Zaoz zux thax tsav ntus đriv Sơn La: njênhs njôngr đros Đảng cxuô luôs hâux lưv tso tơưv

Xã ntus đriv Mường Lạn nhiv no muôx 2 tsêr cơưv cxênhx phổ thôngz, tas nro muôx 88 lớp cơưv đros zuôr xar 2 cxênhz 500 lênhx shux xênhz. Viv thax tsav đar, ntâu lênhx shux xênhz li hâux lưv muk lok cơưv ntơưr thiêz xênhz huôx njiz ntâu phêv liv. Hâux lưv tâu thix ziv cxiv tsa tsêr cơưv têx cấp tưz chox lok têx siêz njênhs njôngr yiêz đros têx lênhx nênhs tâu xênhz zus thiêz hloz lox nhoz thax tsav ntus đriv no. Pos Tòng Thị Quyên, Phưv Chủ tịch Ub xã Mường Lạn, tỉnh Sơn La pheiz kênh: “Zos iz lênhx nênhs hloz lox nhoz têz qơưk Mường Lạn cur cux tâu cxaz chuôz cơưv ntơưr hâur têx lớp cơưv nhoz no, muk cơưv lok six đêz, viv li lok six xar njôngr sâuv thax tsav zuôr muôx tsêr cơưv têx cấp, tiv zix zos tsêr cơưv nội trú chiê têx mê nhuôk muk cơưv ntơưr tsi khưr thiêz”

          Tỉnh Sơn La muôx 270 cei cêr ntus đriv, ntêr đhâu 13 xã, zos têx thax tsav chiến lược hâur taz por txiv ngaz têz qơưk. Lơưr seiz shuôk, ntơưv no muôx zuôr xar 36 cxênhz lênhx shux xênhz cxênhx 1 hiêz cxênhx 2 tsênhv cơưv ntơưr, phênhv ntâu puôr lênhx muk cơưv đêz, njiz ntâu phêv liv, têx tsêr cơưv tsi tâu tuôv zênhv tâu shux xênhz li zoz qơưx nhoz nội trú. Cưk kriê Đoàn Thị Thu Hằng, Hiệu trưởng tsêr cơưv phổ thôngz mênhx cxưx bán trú, Cxênhx 1 thiêz cxênhx 2 Nậm Lạnh, tỉnh Sơn La heik: “Tâu Đảng thiêz têz qơưk tsov cưv mak cưk kriê tsêr cơưv lok six jông siêz, têx mê nhuôk zuôr tâu tsov cưv ntâu đuô thiêz chế độ chính sách têx mê nhuôk tâu sơưv zuôr ntâu đuô. No cux zos đas jos paz gôngr phênhv huôv tsar zaoz zux tiv phaz”

          Uô Bộ chính trị li thôngz pov số 81 lok chủ trương yưv pênhr cxiv tsa tsêr cơưv trâu têx xã ntus đriv, ciês thâuv muôx chủ trương, tỉnh Sơn La tưz seiz shuôk, ntâuk grê ntơưv 13 xã ntus đriv.

          Hâur 13 tsêr cơưv têx cấp, njuôs xav zuôr muôx 11 tsêr cơưv cxiv tsa yiêz, 2 tsêr cơưv tâu kho đuô. Iz tsêr cơưv tâu cxiv uô txâuk phưx vưv txix 1 cxênhz lênhx shux xênhz ndê muk; mênhv chêx sir zôngv chungz fênhx 5 hecta iz tsêr cơưv, đros muôx cơ sở cxuô zav yiêz, tuôv zênhv shux xênhz tox siêz li xênhz huôx thiêz cơưv ntơưr nội trú, bán trú. Tas nro yưv pênhr muôx nhos 2 cxênhz 700 tỷ đeiv. Zơưv Quàng Văn Lâm, Phưv giám đốc Sở zaoz zux tỉnh Sơn La puz pâuz: “Uô Bộ chính trị li chủ trương mak hâur ntu đhâu đros nganhx li txơưx jênhv mak Sở tưz sik côngv đros têx sở nganhx cik txos, sir jos heik UB tỉnh xeir têx qơư chiê cxiv tsêr cơưv nội trú trâu têx xã thax tsav ntus đriv. Đros Sơn La mak muôx 13 xã zuôr tâu yưv pênhr cxiv tsa, Sở cux zuôr tror đros têx nganhx sir jos muôx têx njiêz luv chủ trương thiêz têx luôk hâux lưv uô chiê sir jos hâur ntu zuôr txos shux xênhz zuôr tâu xênhz huôx thiêz cơưv ntơưr hâur tsêr cơưv yiêz”.

Nhiv kruôr đhâu, tsêr cơưv phổ thôngz nội trú 2 cấp cxênhx 1 thiêz cxênhx 2 Phiêng Khoài zos luz tsêr cơưv xuz thơưx hâur 13 luz tsêr cơưv tâu yưv pênhr cxiv uô ntơưv têx xã ntus đriv nhoz Sơn La tưz tâu krêz côngz cxiv tsa.

          Txix Đảng li chủ trương huv đros tsôngv px li siêz xar, têx tsêr cơưv yiêz nhoz thax tsav ntus đriv Sơn La hâur ntu zuôr txos no zuôr gôngr phênhv uô chính sách mênhx cxưx, muôz siêz yênhx tưv, tsơưr lươngv lênhx nênhs, paz muôx tâu têx cán bộ zos nênhs mênhx cxưx nhoz tiv phaz, gôngr phênhv hlôngr yiêz côx phax, txiv ngaz, muôz siêz luz nênhx chinhz yênhx trâu tsôngv box thax tsav ntus đriv./.

Trấn Long – Txâur Vax cxeik nhênhv

Moz ơưk buô Châu Phi thiêz têx tsưr ziv phax tar

Tsưr ziv jênhv pâuz buô trâus moz ơưk:

- Buô uô cuz 40 txos 42 tưv, tsi nox krâur, tsi xar uô si.

- Tơưr greix sâuv njiêx buô, co tơư thiêz tơưr plaz liêz tas, đhâu co tơưr greix buô jux jus xiêr tas.

- Thox plaz, tso kuôr shơư nyar lok sik trâus ciêv kuôr.

- Moz siz cik sei hâur chor buôk tu zus.

Uô trơưk 5 faz tsưr ziv phax tar moz:

- Tsi jeik tsês thiêz tsuv hêik ciês trâu chính quyênx, chiz coaz thú y pâuz

- Tsi muôs têx buô trâus moz, trâus tuôs

- Tsi feik tsênhr thiêz muôs greix buô trâus moz trâus tuôs.

- Buô trâus tuôs tsi muôz buô por tsês cxuô qơư lok hâur tênhx qơư.

- Tsi puz buô nox têx zav nox kuz lok sik tsi tâu tâu uô siêr.

Tsuv uô tsưr ziv taz por sinh học hâur tu zus:

- Cêv kuôk guôx tu zus tsi chiê nhoz jê tsêr nhoz, jê qơư tu  zus têx tsiêx cxu txơưr, tsuv xor their, muôx qơư phax tuô caz moz.

- Seiz car jông lênhx nênhs, têx yêz muk lok hâur qơư tu zus, tsuv muôx têx chuôz zênhx por hưv.

- Buô uô nôngz tsuv zos buô tsi muôx moz, tsuv tu zus nưs iz kror qơư tsơưs tiv zix 2 ciêz.

- Tsi zus buô têz, đêr, yưk…hâur qơư tu zus.

- Puz hâuk đêx hur, nox hâuk taz por.

- Tuô tsuôs, zôngr, têx zav caz tsi chiê lok hâur qơư tu zus.

Uô vêv xênhz, tsuôk yuôx tuô caz lov caz moz hâur niêx hnuz:

- Uô vêv xênhz guôx tu zus, chuôz zênhx tu zus.

- Tsuôk yuôx tuô caz moz lơưr six hơưv cui tênhv.

- Yưr lir têx qir txix zôngv kror bioga, phâus por tsês lok sik hlơưr por tsês.

Yưr lir thâuv muôx yưv moz ơưk huôv xênhz:

- Thôngz pov ciês trâu chiz coaz thú y, chính quyênx tiv phaz pâuz.

- Muôz phâus por tsês tas nro chor buô trâus moz lơưr heik kriê.

- Thôngz sâu cxix cxuô chiê tâu paz txưv zos muôx chính sách./.

Thanh Thủy-Txâur Vax cxei nhênhv