Sir jos uô 5.000 luz tsêr niêv côngv siêz hâur 20 hnuz hmo trâu chor ziv chuôz zis pluôs nhoz Điện Biên

Tix lâus Lò Văn Long nhoz xar Na Sang, huyện Mường Chà, tỉnh Điện Biên ziv chuôz zis ntâu shông no tơưv tsik tâu đhâu yêiz pluôs. Chuôz zis muôx chôngz nênhs, taz sik tsuv uô nênhx nhoz hâur luz tsêr đaz tuôs, lav nhoz. Đhâu thâuv tâu paz chiê uô iz luz tsêr lơưx trơưk cxôngx nzor khor truôx jông nhoz, tix lâus Long ziv chuôz zis tưz tsik njiz cêr cxơưx tưs thâuv txos chêix ntux nas lơưv:

“Cur ziv chuôz zis cux zos chuôz zis pluôs, tâu Têz qơưk paz uô tsêr yiêz nhoz mak chuôz zis cux lok shir phaz thiêz uô tsâus Têz qơưk ntâu hênhr”.

Hok tix lâus Lò Văn Hiền ziv chuôz zis nhoz thị trấn Điện Biên Đông, huyện Điện Biên Đông, thâuv luz tsêr yiêz tâu uô tiêr thiêz choz zok nzor, tas nro chuôz zis lênhx tưs cux shir phaz. Tix lâus Hiền mak muôx moz tsik so, phênhv sâu chênhr hâur chuôz zis zos txix tuk pox niêv muk uô jos lok xưz. Tâu paz uô tsêr niêv côngv siêz đros muôx chinhr quyền ntơưv qơư, pêx xênhv hâur jok paz, chuôz zis shir phaz thiêz uô tsâus lok six ntâu:

“Uô chak mak cux zuôr txơưr ntâu thiêz shir phaz hênhr viv muôx tâu luz tsêr jông lok thêir yar thêir nas lơưv. Shir phaz thiêz jông siêz hênhr viv muôx luz tsêr lox jông li no”.

Chiê muôx tâu tsêr jông nhoz, tso siêz khưr uô nox co zos muôx cấp ủy chinhr quyền ntơưv qơư thiêz pêx xênhv cxuô mênhx cxưx tỉnh Điện Biên li têx sir jos hâur ntu uô muôx 200 hnuz hmo. Ntu kriz uô, Mặt trận Têz qơưk cxuô cấp tưz hêik cxuô lưx lươngv đros muôx 100.000 ntâu hnuz côngz paz trâu chor ziv chuôz zis pluôs ruôr têx tsêr kuz, cxiv uô têx tsêr yiêz, thâux xa têx chuôz lov uô tsêr. Tas nro têx đas jos co bâuv li chor nhiêx muôs 28 tiv đêiv ntâu. Khov co, 5.000 luz tsêr niêv côngv siêz tưz tâu uô tiêr, paz trâu pêx xênhv sir jos cov hla tâu đhâu yêiz pluôs.

Zơưv Vảng Xênhv Muôk, Bí thư Huyện ủy Điện Biên Đông, thax tsav qơư uô tiêr tâu nzor tiv zix chor tsêr niêv côngv siêz trâu nênhs pluôs puz pâuz:

“Pêx xav jênhv tsuv khov trâu pêx xênhv zos chênhr, tas nro tsuv muôx pêx xênhv cxaz chuôz. Zos tiêk 754 luz tsêr no tsuv uô li thâuv ntêx pêz uô zos chiê chor lưx lươngv dân quân thiêz hluôk nênhs cxaz chuôz uô yênhx luz tsêr mak zuôr uô tsik tâu tiêr thiêz xuz thơưx tsuv yax kriê chiê pêx xênhv pâuz no zos uô tsêr trâu pêx xênhv nhoz thiêz pêx xênhv tsuv zos nênhs cxaz chuôz uô thiêz sir zôngv ciês chor tsêr no viv li pêx xênhv cux sir jos đros uô txix ciês thâuv piz kriz uô”.

Zơưv Trần Quốc Cường, Bí thư Tỉnh ủy Điện Biên puz pâuz: Điện Biên zos iz hâur têx thax tsav qơư muôx chor nênhs pluôs chôngz tiv zix têz qơưk. Uô ntêx thâuv kriz uô Đề anr 09, tas nro tỉnh cux tsênhv yuôr muôx 7.500 ziv chuôz zis tsuv uô nênhx nhoz hâur têx luz tsêr đaz tuôs lav nhoz. Đề anr uô tiêr tưz paz trâu 5.000 ziv chuôz zis pluôs, zuôr xar pluôs truôx tuk luz nênhx. No chênhr zos tsaz yênhx lox muôx tsiv gri xar hôiv jông, tsênhv tsênhz chiê paz trâu nênhs pluôs ndar txos chiv nhênhv 70 shông ntâuk zênhx Điện Biên Phủ:

“Pêz lok six jông siêz thâuv muk chuôr yuô chor tsêr niêv côngv siêz nhiv kruôr uô tâu tiêr, pov pêx xênhv đêi qix têz qơưk thiêz đuô hloz Hôx ciês hâur luz đraz tsêr. Chiê paz trâu pêx xênhv, Đảng, Hloz Hôx tưz hêik tas nro pêx xênhv thôngx siêz sik đros paz. Thâuv đoanx côngz xưv tỉnh muk sêiz yuô mak pêx xênhv hêik tiêk no zos luz thax đaz txi côngv cxôngx nzor muôx qix têz qơưk thiêz đuôz zơưv hloz Hôx. Thax đaz cxôngx nzor no khav tênhv pêx xênhv zênhx njênhr njôngr lơưr Đảng, lơưr hloz Hôx, tsik njênhr trơưk chor nênhs fêv nziêk đas”.

200 hnuz hmo sir jos uô cov tiêr 5.000 luz tsêr niêv côngv siêz nhoz Điện Biên tưz hêik tơưv tâu đas jos sik côngv siêz nhoz chinhr quyền, pêx xênhv cxuô mênhx cxưx sâuv thax tsav hâur sir jos paz trâu Điện Biên txix iz thax tsav qơư njiz trâus ntâu kror phiv liv thâuv ntâuk tros châuz ndê cov huôv tsar hênhr hâur ntu nhiv no./.

Vũ Lợi-Lik Thox cxêik nhênhv