Kriz uô 6 luz tsêr cơưv nội trú: paz trâu shux xênhz tox siêz Lai Châu tâu cơưv ntơưr jông đuô

Hâux lưv cxiv chor tsêr cơưv ntơưr nhoz thax tsav ntus đriv hêik txos Đảng, Têz qơưk têx sir jos xav txos côngz xưv zoz zux nhoz têz qơưk thax tsav ntus đriv thiêz paz hlôngr yiêz têx tuz nhuôs tsôngv box thax tsav ntus đriv, nhoz đêz, tox siêz, thax tsav tsênhv yuôr ntâu txov nhêv li hâux lưv cơưv ntơưr. Tsôngv box cxuô mênhx cxưx nhoz ntus đriv Lai Châu vav njôngr muôx tâu iz luz tsêr cơưv lox jông, paz trâu chor shux xênhz tâu cơưv ntơưr jông đuô chiê paz trâu ntu nênhx zuôr txos. Niêv tix Lò Thị Thanh, nhoz jok Huổi Phặt, xar Khổng Lào shir phaz hêik pâuz:

“Thâuv Đảng, Têz qơưk cxiv tsa trâu pêz luz tsêr cơưv yiêz no, pêz lok six shir phaz. Vav tiêk zuôr txos no pêz têx tuz nhuôs zuôr tâu cơưv ntơưr hâur tsêr cơưv lox jông thiêz huôv tsar đuô. Chiê pêz tso siêz đuô lok têx tuz nhuôs thiêz sir jos khưr uô nox”.

Khổng Lào thiêz chor xar thax tsav ntus đriv li Sin Suối Hồ, Sì Lở Lầu lok zos Mù Cả… thax tsav phiv liv, cêr muk lok đaz tuôs, shux xênhz cêr cơưv ntơưr tsênhv muôx tsik tâu txâuk ntâu kror. Tsik tsơưs chor nhuôv zâu tsuv muk đhâu têx har jôngr, cưx đêx, cưx ha tas yênhx six hơưv chiê tuôx cơưv ntơưr, chôngz lênhx tiv luz nênhx txov nhêv tưz so ntơưr thâuv tsênhv cơưv txos iz đraz.

Tưz tsik zos qơư cơưv ntơưr, têx tsêr cơưv no tsênhv zos cxênhx hluôk nhoz tox siêz “luz tsêr cxuô”, zos qơư sir jos cơưv cov uô tâu trơưk zuk siêz xar, cơưv shâuv txux chi uô nênhx, tuôr tsês têx vênhx huôv thiêz cxơưz cxiz trâu chor tuz nhuôs nhoz tox siêz sir jos hâur luz nênhx.

Cxiv tsa chor tsêr cơưv ntơưr nội trú tâu sêiz zos tsưr ziv jông, paz tuôr tâu jông chor shux xênhz tuôx cơưv ntơưr, paz gra siêz tsơưr lươngv zoz zux nhoz tox siêz. Zơưv Đỗ Văn Quynh, Chủ tịch Ủy ban xar Khổng Lào, tỉnh Lai Châu puz pâuz:

“No zos thax tsav qơư kror shir phaz thâuv tâu Đảng thiêz Chinhr phuv tsov cưv txos côngz xưv zoz zux nhoz thax tsav ntus đriv. Thâuv côngz trinhx tâu muôz lok huôx tôngv, shux xênhz zuôr muôx qơư cơưv lox jông thiêz truôx tuk. Zuôr txos no chor nhuôv zuôr zos chor nênhs muôx txux chi, txơưx xar tơưv thiêz zos pênhr jos paz trâu thax tsav qơư cux li cxuô cấp, cxuô nganhx ntơưv tỉnh”.

Chor tsêr cơưv ntơưr tâu cxiv tsa nhiv no zos Công an tỉnh Lai Châu uô tsưr yưv pênhr, njuôk xav thâuv uô tiêr zuôr paz trâu xar muôx 6.000 lênhx shux xênhz zos têx tuz nhuôs tsôngv box cxuô mênhx cxưx tsơưs nênhs sâuv thax tsav li hâux lưv cơưv ntơưr thiêz xênhz huôx. Txix no chor tsêr cơưv ntơưr yiêz tsênhv tâu uô tiêr jux juk nhoz thax tsav ntus đriv. Zuôr txos no, thâuv chor suôz đruôk tâu ntâuk đror tưz tsik zos chor suôz hêik txos txux chi, mak tsênhv zos siêz njênhs, hêik txos iz ntu nênhx yiêz jông đuô nhoz thax tsav ntus đriv têz qơưk./.

Khắc Kiên-Lik Thox xêik nhênhv

Làng Pèng tưz tror muôx luz nênhx truôx tuk, huôv tsar uô nox đhâu nas chuô uô ruôr hiêv

Nhoz shơư têx trôngz yuôx zêx tâu ntâu shông, Làng Pèng muôx 14 chuôz zis tsôngv box Cho uô nênhx nhoz. Khov tsoz ciêv fix, pêx xênhv nhoz no luz nênhx tưz hlôngr yiêz ntâu. Tiêv sik, coz nas chuô lox lơưr tsôngv pêx xênhv nhoz no heik, txix thâuv yêik lok nhoz thax qơư co txos nhiv no tưz tsi tâu muôx iz coz nas chuô lox thiêz uô ruôr hiêv tas ntâu bâuv li ntơư hlo.

Tix lâus Bàn Tòn Kiều nhoz hâur jok heik, thâuv tsâuk ntux hâur hlik hli 10 ntơư, tas nro chor nênhs hâur tsêr tsênhv taz tov uô hmo nox, txơưv hnor đêx cuôr ar, poz jêz đror đrông ntưk pêv trôngz lok. Tix lâus chuôz zis luz tsêr cxiv uô truôx khor iz njêik muôs xưz tưz trâus poz vâu tas, hmôngr jông 6 lênhx nênhs hâur chuôz zis khiêr tâu điv.

Đhâu thâuv nhoz tax iz ntuk đros chor nênhs cxênhz jê hâur jok, tâu têz qơưk paz 100 tsov đeiv, tix lâus Kiều chuôz zis quyết định zuôr iz kro ar chiê uô tsêr nhoz. Chiê txuôs tâu nhiêx txiêx, tsi sir zôngv ntâu, tix lâus chuôz zis tưz nzaz nzơưv khơưk têx tú ntông lox trâus đêx nas cuôr yôngz lok ntơư chiê cơư uô đuô tsêr nhoz. Cheix ntux yiêz no, tas nro chuôz zis ho đros tsôngv niêv txir cưr tix nênhx tsa hâur jok khưr uô liêx têz, khơưz kror chos ciêv fix, uô đuô zuz chos chiê tror muôx luz nênhx tsâu sor tuôx.

“Hur si chor liêx têz tưz trâus ar, poz jêz cxuz tas, uô cưx lơưv. Nhiv no pêz tsuôk pâuz kho tâu li chas mak uô bâuv li co xưz”.

Nas chuô đhâu, tsi tiêk uô ruôr hiêv têx trôngz ciêv fix, tsênhv uô chor liêx têz trâus ar, poz jêz, shôngz ntông cxuz tas hur si. Chênhr viv li, iz chas cxiv uô đuô vax tsêr truôx khor nhoz, tsôngv pêx xênhv Làng Pèng tsênhv sir jos cxiv kho têx liêx tơư ntêir chiê tror chos poz cưk, uô blêx.

Zơưv Bàn Tiến Thắng luz tsêr txơưv tsi trâus đêx nas cuôr yôngz, puôk tsuôx tas, taz sik hur si têx yar tiêx, lax caz xor thêir tsêr, blêx, poz cưk đros trâu cxuô zav chuôz zênhx phưx vưv uô liêx têz tưz trâus đêx nas cuôr yôngz tas. Iz chas ntơư, chuôz zis 540 cxênhz ntâu liêx blêx tưz siêr zuôr jông hlêis tưz trâus ar, poz jêz cxuz tas, tsi iz kro hlo. Txos cheix uô chiv kôngz yiêz, zơưv Thắng tsênhv sir jos muk khơưk sâu têx tos tơưk, shôngz ntông, vuôz tsuôz kiêk nênhs hâur liêx chiê hlơưr, bax ar uô chiv yiêz. Zơưv Thắng heik:

“Ar, poz jêz cxuz tas, nhiv no tsuv ntiêr meir khơưz, thoz huk xưz. Xuz thơưx zos tsuv thoz huk tâu, li xav txos kho têx jêk liêx, uô zuz thiêz chos. Vav chiê siêz zuôr thoz huk, kho tâu iz kro mê njik têx liêx chiê uô kôngz”.

Nhoz jê co, pos Triệu Thị Trắng chuôz zis cux tsênhv sir jos khơưk sâu têx chês ntông, tos tơư kruôr tso yênhx pơưs chiê tâu trâur, tu chor liêx têz cov hur si, đu lus jông tsêz chos kôngz.

“10 ntâu jêk liêx tưz trâus ar, poz jêz cxuz tas. Nhiv no tsênhv ntiêr meir thoz huk, kho đuô têx liêx puôz chiê uô kôngz”.

Zơưv Trần Đức Thịnh, Phưv Chủ tịch Ủy ban xã Phong Dụ Hạ heik pâuz, tiv coz nas chuô lox sôr 10 shông 2025 uô ruôr hiêv, tưz uô 17 chuôz zis trâus uô hiêv hnhar, hur si têx ziv vax tsêr trâus đêx nas cuôr yôngz puôk tsuôx tas thiêz chor ziv chuôz zis tsuv yêik txar zênhx max muk nhoz qơư truôx.

Đros trâu cấp ủy, hâu nov ntơưv qơư têx sir jos sik đros paz, tsuôk đhâu 02 hlik xưz, xã tưz phênhv ntâu uô tiêr luôs hâux lưv phênhz qơư nhoz thiêz uô tsêr trâu pêx xênhv. Xã tưz heik trâu tỉnh cov txo grêk tsơưs sâu nhiêx sir zôngv ar trâu têx chuôz zis vax tsêr trâus puôk tsuôx, tsi jông tas tsuv yêik txar qơư nhoz ntơư, iz chas co muôx chei paz ntơưv qơư cxiv tsav, zok nriêr qơư nhoz truôx tuk trâu pêx xênhv, chiê bax phax yêik txar thâuv muôx tsi jông yưv siv.

Zơưv Thịnh heik pâuz, nhiv no luôs hâux lưv khưx phưx têx liêx têz kôngz nuv trâus ar, poz jêz cxuz zos iz phiv liv lox trâu cấp xã thiêz tsôngv pêx xênhv, hâur co ciês nhiêx txiêx chiê thoz huk têx ar, poz jêz cov đêx jông ntưk, cxiv puôz kho đuô têx liêx tưz tas lok six ntâu. Tsôngv box nhoz no xar cov tỉnh tror muôx chei paz chiê sơưr đơưk nzor huôv tsar uô tâu nox tâu hâuk.

“Đros thiêz xã tox siêz li Phong Dụ Hạ, mak têx liêx đêx tsi ntâu, chênhr viv li tsôngv pêx xênhv lok six khur xiv, xuz thơưx, sơưr đơưk tưz nhiêk kho nhiêk iz kro mê njik, hok nhiv no mak cux tsi tâu muôx chei paz cxiv kho chor liêx trâus ar, poz jêz cxuz co hlo. Lok têx li heik no, cux heik tỉnh cov muôx fuô kriê tsênhv tsênhz chiê shông 2026 thiêz chor shông txuôk lơưr co, hâur thax tsav muôx qơư chiê paz pêx xênhv nzor truôx tuk huôv tsar uô nox”./.

Đinh Tuấn-Riê Lâux cxeik, nhênhv