Tổng Bí thư Nguyễn Phú Trọng tiêv tiêv nhoz hâur tsôngv box Hmôngz-Cho-Thái Tây Bắc siêz tsi plox

          Đros tsôngv box Cho Tây Bắc, txơưv Tổng Bí thư Nguyễn Phú Trọng tưz ndeiv muk đêz, taz sik pox nhuôk thâuv tưs cux ndo njôngr txos iz lênhx nênhs lênhs tov txơưx njê, chox têz qơưk hla đhâu ntâu phêv liv, tax tâu ntâu yênhx tix jông hâur huôv tsar KTXH, muôz siêz têz qơưk, mênhx cxưx li qơư sơưr sâuv ntiêx têz. Pos Triệu Thị Nhây, tsôngv box nhoz jos 2 Túc, xã Phúc Lợi, huyện Lục Yên, tỉnh Yên Bái pheiz kênh:

          “Tổng Bí thư tâu tas siv nênhx zos pêz li iz cêr pôngz siêz lox. Zơưv zos Đảng thiêz têz qơưk li iz lênhx nênhs lênhs tov txơưx njê. Zơưv zos đeiv iêr chi cax luk lok iz lênhx nênhs lênhs tov txơưx njê, sưv jê, iz siêz viv têz qơưk, viv tsôngv box. Tas nro tsôngv box li têx ziv chênhv thix ziv Tổng Bí thư puôr lênhx mnôngs thiêz chox kriê car chêx txos qơư. Uô tsâus txos Tổng Bí thư Nguyễn Phú trọng tưz paz trâu tsongv box muôx tâu luz nênhx tsâu sor, shir phaz”.

          Hâur hnuz tsưr tsix uô đaz kruô xa Tổng Bí thư Nguyễn Phú Trọng, têx cán bộ, đảng viên, tsôngv box têx mênhx cxưx Hmôngz-Cho-Thái nhoz Tây Bắc thâuv tưs cux ndo njôngr zơưv li têx luk heik kriê thâuv tuôx seiz yuô jêx jos tox siêz Tây Bắc, chiê sik đros gôngr zuk li đas jos cxơưz tiês hâux lưv phax tar thaz huôz, lav phêv, cxuôv cêr yeiz pluôs, cxiv tsa têz qơưk, jêx jos ziv hnuz ziv tsâu sor, trơưk li Tổng Bí thư siêz xar njôngr thâuv tsênhv nhoz uô nênhx. 

          Zơưv Tòng Văn Xôm, đảng viên nhoz jos Mòng, xã Hua La, TP Sơn La heik:

          “Tổng Bí thư Nguyễn Phú Trọng tâu tas siv nênhx, taz sik đồng chí li têx siêz xar, têx hâux lưv uô tâu tiêv tiêv tâu pêz ndo njôngr hâur siêz tsi plox. Cur zos cán bộ, đảng viên zuôr tsi so cơưv shâuv, uô lơưr têx hâux lưv mak Tổng Bí thư tưz uô tâu, têx luk heik kriê hâur ntu đhâu. Tiv zix zos hâur phax tar thaz huôz nox nhiêx. Thiêz hâux lưv phax tar thaz huôz nox nhiêx no pêz zuôr tror sir jos uô tsi so thiêx li muôx tâu jêx jos, têz qơưk ziv hnuz ziv huôv tsar, vav mênhx”./.

(VOVTB-Txâur Vax cxeik nhênhv)

Lênhx nênhs lênhs tov txơưx njê, siêz jông sưv jê tsôngv box

          Tâu xênhz zus thiêz hloz lox ntơưv jos Lại Đà, xã Đông Hội, huyện Đông Anh, Thành phố Hà Nội- iz luz jos jông đros muôx têx lênhx nênhs nôngx mênhx siêz jông, muôx cêr chax chês gruôs cơưv ntơưr thiêz zos tul tuz nzơưs hâur iz chuôz zis uô kôngz, muôx chôngz cưr tix nus muôk. Tổng Bí thư Nguyễn Phú Trọng thâuv tưs cux tâu fôngx zưs ndo txos zos iz lênhx nênhs muôx tul khênhx tsi lox hor ntâu, lok six ciêz thiêz gruôs cơưv ntơưr. Đhâu uô ntâu hâux lưv coaz tsôngv zos Đảng, têz qơưk thiêz tsôngv box choz zok li: li: Ủy viên BCH TW Đảng txix khóa 7 txos khóa 13; Ủy viên Bộ chính trị txix khóa 8 txos khóa 13; Tổng biên tập Tạp chí cộng sản, Bí thư Thành ủy Hà Nội; CHủ tịch Hội đồng lý luận trung ương, Chủ tịch côx hôiv, Chủ tịch têz qơưk, Tổng Bí thư txix khóa 11 txos khóa 13, Tổng Bí thư Nguyễn Phú Trọng tưz muôx ntâu gôngr côngv lox, coaz tsôngv trâu Đảng thiêz pêz mênhx cxưx li hâux lưv cơưx mênhv, tiv zix zos hâur côngz xưv hlôngr yiêz, cxiv tsa thiêz por vêv Têz qơưk. Zơưv Đào Duy Quát, kuz Phưv tsar Ban Tuyên giáo Trung ương heik:

          “Sâuv tas nro cxuô luôk hâux lưv zuk uô đồng chí Nguyễn Phú Trọng thâuv tưs cux chuv tôngv, muox tsưr ziv uô jông, muôx txơưx jênhv siêz đros siêz xar lý luận tâu kriê cxaz txix tsênhv tsênhz, viv li đồng chí tưz uô tiêr jông jênhv vưv tâu choz. Tiv zix thâuv uô Tổng Bí thư 3 six cxiv, đồng chí tưz sik côngv siêz thôngx ziv txix Bộ chính trị, Ban Bí thư, Ban chấp hành TW uô thôngx ziv hâur tas nro Đảng”.

          Nhoz uô nênhx sưv jê đros tiv phaz tâu tso pov ciês hâur côngz xưv lok sik hâur Tổng Bí thư li luz nênhx. Đros đảng viên Phùng Huy Đan zơưv thâuv tưs cux pov Tổng Bí thư zos iz lênhx nênhs muôx shưz xar cơưx mênhv jông, sưv jê tsôngv box thiêz cxuô lênhx nênhs. Têx zơưv pov tâu co zos đhâu Đoanx teiv plor côx hôiv taz viv bo xeir số 1 TP hà Nội qơư Tổng Bí thư Nguyễn Phú Trọng zos teiv plor côx hôiv 4 jiês njiz cử tri thiêz txos nhiv no, têx pov njôngr lok lênhx Tổng Bí thư co tsênhv nhoz trơưr hâur cử tri Phùng Huy Đan li siêz tsi plox:

          “Cur lok six jông siêz tâu njiz hloz Trọng ntơưv 4 jiês njiz cử tri, hloz muk njiz cử tri đros tsôngv box viv li thâuv cử tri phuôx plov lok six tsâu siêz mnôngs thiêz sâu tsês têx ziv chênhv co. Thâuv mnôngs phuôx plov tas Hloz cux heik sđ zos têx lênhx nênhs tưz nhênhz chơưv lok six jông lok chính sách. Viv li nêx tưz muôx têx gôngr côngv lok six jông trâu côx hôiv, nêx têx luk phuôx plov heik lok six zos…thâuv so hloz muk nqok tês cxuô lênhx nênhs. Lênhx tưs cux xar tâu đros hloz tsov đuôz shav”.

          Zos lênhx nênhs lênhs tov siêz tiv zix Đảng, Tổng Bí thư Nguyễn Phú Trọng tsov cưv txos ntâu nganhx, ntâu vênhv thix, txix khoa học, zaoz zux- thox cxov txos vênhx huôv, vênhx ziv, pov tsir, txix côngz xưv cxuôv yeiz thiv pluôk txos zaoz zux cêr chax chês nhiêv têz nhiêv qơư thiêz cơưx mênhv trâu têx cxênhx nênhs…Nhoz tưs cux pov đồng chí li chinhz yênhx txơưx jênhv lok six siêz. Tuôx txos TP HCM, Tổng Bí thư xar njôngr TPHCM tsênhz tsênhz zos niêv đrôngs siêz jông, vav mênhx; tsôngv box muôx luz nênhx tsâu sor, shir phaz, xar uô tâu li co niêv đrôngs tsuv tror yưv pênhr hlôngr yiêz, muôz siêz tas nro tsơưr lươngv zaoz zux thiêz thox cxov, huôv tsar lênhx nênhs, tiv zxĩ zos lênhx nênhs muôx tsơưr lươngv, lênhx nênhs lênhs tov, seiz car; huôv tsar jông KHCN reik đros huôv tsar kinh têr, cxơưz tiês chiê niêv đrôngs huôv tsar sei thiêz truôx tul.

          Đros niêv đrôngs Hà Nội, tsi taz iz siêz viv têz qơưk zuk tâu xênhz zus thiêz hloz lox mak tsênhv zos txơưx jênhv lox đros niêv đrôngs lox hâur têz qơưk. Tổng Bí thư Nguyễn Phú Trọng thâuv tưs cux tsov cưv muôx têx chox kriê tsênhz mênhx, muôx ziz njiêz coaz tsôngv đros têx huôv tsar uô ntêx thiêz lêx ntêr tov kaz no. Tổng Bí thư Nguyễn Phú Trọng pheiz kênh:

          “Heik txos niêv đrôngs Hà nội, hâur lênhx nênhs Việt Nam lênhx tưs cux txưv haox lok thax tsav qơư văn hiến thiêz zênhz shôngx, niêv đrôngs viv hôx fênhx chiê “txơưv zos muk txos tưs cux ndo njôngr txos Hà Nội”. Hâur hnuz xuz thơưx Hà Nội tâu tiêx tul, Hloz sâu “tas nro têz qơưk njiê njôngr txos thủ đô, ntiêx têz tos njôngr lok thủ đô, tas nro sđ tsuv sir tas đas jos tuôr truôx txiv ngaz, uô li chas cov thủ đô yênhx niêv đrôngs truôx tul, jông jav thiêz bluô nux. Co chênhr zos têx tsov cưv jông, cux zos têx siêz xar njôngr thiêz njênhs njôngr chiê Hà Nội huôv tsar, uô ntêx nyuôk li Hloz Hôx tưz choz chêv”.

(VOV1-Txâur vax cxeik nhênhv)

Sêiz têx huv muôz puz, ndo lênhx nênhs muôz, zos cxơưz cxiz trâu px Chiềng Ban truôx siêz huôv tsar uô nox

        (Cxiv uô tiêr yar yêz ntux za Nà Sản, ho tuôx sêiz shuôk Hà Nội, zơưv Hloz hêik, thâuv tưsuô tiêr yar yêz ntux za, cox uô pos zôngx ziv tuôx trâu Hà Nội sêiz shuôk pêz, zos li tiês, taz sik nhiv no tsik ndar lơưv...)

Hnuz nhôngs đhâu jux jux, taz sik têx huv zơưv Tổng Bí thư muôz puz thâuv tuôx trâu Sơn La, muk sêiz shuôk pos Lò Thị Kiêm, nhoz xã Chiềng Ban, huyện Mai Sơn, Sơn La chuôz zis tsênhv tuôr tsês, zos zav huv tsiv grê. Co zos têx huv zơưv Tổng Bí thư muôz puz đros trâu ntâu cêr shir phaz thiêz pos Kiêm tưz tâu muôz hêir nênhs txox fuôv txiêx puz trâu zơưv Tổng Bí thư:

        “Tổng Bí thư tuôx sêiz shuôk txos cur chuôz zis, muôz 5 thiêr ntâuz, iz triệu nhiêx, iz hnaz suôz thax puz cur. Ntâuz zos muôz trâu cur xơưk iz luz yo poz ziz, đuô li tsênhv muôz tsês sêiz đaz muôs”

        Cux zos luz tsêr tsar lơưx shông co, zơưv Lò Văn Khoa, zos pos Kiêm tus tuz, cux tâu Tổng Bí thư hêik kriê lok huôv tsar cêr uô nênhx jông, uô tiêr cxuô luôs hâux lưv zok muôz. Ntơư zos têx luk tsiv grê hêik trâu lênhx cán bộ jos, lênhx đảng viên hluôk:

        Cur tsênhv ndo njôngr, Hloz Trọng nus tiêk, uô tsar jos pok phiv liv li chas? Cur têz tiêk, cux phiv liv thiêz, taz sik tsuv sir jos chiê paz iz phênhv chiê fuô kriê Đảng têz qơưs têx chêi trâu px ntơưv qơư. Lar hêik zos yax kriê tsôngv px sđ huôv tsar cêr uô nênhx zos đrêiv têz qơưs têx chê tso tơưv thiêz yax kriê tsôngv px hlôngr yiêz tsoz chos, txo grêk tâu cêr yêiz pluôs”

          Chor đuôz cxêik đros Tổng Bí thư Nguyễn Phú Trọng hâur hnuz tuôx sêiz shuôk chuôz zis, tưz tâu tsês hâur zơưv Đặng Đình Thị, jos Mai Khoang, xã Chiềng Ban, huyện Mai Sơn, Sơn La chuôz zis. Zơưv Thị tưz 70 ntâu shông, kuz Bí thư chi bộ jos shir phaz lul hêik pâuz:

        Hloz Trọng zos iz lênhx nênhs siêz jông, sưv jê đros tsôngv px cxuô hêir nênhs sđ thiêz hluz txos px. Thiêz shông co, pêz tsôngv px sđ lok six jông siêz thiêz cur sêiz pov zơưv Hloz Trọng zos iz lênhx nênhs txơưx njê, muôx tsưr ziv chox car, cxiv kho pêz têz qơưs, yax kriê tsôngv px huôv tsar uô nox, px iz thênhv jux juk muôx luz nênhx tsâu sor

          Zơưv Đặng Đình Thị cux thav tiêk, txos trâu niêx hnuz nhiv no, Tổng Bí thư têx luk hêik kriê tsênhv nhoz đros đrêiv hâur luz nênhx tsik plox. Ntơư chênhr zos têx luk cxơưz cxiz cxuô lênhx đảng viên, hâu nov ntơưv qơư, tsôngv px jêx jos huôv tsar cêr uô nênhx jông, paz phênhv trâu xã uô tiêr luôs hâux lưv cxiv tsa jêx jos yiêz:

        Zơưv Hloz cux hêik iz grê luk uô trâu cur xar txos trâu nhiv no tsênhv nhoz đros đrêiv đruôz siêz tsik plox. Zos đảng viên tsuv bluô nux, tsik tâu zos chuôz zis bluô. Thâuv co, cur tsênhv uô Bi thư chi bộ, tsar jos yax kriê px huôv tsar uô nox cov txos shông 2015 uô tâu tiêr luôs hâux lưv cxiv tsa jêx jos yiêz. Chênhr zos muôx Đảng, têz qơưs, zơưv Hloz Trọng, pêz px thiêx muôx luz nênhx truôx tuk, tsâu sor. Co zos cxuô luôs hâux lưv tsôngv px sđ huôv tsar cêr uô nênhx zos đrêiv zơưv Hloz  Tổng Bí thư têx luk hêik kriê .      

Co zos chor lukthav txos têx huv Tổng Bí thư muôz puz trâu iz cxiê lênhx niêv pos thâuv tuôx sêiz shuôk tsôngv px nhoz thax tsav tỉnh Sơn La trâu hli 1/2014 thiêz muk sêiz shuôk cán bộ thiêz tsôngv px nhozxã Chiềng Ban,huyện Mai Sơn zos xã tâu tỉnh Sơn La xêir tsov uô luôs hâux lưv cxiv tsa jêx jos yiêz.

       Chênhr zos tâu Tổng Bí thư, Đảng, têz qơưs moz siêz txos, xã Chiềng Ban tưz uô tâu tiêr luôs hâux lưv cxiv tsa jêx jos yiêz trâu shông 2015 thiêz tax tâu jêx jos jông jav trâu shông 2020 thiêz thax tsav qơư co tưz yênhx thax tsav qơư huôv tsar truôx tsoz chos cà phê. Zơưv Đoàn Quang Dũng, Chủ tịch ủy ban xã Chiềng Ban, huyện Mai Sơn, Sơn La hêik pâuz:

        Thâuv Tổng Bí thư tuôx sêiz shuôk, zơưv Hloz cux yax kriê lok tsưr ziv huôv tsar uô nox thiêz tsuv uô li chas huôv tsar truôx tsoz chos cà phê. Txix ntơư, pêz tưz sir jos uô trơưk zơưv Hloz têx luk hêik kriê tsês thiêz hâur ntu nhiv kruôr đhâu tsik ntêr no, 2 luz xã Chiềng Ban, Chiềng Chung 300 ha tsoz chos cà phê tưz uô tâu trơưk tsưr ziv yiêz thiêz pêz tsênhv sir jos huôv tsar uô nox txos shông 2025, tsôngv px muôx phênhv sâu tâu siêz, muôx luz nênhx tsâu sor đuô

           Cán bộ thiêz tsôngv pxxã Chiềng Ban, huyện Mai Sơn, tỉnh tox siêz Sơn La tsênhv taz tov sir jos uô trơưk zơưvTổng Bí thư têx luk hêik kriê tsês, đảng viên tsuv uô bluô nux./.

                             Tsu cxêik nhênhv-Lê Hạnh- VOV Tây Bắc

Tsôngv box Lai Châu ndo njôngr Tổng Bí thư têx luk kriê, chiê yênhx qơư chi cax lok

huôv tsar uô nox

Thax tsav chos yuôx zêx ntơưv xã Bản Bo, huyện Tam Đường (Lai Châu) nhiv no tsênhv taz tov sâu đê têx njik yuôx zêx. Txix tas cik sơưr nzor, tsôngv box tưz siz zâuv muk đê têx njik yuôx zêx lov jêv ntưk. Txix ntâu shông lok no, tsiv uô yuôx zêx zos tsôngv box nhoz no li phênhv sâu tâu chênhr.

Zơưv Xâuk Xênhv Hav, heir nênhs Hmôngz nhoz jok Nà Phát, xã Bản Bo, huyện Tam Đường heik pâuz: Đhâu thâuv chuôs njiz thiêz tâu Tổng Bí thư Nguyễn Phú Trọng tôngv zênhx, zơưv chuôz zis tưz sir jos krêz đar liêx têz chos têx yuôx zêx. Txos nhiv no chuôz zis tưz muôx 2 ha ntâu yuôx zêx, hâur co iz đraz ntâu zos chor yuôx zêx Kim Tuyên. Khov muôx phênhv sâu tâu truôx tuk txix têx yuôx zêx, zơưv chuôz zis tưz hla đhâu chuôz zis pluôs, luz nênhx tsâu sor đuô.

“Txir hloz Trọng Tổng Bí thư lok six moz siêz txos tsôngv pêx xênhv cêr huôv tsar uô nox uô hâuk. Txir hloz muk ndis seiz cur chuôz zis têx têz yuôx zêx thiêz txir hloz tôngv zênhx chuôz zis, tsôngv cưr tix nênhx tsa sơưr đơưk sir jos tu têx yuôx zêx chiê muôx phênhv sâu tâu truôx tuk. Txix Tổng Bí thư luk kriê thiêz heik sơưr đơưk, tsôngv box hâur jok tưz sir jos huôv tsar uô nox, tu têx têz yuôx zêx chiê muôx phênhv sâu tâu, txoz cxơưx trâu luz nênhx thiêz nhiv no sơưr đơưk tưz muôx luz nênhx tsâu sor, vav mênhx đuô”.

Uô trơưk Tổng Bí thư têx luk kriê, tsôngv box xã Bản Bo tưz jux juk krêz đar liêx têz chos yuôx zêx txix 300 ntâu ha têx yuôx zêx kuz lok shông 2016, nhiv no tưz ndê txos xar muôx iz cxênhz ha. Lar heik, ntơưv qơư muôx thax tsav chos zav yuôx zêx tsơưr lươngv siêz Kim Tuyên, sâu đê nju, muôs tâu gri. Txix luôs hâux lưv chos yuôx zêx, tsôngv box phênhv sâu tâu iz hnuz tsar ndê jux juk, ntâu đuô 2, 3 bâus pir li uô blêx. Ntâu chuôz zis muôx phênhv sâu tâu txix 100-300 tsov đeiv iz shông, paz txo grêk tsơưs têx chuôz zis pluôs hâur thax tsav yuôr 20%. Zơưv Đèo Văn Tình, Chủ tịch Ủy ban xã heik pâuz: Ntơưv jiês uô hâux lưv đros Đảng bộ, hâu nov xã lok shông 2016, Tổng Bí thư tưz heik cán bộ ntơưv qơư thiêz tsôngv pêx xênhv sir jos huôv tsar uô nox, krêz uô têx muôx jông ntơưv qơư chiê cxuz cêr yeiz pluôs, muôx luz nênhx truôx tuk, tsâu sor.

“Uô trơưk Tổng Bí thư têx luk kriê, cấp ủy, hâu nov ntơưv qơư thiêz tsôngv pêx xênhv cxuô heir nênhs xã Bản Bo tưz sir jos sik tưr huôv tsar uô nox uô hnar. Lar heik zos niêx shông têx luôs hâux lưv hâur huyện tso tơưv lok huôv tsar kinh tế, Xã hội puôr lênhx uô tâu jông. Tiv zix, pêz xã Bản Botưz uô tâu hâux lưv cxiv tsa jêx jok yiêz thiêz têx tsưr ziv tso tơưv lok cxiv tsa jêx jok yiêz jông jav trâu shông 2025”.

Tổng Bí thư, txơưv nhiv no tưz tâu tas siv nênhx, taz sik zơưv têx luk heik kriê trâu Đảng bộ, hâu nov, tsôngv pêx xênhv cxuô heir nênhs xã Bản Bo, huyện Tam Đường heik taz, tỉnh Lai Châu heik cxuô cux tsênhv nhoz đreiv hâur sơưr đơưk đruôz siêz tsi plox, yênhx iz kro jông chiê cxơưz cấp ủy, hâu nov thiêz pêx xênhv nhoz thax tsav no sir jos cxuz cêr yeiz pluôs, cxiv tsa jêx jokziv hnuz ziv huôv tsar, vav mênhx./.

Khắc Kiên-Riê Lâux cxeik, nhênhv