv công nghệ thôngz mông-viễn thông trâu chor jêx jok). Tsêx trung, sir jos yưv pênhr paz trâu chor xar, jêx jok txov nhêv tiv zix, thax tsav tsôngv box mênhx cxưx tsơưs nênhs thiêz tox siêz, ngaz tuk thax tsav, ntus đriv thiêz poz hiêr;

Tsênhv njiêz 10: Huôv tsar côngz trinhx cungz đêx hur tsêx trung ntơưv chor xar huv đros nhoz hâur thax tsav cov tâu truôx jông, hâur co tsêx trung, sir jos yưv pênhr paz ntơưv têx xar, jêx jok txov nhêv tiv zix; thax tsav ntus đriv; thax tsav muôx tsik txâuk đêx; thax tsav tsik so muôx ntux kruôr, đêx hiêr cxênhv, tsik hur hâur đêx; thax tsav tsông box mênhx cxưx tsơưs nênhs thiêz tox siêz; thax tsav ntus đêx hiêr thiêz poz hiêr, paz tok đêx lok trâu chor ziv chuôz zis pluôs, zuôr xar pluôs, chuôz zis nhiv kruôr tơưv đhâu yêiz pluôs, chuôz zis nhoz thax tsav tsôngv box mênhx cxưx tsơưs nênhs thiêz tox siêz, chuôz zis nhoz têx qơư sir zôngv tsik tâu têx đêx hur tsêx trung;

Tsênhv njiêz 11: Huôv tsar têx qơư kỹ thuật sâu tsês, xưv lik têx cuô đêx vuôz tsuôz; sâu tsês, xưv lik, thâux xa, tror sir zôngv, uô đuô thiêz xưv lik têx vuôz tsuôz tơưr; cxơưz cxiz chor doanh nghiệp cxaz chuôz, paz uô cxix cxuô, truôx jông, tsik uô tsik hur txos tênhv qơư. Yưv pênhr, uô tiêr têx qơư sâu tsês, phênhz, xưv lik têx vuôz tsuôz tơưr, đêx tsik hur hâur têx ziv chuôz zis thiêz qơưk pêx xênhv sir zôngv công nghệ huv đros tênhv qơư. Huôv tsar hạ tầng paz cxơưz cxiz kinh têr tuần hoàn hâur sâu tsês, xưv lik, tror zôngv đuô têx vuôz tsuôz hâur tu zus thiêz kông nuv. Tsêx trung, sir jos paz trâu thax tsav chor xar, jêx jok txov nhêv tiv zix, thax tsav tsôngv box mênhx cxưx tsơưs nênhs thiêz tox siêz, ngaz tuk thax tsav, ntus đriv thiêz poz hiêr;

Tsênhv njiêz 12: Uô kho đuô truôx tuk pêx xênhv qơư nhoz (Txix têx tsưr ziv kho đuô: Tsêx trung uô qơư trâu pêx xênhv nhoz yiêz; chiê nhoz shơư đros hâur chor qơư pêx xênhv nhoz tưz muôx lok sik truôx tuk qơư nhoz ntơưv qơư đros têx thax tsav muôx tsik ntâu ar chiê kriz uô qơư nhoz yiêz) lơưr têz qơưk cêv kuôk, tsưr ziv ntơưv cxuô thax tsav qơư li:

Trâus ntux nas chuô ruôr hiêv, txov nhêv tiv zix, ntus đriv, poz hiêr, tsir qơư nhoz tsik zos chêi, thax tsav jôngr txưr (trơưk bê ntơưr dưv anr, tsưr ziv tâu cấp muôx vax huôv cir tso tơưv).

Tsênhv njiêz 13: Paz kho đuô tsêr nhoz trâu pêx xênhv ntơưv jêx jok lơưr tsưr ziv ngaz tuk, khor truôx, huv đros qiv hơưv txơưr txar; sir jos paz trâu chor chuôz zis pluôs, zuôr xar pluôs, chuôz zis nhiv kruôr tơưv đhau yêiz pluôs, nênhs tâu têz qơưk paz, chor ziv chuôz zis uô nênhx nhoz ntơưv têx qơư zuôr njiz trâus phiv liv siêz thiêz zôngx njiz trâus ruôr hiêv tiv qiv hơưv txơưr txar;

Tsênhv njiêz 14: Sêiz car thiêz kho đuô côngz trinhx tâu yưv pênhr cxiv tsa đhâu thâuv uô tiêr muôz lok sir zôngv; jux juk uô tâu jông tsưr ziv sêiz car, sir zôngv, kriz tso thiêz cungz têx dịch vuv cov huv đros./.

                                                                                                                       Tòng Anh-Lik Thox cxêik nhênhv