"Qơư tsưx phưv truôx" jêx jok thiêz tsênhv chêi paz phax tar nas chuô nhoz Lào Cai.

Tas cik hnuz xiêz 3 hli 8, iz coz nas chuô lox lok trâu xã tox siêz Cốc San. Ar poz jêz kror cxiê qơư cxênhv đêx tas, zôngx ziv trâus xưz poz. Ntơưv ntar trôngz hâur jok Củm Hạ 2,  ar xưz 2 caz lox, uô ruôr hiêv txos txos 18 chuôz zis heir nênhs Giáy luz nênhx. Đhâu hlo co, Ban seiz car phax tar nas chuô xã tưz zênhx max yêik txar tas nro zuôr xar 90 lênhx nênhs muk nhoz qơư truôx tuk.

Lênhx nênhs tâu tsưx phưv truôx tuk, taz sik uô li chas chiê pêx xênhv tso siêz uô nênhx nhoz hâur têx hnuz khiêr đreiv đêx nas đros  ntâu zav muôx tsi txâuk, phiv liv? Đơưk kho têx phiv liv no, tỉnh Lào Cai sei đrơưv tso tơưv quyết định: Paz zênhx max 250 cxênhz đêiv iz lênhx nênhs iz hnuz trâu têx lênhx tsuv yêik txar qơư nhoz. Tsênhv chêi paz no nzor tâu hâu nov cấp xã hlôngr yiêz uô yênhx " qơư chơưv paz" ntơưv qơư.Zơưv Hà Anh Đức – Tsar phongx Kinh tế, Ủy ban xã Cốc San heik pâuz: "Trơưk li UBND tỉnh quyết định nhiv kruôr đhâu lok sâuv paz têx chuôz zis tsuv yêik txar qơư nhoz hâur ntu muôx đêx nas hloz, mak sâuv thax tsav xã ntơưv qơư nhiv kruôr đhâu muôx 18 ziv chuôz zis,zuôr xar 90 lênhx nênhs Thiez pêz cux nhiv kruôr hêik tas, tsênhv tuôr xav zuôr tas nhos 88 tsov đeiv viv tsôngv pêx xênhv yêik txar qơư nhoz pôngz 4 hnuz."

Zos nhoz Cốc San, têx tsênhv chei paz zos qơư khov, mak ntơưv xã ntus đriv Bát Xát,chênhr phax, bax uô ntêx ho zos muôx công nghệ sôr.

Ntơưv jok Sơn Hà, qơư muôx 95% tsôngv box heir nênhs Cho uô nênhx nhoz tsi yuô uô cê sâuv têx ntar trôngz, canr bôv jok tưz "muk yênhx jêx jok, yênhx ziv chuôz zis" chiê kriê têx txux chi tsưr ziv yiêz trâu tsôngv box. Têx uô tâu ntơư zos tsưr ziv "Jok sôr" Sơn Hà nhiv kruôr uô tâu tiêr, tâu 100% hâux lưv tso tơưv.

Ciês hâur coz nas chuô lox nhiv kruôr đhâu, mạng xã hội tưz chênhr zos iz qơư chox cêr uô ntêx nyuôs. Tas nro têx xor mông xã heik pâuz tâu tso hâur mạng xã hội, tsi so tso yưv trâu Zalo 4 thax tsav qơư tsôngv box nhoz. Taz sik, muôx công nghệ cux tsi tiêk tso siêz. Tix lâuk Lê Mạnh Hùng, Bí thư Chi bộ jok Sơn Hà heik kriê lok tsưr ziv bax phax li no: "Txơưv tiêk thâuv muôx ntux nas chuô, tox xưz poz, tsi muôx sóng, lưx lươngv paz tuôx tsi tâu tâu txos mak pêz chor canr bôv jêx jok tưz phênhz côngz, choz hâux lưv sêiz car thax tsav, iz qơư muôx iz lênhx thơưx, iz  lênhx phưv, đros chor đảng viên chiê vênhv tôngv tsôngv box sơưr đơưk sik đros phax tar ntơưv qơư."

Chor nênhs uô ntêx nyuôs hâur cxuô luôs hâux lưv ntơưv jêx jok chênhr zos qơư truôx paz trâu cấp xã. Cêr sik thôngx siêz, siz paz no nhiv kruôr uô trâu sơưr đơưk pov tsênhz thâuv Bát Xát yênhx qơư xuz thơưx hâur tỉnh Lào Cai fuô uô luôs hâux lưv “Jêx jok sôr” lok cơưv shâuv cxaz nzir txux chi, tsưr ziv phax tar đêx nas lox, têx tsi jông.

Tso tsês cêr cor cav seiz car, lês uô têx hâux lưv trơưk li thâuv ntêx,  tsưr ziv uô nox, uô hâux lưv nhiv no tưz hlôngr yiêz ntâu. Zơưv Vũ Hồng Phương, Phưv Bí thư Thường trực Đảng ủy xã Bát Xát khav tênhv: "Qơư lênhk txeik têx xor mông, kriê sơưr đơưk bax tsưr ziv phax tir thêir  têx tsi jông hâur pêz jok zuôr tso ntơưv qơư muôx sóng. Hok hâur xã mak pêz zuôr uô hâux lưv đhâu mạng xã hội chiê pâuz tâu cxuô jêx jok; Iz chas ntơư fuô uô tsưr ziv chox kriê phax tar. Zos kror tưs zuôr trâus mak pêz thiêx tso nênhs muk đros paz”.

Muôx têx pov tâu, uô truôx jông cxuô luôs hâux lưv li heik sâuv ntơưv qơư txos têx tsưr ziv, tsênhv chei paz truôx tuk tsik zos zôngx ziv muôx tâu. Ntơư qir txix tỉnh Lào Cai têx sir jos bax phax tsưr ziv txos trâu fuô uô truôx tuk iz kro jux juk: Muôz têx hâux lưv uô tâu txix phax tar  nas chuô chiê ntâuk grê canr bôv. Tsênhv tsênhz jiês nhiv kruôr đhâu, tas nro tỉnh tưz muôx txos 14 lênhx hâu nov cấp xã tâu seiz zos uô tsi tiêr têx hâux lưv zok muôz tiv tsik sir jos, tsi cxiv uô jông tsưr ziv phax tar đêx nas cuôr yôngz./.

An Kiên-Riê Lâux cxeik, nhênhv

13 kror chiê tỉnh, thành phố uô tiêr hâux lưv cxiv tsa jêx jok yiêz

Lơưr Cuêz tênhv, tỉnh, thành phố uô tiêr hâux lưv cxiv tsa jêx jok yiêz ntu 2026 - 2030 thâuv uô tâu têx li đrav kaz:

1. 100% chor xã sâuv thax tsav tax ploz tsênhr nôngx cxênhz yiêz (tax tâu cxix cxuô ploz tsênhr lơưr Bộ ploz tsênhr têz qơưk lok xã nôngx cxênhz yiêz ntu 2026 - 2030).

2. Tsơưs tiv zix 10% chor xar sâuv thax tsav tax nôngx cxênhz yiêz jông (uô tâu cxix cxuô cui tinhv li têx zuôr trâus lok njuôs xav cxiv tsa xã nôngx cxênhz yiêz jông ntu 2026 - 2030).

3. Zos tiêk zuôr trâus, cxiv tsa nôngx cxênhz yiêz nhoz phường tâu uô txix hâux lưv sik côngv taz viv hành chính xã thiêz muôx mênhv chêx ar kôngz nuv tsav txix 70% ndê muk pir đros tas nro mênhv chêx ar muôx nhoz phường ntu txix hnuz xiêz 01 hli 7 shông 2025 lok sik cxiv tsa jêx jok yiêz nhoz đặc khu: tsuv taz por tax txix 70% ndê muk chor njiêz luv (hâur co muôx têx njiêz luv: Chuôz tsar phênhv sâu fênhx pheiz lênhx nênhs; muôx tsưr ziv thiêz uô truôx jông tsưr ziv huôv tsar xiv huv OCOP reik đros tiv phaz li têx muôx jông; muôx huôx tôngv huôv tsar kinh têr tư nhân sâuv thax tsav reik đros muôz hâux lưv uô, phênhv sâu trâu nênhs lox tôngv ntơưv qơư; chor nênhs pluôs ntâu kror; chor chuôz zis tâu sir zôngv đêx hur lơưr cui tênhv; taz por ngaz tuk zav nox) đros xã thax tsav 1 nhoz Bộ ploz tsênhr têz qơưk lok xã nôngx cxênhz yiêz ntu 2026 - 2030, zos Ủy ban tỉnh, thành phố cui tênhv tsênhz mênhx.

4. Têx cêr muk lol sâuv thax tsav tỉnh, thành phố taz por txuôk txos têx xã thiêz tâu kho đuô hâur niêx shông (hâur co muôx tsơưs tsơưs 70% cei cêr muk lol sâuv thax tsav tâu chos shôngz ntông trơưk ntus cêr) lơưr Bôv Cxiv tsa li heik kriê.

5. Muôx cxix cxuô têx zav vênhx huôv cấp tỉnh lơưr Bôv Vênhx huôv, Thể thao thiêz Du lịch li heik kriê.

6. Tax ploz tsênhr phổ cập zaoz zux nhuôs zâu trâu mê nhuôs txix 3 txos 5 shông; muôx tsơưs tiv zix 80% chor tsêr cơưv phôv thôngz tax ploz tsênhr têz qơưk; uô tiêr zaoz zux tsuv cơưv tas ntơưr cxênhx 2; têx shux xênhz hâur hov hnuz nhôngs cơưv ntơưr tiêr cxênhx 3 tax txix 50% tror sâuv lơưr Bôv Zaoz zux thiêz Thox cxov li heik kriê.

7. Têx qơư y tế sâuv thax tsav tỉnh, thành phố tuôv zênhv tsôngv px li zoz qơưx phax moz, seiz njuôk shuôs kho moz lơưr Bộ Y tế li heik kriê.

8. Muôx đề án lok sik tsưr ziv thiêz tsênhv chei paz: huôv tsar OCOP; huôv tsar ju lix jêx jok sâuv thax tsav lơưr Bộ kôngz nuv thiêz tênhx qơư li heik kriê.

9. 100% ntâuz ntơưr hâux lưv uô ntơưv cấp tỉnh tâu uô sâuv tênhx qơư mạng (yưx ntâuz ntơưr hâux lưv tsi tâu tso chei heik kriê), zos Ủy ban tỉnh, thành phố cui tinhv tsênhz mênhx.

10. Kinh têr tư nhân li chuôz tsar fênhx pheiz tax txix 10%/shông ndê muk lơưr Bộ nhiêx txiêx li heik kriê.

11. Thax tsav Qơư xưv lik têx vuôz tsuôz kiês nênhs chêx chôngk cấp tỉnh taz por lok por vêv tênhx qơư lơưr Bộ kôngz nuv thiêz tênhx qơư li heik kriê.

12. Tsôngv px li jông siêz lok cơ quan hành chính têz qơưk li phưx vưv tax txix 85% ndê muk.

13. Txiv ngaz, ngaz tuk sâuv thax tsav tas nro tỉnh, thành phố tâu taz por lơưr Bộ Công an li heik kriê.

Cui tênhv tỉnh, thành phố nhoz saz trung ương uô tiêr luôs hâux lưv cxiv tsa nôngx cxênhz yiêz ntu 2026-2030 tsar ndê 05 ploz tsênhr pir li ntu 2021-2025 chiê chuôz cxaz đas jos thiêz cxơưz cxiz têx tỉnh, thành phố sir jos uô tiêr luôs hâux lưv cxiv tsa nôngx cxênhz yiêz, gôngr phênhv muôz siêz đuô tsôngv px hâur jêx jok li luz nênhx.

Cuêz tênhv 51/2025/QĐ-TTg muôx txux zôngv txix hnuz 15/02/2026./.

Tòng Anh – Txâur Vax cxeik nhênhv