Nduôr lok zos piêr poz cưk mok chuz-nênhs K’Ho nhoz Lâm Đồng iz zav nox kaz

Pos Liêng Hót Ka Hiên, heir nênhs K’Ho nhánh Cil) nhoz jok Srê Đăng, xã Tân Hội, tỉnh Lâm Đồng chuôz zis iz txưv uô đreiv têx nduôr thâuv ntêx nox, hâur co muôx nduôr poz cưk mok tưz yênhx iz zav nox kaz to bê hâur thax tsav. Thâuv pos Liêng Hót Ka Hiên hnuz nhôngs siêz, pos tưz kriê đuô têx txux chi, tsưr ziv uô nduôr poz cưk co trâu chor vir ndâuk, têx tuz nhuôs hâur chuôz zis, viv li muôx têx seiz no zos zav nduôr nox kaz thâuv nzor, chor lâul iz txưv uô nox đhâu ntâu tiêv lok.

Niêv lâul Liêng Hót Zi Jăt zos pos Liêng Hók Ka Hiên lênhx niêv lâul tus nxeik. Đhâu thâuv cơưv tas trung cấp uô cưk yuôx, niêv lâul tưz nzaz nzơưv têx txux chi cơưv tâu chiê uô chuôz zis chor nduôr poz cưk co cov nox kaz, huv sơưr đơưk siêz nhiêv đuô. Niêv lâul Liêng Hót Zi Jăt hêik pâuz: “Chiê uô tâu nduôr poz cưk nox kaz mak cux seiz chor poz cưk co zos poz cưk đaz tsi. Taz sik uô tâu nduôr kaz đuô hur si cux zos chor poz cưk blâuv zuk heir nênhs iz txưv chos tâu ntơư. Thiêz chor poz cưk ntêik lol uô nduôr cux tsi tâu lâul hênhr lok sik mok hênhr. Zos mok hênhr, cux puôz uô tsi tâu nduôr, thiêz zos lâul đhâu lơưv cux jov uô tâu chor nduôr nxiz, kruôr tsi jông nox”.

Nênhs K’Ho nhiv no khênhr sir zôngv chor poz cưk blâuv đơưz chiê uô nduôr nox. Zav nôngz poz cưk no blâuv, nox kaz đuô thiêz cux siêr nzor đuô pir li lưv zav nôngz poz cưk blâuv txơưr. Lơưr tsôngv box tsưr ziv, zos poz cưk tưz siêr jông ntêik, mak sơưr đơưk huôk ntêik trâu thâuv tas cik sơưr nzor zuôr nox kaz đuô. Chor poz cưk đhâu ntêik tâu lok, tsuv muôz hlêis, đhak jov ciês, uô tâu nduôr thiêx kaz thiêz tsư ha. Tsi tas li, têx flâuz cưk cux tâu zôngv chiê krưr chor nduôr chuz. Niêv lâul Liêng Hót Zi Jăt heik pâuz nzir: “Đhâu thâuv tưz ntêik tâu poz cưk lok, zuôr muôz têr flâuz, đhâu co muôz triêv hlêis chor njiêr chox muk jov uô nduôr thiêz shơư mê njik suz thax, cuô mik trâu cov kaz jiz. Zos tso ntâu suz thax lok sik cuô mik mak zuôr tsi hnor kaz poz cưk thiêz, chênhr viv li tsuv tso tov thơưx xưz. Đhâu thâuv jov tâu, mav muôz chor nduôr cưk ntơư tror krưr đuô trâu têx đeiv flâuz, chox muk chuz muôx nhos 2 luz six hơưv, txơưv siêr jông nox”.

Nduôr poz cưk lok six zôngx ziv uô, phênhv ntâu hâur jok, pox niêv K’Ho lênhx tưs cux pâuz uô nduôr poz cưk chuz nox. Tiv muôx ntâu nuv, taz sik ho xar nox têx nduôr poz cưk co hâur niêx hnuz, viv li ntâu lênhx nênhs lơưr tưz tsi yuô uô, khênhr muk zuôr luôs lưv tus uô muôs ntơư têx nduôr poz cưk lok nox xưz. Txix têx li heik co, nduôr poz cưk chuz jux juk yênhx hax huv, zav nox tsi tiêk phưx vưv tsôngv pêx xênhv hâur thax tsav qơư, tsênhv tâu muôs đhâu sâuv mạng xã hội trâu luôs lưv tus hur si. Niêv lâul Liêng Hót Rebeca zos pos Liêng Hót Ka Hiên tus nxeik hloz, iz chas six hơưv muk uô hâux lưv kriê ntơưr, niêv lâul cux tsênhv uô đreiv têx nduôr poz cưk nox thiêz muôs trâu iz cxiê lênhx txơưr đuô:“Cur zos iz tus cưk kriê ntơưr, tsi yuô muôx six hơưv, hnuz nhôngs, taz sik cur cux tsênhv huôk njôngr six hơưv chiê uô nduôr poz cưk. Xuz thơưx zos uô trâu chor nênhs hâur tsêr tâu nox, tiv 2 zos uô muôs trâu tsôngv niêv txir cưr tix nênhx tsa hâur thax tsav, chiê muôx nzir phênhv sâu tâu trâu chuôz zis. Thiêz lar heik zos, pêz cxênhx hluôk, têx tuz nhuôs tsuv pâuz por hưv, tuôr tsês zuk heir nênhs têx txux chi cêr uô nox jông co tsi chiê pôngz plox”.

Niêv lâul lơ Mu Liviơ, iz lênhx kruô sưv pâuz pos Liêng Hót Ka Hiên chuôz zis heik: “Nduôr poz cưk zos pêz heir nênhs iz zav nox kaz, lênhx tưs cux pâuz uô. Taz sik uô nduôr poz cưk chuz thiêz muôs mak hâur jok no tsuôk muôx niêv lâul Rebeca chuôz zis uô xưz. Cur shir phaz thiêz jông siêz, viv hâur jok muôx chuôz zis tsênhv por hưv, tuôr tâu tsês zuk heir nênhs txux chi cêr uô nox thâuv ntêx tsi chiê pôngz plox, tsi tas li co, luôs hâux lưv uô no tsênhv gra lok phênhv sâu tâu trâu chuôz zis thiêz. Cur kruôs jông txos chor pox niêv vir ndâuk K’Ho txơưx huôv tsar uô nox, muôx txux chi tsưr ziv jông, pâuz por hưv thiêz tuôr tsês zuk heir nênhs txux chi cêr nênhx vênhx huôv, hâur co muôx luôs hâux lưv uô nduôr poz cưk”.

Pos Liêng Hót Ka Hiên chuôz zis têx duôr poz cưk chuz uô tâu, tưz muôs trâu tsôngv kruô nhoz cxuô thax tsav qơư hâur tỉnh Lâm Đồng. Iz chas ntơư, têx nduôr poz cưk co cux tâu muôs trâu têx lênhx kruô nhoz 2 chas tỉnh hur si. Iz jiês uô mak chuôz zis uô 200 ntâu poz nduôr cưk, iz poz 20 cxênhz đeiv... No zos phênhv sâu tâu tsi ntâu, taz sik cux paz pos chuôz zis muôx nzir nhiêx txiêx. Lar heik, pos jông siêz thiêz shir phaz, viv tưz pâuz por hưv, tuôr tâu tsês chuôz zis txux chi cêr uô nox thâuv nzor tsi chiê pôngz plox./.

VOVTN-Riê Lâux cxeik, nhênhv

Tsuv zok nriêr, tuôr tsês têx têx txux chi, vênhx huôv jông cxôngx nzor hâur ntu têz qơưs hlôngr yiêz

Hâur ntu têz qơưs hlôngr yiêz nhiv no, tỉnh Sơn La qơư tsês cxuô zav chuôz zênhx, chuôz tav cxôngx nzor, chênhr zos qơư cxơưz cxiz tsôngv kruô tuôx sêiz shuôk thiêz pâuz tâu têx muôx liv tsiv grê hâur ntu tir ntâuk tros châuz đrav ntêx. Pos Đặng Thị Thanh Quế - iz lênhx kruô nhoz đrôngl Hồ Chí Minh tuôx ndis uô si, sêiz shuôk txos qơư di tích cơư nênhs nhoz Sơn La hêik pâuz: “Cur cux jông siêz hênhr, viv tâu Ban sêiz car tsêr cơư nênhs, ứng dụng công nghệ shir phaz lul tok tsôngv kruô. Cur sêiz pov hur si cxuô zav chuôz zênhx, chuôz tav thiêz tsêr cơư nênhs chính trị Việt Nam, zos tros châuz pháp cxiv uô hâur ntu đrav ntêx tuôx txênhz pêz têz qơưs”

Tsênhz tiês, tsôngv kruô hâur hur si têz qơưs, tsuôk kriz niêk ciês hâur máy cux pâuz txos cxuô zav chuôz zênhx, chuôz tav tir ntâuk tros châuz pháp đrav ntêx nhoz Sơn La. Ntâu zav xor mông muôx 35 cxênhz zav chuôz zênhx, chuôz tav tưz jux juk tso trâu hâur mạng xã hội. Đros co, cux muôx tsôngv px cxuô hêir nênhs nhoz Sơn La têx tsôngk tiêz, tsôngk yo, chuôz zênhx sir zôngv khưr uô kôngz lôngk hâur luz nênhx. Pos Cầm Thị May, sêiz car cxuô zav chuôz zênhx thiêz thư viện tỉnh Sơn La hêik pâuz: “Nhiv no, hâur trang Web qơư tsês cxuô chuôz zênhx, chuôz tav Sơn La tưz cxơưz cxiz tâu chôngz lênhx kruô tuôx sêiz shuôk. Tsênhz tiês, xar cov pâuz cxix cxuô tsuv niêk ciês trâu têx chuôz zênhx co, cux pâuz tâu cxuô xor mông hêik lok zav chuôz zênhx ntơư”

Ntơưv qơư tsês cxuô chuôz zênhx tỉnh Sơn La tưz hlôngr yiêz ntâu, viv sir zôngv công nghệ yiêz, zôngx ziv uô trâu tsôngv kruô pâuz tsênhz đuô lok têx xor mông hêik lok cxuô zav chuôz zênhx hâur ntu đrav ntêx. Pos Lê Xuân, nhoz phươngx Tô Hiệu, tỉnh Sơn La hêik pâuz: “Hâur ntu đrav ntêx, zos tsôngv kruô xar pâuz cxix cxuô lok chor chuôz zênhx co, tsuv gra iz fâu ntơưr chiê sâu. Taz sik nhiv no tsuôk zos zuk nhênhv bê lok si mã số zav chuôz zênhx co, cux zôngx ziv pâuz tâu cxuô zav chuôz ênhx kuz đrav ntêx”.

Đros co, công nghệ số cux paz trâu cán bộ thư viện txuôs tâu six hơưv hnuz nhôngs, tsik phiv liv li đrav ntêx. Lar hêik zos têx ntơưr kuz, têx xor mnông zov chênhr, luôs hâux lưv uô tuôr tsês cxuô zav chuôz zênhx ntơư tưz njiz trâu ntâu phiv liv, viv iz cxiê chuôz zênhx co trâus puôk tsuôx. Taz sik nhiv no, tưz muôx ntâu hlôngr, viv tâu muôz têx ntâuz ntơưr cxêik tsês chiê trâu hâur kỹ thuật số, công nghệ số. Yênhxx cxênhz xor mông, đaz nênhs, poz ziz zav ntơưr sâu đrav ntêx…cux paz tâu trâu tsôngv kruô pâuz txos. Bùi Bảo Nam, nhoz Phường Tô Hiệu, tỉnh Sơn La hêik pâuz: “Cur sêiz pov muôx liv trâu sđ, thâuv nhoz hâur tsêr, têx jiês cux zok nriêr tâu cxuô zav ntơưr đhâu websitle, app, online. Thâuv zôngv app cux zôngx ziv sir zôngv”

                       Tsu cxêik nhênhv-Lê Hạnh- VOV Tây Bắc