Jok uô têx nuv thâuv nzor paz côngz đas jos cxiv tsa jêx jok yiêz

                Yên Bái muôx 30 ntâu heir nênhs uô nênhx nhoz uô cê. Iz heir nênhs nhiêk muôx nhiêk têx cêr nênhx phôngz cxưx, txux chi vênhx huôv txơưr tsi siz thôngx uô yênhx têx nuv nhiêk txơưr nhiêk tsi siz xưk. Hâur cxiv tsa jêx jok yiêz, têx jok li heik sâuv, têx nuv uô cxôngx nzor tưz paz iz phênhv tưs uô tiêr luôs hâux lưv cxiv tsa jêx jok yiêz, tsôngv pêx xênhv muôx phênhv sâu tâu.

                 Ntơưv xã Giới Phiên, TP Yên Bái, suôv qơư iz txưv chos thiêz tsiv uô cuz thaz kok kriêr txix thâuv nzor lok, thâuv cxiv tsa jêx jok yiêz, tsôngv box tưz sir jos tsiv uô tâu têx xiv huv jông, muôx suôz bê đros trâu huôv tsar ju lix. Pos Phạm Thị Thu Hà, uô hâux lưv hâur HTX tsiv uô cuz thaz Giới Phiên heik pâuz:

                  “Jok tsiv uô cuz thaz Giới Phiên tưz muôx thâuv nzor lok. Thâuv ntêx chor lâul nzaz nzơưv ar 2 saz ntus đêx liêz chiê chos kok kriêr tâu puz tsiêx cxu, đhâu ntơư lơưr tưz xar tsưr ziv muôz têx kok kriêr co lok uô cuz thaz, taz sik xuz thơưx cux tsuôk uô trơưk li têx tsưr ziv thâuv ntêx, jux juk pêz chor tuz nhuôs huôv tsar yênhx jok uô zav hâux lưv no, txos shông 2013 tưz tâu côngk nhav zos jok uô têx nuv heik sâuv. Têx qơư uô cuz thaz mak txo grêk tsơưs, taz sik cxiv uô qơư lox đar đuô thiêz tsiv uô tâu têx cuz thaz kaz, jông nox đuô”.

                   Luôs hâux lưv tsiv uô yuôx zêx njuôz tưz iz txưv uô txix thâuv nzor lok nhoz jok Trực Thanh, xã Bảo Hưng, huyện Trấn Yên, tỉnh Yên Bái. Viv ntâu qir tiv, têx xiv huv no tsuôk tâu muôs hâur iz ndis thax tsav qơư xưz. Txix thâuv cxiv tsa jêx jok yiêz, jok Trực Thanh tưz uô tâu têx xiv huv yuôx zêx OCOP hur jông, muôx suôz bê, tsi tiêk muôs hâur têz qơưk, tsênhv muôs tâu trâu châu Âu hur si. Zơưv Vũ Ngọc Tề, iz hâur têx lênhx nênhs đros đreiv tsoz yuôx zêx tâu xar muôx 50 shông lok no heik, chiê tsiv uô tâu têx yuôx zêx kaz, jông hâuk, thâuv tưs cux tsuv tiz jông tu, đê, jiêz kra:

                 “Thâuv tưs zuôr sâu đê têx yuôx zêx mak tsuv bax lênhx nênhs uô ntêx iz hnuz, iz chas chor nênhs hâur tsêr mak cux tsuv muôx luôs lưv tus txơưr đuô tuôx đros đê thiêz, viv pêz siz pâur jos, hnuz no đê chuôz zis no chor yuôx zêx, cax ntus đê lưv tus li. Thiêz tsuv đê thâuv tas cik sơưr nzor, zos yar ntux tuôx lơưv, chor yuôx zêx đê, jiêz kra tâu zuôr tsi yuô kaz. Zar hnuz kêix ntơư pêz tsuôk jiêz, kra lơưv xưz”.

                   Huyện Lục Yên, tỉnh Yên Bái txix thâuv nzor lok tưz to bê lus đros thiêz têx poz jêz xoz, jông gâux li: Ruby.....Cux txix têx muôx jông no, yênhx châuv shông đhâu, tsôngv box nhoz suôv qơư no tưz qir yâu, tsiv uô yênhx têx xiv huv, hlơưs jông gâux chiê muôs.

                   Thâuv ntêx sơưr đơưk tsuôk uô zôngx ziv, nhiv no nhoz Lục Yên tưz huôv tsar yênhx têx jok tsiv uô poz jêz, hlơưs poz jêz, đuôz lok six jông đros thiêz yênhx châuv zav xiv huv ntơưv thị trấn Yên Thế, chor xã Yên Thắng, Liễu Đô, Minh Tiến, Tân Lĩnh, Vĩnh Lạc..... Iz xiv huv uô tâu muôs txix 2, 3 châuv tsov đeiv txos puô tsov thiêz cux muôx kênh zav ndê txos yênhx tyv đeiv.

                   Niêv lâul Nguyễn Thị Lý Vân, iz hâur têx lênhx muôx tsưr ziv uô đuôz poz jêz tâu jông heik pâuz: Iz chas muôz hâux lưv uô thiêz gra siêz phênhv sâu tâu, tsênhv uô trâu têx lênhx nênhs tsiv uô đuôz poz jêz lơưr muôx tsưr ziv xar jông, nhiêv uô luôs hâux lưv co:

                    “Xar uô tâu tiêr iz đeiv đuôz mak tsuv đhâu têx li: Xeir poz jêz, yâu, jêis.....thiêx tâu trơưk li tsưr ziv xar. Luôs hâux lưv no tsuv max mav uô iz kro jux juk, zos lênhx tưs siêz cuz, siêz max mak uô tsi tâu. Iz chas co, lênhx nênhs uô cux tsuv muôx tsưr ziv jông, zos tus tưs muôx tsưr ziv, txơưx uô mak zuôr tsiv uô tâu têx đuôz jông đuô”.

                Tỉnh Yên Bái nhiv no muôx 15 jok uô nuv thiêz têx nuv uô cxôngx nzor li: Tsiv uô, por hưv têx kôngz-jôngr-đêx nuv; tsiv uô têx trôngx tos, hiêz tơưz, xơưs tsôngk tril yo uz no.... Têx jok co tưz muôz ntâu hâux lưv uô thiêz tsar ndê phênhv sâu tâu trâu tsôngv pêx xênhv, paz cxiz 70% xã nhoz Yên Bái uô tiêr luôs hâux lưv cxiv tsa jêx jok yiêz. Zơưv Nguyễn Đức Điển, Phưv Giám đốc Sở Kôngz nuv thiêz huôv tsar tox siêz tỉnh Yên Bái heik pâuz:

                 “Têx jok co li hâux lưv chênhr zos tuôr tâu tsês têx muôx jông ntơưv qơư tsi chiê pôngz plox thiêz chênhr txix têx li heik sâuv tưz uô tâu têx xiv huv OCOP. Iz chas ntơư, huôv tsar uô têx nuv heik sâuv đros trâu ju lix, vênhx huôv cxôngx nzor chiê cxiv tsa luz nênhx nhoz tox siêz ziv hnuz ziv huôv tsar, vav mênhx”./.

Trịnh Xuân-Riê Lâux cxeik, nhênhv  

Bôv đôiv Pênhz phax paz uô tsiêz trâu pêx xênhv ntus đriv

                 Hnuz hôiv Pênhz phax tas nro pêx xênhv thiêz Tsaz yênhx “Bôv đôiv Pênhz phax paz uô tsiêz trâu pêx xênhv ntus đriv” zos huôx tôngv chiê paz trâu tsôngv box cxuô mênhx cxưx nhoz thax tsav ntus đriv viv tưz sir jos cxaz chuôz đros lưx lươngv pênhz phax thiêz cấp ủy, chinhr quyền ntơưv qơư hâur côngz xưv sêiz car, por vêv tsưr qênhx têz qơưk, ngaz tuk ntus đriv têz qơưk. Tsaz yênhx zos yênhx huôx tôngv muôx tsiv gri trâu pox nhuôs tox siêz thâuv zuôr txos trâu chêix ntux yiêz.

                Shông no tsaz yênhx muôx ntâu huôx tôngv tsiv gri li: uô vênhx nghệ, sik tưr krưr nduôr txâuv puôz… Chor taz viv cux  tưz tsưr tsix khơưk muôz zuôr xar 730 kror hax huv, tsiv gri muôx 360 triệu đêiv ntâu, 400 luz nduôr txâuv puôz trâu chor tập thể uô tâu lơưr Chinhr phuv Chỉ thị 01, chor chuôz zis muôx luz nênhx txov nhêv tâu tsênhv chêi têz qơưk paz, nênhs muôx suôz bê sâuv thax tsav 3 xar ntus đriv: Ma Thì Hồ, Na Sang, Mường Mươn…

                Tiv zix zos tsưr tsix “Qơư muôs huv tsik tas nhiêx txiêx” tsiv gri xar muôx 200 triệu đêiv chiê paz trâu chor ziv chuôz zis bax tsik tâu tâu cxuô zav, chuôz zênhx hâur shông yiêz zuôr tâu têx hax huv bax tok tsiêz. Tix lâus Gâuz Xênhv Zax, nhoz jok Ma Thì Hồ 1, xar Ma Thì Hồ phêiz kênh:

              “Uô chor bôv đôiv Pênhz phax tsâus lok six ntâu tưz paz hax huv trâu pox nhuôs thiêz trâu cur ziv chuôz zis. Tsiêz shông no chuôz zis bax tsik tâu đaz tsik hlo taz sik muôx chor bôv đôiv Pênhz phax paz hax huv tưz paz trâu chuôz zis txoz cxơưx tâu trâu luz tsiêz zuôr txos no”.

              Zơưv Dơ Xênhv Muôk, Chủ tịch Ủy ban xar Ma Thò Hồ puz pâuz: zos luz xar txov nhêv tiv zix, pêx xênhv cxuô mênhx cxưx sâuv thax tsav luz nênhx khov ntâu trâu chos blêx, poz cưk viv li chor ziv chuôz zis pluôs tsênhv yuôr chôngz. Zuôr txos tsiêz, ntâu ziv chuôz zis tsik muôx nhiêx chiê zuôr cxuô zav nox tsiêz, viv li hâux lưv tsưr tsix tsaz yênhx “Bôv đôiv Pênhz phax paz uô tsiêz trâu pêx xênhv ntus đriv” tưz paz muôx cêr shir phaz trâu pox nhuôs sơưr đơưk nhoz ntơưv no:

                 “Hnuz no lok six ntâu chor nênhs siêz jông tuôx paz hax huv tsiêz trâu pêx xênhv, chor ziv chuôz zis. Txơưv chor hax huv tsik ntâu taz sik lok six muôx tsiv gri trâu pêx xênhv. Lênhx tưs cux lok sir shir phaz viv sik côngv siêz quân thiêz pêx xênhv nhoz thax tsav ntus đriv no hax zav tâu uô truôx jông đuô”.

                 Đại tá Lê Đức Nghĩa, Phưv Chinhr ủy Bôv đôiv Pênhz phax tỉnh Điện Biên puz pâuz: đros uô siv ntơưv xar Ma Thì Hồ, đrâuv muôz hax huv paz trâu pêx xênhv, chor y, bác sĩ Bôv Chỉ huy Pênhz phax tsênhv tsưr tsix njuôk shuôk moz, muôz yuôx tsik zuôr nhiêx txiêx trâu 500 lênhx nênhs. Lơưr taz viv chox kriê, chor Zênhx Pênhz phax nhoz trơưk ntus đriv Việt Nam-Lào, Việt Nam-Trung Quốc cux kriz uô tsaz yênhx li no thiêz zuôr khơưk muôz muôx nhos 2.600 kror hax huv, 4.000 luz nduôr txâuv puôz trâu pêx xênhv nhoz thax tsav ntus đriv:

                “Gra hax huv tuôx paz trâu pox nhuôs chiê sơưr đơưk muôx tâu iz luz tsiêz tsâu sor, cxix cxuô đuô, shir phaz đuô, chiê pox nhuôs tso siêz, shir phaz, côngv cêr lov jêv đros Bôv đôiv Pênh phax. Đhâu no chiê uô tâu jông côngz xưv yax kriê, hêik pêx xênhv pâuz, sir jos đros uô jông côngz xưv por vêv ntus đriv têz qơưk”./.

Vũ Lợi-Lik Thox cxêik nhênhv