Lênhx hâu nov siêz jông, txơưx njê, lênhx cộng sản truôx đrênhk

Phưv Giáo sư, Tiến sĩ Nguyễn Trọng Phúc, kuz Viện tsar Viện Lịch sử Đảng, Học viện Chính trị Quốc gia Hồ Chí Minh  heik mênhx:

“Tổng Bí thư Nguyễn Phú Trọng zos lênhx hâu nov txơưx njê, muôx suôz đror bê, taz sik iz chas ntơư zos lênhx nênhs lý luận, nênhs khoa học moz siêz lus lês uô luôs hâux lưv, sir tas đas jos tsưr ziv trâu têx hâux lưv khoa học. Têx côngz đas jos lox zos txix thâuv zơưv uô Tổng Bí thư hâur Đại hội 11 mak ziv truôx siêz, muk lơưr Chủ nghĩa Mác-Lê Nin, uô trơưk Hồ Chí Minh tsưr ziv, siêz xar, tsưx phưv, huôv tsar têz qơưk Việt Nam hâu cêr mak Đảng, zơưv Hloz Hôx tưz xeir tsov shông 1930. Hâur chox car, chox kriê mak Tổng Bí thư Nguyễn PHú Trọng lok six seiz hloz txos têx hâux lưv uô, tsi tiêk heik tsês trâu ntơư xưz, heik li chas tsuv uô tâu li ntơư, sir jos chox kriê lês uô cxuô luôs hâux lưv mak ntâu jiês zơưv Nguyễn Phú Trọng heik, têx chei, tsưr ziv tưz muôx lơưv, taz sik fuô uô tsi tâu”.

Uô Tổng Bí thư, zơưv Nguyễn Phú Trọng tưz uô ntêx nyuôs hâur cxuô cêr nuv, đros tập thể BCH T.Ư, Bộ Chính trị, Ban Bí thư cxiv tsa cêr niêv côngv siêz, thôngx ziv lês uô Đảng têx hâux lưv, muôz cêr thôngx ziv hâur cxix luôs chính trị, cxơưz cxiz têz qơưk ziv hnuz ziv muôx jos, huôv tsar truôx jông đros 2 chas têz qơưk, thax tsav sâuv ntiêx têz.

Zos Đảng lênhx nênhs txơưx njê, muôx txux chi jông, Tổng Bí thư Nguyễn Phú Trọng moz siêz txos xav tinhv Đảng thiêz pêx xênhv têx tsưr ziv, hâux lưv uô; seiz hloz txos ntâuk grê tsênhv tsênhz chiê cxaz nzir, uô tiêr têx chei lok chủ nghĩa xã hội thiêz cxiv tsa, cxơưz pêz têz qơưk ndê chủ nghĩa xã hội; tsi so chox kriê, heik tas nro Đảng, tas nro tsôngv pêx xênhv thiêz tas nro pêz têx tuz lênhv tsuv siêz truôx bo thiêz nzaz nzơưv, huôv tsar uô trơưk Mác-Lênin, Hồ Chí Minh têx tsưr ziv, siêz xar; tsưx phưv truôx têz qơưk, Đảng trơưk têx lâul tsưr ziv xeir tsov; uô truôx jông têx cui tinhv cxiv tsa Đảng; taz por muôx liv trâu têz qơưk-pêx xênhv chiê cxiv tsa thiêz tsưx phưv têz qơưk Việt Nam xã hội chủ nghĩa truôx tuk, xav tinhv co zos pêz Đảng cui tinhv chênhr, qơư truôx khor, muôx liv jông trâu têz qơưk, trâu tsôngv lax pêx xênhv, tsi chiê lênhx nênhs tưs trâul luôs lưv tus hâuz nziêk li uz li no. Tổng Bí thư Nguyễn Phú Trọng têx fâu ntơưr kriê sơưr đơưk cêr uô nênhx jông tâu tso tơưv hâur 2, 3 shông jê lok no tưz heik mênhx txos lênhx hâu nov lox chox car têz qơưk têx tsưr ziv, hâux lưv sir jos cxiv tsa thiêz tsưx phưv têz qơưk huôv tsar, zos kror jông paz cxuô cấp ủy, tsưr tsix đảng, cxuô ngênhx, cxuô cấp, canr bôv, đảng viên pâuz tsênhz thiêz fuô uô tâu jông. Giáo sư, tiến sĩ Tạ Ngọc Tấn-Kuz ủy viên T.Ư Đảng, kuz Giám đốc Học viện Chính trị Quốc gia Hồ Chí Minh, Phưv Chủ tịch thường trực hội đồng lý luận T.Ư heik:

“Têx fâu ntơưr co lok six jông thiêz muôx liv viv heik tâu mênhx txos Tổng Bí thư tsưr ziv, siêz xar lok têx hâux lưv cik txos chính trị, kinh tế, txiv ngaz, côx phax, cxiv tsa đảng, cêr coaz siv đros 2 chas têz qơưk sâuv ntiêx têz.... Iz fâu ntơưr nhiêk muôx nhiêk têx jông txơưr tsi siz thôngx, zos tas nro hâur ntu nhiv no thiêz thâuv ntêx zơưv cxaz chuôz nhênhz chơưv, cxiv tsa têx chei têz qơưk; têx hnuz nhôngs zơưv uô hâux lưv nhoz Tạp chí cộng sản txos nhiv no. Trơưk li cur, muôx 2 kro zov chênhr đuô hur si. Tiv iz, muôx têx tsênhv njiêz hâur fâu ntơưr heik txos têx xor xưv, tsênhv tsênhz hâur luz nênhx xênhz huôx, heik txos pêz Đảng tsưr ziv, khov lok têx chei, lok Việt Nam têx tsênhv tsênhz hâur lịch sử. Tiv 2, zos zơưv Nguyễn Phú Trọng tsês iz siv nênhx lês uô têx hâux lưv têz qơưk, viv tsôngv lax pêx xênhv luz nênhx”.

Chuôz tsar tas nro Đảng, tas nro pêx xênhv, tas nro pêz têx tuz lênhv cêr niêv côngv siêz, sik thôngx ziv, sir jos siz paz, siz hluz, sik côngv têk “chor hloz heik têx zâu mnôngs”, “tix heik cưr zuôr”, “sơưr đơưk sik thôngx siêz, côngv iz tsưr ziv”, “cxuô luôs hâux lưv txix hloz zâu lok siz paz uô”. Têx lo luk co tâu Tổng Bí thư ntâu jiês heik txos hâur têx jiês cơưv. No zos pêz Đảng têx pâuz tâu, pov tsênhz hâur luz nênhx đhâu 94 shông ntâu. Ntơưv jiês cơưv Đảng đoanx Mặt trận Tổ quốc Việt Nam lok uô lơưr Đảng Nghị quyết Đại hội 13, hnuz 16/8/2021, Tổng Bí thư phênhz lok six tsênhz mênhx têx hâux lưv heik sâuv thiêz heik tiêk, sik thôngx siêz zos zov chênhr đuô hur si; sik côngv siêz tas nro tsôngv box zos iz kro jông, zos đas jos lox cxơưz paz uô tiêr cxuô luôs hâux lưv. Lênhx nênhs sâu xor xưv Nhị Lê, kuz Phưv Tổng Biên tập pov tsir Cộng sản khav tinhv:

“Tổng Bí thư zos iz lênhx hâu nov lox. Hâur 4 hâux lưv lox, zov chênhr: Tổng Bí thư, Chủ tịch têz qơưk, Thủ tướng thiêz Chủ tịch Côx hôiv mak zơưv Nguyễn Phú Trọng tưz tâu Đảng, tsôngv pêx xênhv njênhs njôngr choz 3 luôs hâux lưv, co zos: Uô Tổng Bí thư 3 khóa, uô Chủ tịch têz qơưk thiêz Chủ tịch Côx hôiv 2 khóa. Zos iz lênhx sơưr thơưx hâur Đảng, chox car têz qơưk, Côx hôiv. Tiv 2, Tổng Bí thư zos iz lênhx nênhs txơưx njê, muôx txux chi jông, lar heik hâur ntu têz qơưk nhiv kruôr hlôngr yiêz txix Tổng Bí thư Nguyễn Văn Linh tax txos nhiv no, đhâu 40 shông zos Tổng Bí thư Nguyễn Phú Trọng tưz jux juk hlôngr yiêz têx chei, txux chi lês uô hâux lưv cxiv tsa, tsưx phưv têz qơưk huôv tsar truôx, siz cxis đros 2 chas têz qơưk, thax tsav sâuv ntiêx têz”.

Zos lênhx chiến sĩ cộng sản, txơưv nhoz kror tưs, lês uô luôs hâux lưv tưs, Tổng Bí thư Nguyễn Phú Trọng thâuv tưs tưz sir jos cơưv shâuv, uô trơưk zơưv Hloz Hôx cêr nênhx jông, siz hluz siz paz, siêz đơưz siêz jông, lês uô jông têx luôs hâux lưv zok muôz viv têz qơưk, viv pêx xênhv, tâu canr bôv, đảng viên, tsôngv pêx xênhv njênhs njôngr, nhiêv txos. Tổng Bí thư têx côngz đas jos lox thiêz hâux lưv uô tâu jông hâur ntu lês uô hâux lưv phưx vưv têz qơưk, lar heik zos lok sâuv têx chei, txux chi, khoa học thâuv tưs tưz tâu chôngz lênhx ntâu tus hâur Việt Nam thiêz sâuv ntiêx têz, têx fôngx zưs 2 chas thax tsav kruôs nxiês txos.

Muôx ntâu côngz đas jos lox viv têz qơưk, viv pêx xênhv li ntơư, taz sik Tổng Bí thư Nguyễn Phú Trọng cux heik li no:

“Tas nro têx luôs hâux lưv cur uô zos hâux lưv me pir li têx luôs hâux lưv cxiv kho Đảng, côngz đas jos choz kriê; chor đảng viên, têx lâul uô ntêx kruôz kriê zuk cêr uô nênhx jông, tsiv txiêx; têx cưr tix, fôngx zưs đros uô hâux lưv uô cê paz max; tsôngv pêx xênhv cêr cxơưz paz, lar hêik zos têx cơ quan-qơư zuk cơưv txux chi, uô côngz xưv uô hâux lưv”.

Cxuô hêir nênhs Việt Nam, têz qơưk Việt Nam xar njôngr cov muôx têx lênhx txơưx njê, siêz jông li Tổng Bí thư Nguyễn Phú Trọng./.

VOV-Riê Lâux cxeik, nhênhv

Thax tsav ntus đriv Bản Lầu-qơư Tổng Bí thư Nguyễn Phú trọng tuôx sêiz yuôx

Đhâu 11 shông txix hnuz tâu Tổng Bí thư tuôx sêiz yuô, zơưv Dìn Xênhv Thox-iz lênhx mênhx cxưx Hmôngz nhoz jok Cốc Phương, xar Bản Lầu, huyện Mường Khương, tỉnh Lào Cai nhiv no, tưz lâuk hnuz nhôngs siêz cux tsênhv ndo njôngr txos Tổng Bí thư têx luk hêik kriê.

Shông co, zơưv hlôngr njêx muôs pêx xênhv pâuz huôv tsar uô nox ntơưv hyện Mường Khương cux li Lào Cai tâu Tổng Bí thư Nguyễn Phú Trọng tuôx sêiz yuô chuôz zis. Uô ntêx co, chôngz lênhx nênhs tưz pâuz txos zơưv Dìn zos chuôz zis “chos ntâu txir pôngr lux”, muôs trâu tuz luôv ciêz đrôngl, muôx phênhv sâu tâu 700 triệu đêiv iz shông. Taz sik thâuv Tổng Bí thư tuôx, sêiz yuô,  tsênhv hêik txos cxuô luôs hâux lưv yax kriê tsôngv px tsuv sir jos tas đas jos tsưr ziv khưr huôv tsar cêr uô nox, hlôngr yiêz tsoz chos, iz thênhv jux juk tso grêk yêiz pluôs. Đros co, chor đảng viên bluô nux paz chor đảng viên pluôs “tas nro sơưr đơưk sik đros huôv tsar uô bluô nux, hla đhâu yêiz pluôs”:

“Mnôngs hloz hêik li co auk cux tsuv sir jos cơưv, xar uô lak chak cov chuôz zis huôv tsar, thiêz tsuv sik côngv siêz, muôx têx hâux lưv phiv liv mak tas nro jok tsuv siz paz mak thiêx hlôngr yiêz tâu”.

Đros zơưv Dìn Xênhv Thox, Tổng Bí thư têx luk hêik kriê cux zos cxơưz cxiz tsôngv px cxuô hêir nênhs sđ truôx siêz khưr tsêz chos kôngz lôngk muôx txâuk nox txâuk hnar cux li huôv tsar uô bluô nux thiêz, zơưv Dìn cux xêir tsov uô nênhx nhoz hâur luz tsêr iz yôngz, yênhx hnuz sir jos khưr uô têx liêx têz. Pêx xênhv jok Cốc Phương sir jos huôv tsar uô nox, nhiv no tsik yuôr chuôz zis pluôs, txos 70% ntâu ziv chuôz zis bluô nux, tâu côngz jênhv zos jêx jok yiêz jông jav.

Cux zos lênhx nênhs tâu Tổng Bí thư sêiz yuô txos, đros thav pêv, Trung tá Nguyễn Ngọc Hà, Zênhx tsar Zênhx Pênhz phax Bản Lầu, huyện Mường Khương cux ndo njôngr txos Tổng Bí thư têx luk hêik kriê tsês, đros têx luk hêik kriê canr bôvtuz lênhv tsuv uô truôx jông côngz xưv sêiz car ntus đriv, sik côngv siêz truôx jông đros pêx xênhv:

“Uô trơưk Tổng Bí thư Nguyễn Phú Trọng têx luk hêik kriê, pêz tưz paz trâu pox nhuôs sơưr đơưk txix têx hâux lưv uô tsênhv tsênhz li muôz zuz nôngz, tsoz chos, kriê pox nhuôs hlôngr đuô tsưr ziv uô nox chiê truôx tuk luz nênhx. Cxiv uô tsêr cơưv ntơưr, qơư kriê shuv xênhz cơưv shâuv uô luôv đêx…”.

Ndo njôngr txos Tổng Bí thư têx luk hêik kriê, hâu nov ntơưv qơư thiêz pêx xênhv 12 hêir nênhs nhoz Xã Bản Lầu têx shông đhâu lok no tưz muôx cêr côngv siêz jông, tsưx phưv truôx ntus đriv. Bản Lầu nhiv zos qơư chos ntâu txir pôngr lux, txir tsơưz ntơưv Lào Cai thiêz tsênhv zos thax tsav qơư muôx yênhx puô héc ta tsoz chos yuôx zêx, ciêv fix, chos blêx Séng Cù, sir jos chiê yênhx xã jêx jok yiêz truôx jông trâu hâur ntu zuôr txos./.

An Kiên-Lik Thox cxêik nhênhv