Điện Biên: têx hâux lưv tsênhv tsênhz chiê tax tâu tsưr ziv chuôz tsar oz tul số

Nôngx mênhx xã Pú Nhung zos thax tsav qơư yuôr ntâu phêv liv nhoz tỉnh Điện Biên tsênhv sir jos hlôngr yiêz tsoz chos chiê kriz đar tsưr ziv huôv tsar yiêz trâu uô xênhz yar kôngz nuv. Txos nhiv no, 2 cxênhz ha ntâu ar têz chos tsoz chos lur hnuz tsik jông tsênhv tâu muôz hlôngr chiê chos mắc ca, cà phê thiêz txir pôngr lux, reik đros sik côngv uô xênhz yar chiê muôz siêz tsiv gri. Zơưv Nguyễn Văn Bách, Chủ tịch UBND xã Pú Nhung puz pâuz:

Băng: Pêz xav tênhv Pú Nhung tsuôk muôx kôngz nuv zuôr gôngr côngv jông trâu tỉnh li tsar ndê txos oz số. Viv li txix ciês hâur shôngk shông pêz tưz kriz uô têx jênhv vưv truôx jông lơưr tsưr ziv số 1850 lok kriz uô chos yiêz mắc ca, cà phê thiêz cxơưz tiês kinh têr. Txos nhiv no pêz tưz chos tas 300 ha mắc ca thiêz 300 ha cà phê.

Txix têx thax tsav qơư tsênhv tâu kriz đar, zoz qơưx tso tơưv nhiv no zos tsuv uô tâu têx tsiv gri txâuk chiê chox têx hax huv uô tâu muôs txos niêv ciêz. Tsênhv tsênhz ntơưv têx qơư tsiv uô, hợp tác xã puz pov, tsar ndê tsi tiêk txix kriz đar qơư uô, mak tsênhv txix tsưr ziv yưv pênhr trâu cxuô zav meir, tsưr ziv uô truôx thiêz chuv tôngv zok nriêr niêv ciêz. Zơưv Hoàng Văn Tài, Hợp tác xã Tiến Đạt, phường Mường Thanh, tỉnh Điện Biên pheiz kênh: Chiê muôx phênhv sâu li nhiv no mak hợp tác xã tsêx trung trâu pêz kror. Iz zos tsưr ziv uô, oz zos tsơưr lươngv, bê xiv huv thiêz pêz zos muôv muôs. Hợp tác xã tsêx trung trâu cơ sở cxuô zav, chuôz zênhx, têx zav meir, tsưr ziv uô li chas cov taz por lơưr iz tsưr ziv xưz.

Ntơưv Phêv ziv cxơưz cxiz yưv pênhr tỉnh Điện Biên shông 2026, UBND tỉnh tưz khơưk muôz 12 quyết định thôngx ziv tsưr ziv yưv pênhr trâu têx lênhx nênhs yưv pênhr; khơưk muôz ntơưr côngz jênhv yưv pênhr trâu 11 lênhx nênhs yưv pênhr, đros tas nro pênhr muôx 48 cxênhz 300 tiv đêiv ntâu; thiêz cir 22 ntâuz ntơưr hux thôngx sik côngv yưv pênhr, đros tas nro pênhr xưv cir jênhv muôx 209 cxênhz 300 tiv đêiv ntâu. Hâur chor dự án tâu khơưk muôz quyết định muôx 3 dự án yưv pênhr đrâuv luôk oz chas têz qơưk, tas nro pênhr muôx 14.000 tiv đêiv ntâu. Zơưv Bùi Văn Luyện, Giám đốc Sở cxiv tsa tỉnh Điện Biên khav tênhv: Đros têx dưv anr hâur yưv pênhr côngz zuôr tsuv sik côngv đros Sở Tài chính, têx ban sêiz car dưv anr, têx tsưr yưv pênhr chiê cxơưz cxiz, muôz pênhr yưv pênhr côngz tưz tâu UBND tỉnh choz.

Quý III shông no, tỉnh Điện Biên li chuôz tsar GRDP ndê 11% ntâu. Taz sik chiê uô tiêr tsưr ziv chuôz tsar 11% ntâu hâur shông 2026, tiv phaz tsuv tax tâu phênhv chuôz tsar xar muôx 14% hâur quý IV, phiv liv no zuôr trâus cxuô cấp, nganhx tsuv sir jos đuô thiêz muôz siêz txơưx jênhv uô muôx chêx cur. Zơưv Lê Thành Đô, Phưv Bí thư Thường trực, Chủ tịch HĐND tỉnh Điện Biên puz pâuz:  Chiê cxơưz tiês yưv pênhr, cxơưz tiês trâu huôv tsar kinh tế xã hội, tiv zix zos taz por tsưr ziv chuôz tsar oz số mak khov lơưr TW li têx chủ trương, tỉnh tsuv uô tsênhz mênhx tỉnh li têx muôx tsênhz tsênhz. Đros hâux lưv tso tơưv tsưr ziv huv đros, tso tơưv chính sách huv đros mak tsuv chuôz tsar côngz xưv qênhz yuôx, seiz kaz hâux lưv tsưr tsix uô.

Tsưr ziv chuôz tsar oz số shông 2026 tso tơưv mak Điện Biên  zênhx max, tiv zix zos hâur quý IV tsuv muôx tsưr ziv chuôz tsar zuôr xar 14%. Txơưv zos kriz đar thax tsav, cxơưz tiês tsiv uô, cxơưz cxiz ju lix lok sik zaz zâuv yưv pênhr, kror uô tâu yênhx côngz tsi taz nhoz hâur huiz tôngv pênhr jos mak zos sei đrơưv kriz uô, chêx cuk tsiv uô thiêz txơưx jênhv uô, tỉnh Điện Biên thiêx uô tâu qơư truôx chiê huôv tsar lêx ntêr./.

 Vũ Lợi- Txâur Vax cxeik nhênhv