Viv li chas Yên Bái 10 shông lok no tsi muôx yưv txiêz nanv zaoz thôngz cêr đêx?

          Pas đêx Thác Bà, tỉnh Yên Bái muôx mênhv chêx đar 19 cxênhz hecta, ntêr 80 cei cêr ntâu sâuv tul đêx Chảy đros muôx 1 cxênhz 300 luz poz hiêr lox zâu. Niêv pas đêx zos tsôngv box ntâu xã, thị trấn nhoz huyện Lục Yên thiêz Yên Bình li qơư tu zus shuôz njês, tsêz chos jôngr nuv. Niêx hnuz yêz gox đêx, tsôngv box muk lok sâuv niêv pas lok six chôngz. Chiê taz por, chính quyênx xã, thị trấn thax tsav niêv pas đêx tưz yax six yax mông, heik kriê tsôngv box têx tsưr ziv taz por thâuv muk lok sâuv đêx. Zơưv Phạm Đức Huy, Chủ tịch UB thị trấn Thác Bà, huyện Yên Bình puz pâuz:

          “Pêz sik côngv đros lưx lươngv công an zaoz thôngz seiz car, sâu bê têx lênhx tsôngv box muôx yêz gox đêx chiê yax mông, tso tơưv tsưr ziv thiêz tsưr tsix cir ntơưr uô jông taz por zaoz thôngz cêr đêx. Pir li têx yêz gox đêx tsi tâu muôx yo phao mak yax mông, heik kriê chiê tsôngv box bax cxix cxuô đuô, taz por thâuv muk lok sâuv đêx”

          Đrâuv tsôngv box huôv tsar cêr uô nox sâuv niêv pas đêx, Thác Bà cux zos qơư ju lix jông tâu chôngz lênhx nênhs nhiêv txos; zos têx taz viv, doanh nghiệp li cêr đêx coaz tsôngv hâur thâux hax huv thâuv tsiv uô poz jêz đơưz, môngr suôz jêz, xi măng. Viv li, yênhx cêr muk lok sâuv niêv pas đêx puôr lênhx tâu chiz coaz muôx txơưx jênhv pheiz tsênhz mênhx thiêz heik tsôngv box muk lok lơưr cheix chiê taz por. Tix lâuk Trần Thanh Tùng, lênhx nênhs tsar yêz gox đêx thâux kruô puz pâuz:

          “Lơưr lưx lươngv cảnh sát zaoz thôngz li heik kriê mak pêz muk lơưr cêr tưz tâu pheiz chiê taz por trâu tsôngv box, thâuv ntux pok huôz mak tsuv muk lis đuô, huôz za tas mav li muk thiêx li taz por”.

          Yuôr zơưv Phạm Văn Vượng, nênhs tsar yêz gox đêx thâux poz jêz txix qơư tuô poz jêz Mông Sơn muk thị trấn Yên Bình trâu tsêr meir Xi măng Yên Bái, đros muk lok 17 jiês iz luz hlik thiêz iz jiês muk pôngz muôx nhos 10 six hơưv sâuv niêv pas đêx, chiê muôx tâu 20 ntâu shông tsi njiz trâus txiêz nanv cêr đêx, đrâuv chênhz zênhv mak cux tsuv uô trơưk chiz coaz muôx txơưx jênhv li têx cui tênhv, cảnh sát cêr đêx li heik kriê:

          “ Muk lok tsuv taz por lơưr heik kriê thiêz tas nro cêr muk lok thâuv hmo ntux lok sik têx hnuz ntux lok nas cux tsuv pâuz tsênhz. Thâux hax huv lok cheix ntux kruôr lok sik ntux lok nas tsuv thâux taz por. Tas nro lênhx nênhs tsar yêz gox đêx lênhx tưs cux tsuv txơưx luôv đêx chiê thâuv muôx yưv hâux lưv tsi jông mak txơưx yưr lir cov taz por trâu lênhx nênhs thiêz yêz gox đêx”

          Tỉnh Yên Bái muôx zuôr xar 200 cei cêr đêx; 7 qar tsav fuôx gox; 45 qar tsav yêz gox đêx đros muôx muôx nhos 200 luz yêz gox đêx huôx tôngv yax six, hâur co muôx 50 luz thâux kruô thiêz ju lix, tsi tâu heik txos tsôngv box li yênhx puôk luz lox zâu muk lok sâuv niêv pas đêx Thác Bà, sâuv tul đêx Liêz, đêx Chảy mak tsi tâu đăng cir, đăng kiểm.

          Trung tá Đinh Trọng Phong, Tuêv tsar Tuêv cảnh sát cêr đêx, Phongx cảnh sát zaoz thôngz Công an tỉnh Yên Bái puz pâuz, chiê taz por zaoz thôngz, iz shông taz viv puôr lênhx tsưr tsix yax mông lok Chei taz por zaoz thôngz cêr đêx trâu yênhx puôk jiês tsôngv box, cungz tsi zuôr nhiêx txiêx muôx nhos 200 phao chơưv paz, chuôz zênhx trâu tsôngv box cxaz chuôz zaoz thôngz cêr đêx. Đrâuv co zos chuôz tsar qênhz yuôx, seiz car, yưr lir uô cxâuv, tiv zix zos ntơưv têx qar tsav yêz gox đêx lox, muôx ntâu yêz gox đêx huôx tôngv li Hương Lý, Thác Bà, Cảm Nhân, Xuân Long.... Xav txix shông 2022 txos nhiv no, taz viv tưz đros chiz coaz muôx txơưx jênhv heik tso tsês lok sik tsi puz huôx tôngv 50 qơư tsav yêz gox đêx, qơư tsav fuôx gox tsi taz por. Đros muôx zuôr xar 150 lênhx nênhs uô cxâuv trâus yưr lir txix xưv phuôv hành chính txos sâu tsês yêz gox đêx:

          “ Niêx shông uô ntêx thâuv txos cheix lok nas pêz sik côngv đros chinhr quyênx tiv phaz 2 saz ntus cêr đêx tsưr tsix yax mông, heik pox nhuôk nhoz 2 saz ntus đêx, niêv pas đêx Thác Bà thiêz têx ziv chuôz zis kinh doanh yêz gox đêx, doanh nghiệp yêz gox đêx huôx tôngv sâuv cêr đêx uô jông taz por zaoz thôngz cêr đêx. Thôngx cxix truôx siêz yưr lir têx lênhx nênhs uô cxâuv lok taz por zaoz thôngz cêr đêx”.

          Đros chiz coaz muôx txơưx jênhv li sir jos, tiv zix zos cảnh sát zaoz thôngz cêr đêx, Công an tỉnh Yên Bái; tsôngv box li thôngx ziv uô trơưk têx cui tênhv, 10 shông ntâu đhâu, Yên Bái tsi muôx yưv txiêz nanv zaoz thôngz cêr đêx. Đrâuv chiz coaz muôx txơưx jênhv li sir jos, iz lênhx tsôngv box, taz viv, doanh nghiệp tror muozo siêz siêz xar uô trơưk Chei taz por zaoz thôngz cêr đêx, chiê yêz gox đêx muk lok nhoz Yên Bái thâuv tưs cux tâu taz por./.

(Thừa Xuân-Txâur Vax cxeik nhênhv)

Lênhx pox niêv trưởng công an xar uô tâu hâux lưv jông

Zơưv Trần Văn Hữu, nhoz đôiv 5, jok 2, xar Quảng Điền piêr: pêx xênhv nhoz ntơưv no, phênhv ntâu zos khưr uô kôngz lôngk, chos blêx liêx viv li, têis cik tưs cux sơưr lok six nzor, siz zâuv hâuk cà phê, sik thav pêv tas mav muk uô kôngz lôngk. Têx shông uô ntêx, qênhx shênhx tsưr tsix tưr txiêx muôx yưv tsik so thiêz phiv liv. Ntâu chuôz zis luz nênhx puôk tsuôx tas, yuôr nux grik ntâu đhâu têx jiês tưr txiêx. Taz sik muôx nhos 3 shông tror lok no, chor qơư phiv liv lok tưr txiêx tưz tâu txo grêk tsơưs ntâu, qênhx shênhx ngaz tuk xar hôiv ziv hnuz ziv muôx ntâu hlôngr yiêz.

“Txix thâuv Thảo lok uô trưởng công an thiêz chor công an huyện tâu chiê lok uô hâux lưv ntơưv no qênhx shênhx ngaz tuk tưz tâu taz por, xar hôiv cux ngaz tuk. Công an ntơưv no cux đros đrêiv pêx xênhv, mnôngs pêx xênhv hêik. Nhoz hâur jêx jok, nus chor ban sêiz car jêx jok chiê nriêr pâuz lok qênhx shênhx thiêz kruôz kriê lok têx phiv liv, viv li qênhx shênhx ngaz tuk, nênhs phamv cxâuv ntơưv no cux tưz tâu txo grêk tsơưs thiêz tâu phax tar jông”.

Lênhx nênhs zơưv Hữu hêik txos chênhr zos Thiếu tá Lê Nguyễn Hiếu Thảo – Trưởng công an xar Quảng Điền. Zos mênhx cxưx Thái, xênhz shông 1986, thâuv ntêx no, niêv tix Thảo tưz muôx 13 shông uô côngz xưv ntơưv Công an huyện Krông Ana hâur Đôiv An ninh thiêz Đôiv Cảnh sát sêiz car hành chinhr lok ngaz tuk xar hôiv. Txix kaz shông 2019, niêv tix thor lok uô côngz xưv ntơưv thax tsav qơư lơưr Bôv Công an li đề án thiêz tâu Công an huyện Krông Ana njênhs, choz lok uô Trưởng Công an xar Quảng Điền. Niêv tix Thảo cux zos lênhx canr bôv pox niêv xuz thơưx ciês hâur 5 lênhx công an tâu chiê lok uô côngz xưv ntơưv xar.

Thâuv lok jênhv côngz xưv uô, niêv tix Thảo tưz đros sơưr đơưk muk trâu cxuô thax tsav qơư nriêr pâuz qênhx shênhx. Piz cxiv tsa têx tsưr ziv uô côngz xưv, uô ciês hâux lưv đros têx jêx jok chiê nriêr pâuz lok lênhx nênhs, têx qơư phiv liv. Tsik so qênhz yuôx ntơưv têx qơư nhoz siz buôs ti; tsưr tsix yax kriê hâur pêx xênhv txix ntâu tsưr ziv uô. Đros co, công an xar tsênhv muk trâu yênhx chuôz zis chiê sêiz nus, lok sik paz hax huv trâu chor pêx xênhv muôx luz nênhx txov nhêv, chor nênhs uô tiêr six hơưv tik cêr cxâuv tror lok ntơưv thax tsav qơư. Niêv tix Nguyễn Mỹ Hạnh nhoz jok 4, xar Quảng Điền puz pâuz, khov muôx côngz an xar li hêik kriê thiêz paz, đhâu thâuv uô tiêr six hơưv cơưv tux tror lok niêv tix tuk txir tưz sưv đros thiêz tror uô nênhx đros côngv thôngx, sir jos khưr uô nox.

“Thâuv muk cơư tux tror lok mak cur tuk txir cux tror uô nênhx sưv đros trâu côngv thôngx, sir jos khưr uô kinh têr lok six ntâu. Tiv zix zos thâuv tror lok ntơưv thax tsav qơư mak chinhr quyền ntơưv qơư thiêz công an xar puôr lênhx zos chor nênhs lok six jông, lơưr paz hêik kriê tsik so thiêz paz lok cxuô kror lok six ntâu”.

Tưz tsik zos sưv jê đros pêx xênhv, thax tsav qơư nhoz, Thiếu tá Lê Nguyễn Hiếu Thảo tsênhv tsik so tsưr tsix kriz uô chor huôx tôngv siêz jông, paz trâu pêx xênhv. Thượng tá Lê Văn Tuấn, Trưởng Công an huyện Krông Ana ntâuk gri:

“Thảo tưz phuôx huiz tâu jông lênhx nênhs sơưr thơưx công an cấp xar li pưk txux. Lok six sir jos uô côngz xưv. Hâur 3 shông nhiv kruôr đhâu, Thảo cux tưz tâu Đảng ủy, lênhx tov Công an huyện Krông Ana thiêz Đảng ủy, Ủy ban xar Quảng Điền ntâuk gri lok six siêz thiêz tâu pêx xênhv nhoz sâuv xar Quảng Điền njênhs njôngr, nhiêv thiêz sir jos paz trâu Công an xar Quảng Điền hâur uô têx jênhv vưv chinhr triv ntơưv thax tsav qơư”.

Đros têx gôngr côngv hâur ntu uô côngz xưv, Thiếu tá Lê Nguyễn Hiếu Thảo tưz tâu Bôv trưởng Bôv Công an; Giám đốc Công an tỉnh Đắk Lắk; Ủy ban huyện Krông Ana muôz ntơưr kruôk… Thiếu tá Thảo thav tiêk, đros niêv tix, uô côngz an zos kror siêz nhiêv thiêz xar txos txix thâuv zâu lơưv. Viv li, txơưv njiz ntâu kror phiv liv, niêv tix hax zav zuôr sir jos thiêz tso siêz đuô, zuôr sir jos gôngr côngv đas jos chiê paz tuôr truôx ngaz tuk luz nênhx trâu pêx xênhv.

“Nganhx zuk xêir tsov zos kror siêz nhiêv. Ntu tov ntêx, zuk tsuôk xar tiêk zuôr sir jos sik côngv thiêz muôx têx tsưr ziv xar tơưv jông chiê paz trâu pêx xênhv thiêz xar no txo grêk tsơưs tâu têx txiêz nanv xar hôiv cov truôx jông tiv zix. Thiêz cux vav tiêk ntu tov ntêx no pêx xênhv zuôr sir jos li no, phuôx huiz đuô thiêz, sik côngv đuô thiêz đros lưx lươngv công an xar hâur phongz yaox tas nro pêx xênhv por vêv ngaz tuk Têz qơưk”.

Thiếu tá Lê Nguyễn Hiếu Thảo li têx sir jos co tưz tâu pêx xênhv njênhs njôngr thiêz ntâuk gri siêz. Đhâu co, paz uô truôx jông đuô sik côngv siêz nhoz pêx xênhv thiêz công an, yênhx lênhx pêx xênhv cux zos yênhx iz lênhx “công an viên”, zos chor nênhs sik côngv, sir jos chiê paz phax tar chor nênhs fêv, uô cxâuv cêr chêi têz qơưk, paz tuôr truôx ngaz tuk trâu têx jêx jok, pêx xênhv sđ uô nênhx shir phaz lul./.

TTTN-Lik Thox cxêik nhênhv