Zơưv Trịnh Xuân Trường: Lào Cai- Yên Bái xar uô cov tâu trơưk  siêz xar, tsuv muôx cxix cxuô thiêx uô tâu huv Oscar

Zơưv Trịnh Xuân Trường, Bí thư Tỉnh ủy Lào Cai tsov cưv: Lào Cai- Yên Bái tsênhv zos tỉnh pluôk. Kinh têr 2 tỉnh nhiv kruôr muôx nhos 130 cxênhz tỷ, pir đros thax tsav tsuôk bâuv 1/3 tỉnh Phú Thọ (yiêz). Li Lào Cai li chuôz tsar kinh têr têx shôngk jê ntơưv no tsi muôx ntâu hlôngr yiêz. Chỉ số HDI lok huôv tsar lênhx nênhs kis pir đros tas nro têz qơưk. Khoa học công nghệ huôv tsar, hlôngr yiêz siêz xar tơưv hâur ntu 4.0. Têx jênhv vưv muôx lênhx coaz txos đối ngoại, taz por txiv ngaz ntus đriv, vênhv thix mênhx cxưx tsênhv zuôr trâus tâu tsov cưv xuz thơưx... “Taz sik pêz xar tiêk têx muôx jông mak muôx ntâu, têx tsi tâu uô tâu yuôr tsi ntâu. Pêz cux truôx siêz chiê uô tâu trơưk li siêz xar njôngr. Thâuv pêz muôx siêz sir jos uô, pêz sik đros côngv iz siêz uô txix đas jos txos siêz xar tơưv mak tỉnh zuôr muôx têx hlôngr yiêz jông đuô lok six ntâu”.

          Đros thiêz jênhv vưv uô tiêr Đề án sik côngv, Bí thư tỉnh ủy, Chủ tịch UB tỉnh Lào Cai Trịnh Xuân Trường thix ziv têx nganhx, tiv phaz 2 tỉnh tror sik côngv jông, ciêr chênhr uô lơưr zoz qơưx. Thôngx cxix tsov cưv, viv tiv phaz li têx muôx ntơưv qơư thiêz tsưr ziv huôv tsar tsi xưk iz zav viv li têx njiêz luv tsi tâu thôngx ziv tâu mak zos tsênhv tsênhz, tsi zos vênhv thix lox: “Coaz tsôngv tiv zix zos tov kaz no thâuv cxiv tsa Đề án, tỉnh yiêz huôx tôngv mak hâux lưv cxiv tsa tỉnh yiêz zos li chas? Txix nhiv no txos hnuz 30/6, Ban thường vụ 2 tỉnh uô li chas tsuv cxiv tsa tâu tsưr ziv, jênhv vưv trâu 5 shông zuôr txos. Tsuv muôx iz tsưr ziv choz trâu têx chiz coaz, choz trâu 2 đồng chí Phưv bí thư thường trực. Dự thảo Nghị quyết lok six coaz tsôngv, tsuv chox lok cấp xã chiê sik seiz lax viv 15/8 têx xã yiêz zuôr huôx tôngv thiêz uô tiêr Đại hội cấp cơ sở uô ntêx hnuz 31/8”.

          Zơưv Trịnh Xuân Trường cux heik mênhx 2 hâux lưv tỉnh Lào Cai- Yên Bái tsuv phuôx huiz chinhz yênhx sik côngv siêz, tiv zix zos sik côngv siêz hâur Đảng; tror chuôz tsar Đảng li lênhs tov; tsov cưv txos njuôs xav; kriê nzir, thox cxov lênhx nênhs txơưx njê hluôk; muôz siêz chinhz yênhx hlôngr yiêz, seiz đrơưv, xar tơưv, car xar, car uô; tas nro viv luôk hâux lưv cxuô, viv tsưr ziv lơưr kaz ciês zos tsôngv box tâu tsâu sor, shir phaz.

          Phuôx plov ntơưv jiês uô hâux lưv, zơưv Trần Huy Tuấn, Bí thư tỉnh ủy Yên Bái heik tơưv têx jông siêz đros Lào Cai li têx njuôs xav, chinhz yênhx xar tơưv, hla đhâu phêv liv. Thôngx cxix, thôngx ziv đros chinhz yênhx sik côngv siêz, sik côngv tês đros Lào Cai cxiv tsa iz tỉnh yiêz “tsi muôx tul tsi hlôngr yiêz đrâuv ziv hnuz ziv jông đuô”, txix co muôx tâu chor cán bộ, công chức, viên chức, nênhs lox tôngv li thôngx ziv cux xưk li tsôngv box thiêz doanh nghiệp li siêz njênhs njôngr txos: “Muôx lênhx coaz txos dự thảo Nghị quyết Đại hội Đảng bộ tỉnh (yiêz). Sir jos 2 saz tsuv thôngx ziv đề cương txix đề cương co thor Ban thường vụ li ziv chênhv. Pêz tưz muôx njuôs xav tỉnh 2 tỉnh lok six jông lơưv, co zos têx muôx tsiv grê, zos tsưr ziv paz pêz dự thảo nghị quyết, tsuv tsưr tsix cxaz iz cxiê jiês hội thảo chiê gôngr ziv chênhv uô tiêr”.

          Hâur jiês uô hâux lưv, Ban thường vụ tỉnh ủy Yên Bái cux tsês six hơưv seiz shuôk thax tsav kinh têr trôngx đriv Lào Cai; đros iz cxiê dự án, côngz tsinhx li tsêr cơưv cxênhx 3 Chuyên Lào Cai, tsêr kho moz đa khoa tỉnh Lào Cai, tsêr cơưv quôc tế Canada, thax tsav tsêr nhoz xã hội buôk niêv đêx Liêz thiêz buôk cêr B6 ntêr thôngz niêv đrôngs Lào Cai.

          Uô ntêx co, lok hnuz xiêz 9/4, ntơưv niêv đrôngs Yên Bái, Ban thường vụ tỉnh ủy Lào Cai thiêz Yên Bái tưz uô hâux lưv jiês xuz thơưx muôx lênhx coaz txos hâux lưv sik côngv 2 tỉnh yênhx iz tỉnh lơưr Trung ương li chox kriê./.

An Kiên-Txâur Vax cxeik nhênhv

Sơn La uô li chas chiê por hưv truôx jông têx jôngr ntông hâur têx hnuz kruôr gis, yar ntux cuz sor?

Têx hnuz no, chor nênhs uô hâux lưv por hưv, phax cuz tuô cuz jôngr muôx 6 lênhx ntơưv jok Nhạp, xã Cò Nòi, huyện Mai Sơn, tỉnh Sơn La tsênhv sir jos qênhz yuôx, qênhz shuôs, phax tar tsi chiê hluôr tơưk txeik cuz jôngr.

Tix lâus Lò Văn Thu, Bí thư chi bộ, tsar jok Nhạp heik pâuz: Tas nro jok nhiv no muôx zuôr xar 160 ha har jôngr, phênhv ntâu zos têx xuz tsuôs muôx shôngz ntông siz shơưk viv li thâuv tưs cux zôngx ziv txeik cuz, lar heik zos hâur ntu kruôr gis, cuz sor ntêr hnuz li no. Txix têx li heik co, đros trâu luôs hâux lưv qênhz yuôx jôngr, tưz tso lênhx nênhs nhoz trơưv ntơưv qơư hâur yênhx hnuz hmo, têx lênhx uô hâux lưv tsưx phưv jôngr hâur jok tsi so muôz têx tsênhv njiêz yax kriê lok fuô uô cê, heik tsôngv niêv txir lax pêx xênhv gra siêz tsưr ziv por hưv jôngr, tiv zix muk hâur xuz jôngr tsi tâu gra hluôr tơưk; hok thâuv hlơưr têz mak sơưr đơưk tsuv hlơưr trơưk cui tinhv thiêz muôx chor nênhs tsưx phưv jôngr hâur jok đros seiz car: “Tsôngv pêx xênhv sơưr đơưk uô jông hâux lưv tsưx phưv jôngr; ciês nhiv kruôr đhâu, txix tsưr ziv chênhr phax jông đuô,pir li thâuv tưz trâus txeik cuz, tsôngv pêx xênhv tưz sik đros luôx têx đrox tsuôs, cêv hluôr tơưk tâu muôx 300 ntâu thiêr, phênhv ntâu zos têx jôngr hâur đêx thiêz thax tsav jôngr ntông cxuô chuôz zis chos”.

Tâu chor lưv lươngv muôx vax huôv yax kriê tsi so, tix lâus Lò Văn Mai thiêz tsôngv pêx xênhv jok Nhạp ziv chênhr phax, moz siêz đros tsưx phưv jông têx jôngr ntông. Chênhr viv li, chuôz zis 4 ha ntâu ar têz chos caz tsiz thiêz  poz cưk tưz tâu tix lâus chuôz zis luôx, hlơưr trơưk cui tinhv lok 5 six tas cik sơưr nzor; iz chas ntơư cux thoz huk têx khâuz nhaz, đrox tsuôs cêv hluôr tơưk hur si chiê tsi txeik cuz trâu xuz jôngr: “Luz cheix no lok six zôngx ziv txeik cuz, chênhr zos li heik co thâuv hlơưr têz pêz gra đros hur si têx thôngz tsuôs đêx, zos txeik cuz trâu kror tưs mak tsuôs đêx tuô zênhx max, iz chas ntơư cux heik trâu chor nênhs uô hâux lưv phax cuz tuô cuz jôngr hâur jok pâuz thiêz đros seiz kaz”.

Tỉnh Sơn La nhiv no muôx zuôr xar 670 cxênhz ha har jôngr. Têx hnuz đhâu, cuz sor, kruôr gis zôngx ziv uô hluôr tơưk txeik cuz tox cuz jôngr, iz chas ntơư ntâu har jôngr, xuz tsuôs tâu njuôk xav lok six zôngx ziv trâus txeik cuz. Zơưv Trịnh Vinh Hiển, Hạt trưởng Hạt qênhz yuôx jôngr huyện Mai Sơn heik pâuz: Têx har jôngr ntơưv Sơn La phênhv ntâu zos nhoz tox siêz, phiv liv muk lol, thâuv muôx hluôr tơưk txeik cuz mak chuôs li tuô tsi yuô tâu, tưz tsi tâu heik txos muôx poz jêz ntos, shôngz ntông trâus cuz hnhiêz lor vâu pôngz lok, riêz nênhs trâu têx lênhx uô hâux lưv tuô hluôr tơưk. Chênhr viv li, “chênhr phax, tsưx phưv truôx mak jông đuô hur si”-hâux lưv no thâuv tưs tưz tâu moz siêz txos: “Pêz tưz chox kriê têx lênhx tsưr jôngr tsuv qênhz shuôs đuô tas nro cxuô luôs hâux lưv phax cuz tuô cuz jôngr tưz tâu cir chiê cxiv kho đuô huv đros; tiv 2 zos sir jos hu zâuv sơưr đơưk, têx lênhx uô hâux lưv tsưx phưv jôngr tsuv luôx têx đrox tsuôs uô cêr cêv hluôr tơưk cux li khơưk suô têx shôngz ntông kruôr hâur xuz jôngr chiê tsi yuô trâus uô ruôr hiêv ntâu thâuv muôx hluôr tơưk cuz jôngr ntông”.

Txơưv moz siêz uô jông hâux lưv phax cuz tuô cuz, taz sik hâur 3 luz hlik txix hli 1-3 nhiv kruôr đhâu, tas nro tỉnh Sơn La cux muôx 3 txuz hluôr tơưk cuz tox cuz jôngr nhoz huyện Mộc Châu, Mai Sơn thiêz Quỳnh Nhai. Zơưv Nguyễn Mạnh Cương, Phưv Chi cục tsar Chi cục qênhz yuôx jôngr tỉnh Sơn La heik pâuz: Lưv lươngv qênhz yuôx jôngr tỉnh tsênhv sir jos đros cxuô thax tsav qơư uô jông hâux lưv seiz car, tsưx phưv jôngr ntông, tsi chiê muôx yưv têx tsi jông, cuz nxor li: Ntor luôx jôngr ntông tsi trơưk chei, uô ruôr hiêv txos têx shôngz ntông. Đros trâu têx li heik co, qênhz shuôs, njuôk hov têx thax tsav, suôv qơư zôngx ziv muôx hluôr tơưk txeik cuz chiê fuô uô truôx jông luôs hâux lưv tsưx phưv jôngr: “Hâur ntu zuôr txos, heik hâu nov cxuô cấp, lar heik zos txix huyện txos xã, phường sir jos uô jông hâux lưv yax kriê, reik đros co zos heik pêx xênhv thâuv uô liêx têz, hlơưr têz, sir zôngv hluôr tơưk tsuv uô trơưk têz qơưk cui tinhv, txix ntơư gra siêz pêx xênhv tsưr ziv jênhv pâuz đros chênhr phax, tsưx phưv truôx têx jôngr ntông tsi trâus cuz hnhiêz”.

Đros thiêz fuô uô ntâu faz tsưr ziv, lar heik zos gra siêz tsôngv pêx xênhv tsưr ziv jênhv pâuz hâur seiz car, tsưx phưv jôngr, tỉnh Sơn La sir jos txo grêk tsơưs têx jôngr ntông trâus txeik cuz hâur cheix kruôr gis shông no./.

Trấn Long-Riê Lâux cxeik, nhênhv