Chor jêx jok Sơn La sik đros uô jông phongz yaox cơưv txux chi sôr

Câu lạc bôv vênhx huôv phường Chiềng An, tỉnh Sơn La ntâu shông no zos chor nênhs lâul nhoz ntơưv thax tsav qơư li kror qơư xênhz huôx sưv jê. Lơưr tuôx ntơưv no yênhx ciêz tsik zos chiê siz njiz, tuôr tsês têx tsiv gri vênhx huôv cxôngx nzor mak tsênhv sik paz cơưv têx txux chi, buôs ti têx xor mông, têx kror xưk li phiv liv trâu chor nênhs lâul. Pos Lù Thị Tươi, thành viên câu lạc bôv hêik pâuz:“Đros chor nênhs lâul nhoz tôv 2, phường Chiềng An pêz tsik so sik cơưv, hêik pâuz têx chênhz zênhv lok công nghệ sôr. Hlôngr yiêz sôr mak pêz cux zuôr cơưv nzir jux juk. Chor nênhs lâul li pêz cơưv txux chi sôr zos iz kror lax cơưv, taz sik tsik zos cơưv tsik tâu, viv li tsuv sir jos ntâu kror”.

Zos iz hâur têx thax tsav qơư uô lơưr phongz yaox tas nro sơưr đơưk cơưv txux chi sôr, phường Tô Hiệu, tỉnh Sơn La tưz kriz uô ntâu tsưr ziv xar tơưv, li yênhx tôv dân phố xưk li zos iz thư viên sôr côngv thôngx, lok sik zos tôv hlôngr yiêz sôr côngv thôngx xar tơưv, đros muôx chor hluôk nênhs paz. Chor hluôk nênhs zos chor nênhs paz kriê ciês têx hâux lưv, kriê tsưr ziv uô txix xuz thơưx txos ntâu kror đuô, paz trâu chor nênhs lâul nriêr pâuz tâu têx xor mông thiêz sir zôngv tâu jông têx tsưr ziv, txux chi sâuv chor mêir điện thoại. Niêv tix Lò Mai Hương, đoàn viên hluôk nênhs phường Tô Hiệu, tỉnh Sơn La puz pâuz:“Pêz tưz muk trâu yênhx chuôz zis chiê yax kriê trâu chor hluôk nênhs thiêz pox nhuôs pâuz lok hlôngr yiêz sôr, li sir zôngv ứng dụng sâuv mêir điện thoại, li SmartBanking, cài têx ứng dụng vneid. Đhâu co paz yax kriê txos trâu pox nhuôs thiêz chor hluôk nênhs pâuz lok txux chi sôr thiêz paz cxơưz cxiz trâu huôv tsar xar hôiv sôr”.

Tưz tsik zos iz phongz yaox cơưv txux chi xưz, tas nro sơưr đơưk cơưv txux chi sôr tưz paz muôx ntâu kror liv trâu pêx xênhv Sơn La, paz trâu sơưr đơưk pâuz sir zôngv tâu têx công nghệ, paz hlôngr yiêz ntâu hâur buôs ti têx xor mông thiêz đơưk kho, uô têx hâux lưv hâur yênhx hnuz. Niêv tix Nguyễn Thị Hoài Thu nhoz phường Tô Hiệu, tỉnh Sơn La hêik pâuz:“Hlôngr yiêz sôr paz muôx tâu ntâu kror liv hâur luz nênhx, tiv zix zos thâuv muk zuôr muôs hax huv lok sik xar nriêr pâuz têx xor mông lok sik txux chi cơưv ntơưr mak zuôr kriz tâu sâuv điện thoại chiê nriêr pâuz lok sik kriz cơưv ciês. Đros co txix tsês cơưv têx mông hêik pâuz mak zuk zuôr pâuz tâu txos mê nhuôv cêr cơưv ntơưr txix ciês sâuv luz điện thoại”.

Hla trâu mênhx cxưx ntu hlôngr yiêz, phongz yaox sơưr đơưk cơưv txux chi sôr tưz tsik zos muôx tsiv gri zoz zux xưz mak tsênhv lok six zov chênhr hâur huôv tsar kinh têr-xar hôiv. Thâuv yênhx lênhx nênhs uô tsưr tâu công nghệ, xar hôiv zuôr huôv tsar tâu jông đuô hâur ntu hlôngr yiêz./.

                                                                                        Thanh Thủy-Lik Thox cxêik nhênhv-Lưu in, link

Ok trâus cik moz ơưk Tembusu thiêz tsưr ziv phax tar

          Caz moz uô huôv moz

          - Moz huôv xênhz zos tiv caz moz Tembusu

          - Phênhv ntâu zos huôv moz sâuv ok ntês kê, ok zuôr greix, đrâuv co tsênhv cik trâu keiz ok, zax zuôv, gruôz.

          - Cêr huôv moz: Siz cik đhâu zôngr tov lok sik cik txix ok trâus moz li kâuz ndâus trâu ok tsi trâus moz, đhâu qir lok sik đêx hâuk.

          Chox luk: Moz yưv

          Moz khênhr huôv moz lok six sei thiêz muôx têx moz yưv li đrav kaz:

          - Sâuv ok zuôr greix (mê nhuôv ok):

          + Uô cuz, tsi xar nox hâuk, gênhs gênhs

          + Moz yưv zos lax muk lok, tơư tsi muôx jos, zôngx ziv trâus ntos...

          + Ok trâus moz 10-30% zos tuôs, zos trâus moz yưv hnhar ziv zôngx ziv trâus tuôs siêz.

          - Moz yưv sâuv ok ntês kê:

          + Nox tsơưs đuô.

          + Ntês kê tsơưs đuô (txu grês 70-80% yuôr grês đuô 10% tsuôk hâur iz ciêz).

          + Ok tso qir shơư nyar, qir đơưz.

          Chox luk: Pov têx moz yưv thâuv fuô ok seiz shuôk:

          - Jâuk kê: O vôngs, lok nyar, kê tsi jông gâux.

          - Hlưz hâu lok nyar thiêz o

          - Plaz hnhur: siêz trâuv o vôngs, lok nyar.

Chox luk: Tsưr ziv phax tar

          Nhiv no tsi tâu muôx yuôx tuô caz moz Tembusu, viv li phax moz zos tsưr ziv coaz tsôngv tiv zix. Tsuv uô têx tsưr ziv li đrav kaz:

          - Cxax yuôx vắc xin: No zos tsưr ziv muôx chêx cuk tiv zix. Nhiv no tưz muôx têx zav vắc xin phax caz moz Tembusu ntơưv Việt Nam. Viv li cxax yuôx trâu ok uô ntêx thâuv ntês kê thiêz cxax nzor trâu ok zuôr greix.

          - Seiz car moz: Yax six tsuôk yuôx tuô zôngr, luôx đrox iz ndis chôngx cơư chiê zôngr tsi muôx qơư ntês kê.

          - Taz por sinh học: Tsuôk yuôx tuô caz moz hâur chôngx tu zus, tsi chiê lênhx nênhs txơưr lok hâur qơư tu zus.

          Tsôngv cưr ...nhiv kruôr nriêr pâuz têx moz yưv, tsưr ziv phax tar moz Tembusu sâuv ok. Phênhv “Nôngx mênhx zuôr tsuv pâuz” zos Đeix nta suôz VN thax tsav Tây Bắc côngv đros tsênhv qơư cxiz kôngz thiêz hlôngr yiêz số, Sở kôngz nuv thiêz tênhx qơư tỉnh Sơn La sik côngv uô. Uô tsâus tsôngv cưr tix fôngx zưs sđ tsov cưv mnôngs!

                                                                                                       Thanh Thủy-Txâur Vax cxeik nhênhv