Uô truôx luôs hâux lưv phax tir thêir zax zênhz

          1. Thor cox puz pâuz, 5 luz hlik hâur shôngk shông no, haux lưv phax tar zax zênhz uô tâu truôx li chas?

          - 5 luz hlik hâur shôngk shông 2026, lưx lươngv phongx cảnh sát phax tar zax zênhz thiêz lưx lươngv công an têx xã, phường tưz ntês 370 ntâu txuz, đros zuôr xar 800 lênhx nênhx phamv cxâuv lok zax zênhz. Hâur co Phongx cảnh sát qênhz yuôx nênhs phamv cxâuv lok zax zênhz tưz ntês 70 ntâu txuz, hâur co muôx ntâu txuz sâu tâu ntâu zax zênhz, đros yênhx châuv cir, 2-3 puôk cxênhz njiêr zax zênhz shơư yuôx. No cux zos iz hâur têx tsưr ziv chiê taz por trâu hâux lưv cxiv tsa xã, phường tsi muôx zax zênhz hâur ntu zuôr txos.

          2. Đhâu seiz shuôk, tơưv txênhz, yơưz phơưz têx txuz ar zax zênhz, chor nênhs phamv cxâuv têx tsưr ziv muôx yưv li chas?

          - Hâur ntu jê lok no đhâu seiz shuôk thiêz đhâu côngz xưv tơưv txênhz phax tar nênhs phamv cxâuv zax zênhz mak pêz pov nênhs phamv cxâuv li huôx tôngv ziv hnuz ziv zov chênhr đuô. Nhiv no lơưr sik côngv jông đuô, pir li shông nhiv kruôr đhâu, pêz tơưv txênhz, yơưz phơưz txuz anr qir thơưx tsuôk ntês tâu iz lênhx nênhs zos nênhs Hmôngz, sâu tâu 10 đeiv zax zênhz. Txix hâux lưv no suôv câuv ntu qênhz yuôx txuz nar zos đhâu 1 shông qênhz yuôx taz viv cux tưz krêz đar qênhz yuôx thiêz ntês cxaz 20 lênhx nênhs puôr lênhx zos nhoz têx tỉnh tiêx đras, đrâuv co muôx iz cxiê zos nhoz ntơưv no xưz. Đhâu tơưv txênhz mak pov têx lênhx nênhs no chiv chir huôx tôngv, thiêz iz lênhx tsuôk pâuz iz lênhx xưz, muôx tsi ntâu xor mông chiê cov taz por đuô. Tiv 2 zos têx lênhx nênhs no liv zôngv têx yêz zaoz thôngz chiê thâux gra zax zênhz thiêz yênhx tưv KHKT huôv tsar, mạng xã hội chiê thongz xor mông, sik thav zuôr muôs zax zênhz tsi trơưk chei. Tiv 3 zos lơưr muôs tsơưs nhoz têx thax tsav tox siêz, tiv zix zos qơư muôx tsơưs lênhx nênhs, thâuv njiz lưx lươngv muôx txơưx jênhv muk qênhz yuôx, tsưr tsix lưx lươngv ntês cxov mak khiêr gâuv tâu. Tsưr ziv no zos iz cxiê lênhx nênhs liv zôngv têx lênhx mê nhuôk tsi tâu hloz tiêr nênhs uô chiê tsi trâus tik cêr cxâuv viv tsi tâu txâuk shông.

          3. Chiê paz phênhv đros tas nro tỉnh uô truôx luôs hâux lưv tso tơưv txos shông 2030, 100% xã, phường “tsi muôx zax zênhz”, phòng tso tơưv têx tsưr ziv uô li chas?

          - Phongx cux tưz seiz shuôk uô trơuk Trung ương, Bộ công an li chox kriê lok krêz uô hâux lưv cxiv tsa xã, phường tsi muôx zax zênhz chiê heik trâu Ban GĐ Công an tỉnh, heik trâu tỉnh ủy, UB tỉnh tso tơưv têx njiêz luv cxiv tsa xã, phường tsi muôx zax zênhz yênhx Nghị quyết, tsaz yênhx trâu Công an cấp tiv phaz chiê tsưr tsix uô hâux lưv cxiv tsa thax tsav tsi muôx zax zênhz, hâur co muôx njiêz luv zos công an cấp tiv phaz, cấp xã phường cux tsuv heik trâu đảng ủy, UB chiê yênhx lix Ban chox kriê phax tar zax zênhz cấp xã, phường. Thôngx cxix lưx lươngv công an cux tsuv krêz uô jông côngz xưv tsưr tsix chiê tsôngv px heik kriê thâuv pov nênhs muôx zênhs zax zênhz, zuôr muôs zax zênhz. Đrâuv co Phongx cảnh sát qênhz yuôx nênhs phamv cxâuv lok zax zênhz tsênhv uô jông côngz xưv tơưv txênhz ntês têx lênhx nênhs khênhr chêx chôngk zuôr muôs zax zênhz tsi trơưk chei.

          Thor uô cox tsâus!

                                                                                                             Thanh Thủy-Txâur Vax cxeik nhênhv

Lào Cai phax tar trâus tưx zav nox hâur qơư tsiv uô,  muôs zav nox hâuk trơưk ntus cêr

Niêv tix Nguyễn Thu Minh, nhoz tôv dân phố Yên Ninh 12, phường Yên Bái, tỉnh Lào Cai puz pâuz, thâuv ntêx no lok six nhiêv nox têx zav nox ntơưv chor qơư muôs trơưk ntus cêr viv muôx ntâu thiêz gri huv đros. Taz sik, đhâu tâu yax kriê, jênhv pâuz têx phiv liv txix chor zav nox pâuz tsik tsênhz qơư, niêv tix Minh tưz hlôngr đuô zuk kror cor cav lok nox hâuk. Hlôngr trâu xêir tsov zav nox lok sik gri kik li thâuv ntêx, niêv tix tưz hlôngr zuôr ntơưv têx qơưk muôx côngz bê thiêz ngaz tuk jông zav nox:“Chor zav nox gri kik thâuv ntêx cur zuôr ntơưv chor qơư muôs jê têx tsêr cơưv ntơưr, tsêr kho moz; chiê por vêv đas jos trâu zuk thiêz tsik trâus tưx zav nox, tiv zix zos chêix so sor mak cur cux tsik zuôr ntâu lơưv. Cur chor fôngx zưs cux tsik zuôr ntâu, sir jos uô jâuz mor nox ntơưv tsêr đuô”.

Kriz uô hli huôx tôngv viv ngaz tuk zav nox shông 2026 đros tsênhv njiêz “Uô cov jông ngaz tuk zav nox, phax tar trâus tưx zav nox hâur dịch vuv nox hâuk thiêz têx zav nox muôs trơưk ntus cêr”, nhiv no chor xar, phường nhoz tỉnh Lào Cai tưz yênhx lix đoàn qênhz yuôx liên nganhx đros jênhv vưv qênhz yuôx chor qơư uô, kinh doanh zav nox sâuv thax tsav thiêz qênhz yuôx iz cxiê qơư uô jâuz mor nox trâu chôngz nênhs. Hâur ntu qênhz yuôx, chor đoàn tsêx trung qênhz shuôk cxuô kror paz ngaz tuk zav nox li: qơư zuôr têx hax huv lok uô zav nox, vêv xênhz têx qơư uô, tsưr ziv uô, tsês chiê zav nox, ntâuz ntơưr cik txos têx huôx tôngv kinh doanh zav nox cux li côngz xưv njuôk shuôk đas jos trơưk six hơưv, kriê txux chi lok ngaz tuk zav nox trâu chor nênhs uô ciês têx zav nox. Iz chas co, chor đoàn cux tsêx trung yax kriê, kriê têx tsưr ziv paz ngaz tuk vêv xênhz zav nox. Zơưv Nguyễn Quốc Huy, Phưv Chủ tịch Ủy ban phường Âu Lâu, tỉnh Lào Cai puz pâuz:“Phường tsưr tsix yax kriê đêz đar txix ntâu tsưr ziv li muôz ntâuz ntơưr, tso sâuv cxiv luôs loa nta suôz, thôngz đhâu côngv thôngz xor mông điện tử phường thiêz yax yax mông muk txos yênhx jêx jok, tôv dân phố trâu chor six hơưv muôx chôngz nênhs nhoz hâur tsêr. Đuô li, pêz tror yax kriê chuôz cxaz qênhz yuôx ntơưv chor ciêz sơưr thơưx, chor qơư uô jâuz mor nox trâu chôngz nênhs sâuv thax tsav”.

Niêv tix Nguyễn Thị Giang, iz ziv chuôz zis kinh doanh qơư uô jâuz mor nox nhoz phường Yên Bái, tỉnh Lào Cai puz pâuz, yênhx shông, txos hli huôx tôngv viv ngaz tuk zav nox, đhâu chor nganhx muôx vax huôv li côngz xưv yax kriê, hêik kriê, qênhz yuôx, chor ziv chuôz zis kinh doanh dịch vuv nox hâuk cux muôx nzir txux chi thiêz txơưx jênhv hâur uô jông vêv xênhz, ngaz tuk zav nox:“Chiê uô jông ngaz tuk vêv xênhz zav nox, pêz tưz nus chor qơư muôs muôx txâuk cxuô kror thiêz xêir tsov chor hax huv hur jông, thâuv uô nox, huv zos trâu chor nênhs zuôr, nênhx uô nox li siêz nhiêv”.

Shông 2025, ntơưv Lào Cai pov muôx 4 txuz trâus tưx zav nox đros muôx 100 ntâu lênhx nênhs trâus tưx, hâur co muôx 1 lênhx nênhs tuôs, uô trâu chor cơ quan muôx vax huôv, chinhr quyền ntơưv qơư tsuv sir jos uô đuô thiêz tsuv muôx yênhx lênhx nênhs sir jos đros uô, por vêv trâu zuk.

Lào Cai nhiv no muôx 42.000 ntâu qơư uô, kinh doanh zav nox. Iz chas co hâux lưv qênhz yuôx, tir tar, xưv lik chor nênhs uô cxâuv, côngz xưv yax kriê cux tsênhv tâu xav jênhv zos iz hâur têx kror chênhr chiê phax tar trâus tưx zav nox, paz trâu pêx xênhv muôx tâu luz nênhx jông, muôx jos, ngaz tuk. Zơưv Hoàng Quốc Hương, Giám đốc Sở Y têr tỉnh Lào Cai puz pâuz nzir:“Chuôz cxaz uô côngz xưv kriê txux chi uô hâux lưv, jux juk hlôngr yiêz jông đuô trâu chor nênhs uô côngz xưv ngaz tuk zav nox ntơưv thax tsav qơư; uô jông côngz xưv qênhz yuôx lơưr saz tsênhv tsênhz; kriz uô qênhz yuôx muôx tsênhv njiêz, xưv lik cxuô lênhx nênhs uô cxâuv; chuôz cxaz qênhz yuôx têx hax huv, xưv lik truôx chor nênhs uô cxâuv; yax kriê trâu pêx xênhv pâuz lok phax tar trâus tưx zav nox, sir zôngv têx hax huv zav nox cov ngaz tuk”./.

                                                                                                                 Đinh Tuấn-Lik Thox cxêik nhênhv