Hlôngr yiêz nhoz têx jêx jok txov nhêv ntus đriv Lai Châu

            Hâur têx têz har tsơưz jông njuôz xiêz, nhoz tox siêz, tix lâus Phàn Quẩy Trào, heir nênhs Cho, nhoz jok Hùng Pèng, xã Phong Thổ muk qênhz shuôs iz thôngx txir tsơưz jux juk. Seiz njiê têx têz har tsơưz ntâu li ntơư, tsi muôx lênhx tưs xar tiêk, lênhx txir nênhx no chuôz zis tưz muôx têx ntu luz nênhx txov nhêv, tsi txâuk nox tsi txâuk hnar. Thâuv ntu co, uô nênhx nhoz tsi truôx qơư, uô tix lâus Trào chuôz zis thiêz ntâu chuôz zis nênhs Cho txơưr đuô trâus yeiz pluôs, luz nênhx pôngz kaz. Thâuv tâu Tuz lênhv Pênhz phax tuôx kriê pêx xênhv tsưr ziv huôv tsar uô, nhoz truôx têz truôx qơư, tix lâus Trào thiêx xar tâu, xar hla đhâu cêr pluôs, tsuv hlôngr yiêz siêz xar, tsưr ziv uô nox. Tix lâus Phàn Quẩy Trào heik: “Khov têx phênhv sâu tâu txix tsêz chos kông z, tu zus tsiêx cxu, tix lâus chuôz zis tưz muôx nhiêx txiêx cxiv uô vax tsêr truôx khor nhoz. Muôx nhiêv lơưv, chuôz zis tưz zuôr tâu nzir têx chuôz zênhx li: Tivi, yêz meir cheix. Nhiv no chuôz zis luz nênhx tưz nhoz khênhr đuô thâuv ntêx lok six ntâu”.

          Đros trâu tix lâus Trào chuôz zis têx sir jos hla đhâu yeiz pluôs, zos 40 ntâu chuôz zis, zuôr xar 170 lênhx nênhs Cho nhoz thax tsav qơư no têx hlôngr yiêz thiêz nhiv no tror tuôx txos jok Hùng Pèng, zôngx ziv seiz njiê pov cxuô tsar zav tsênhv jux juk hlôngr yiêz, vav mênhx. Têx luz tsêr truôx khor tưz tâu cxiv uô hlôngr trâu chor tsêr đaz tuôs, lav uô lav nhoz thâuv ntêx; cxuô txox cêr tâu luôv suôz jêz, xi măng đu lus, zôngx ziv muk lol huôv tsar uô nox đuô; thiêz têx liêx têz por tox đo, tsơưz, blêx, kok, poz cưk jông njuôz xiêz; hok hâur têx guôx, qơư tu zus mak nhux tưv, yis ziv hnuz ziv vav ntâu jux juk. Ntâu chuôz zis tưz muôx txâuk nox txâuk hnar, tso tâu têx tuz nhuôs muk cơưv ntâuz ntơưr cxix cxuô, tsâuk ntux lok cxuô luz tsêr hâur jok muôx tênhz tơưk pov cêr cax lus. Txix iz jok txov nhêv nhoz ntus đriv, Hùng Pèng nhiv no tưz hlôngr yiêz, vav mênhx jux juk, tso siêz huôv tsar uô nox uô hnar.

          Txơưv luz nênhx hlôngr yiêz, taz sik jok Hùng pèng cux tsênhv yuôr iz cxiê chuôz zis pluôs, lar heik zos txov nhêv lok tsêr nhoz. Uô lơưr Đêx anr paz uô tsêr nhoz têx chuôz zis pluôs hâur thax tsav xã Phong Thổ, nhiv kruôr đhâu Tuz lênhv Pênhz phax Lai Châu tưz đros cxuô cấp, cxuô cấp paz uô tâu 4 luz tsêr yiêz trâu têx chuôz zis txov nhêv hâur jok nhoz. Tix lâus Lý Chỉnh Ngan, tsar jok Hùng pèng, xã Phong Thổ heik pâuz: “Chuôz zis tưz muôx jiês njiz trâus lok six ntâu phiv liv, cêr txov, tsi muôx vax tsêr truôx khor nhoz. Uô tsâus lok six ntâu txos chor tuz lênhv Pênhz phax tưz paz uô tsêr nhoz trâu cur chuôz zis thiêz tsôngv box, muôx tsêr truôx khor nhoz, pêz cux tso siêz huôv tsar uô nox uô hâuk lơưv”.

          Tsi tiêk jok Hùng Pèng, nhoz cxuô jêx jok nênhs Cho, nênhs La Hủ, nênhs Hmôngz, Hà Nhì.... ntơưv ntus đriv Lai Châu, têx blêx, poz cưk, tsoz chos nox txir tsênhv jux juk muôx pur têz tas, njuôz vor tox trôngz hâur pêk. Chor nhux tưv, yis têz qơưk paz trâu tsôngv pêx xênhv tu zus cux iz hnuz vav ntâu jux juk, ziv hnuz sơưr đơưk ziv cxiv uô tâu vax tsêr truôx khor nhoz, muôx luz nênhx tsâu sor, vav mênhx. Đại tá Lê CôngThành, Phưv Chính ủy Ban seiz car Tuz lênhv Pênhz phax tỉnh Lai Châu heik pâuz: “Iz cxiê luz tsêr cux nhoz lok six đêz, viv li tuz lênhv phênhv ntâu tsuv cưr gra têx chuôz laov cxiv tsa xưz, pôngz lok six ntâu six hơưv, hnuz nhôngs cơưk; lar heik zos thâux xa têx suôz jêz, xi măng. Taz sik pêz Ban seiz car tuz lênhv Pênhz phax tỉnh cux chox kriê chor tuz lênhv sir jos hla đhâu phiv liv chiê paz cxiv uô cov tâu vax tsêr nhoz trâu tsôngv pêx xênhv”.

          Txơưv tsênhv yuôr tsi tsơưs têx phiv liv, cêr txov, taz sik txix Đảng, têz qơưk cêr moz siêz thiêz cxuô cấp, cxuô ngênhx, lar heik zos chor tuz lênhv Pênhz phax têx sir jos đros paz, chor jok txov nhêv nhoz thax tsav no tsênhv jux juk hlôngr yiêz, muôx luz nênhx tsâu sor, truôx tuk./.

Khắc Kiên-Riê Lâux cxeik, nhênhv

Du lịch Lào Cai huôv tsar jông txix ciês thâuv hâur shôngk shông

           Nhoz ciês ntơưv tsênhv qơư phường Sa Pa, qơư du lịch hợp tác xã vênhx huôv siz txuôk côngv thôngx zos qơư trâu chôngz lênhx kruô saz đrâuv têz qơưk ndis shuôk uô si thâuv tuôx txos ntơưv no. Nhiv kruôr piz huôx tôngv txix hâur shôngk shông 2026, taz sik iz ciêz ntơưv no tok muôx yênhx cxênhx lênhx kruô tuôxuô si, nriêr pâuz thiêz sir zôngv dịch vuv. Pos Hoàng Thị Vượng, Chủ tịch HĐQT, Tổng Giám đốc hợp tác xã vênhx huôv siz txuôk côngv thôngx hêik pâuz, uô têx hax huv du lịch vênhx huôv đros tex vênhx huôv jông mênhx cxưx tsơưs nênhs tưz paz uô trâu tsôngv kruô nhiêv txos đuô: “Ntơưv no zos iz Sa Pa tâu uô greiv zâu, muôx tsôngv box Hmôngz, Cho, Tày, Xa Phó li têx vênhx huôv hâur luz nênhx. Hu nghệ nhân tuôx nthuôr uô cêr lov jêv trâu chor kruô du lịch sêiz. Đhâu iz ntu chor kruô xar tuôx ndis sêiz, uô si. Txos hnuz kaz ciêz muôx txix 200-300 lênhx kruô”.

         Hâur du lịch nhoz tas nro Lào Cai, Sa Pa tror zos qơư tâu chôngz nênhs nhiêv tuôx ndis sêiz, uô si đros muôx 345 cxênhz ntâu lênhx kruô, tsav xar muôx 36% tas nro chor kruô hâur tỉnh. Muôx ntâu xor xưv du lịch tâu thax tsav qơư sik côngv tsưr tsix, hâur co muôx chor ntênhk hôiv chêix ntux no đros xor xưv txêik tok shông yiêz, tưz zaz zâuv yênhx châuv vạn lênhx kruô hâur têz qơưk tuôx ndis sêiz, uô si. Chủ tịch phường Sa Pa – zơưv Tô Ngọc Liễn puz pâuz, ntơưv qơư tsênhv sir jos kho đuô zoz thôngz, du lịch, chuôz cxaz sik côngv đros chor xar chiê paz muôx ntâu zav du lịch đuô: “Pêz xav lơưr thax tsav li: thax tsav tsuv huôv tsar đô thị, hạ tầng, tsuv tuôr tsês chiê, huôv tsar homestay cov jông đuô thiêz phênhz txos têx kror tsuv tâu tuôr tsês chiê, chor qơư huôv tsar du lịch, qơư huôv tsar homestay chiê paz muôx tâu siz txuôk thax tsav”.

          Đros Sa Pa, ntâu qơư du lịch li Mù Cang Chải, Y Tý, Bắc Hà cux pov muôx chor kruôk tsar ndê chôngz lênhx. Txix chor pax jông jav txos chor txir ntông siêr jông, cxuô thax tsav qơư tsênhv kriz uô cov tâu jông têx kror liv chiê huôv tsar du lịch. Ntơưv Bắc Hà, chor vax txir khơưz tơưs đơưz vos tưz uô trâu chôngz tsôngv kruô lok six nhiêv. Niêv tix Trần Thị Trang, txix Hà Nội tuôx puz pâuz: “Cur xar mak no zos iz kror muôx ntux paz trâu pox nhuôs nhoz ntơưv no cov lơưr huôv tsar tâu thiêz sir jos cov luz nênhx hlôngr yiêz jông đuô”.

          Zơưv Trần Sơn Bình, Phưv Giám đốc Sở Vênhx huôv-Thể thao thiêz Du lịch tỉnh Lào Cai puz pâuz, đros muôx têx kror huôv tsar jông txix hâur shôngk shông, Lào Cai tso tơưv ntâu kror thiêz vav txos ntâu kror zuôr paz trâu du lịch huôv tsar: “Đros nganhx du lịch, côngv thôngx doanh nghiệp thiêz cxuô thax tsav qơư li sir jos, mak pêz njênhs tiêk shông 2026 têx tsưr ziv, luôs hâux lưv zuôr tâu uô tiêr trơưk tsưr ziv tưz tso tơưv”.

         Shông 2026, Lào Cai sir jos cov tok tâu muôx 11 triệu ntâu lênhx kruô, hâur co muôx 1,5 triệu lênhx kruô ntiêx têz, phênhv sâu txix du lịch tâu muôx 51 cxênhz tiv đêiv. Đros têx kror jông txix ciês hli xuz thơưx thâuv hâur shôngk shông tưz paz trâu du lịch Lào Cai sir jos cov muôx tâu iz shông huôv tsar thiêz uô nox tâu jông đuô./.

TTTB-Lik Thox cxêik nhênhv