Yên Bái phax tar cuz tox cuz jôngr hâur cheix ntux kruôr

Têx hnuz no, xã Bản Mù tsênhv hu zâuv tas nro cxix luôs chính trị đros phax tar cuz jôngr. Luôs hâux lưv yax kriê tâu uô txix luk Choz Tsiz thiêz luk Hmôngz hur si thôngz đhâu loa nta suôz hâur xã, têx Zalo, têx jiês cơưv jêx jok.

Tsênhv njiêz yax kriê tâu uô tsênhz mênhx li: Heik txos trâu pêx xênhv pâuz lok ntu no, khênhr muôx chuô lox, cuz sor, zôngx ziv uô hluôr tơưk txeik cuz jôngr. Tsôngv box tsuv tsưx phưv jông hluôr tơưk, tsi tâu trâur tơưk, gra hluôr tơưk muk hâur têx xuz jôngr lok jê ntus jôngr hâur cheix ntux kruôr gis. Zos têx lênhx nênhs tưs tsi muôx hâux lưv đaz tsi zov chênhr mak tsi muk hâur têx xuz jôngr. Lênhx nênhs lok sik chuôz zis tưs uô cxâuv cui tinhv lok phax cuz tuô cuz jôngr zuôr trâus xưv bluô trơưk chei têz qơưk thiêz tsi tâu sơưv têx chei paz lok por hưv har jôngr. Tix lâus Lường Văn Cường, thơưx seiz car têx lênhx nênhs lês uô hâux lưv car seiz xã Bản Mù, Ban seiz car thiêz por hưv jôngr phax phưv Trạm Tấu, tỉnh Yên Bái heik pâuz: “Chiê seiz car, por hưv truôx jông têx jôngr ntông tâu choz, pêz tưz thôngx ziv, heik  tsênhz mênhx trâu yênhx jêx jok; yax kriê uô hâux lưv phax cuz tuô cuz, têz qơưk têx Thông tư, Nghị định lok seiz car, por hưv jôngr chiê pêx xênhv pâuz tsênhz. Têx hnuz cuz sor mak pêz đros pêx xênhv muk qênhz yuôx shuôs têx har jôngr, seiz pok muôx lênhx tưs trâur tơưk, zôngv hluôr tơưk uz no jê ntus jôngr, hâur xuz jôngr”.

Xã Bản Mù muôx zuôr xar 12.300 ha har jôngr, hâur co 7 cxênhz ha jôngr nưk tuôx nưk thiêz jôngr phax phưv. Txix hli 3 txos hli 5 niêx shông, zos ntu khênhr kruôr gis hênhr, đros trâu muôx chuô lox, zôngx ziv uô hluôr tơưk txeik cuz jôngr, zos thâuv tưz txeik cuz mak phiv liv tuô tâu hluôr tơưk.

Chênhr zos li heik co, iz chas yax kriê, xã tưz yênhx lix Ban chox kriê phax tar cuz tox cuz jôngr thiêz huôv tsar jôngr, iz chas ntơư yênhx lix têx paz lês uô hâux lưv qênhz yuôx jôngr nhoz têx jêx jok thiêz cxiv tsa lênhx nênhs uô ntêx nyuôs phax tir thêir têx tsi jông li heik sâuv. Luôs hâux lưv kriê thiêz cơưv shâuv phax cuz tuô cuz jôngr tâu uô tsi so chiê gra siêz tsưr ziv jênhv pâuz thiêz por hưv jôngr trâu tsôngv pêx xênhv, têx tổ lênhk nhav tsưx phưv jôngr ntông.

Xã cux heik thâuv qênhz pov muôx hluôr tơưk cuz jôngr, tsôngv pêx xênhv tsuv heik zênhx max trâu sơưr đơưk nhoz jê iz ndis thiêz hâu nov ntơưv qơư pâuz. Cxuô lênhx pêx xênhv tsuv uô jông trơưk têx chei hu sơưr đơưk sik đros phax cuz tuô cuz jôngr. Zơưv Tsaz xênhv Zax, Chủ tịch Ủy ban xã Bản Mù, huyện Trạm Tấu, tỉnh Yên Bái heik pâuz: “Pêz chiê tas nro têx chuôz zis hâur thax tsav xã cir ntơưr chos luk phax cuz tuô cuz thiêz por hưv har jôngr, tsi chiê hluôr tơưk txeik cuz jôngr ntông. Niêx hnuz, pêz yax kriê trâu sơưr đơưk lok phax cuz tuô cuz txix luk Hmôngz, luk Choz Tsiz trâu thâuv zar tas cik thiêz zar hnuz kêix chiê pêx xênhv pâuz tsênhz đuô luôs hâux lưv no. Tiv zix, pêz piêr kriê têx tsưr ziv phax cuz tuô cuz jôngr, zos thâuv tưs muôx yưv têx tsi jông mak chor Bí thư chi bộ, tsar jok, têx lênhx uô nênhx nhoz jê ntus jôngr tsuv hu pêx xênhv sơưr đơưk sik đros tuô hluôr tơưk”.

Khov uô jông hâux lưv yax kriê, sir jos qênhz yuôx thiêz qênhz shuôs lênhx nênhs muk lol hâur har jôngr, txix hâur cheix ntux kruôr txos nhiv no, xã Bản Mù tsi tâu pov muôx iz txuz hluôr tơưk txeik cuz jôngr tưs hlo. Tsôngv pêx xênhv tưz gra siêz tsưr ziv jênhv pâuz, chênhr phax đros tsưx phưv truôx jôngr ntông. Tix lâus Khay xênhv Tsaz, nhoz xã Bản Mù heik: “Cur tưz tâu mnôngs yax kriê ntâu lok phax tar cuz jôngr thiêz por hưv jôngr, chênhr viv li, cur chuôz zis tsuôk luôx têz, uô têz ntơưv têx thax tsav têz qơưk tso chei xưz. Thâuv hlơưr têz mak cur heik trâu hâur jok thiêz xã pâuz chiê lơưr tuôx đros qênhz yuôx, kriê hlơưr li chas cov truôx tuk”./.

Trịnh Xuân-Riê Lâux cxeik, nhênhv  

Đơưk kho cxuô kror paz trâu pêx xênhv tơưv đhâu qơư muôx ar poz ntơưv Tà Xùa

Dưv anr txar pêx xênhv tơưv muk đhâu qơư muôx ar poz ntơưv jok Tà Xùa, xar Tà Xùa, huyện Bắc Yên, tỉnh Sơn La chiê txar qơư nhoz trâu xar muôx 26 ziv chuôz zis nhoz hâur qơư muôx ar poz phiv liv ntơưv jok Tà Xùa. Uô ntêx co, thâuv hli 8/2024, chor ar ntơưv no tưz poz iz saz lok uô 4 lênhx tuôs thiêz trâus saz, ruôr hiêv txos pêx xênhv li têx vax tsêr đros ntâu zav thiêz uô cêr muk lok tsik thôngz…

Đros tas nro pênhr yưv uô dưv anr zos 15 tiv đêiv, txix pênhr nhiêx yưv pênhr côngz, dưv anr tâu kriz uô hâur shông 2024-2025. Txos nhiv no, Ủy ban huyện Bắc Yên tsênhv kriz uô cêv kuôk cov tsênhz mênhx qơư pêx xênhv nhoz lơưr dưv anr đar xar muôx 2 héc ta; thor pêx xênhv ziv chênhv nhoz hâux lưv cêv kuôk; đros co zos sir jos yax kriê, hêik pêx xênhv hâur thax tsav njiz trâus phiv liv pâuz chiê txar qơư nhoz.

Zơưv Hồ Xênhv Muôk, Chủ tịch Ủy ban xar Tà Xùa, huyện Bắc Yên, tỉnh Sơn La hêik pâuz: “Nhiv no pêz tsênhv sêiz car, sik côngv đros chor thax tsav nhoz iz ndis, qênhz shuôk chor qơư huv đros chiê txar pêx xênhv, chor chuôz zis nhoz hâur qơư njiz trâus phiv liv co lok nhoz cov ngaz tuk. taz sik, tiv zox xar tox siêz, qơư jông trâu pêx xênhv nhoz tsêx trung mak muôx tsơưs. Viv li, chiê nriêr tâu qơư nhoz huv đros trâu chor ziv chuôz zis lok nhoz tsênhv zos kror lax uô”.

Lơưr chinhr quyền ntơưv qơư, kriz uô dưv anr tsênhv njiz ntâu phiv liv tiv tsik muôx qơư nhoz, iz cxiê ziv chuôz zis tsik tâu thôngx ziv đros txar qơư nhoz thiêz tsik tâu pêx xênhv ntơưv kror qơư nhoz yiêz thôngx ziv đros.

Tsênhv tsênhz, thax tsav qơư njuôk xav xêir tsov qơư nhoz yiêz zos ntơưv thax tsav Trông Cớ Đá Kênh nhoz thax tsav Tà Xùa C, jok Chung Trinh, xar Tà Xùa, thax tsav kriz uô đar muôx nhos 2 héc ta. Taz sik, đhâu Ủy ban xar chor jiês uô hâux lưv đros chor ziv chuôz zis ntơưv qơư uô dưv anr, chor chuôz zis tsik thôngx ziv đros têz qơưk sâu ar chiê kriz uô dưv anr, qir tiv zos sâu ar chiê cxiv uô qơư nhoz yiêz zuôr uô phiv liv lox txos pêx xênhv nhoz ntơưv kror qơư no luz nênhx thiêz uô nox.

Txos nhiv no, đhâu qênhz shuôk, sâuv thax tsav xar Tà Xùa tsik yuôr kror qơư tưs đar muôx 1,5 héc ta chiê uô Dưv anr txar qơư nhoz trâu pêx xênhv tơưv muk đhâu kror qơư zôngx ziv muôx ar poz nhoz jok Tà Xùa, xar Tà Xùa, huyện Bắc Yên.

Ntơưv jiês qênhz yuôx hâux lưv kriz uô chor dưv anr đơưk kho trâus ntux têz ruôr hiêv ntơưv huyện Bắc Yên, zơưv Nguyễn Đình Việt, Chủ tịch Ủy ban tỉnh Sơn La tưz choz trâu chor sở, nganhx, thax tsav qơư sêi đrơưv kriz uô chor tsưr ziv đơưk kho têx phiv liv hâur dưv anr txar pêx xênhv tơưv muk cov đhâu thax tsav muôx ar poz ntơưv Tà Xùa.

Zơưv Nguyễn Đình Việt, Chủ tịch Ủy ban tỉnh Sơn La puz pâuz:  “Ngaz tuk luz nênhx thiêz cxuô zav trâu pêx xênhv tsuv zos kror xuz thơưx, viv li huyện Bắc Yên tsuv tror kriz uô txar qơư nhoz, kho đuô qơư nhoz trâu pêx xênhv. Đros co, sêiz shuôk muôz trâu chor cơ quan muôx vax huôv njuôk xav uô dưv anr qơư nhoz yiêz chiê tơưv muk đhâu qơư muôx ar poz. Uô ntêx co, zuôr yax kriê, hêik trâu pêx xênhv pâuz txos têx tsưr ziv tsênhv tâu thax tsav qơư kriz uô, paz cov ngaz tuk jông trâu pêx xênhv luz nênhx thiê zuô nox… jux juk paz muôx tâu thôngx ziv hâur pêx xênhv. Hâur ntu kriz uô, sir jos tsik chiê pêx xênhv tror nhoz hâur qơư zôngx ziv muôx ar poz tsik ngaz tuk”.

Hâu nov Ủy ban Tỉnh Sơn La, chor sở, nganhx, thax tsav qơư cux tso tơưv ntâu tsưr ziv chiê kriz uô dưv anr txar qơư nhoz trâu pêx xênhv ntơưv thax tsav muôx ar poz Tà Xùa, li tror kriz uô chor dưv anr lơưr tsưr ziv chiê pêx xênhv nhoz ntơưv qơư muôx ar poz nhoz shơư đros chor jêx jok txơưr ngaz tuk; zaz zâuv chor nênhs yưv pênhr, nhênhz chơưv kriz uô dưv anr đơưk kho ar xưz poz, hlôngr yiêz đuô tênhv qơư, paz muôx tâu qơư kriz uô… cê paz ngaz tuk jông, cê huôv tsar qơư du lịch Tà Xùa lơưr tsưr ziv, cêv kuôk tưz tâu cxuô cấp muôx vax huôv tso tơưv./.

Lê Hạnh-Lik Thox cxêik nhênhv