Thâuv công an nhoz jê tsôngv pêx xênhv, pâuz tsênhz tsôngv pêx xênhv têx siêz xar njôngr

Xã Túc Đán, huyện Trạm Tấu, tỉnh Yên Bái kuz- nhiv no zos xã Trạm Tấu, tỉnh Lào Cai zos thax tsav tox siêz, muôx zuôr xar 100% zos tsôngv box mênhx cxưx tsơưs nênhs, hâur co muôx 90% ntâu zos tsôngv box mênhx cxưx Hmôngz. No zos thax tsav qơư muôx ntu cuz nxor lok txiv ngaz, tâu Bộ công an seiz car jông, viv têx lênhx nênhs phamv cxâuv khênhr liv zôngv têx phêv liv lok kinh têr, jênhv pâuz kis chiê hâuz zâuv tsôngv box uô cxâuv cêr chei, tiv zix zos cik txos zax zênhz, muk lơưr vax tsưr...

          Txix qênhx shênhx co, thâuv tâu choz uô jênhv vưv, lưx lươngv Công an chính quy tưz xav tênhv hlôngr yiêz thax tsav zos jênhv vưv xuz thơưx. Cán bộ, chiến sĩ công an xã Túc Đán seiz car jông thax tsav qơư, truôx siêz uô tsưr ziv “4 sik đros” đros tsôngv px nox, đros px nhoz, đros px uô thiêz đros px thav luk mênhx cxưx. Txix co, têx phêv liv lok luk heik, phongz qơưx jux jus tâu car chêx, hlôngr co zos tsôngv box li njênhs njôngr thiêz sik côngv đros lưx lươngv công an.

          Tsôngv box truôx siêz cungz xor mông lok nênhs phamv cxâuv, txu grês jux jus têx phongz qơưx, cêr uô nênhx pôngz kaz. Khov co, yênhx châuv lênhx nênhs hâuk zax zênhz, yênhx puôk yiv ndis ar chos zax zênhz tưz tâu cxuôv por tsês. Coaz tsôngv đuô zos xã Túc Đán (kuz) nhiv no tưz tâu truôx tul thiêz tâu Bộ công an cxuôv tsi chiê nhoz hâur têx thax tsav qơư phưx txuôx lok txiv ngaz. Zơưv Vàng A Dia, tsôngv box xã Trạm Tấu thav: “Pir đros shông 2018 mak pox nhuôk luz nênhx hlôngr yiêz jông, txix luz nênhx txos lox tôngv xênhz yar. Thâuv ntêx tuz saz tuz nhiês, muôx zênhs zax zênhz ntâu, ntâu chuôz zis tsi muôx cxur nox. Công an chính quy tuôx ntơưv xã tưz ntês tas têx lênhx nênhs co, tsi muôx qênhx shênhx yax mông vax tsưr tsi trơưk chei. Nhiv no luz nênhx truôx tul, chuôz zis tưs cux muôx cxur nox”

          Thâuv Yên Bái thiêz Lào Cai sik côngv yênhx tỉnh Lào Cai yiêz, 4 xã Túc Đán, Pá Lau, Pá Hu thiêz Trạm Tấu tâu sik côngv yênhx xã Trạm Tấu. Ciês thâuv yênhx lix xã yiêz, lưx lươngv Công an xã Trạm Tấu tưz ciêr chênhr uô tsênhz mênhx têx jênhv vưv sâuv thax tsav. Trung tá Lương Ngọc Tuấn, Tsar Công an xã Trạm Tấu pheiz kênh: “Trạm Tấu zos thax tsav tox siêz, tsôngv box Hmôngz tsav 95% ntâu. Pêz seiz car jông, yax six đros pox nhuôk pâuz tâu tsôngv box li siêz xar njôngr. Tsôngv box xar công an paz tul tsi, pêz puôr lênhx truôx siêz paz. Nhiv no pox nhuôk tsov cưv txos công nghệ số, pêz muk txos yênhx chuôz zis chiê paz, txix co muôz siêz jênhv pâuz, gôngr phênhv txu grês nênhs phamv cxâuv công nghệ siêz, thôngx cxix yax mông pháp luật đhâu nta suôz, xa đuôz”

          Tsuôk hâur iz luz hlik txix thâuv sik côngv, Công an xã Trạm Tấu tưz tơưv txênhz ntês 3 txuz, 3 lênhx nênhs, sâu tâu 1 cxênhz 590 njiêr zax zênhz; vênhv tôngv, ntês 22 lênhx nênhs muk chiv zênhs zax zênhz nhoz tỉnh. Đros co, zuôr xar 2 cxênhz ziv chuôz zis tsôngv box tưz đăng cir tsi zôngv, tsi muôs zax zênhz, tsi chos zax zênhz. 28 jiês yax mông tâu tsưr tsix đros 8 cxênhz ntâu jiês lênhx nênhs cxaz chuôz; 40 ntâu traz fov cxuô zav tâu sâu tsês. Trung tá Lương Ngọc Tuấn, Tsar công an xã Trạm Tấu puz pâuz cxaz: “Thax tsav tox siêz, phênhv ntâu zos tsôngv box mênhx cxưx tsơưs nênhs viv li pêz tsuv yax mông txix luk Hmôngz, txix têx hâux lưv uô tsênhv tsênhz. Pir li yax mông lok phax tar zax zênhz, heik kriê tsôngv box li: iz hnuz pêz muk khưr uô hâux lưv tâu 200 cxênhz, zuôr zax zênhz hâuk tsuôk jiês txơưv tas, pôngz lơưv iz cir greix, 5 cir cxur nox. Mak chor nhiêx txiêx co zuôr tâu 2 cir greix, 10 cir cxur trâu tas nro chuôz zis nox”

          Tiv zix zos tix lâuk Trần Văn Hinh, Tuêv tsar Tuêv txiv ngaz jêx jos Làng Câu, xã Tân Hợp (Văn Yên, Yên Bái kuz- nhiv no zos tỉnh Lào Cai). Jos muôx 140 ntâu ziv chuôz zis, 70% ntâu zos tsôngv box mênhx cxưx Cho. Hâur coz nas chuô số 3 (Yagi) shông 2024, thâuv ntux nas lox, chuô lox, tix lâuk Hinh tưz ciêr chênhr vênhv tôngv, paz txar 4 ziv chuôz zis muk đhâu thax tsav riêz nênhs ciês hâur hmo co thiêz pov cov thênhv siêz huiz tôngv lưx lươngv paz txar qơư nhoz. Tas cik hnuz tov kaz, tix lâuk đros Công an xã thiêz têx đoanx thêv tror paz 13 ziv chuôz zis txar qơư nhoz, khưx phưx têx trâus ruôr hiêv tiv coz nas chuô. Tix lâuk Trần Văn Hinh pheiz kênh: “Cur tâu choz phưv txơưx chor ziv chuôz zis chiê yax mông lok tox poz, đêx cuôr yôngz... Thâuv pov riêz nênhs mak tsuv ciêr chênhr txar qơư nhoz. Li coz nas chuô Yagi, ntux lok nas lox, tas cik sơưr nzor pov tox poz, ciêr chênhr yax mông têx ziv chuôz zis txar qơư nhoz uô ntêx, đhâu co thôngz pov xã huiz tôngv lưx lươngv txar qơư nhoz trâu lơưr”.

          Txix têx chiến sĩ công an xã yênhx hnuz hmo “4 sik đros” thiêz tsôngv box nhoz Trạm Tấu, txos têx tuêv txiv ngaz ntơưv qơư yênhx hnuz hmo seiz car jêx jos tso pov, thâuv lưx lươngv công an jê tsôngv box, pâuz thôngz tsôngv box, viv tsôngv box chiê phưx vưv mak tsôngv box zuôr sik côngv siêz, gôngr đas jos tuôr truôx txiv ngaz jêx jos./.

Trịnh Xuân-Txâur Vax cxeik nhênhv