Tok njôngr ntu cêr hlâu cxiv uô yiêz Lào Cai-Hà Nội-Hải Phòng

             Njuôk xav txos shông 2050, tas nro thâux xa muk lok sâuv ntu cêr hlâu no zos 397 tấn hax huv thiêz 334 triệu lênhx kruô. Chiê tror kho đuô hâux lưv thâux xa, txo grêk tsơưs nhiêx phí logistics, cêr hlâu tsuv thâux xa muôx nhos 25 triệu ntâu tấn hax huv, 18 triệu ntâu lênhx kruô.

            Taz sik, ntu cêr hlâu tâu cxiv tsa txix thâuv ntu tros châuz Pháp, muk tâu muôx 50 cêik cêr iz six hơưv, tsuôk thâux tâu muôx 4 triệu ntâu tấn hax huv, 3,8 triệu lênhx kruô, phưx vưv trâu tsôngv kruô du lịch chêix muk lok iz ntu lur. Njuôk xav txơưv tưz zôngv tas nro chor cêr ar, cêr đêx, cêr hlâu nhiv no muôx lok txos shông 2040 ntu cêr no cux tsik tâu txâuk chiê muk lok, tiv zix zos thâux xa têx hax huv.

            Zơưv Lưu Trung Kiên, Phưv Chủ tịch Ủy ban huyện Văn Yên, tỉnh Yên Bái hêik tiêk, thâuv ntu cêr hlâu no tâu uô tiêr zuôr paz uô hlôngr yiêz ntâu thax tsav qơư, hâur co muôx huyện Văn Yên, qơư muôx lok six ntâu kror liv: “Ntu cêr hlâu muk chênhr đhâu thax tsav huyện Văn Yên muôx tsiv gri zov chênhr trâu thax tsav qơư, zôngx ziv trâu pêx xênhv thax tsav qơư muk lok, zuôr muôs hax huv. Huyện cux zuôr liv zôngv têx kror liv no chiê hu zâuv, zaz zâuv yưv pênhr logistics, thâux xa hax huv hâur huyện cux li tsês chiê, thâux xa hax huv cxuô thax tsav qơư iz ndis hâur thiêz đrâuv tỉnh”.

             Ntu cêr hlâu yiêz đar 1.435 mm zuôr ngaz tuk đuô, tsik tas ntâu ar chiê li cêr ar thiêz sưv đros tênhv qơư đuô, tax tâu hâux lưv thâux xa hâur thax tsav. Đhâu thâuv cxiv tsa ntu cêr yiêz, hax huv zuôr muôs tơưv saz đrâuv têz qơưk tâu thâux txix tàu muk txos châu Âu, txo grêk nhiêx txiêx thâux xa, nhiêx txiêx logistics. Hâux lưv yưv pênhr uô ntu cêr yiêz cux paz muôx ciêz đrôngs cxiv tsa, txix co paz trâu chuôz ndê kinh têr. Zơưv Vũ Đại Dương, Phưv Chủ tịch Hiệp hôiv Du lịch tỉnh Lào Cai shir phaz, vav tiêk dưv anr zuôr nzor tâu kriz uô, paz thơưz huôv tsar du lịch trâu Lào Cai thiêz têx thax tsav qơư iz ndis: “Zos nhiv no sir zôngv chor tàu muk chênhr muôx 160 cêik cêr iz six hơưv txix Hà Nội tuôx Lào Cai mak zuôr txo grêk tsôngv kruô six hơưv muk lok loz six ntâu, tiv oz zos ngaz tuk đuô pir li chêix yêz ô tô lok six ntâu viv li tsôngv kruô chêix tàu muk lok zuôr muôx chôngz đuô. Tàu zos iz zav tâu chôngz nênhs nhiêv chêix txix thâuv ntêx txos nhiv no, tưz tsik zos nênhs Việt Nam xưz mak chor nênhs saz đrâuv têz qơưk cux lok six nhiêv chêix muk lok txix zav yêz tàu no”.

            Đros dưv anr cêr muk chênhr Nội Bài-Lào Cai bax yưv pênhr uô ntu 2 thiêz Cảng tsar đrêk yêz za Sa Pa bax kriz uô mak dưv anr cêr hlâu muk chênhr zuôr gôngr phênhv paz trâu Lào Cai uô tâu tsưr ziv zos yênhx qơư huôv tsar chuôz ndê, tsênhv qơư txuôk zuôr muôs kinh têr nhoz Việt Nam, ASEAN đros thax tsav Tây Nam (Trung Quốc) viv Lào Cai zos Việt Nam kror qơư piz txuôk đros ASEAN thiêz Trung Quốc. Zơưv Vương Trinh Quốc, Trưởng ban Sêiz car Qơư kinh têr tỉnh Lào Cai puz pâuz: “Uô chak cov kriz uô tâu jông chor cuiv ar chiê kriz uô tâu têx cuiv ar trơưk ntu cêr hlâu no, tiv zix zos cuiv ar thax tsav muôx chor qơư tàu đrêk so chiê huôv tsar chor qơư zuôr muôs, dịch vuv, qơư công nghiệp uô, têx qơư đô thị, têx tsênhv qơư zuôr muôs. Trôngx đriv Lào Cai thâuv muôx cêr hlâu mak zuôr muôx nzir iz tsưr ziv thâux xa, co zos đrâuv thâux xa muk lok txix cêr ar mak zuôr muôx nzir thâux xa muk lok txix cêr hlâu, zuôr paz trâu chor hax huv tâu thâux muk lok jông đuô, tiv zix zos Việt Nam chor hax huv kôngz nuv muôs muk trâu Trung Quốc đhâu trôngx đriv Lào Cai”.

             Tâu pâuz, nhiv no iz cxiê thax tsav qơư tưz hêik Ban sêiz car dưv anr cêr hlâu, Cục cêr hlâu Việt Nam thiêz Tổng Công ty cêr hlâu Việt Nam sik thav, sêiz lax chiê thôngx ziv chor yêz tàu muk lok thiêz qơưk chor tàu đrêk so tok kruô sâuv thax tsav, đros co zos chiê sik côngv tâu jông đuô hâur ntu kriz uô dưv anr. Iz chas co, sir jos nhênhz chơưv thiêz muôx ziv chênhv thôngx ziv nzor trâu Bôv Zoz thôngz vận tải, Ban sêiz car cêr hlâu, Bôv tsưr ziv thiêz Yưv pênhr lok ntâuz ntơưr cêv kuôk, ntâuz ntơưr hêik pâuz nhênhz chơưv trơưk Thủ tướng Chinhr phuv hêik pâuz; sêiz đrơưv kriz uô têx hâux lưv lok thax tsav uô cêr hlâu, txar qơư nhoz trâu pêx xênhv…/.

TTTB-Lik Thox cxêik nhênhv