Ntus đriv Sơn La shir phaz lul tsưr tsix hmo tsiêz trung thu

 “Trung thu shông no cur lok six shir phaz. Cur tâu seiz đhiê pax vuôs, no zos jiês xuz thơưx cur tsi tâu seiz, lok six nhiêv cơưs” “Cur lok six nhiêv trung thu, cur tâu jênhv ntâu huv, cur lok six shir phaz”

Tâu seiz têx jiês thuôr uô lov jêv, đhiê pax vuôs, tơưk tênhz muk uô si… têx kror xưk li lok six fênhx yax taz sik ho zos ntâu lênhx nhuôs zâu tox siêz ntus đriv Mường Cai, xã Chiềng Khoong, tỉnh Sơn La li siêz xar njôngr txos.

Tsưr tsix Tsiêz trung thu uô si lov jêv trâu têx mê nhuôk zâu nhoz tox siêz zos têx lênhx canr bôv, chiến sĩ Bôv đôiv Pênhz phax Sơn La. Gra têx phênhv huv muk đhâu trôngz đhâu har tuôx txos trâu thax tsav tox siêz ntus đriv tsênhv muôx têx taz viv đros uô, têx lênhx nênhs siêz jông. Txix nduôr thax, cuô mis, gấu bông ...trâu zuôr xar 1.000 lênhx shux xênhz, txos yênhx puô luz yo sor đros học bổng paz hla đhâu cêr pluôs trâu têx mê nhuôk shux xênhz pluôk… Niêv tix Đỗ Minh Hạnh, Bí thư Đoanx Sở Y tế tỉnh Sơn La, zos iz hâur têx taz viv sik đros tsưr tsix tsaz yênhx "Ntus đriv – tsưr tsix Hnuz ntênhs hli đra" ntơưv Mường Cai, heik: “Tsiêz trung thu shông no, pêz lok six jông siêz thâuv tâu sik côngv đros Zênhx Pênhz phax Mường Cai chiê tsưr tsix trâu mê nhuôs shux xênhz nhoz thax tsav ntus đriv. Iz luz tsiêz trung thu muôx ntâu kror jông. Thiêz vav tiêk mê nhuôs nhoz thax tsav ntus đriv heik taz thiêz mê nhuôs sâuv tas nro têz qơưk zuôr muôx tâu iz luz tsiêz trung thu lok six muôx ziz njiêz”

Têx zav nduôr kaz jông, têx tênhz tơưl pov cêr txix têx luz tênhz trung thu đros khôngz qiv thuôr uô lov jêv ntưk cux chox lok iz luz tsiêz trung thu trâu têx nhuôs shux xênhz jok Huổi Le, xã Mường Lạn, tỉnh Sơn La. Đrâuv 300 poz huv puz trâu têx nhuôs shux xênhz, Zênhx pênhz phax Mường Lạn thiêz têx taz viv sik côngv tsênhv tsês 80 poz huv puz trâu têx chuôz zis muôx luz nênhx txov nhêv. Têx phênhv huv jông co ziv paz trâu iz luz tsiêz trung thu muôx nzir cêr shir phaz, sor si. Đại úy Nguyễn Mạnh Phương, Chính trị viên phưv Zênhx Pênhz phax Mường Lạn pheiz kênh: “Jok Huổi Le xã Mường Lạn zos jok ntus đriv, zos tsôngv px mênhx cxưx Hmôngz thiêz Khơ Mú li qơư nhoz uô nênhx, nhuôs zâu nhoz no tsi tâu jông li têx nhuôk zâu nhoz qơư txơưr tiv luz nênhx txov nhêv. Zênhx pênhz phax tưz sik côngv đros têx taz viv siêz jông tsưr tsix hmo trung thu muôx ziz njiêz trâu têx nhuôs, muôx tênhz tơưk pov cêr, tâu seiz đhiê pax vuôs, nox nduôr thax”

Têx hnuz no, sâuv tas nro cxuô thax tsav ntus đriv Sơn La, têx hmo tsưr tsix tsiêz trung thu ntus đriv puôr lênhx tâu tsưr tsix viv muôx têx zênhx pênhz phax sik côngv đros tsêr cơưv, cấp ủy, chinhr quyênx cxuô thax tsav qơư… Đại tá Vũ Đức Tú, Phưv Chính ủy Ban Chỉ huy Bôv đôiv Pênhz phax tỉnh Sơn La puz pâuz: “Đrâuv têx huôx tôngv uô si lov jêv tsiêz trung thu ntus đriv tsênhv muôx têx phênhv huv lok six muôx ziz njiêz. Thiêz tsi tiêk tsuôk tsưr tsix ntơưv têx tsênhv qơư, mak tsênhv tsov cưv tiv zix txos têx tsêr cơưv nhoz đêz, kuôk tsênhv qơư txos 20 cêik cêr, taz sik pêz puôr lênhx chox kriê tsưr tsix tsov cưv txos têx nhuôs, chiê lênhx nhuôs tưs cux muôx iz luz tsiêz trung thu sor si lov jêv thiêz cxơưz cxiz têx mê nhuôs sir jos hâur cơưv ntơưr”./.

                                                                                                       Lê Hạnh, Song Linh- Txâur Vax cxeik nhênhv

NGHỊ QUYẾT

Jiês cơưv tiv pêz Ban chấp hành Trung ương Đảng khóa XIV lok cxiv tsa thiêz huôv tsar Việt Nam yênhx têz qơưk muôx hiêr txưr truôx jông lok cxuô zav

Tsưr ziv, siêz xar:

1. Đêx hiêr, poz hiêr Việt Nam đros đrêiv têz qơưk li tsưr qênhx, têz qơưk li qơư uô nênhx nhoz thiêz huôv tsar, muk lok đhâu trâu luôs 2 chas têz qơưk thiêz zos têz qơưk kror đas jos zov chênhr. Cxiv tsa thiêz huôv tsar Việt Nam yênhx têz qơưk muôx đêx hiêr txưr truôx jông lok cxuô zav zos tsưr ziv huôv tsar têz qơưk hâur iz ntu ntêr, reik đros hâux lưv cxiv tsa thiêz por vêv têz qơưk; cxuô tsênhv njiêz, tsưr ziv, tsaz yênhx huôv tsar têz qơưk puôr lênhx tsuv zos paz por vêv tsưr qênhx, têz qơưk têx vax huôv; paz jông trâu phax tar thiêz por vêv têz qơưk kror liv sâuv đêx hiêr; tuôr truôx tênhv qơư hux fênhx, truôx tuk.

2. Hlôngr yiêz tsưr ziv txix sir zôngv, ntâuk cxov cxuô zav haur đêx hiêr trâu sêiz car đêx hiêr jông đuô; txix huôv tsar kinh têr ntus đêx hiêr trâu huôv tsar têz qơưk muôx đêx hiêr hênhr đuô; txix sêiz car lơưr nganhx trâu sêiz car tổng hợp, thôngx ziv đêx hiêr têz qơưk. Uô tiêr cêr chei huôv tsar têz qơưk đêx hiêr txưr zos kror tsưr ziv jông zov chênhr; phuôx huiz tâu jông cxuô pênhr jos, paz uô tâu jông cxuô kror liv muôx hâur đêx hiêr, poz hiêr; Uô tâu jông têx qơư huôv tsar, tsênhv qơư kinh têr, qơư kinh têr ntus đêx hiêr txưr, siz txuôk ar têz- hiêr txưr – poz hiêr thiêz cxuô qơư huôv tsar yiêz.

3. Khoa học, công nghệ, hlôngr yiêz xar tơưv, hlôngr yiêz sôr thiêz pênhr jos tsơưr lươngv siêz zos kror zov chênhr trâu huôv tsar đêx hiêr têz qơưk truôx đuô, tsênhv njiêz zos huôv tsar thiêz uô tsưr txux chi, dữ liệu thiêz công nghệ đêx hiêr. Sir jos qênhz yuôx tsênhv tsênhz, nhênhz chơưv khoa học lok đêx hiêr, uô tsưr công nghệ đêx hiêr. Huôv tsar truôx têx nganhx, hâux lưv uô yiêz sâuv đêx hiêr, hur jông, truôx tuk, uô jông tsưr ziv sêiz car đêx hiêr, pênhr jos tsav txênhz têz qơưk thiêz Việt Nam li qơư sơưr sâuv ntiêx têz.

Nhạc cắt

4. Ntâuk cxov cxuôz zav, sir zôngv truôx jông têx đêx hiêr txưr đros por vêv tênhx qơư, por vêv cxuô zav muôx hâur đêx hiêr txưr lơưr tsưr ziv hur jông, thôngx ziv, huôv tsar hâur tênhx qơư thiêz đêx hiêr txưr; tsik uô phiv liv txos tênhx qơư chiê tsar ndê kinh têr xưz. Txo grêk tsơưs kriz uô tsik truôx tuk, uô ruôr hiêv txos têx đêx hiêr, tênhx qơư; chuôz tsar por vêv cxuô zav, krêz đar thiêz seiz car cov jông têx thax tsav por vêv đêx hiêr, đros tsôngv box li cêr uô nênhx truôx tuk.

5. Cxiv tsa thiêz huôv tsar Việt Nam yênhx têz qơưk muôx đêx hiêr txưr truôx jông lok cxuô zav, zos tas nro Đảng, tas nro tsôngv box, tas nro quân thiêz tas nro cxiv luôs chinhr triv li jênhv vưv tsênhv tsênhz; zos cxuô tsưr tsix, doanh nghiệp thiêz tsôngv box li qênhx liv, txơưx jênhv thiêz jênhv vưv; muôx Đảng chox car tas nro, têz qơưk sêiz car, chox kriê thôngx ziv thiêz cxuô lênhx nênhs hâur xã hội đros uô. Phuôx huiz jông siêz nhiêv têz nhiêv qơư, sir jos thiêz muôx siêz xar huôv tsar uô tâu nox đêz đar; sêiz tsiv gri txos pêx xênhv thiêz doanh nghiệp li pưk txux hâur huôv tsar kinh têr đêx hiêr, đros por vêv truôx tuk tsưr qênhx đêx hiêr, poz hiêr pêz têz qơưs Việt Nam./.

                                                                                                        Tsu Vưx- Lik Thox cxêik nhênhv, muôx link.