Lai Châu: Hlôngr yiêz sôr qir txix têx hâux lưv uô tsênhv stênhz nhoz ntus đriv

Ntơưv tsêr vênhx huôv jok Huổi Luông, xã Phong Thổ, tỉnh Lai Châu, tsôngv pêx xênhv heir nênhs Hà Nhì moz siêz siz kriê cor xor tôngx chiê zok nriêr têx mông trơưk li canr bôv Zênhx Pênhz phax Huổi Luông heik kriê. Uô trơưk têx li heik kriê lok zok nriêr xor mông zos zov chênhr paz tsôngv pêx xênhv heir nênhs tsơưs buôk ti công nghệ, sưv jux juk dịch vụ sôr, hlôngr pâur thêv nhiêx đhâu mạng xã hội thiêz sir zôngv têx zuôr trâus txos li: Định danh điện tử VNeID hâur luz nênhx niêx hnuz. Tix lâus Ư Xênhv Tsaz, tsar jok Huổi Luông, xã Phong Thổ heik pâuz: “Hâur ntu đhâu, pêz cux tâu canr bôv, chiến sĩ tuz lênhv pênhz phax Huổi Luông kriê mã QR chiê pâuz nzir lok chei têz qơưk, tso siêz huôv tsar uô nox uô hnar”.

Uô trơưk trâur nuv tuz lênhv Pênhz phax hlôngr yiêz sôr, Tuz lênhv Pênhz phax tỉnh Lai Châu tưz tsưr tsix 48 lớp cơưv shâuv cxaz nzir têx txux chi trâu canr bôv, chiến sĩ thiêz tsôngv pêx xênhv; yênhx lix têx paz kriê txux chi, tsưr ziv yiêz trâu 150 lênhx nênhs uô ntêx nyuôs hâur cxuô luôs hâux lưv; hux jos đros Công an tỉnh, Viettel muôz huv puz, đhok uô thiêz kriê sơưr đơưk sir zôngv 1.600 ntâu luz meir hu xor tôngx thiêz muôz sim 4G puz trâu pêx xênhv nhoz thax tsav ntus đriv. Thượng úy Cao Đức Dương, canr bnôv Đội Vênhv tôngv tsôngv pêx xênhv Zênhx Pênhz phax Huổi Luông heik pâuz: “Pêz tưz fuô kriê lo mã QR ntơưv thax tsav, têx qơư zôngx ziv seiz njiê pov chiê pêx xênhv zôngx ziv uô trơưk, pâuz tâu têx xor mông. Txix co buôk ti kriê sơưr đơưk  uô trơưk thiêz sir zôngv sưv jux juk têx meir hu xor tôngx”.

Hlôngr yiêz sôr nhoz thax tsav ntus đriv tsênhv tâu fuô uô txix tuz lênhv pênhz phax thiêz cấp ủy, hâu nov ntơưv qơư cêr sik hux jos. Chor tuz lênhv pênhz phax uô lơưr tsưr ziv đros pêx xênhv nhoz, đros pêx xênhv nox, đros pêx xênhv uô cxuô luôs hâux lưv....chiê pâuz tsênhz đuô lok tsôngv niêv txir lax pêx xênhv cêr nênhx phôngz cxưx, vênhx huôv, yênhx qơư khov truôx fuô uô tâu zôngx ziv đuô luôs hâux lưv hlôngr yiêz sôr txos trâu pêx xênhv. Pos Lý Thị Hiền, Phưv Chủ tịch Ủy ban xã Pa Tần ntâuk grê: “Thâuv xã cxiv tsa tsưr ziv chiê fuô uô tsênhv njiêz no mak canr bôv tuz lênhv Pênhz phax tưz bax jông tsưr ziv nhênhz chơưv. Viv chor tuz lênhv tâu nox nhoz đros pêx xênhv têx jêx jok txov nhêv, lơưr buôk ti kriê tâu pêx xênhv zôngx ziv lok sâuv hlôngr yiêz sôr hâur ntu đhâu”.

Ban seiz car Tuz lênhv Pênhz phax tỉnh Lai Châu tưz thiêz tsênhv fuô uô 6 trâur nuv zov chênhr, hâur co luôs hâux lưv kriê pêx xênhv zuôr muôs hax huv sâuv điện tử uô tâu lok six jông, huv đros pêx xênhv luz nênhx tsênhv tsênhz niêx hnuz. Đại tá Nguyễn Văn Hưng, Chính ủy Ban seiz car Tuz lênhv Pênhz phax Lai Châu heik pâuz: “Hâur ntu zuôr txos, pêz tror yax kriê vênhv tôngv têx lênhx pox niêv, hluôk nênhs uô ntêx nyuôs chiê kriê têx lênhx nênhs hâur chuôz zis, gra siêz tsơưr lươngv hlôngr yiêz sôr, lar heik zos têx chuôz zis uô nênhx nhoz thax tsav ntus đriv”.

Txix fuô kriê txos uô tsênhv tsênhz, hlôngr yiêz sôr zoz zux ntơưv têx xã tox siêz tỉnh Lai Châu tsênhv jux juk hlôngr yiêz. Txơưv tsênhv njiz trâus ntâu phiv liv, viv muôx tsi txâuk têx chuôz zênhx, meir jông, tsi yuô muôx mạng xã hội taz sik cxuô luôs hâux lưv li heik sâuv tưz jux juk fuô uô tâu truôx, paz hlôngr yiêz chor cưk kriê ntơưr luôs hâux lưv kriê txux chi thiêz seiz car zoz zux ntơưv qơư. Cưk kriê Trần Khắc Nghĩa, Phưv thơưx seiz car tsêr cơưv Phổ thông Dân tộc niêv txir zus mor cxênhx iz thiêz cxênhx 2 Pa Tần heik: “Hâur ntu jê lok no, tsêr cơưv cux sir jos cxơưz uô học bạ sôr, sổ điểm điện tử, lok sik têx hâux lưv txơưr, chiê uô tâu truôx jông đuô luôs hâux lưv seiz car, kriê txux chi hâur tsêr cơưv”.

Thâuv pêx xênhv tâu sơưv, pâuz jông txos têx tsênhv tsênhz phưx vưv luz nênhx niêx hnuz, tâu nthuôr đar chiê zôngx ziv uô trơưk mak thax tsav tox siêz zuôr jux juk hlôngr yiêz. Txix co, chor tuz lênhv Pênhz phax têx sir jos đros hâu nov ntơưv qơư lês uô cxuô luôs hâux lưv paz pêx xênhv tsênhv cxơưz yênhx jêx jok thax tsav ntus đriv hlôngr yiêz, jux juk muôx luz nênhx tsâu sor, vav mênhx./.

Khắc Kiên-Riê Lâux cxeik, nhênhv

Hội viên pox niêv sei đrơưv huôv tsar uô nox

          Pheiz kênh trâu pêz pâuz, niêv lâuk Giông puz pâuz: Thâuv ntêx, cur chuôz zis phênhv ntâu chos poz cưk, kok ntông, taz sik sâu tâu kis, tsi txâuk cxơưx trâu luz nênhx. Shông 2009, cur chuôz zis muk txos Mù Cang Chải, tỉnh Yên Bái kuz (nhiv no zos tỉnh Lào Cai), pov trâur nuv chos txir hơưk nhoz no lok six jông, sâu tâu siêz, chêx cuk kinh têr jông, huv đros qiv hơưv, ar têz nhoz thax tsav tox siêz, viv li cur tưz nriêr pâuz thiêz zuôr zuz nôngz lok chos.

           Têx shôngk xuz thơưx, tiv tsi muôx chênhz zênhv tsoz phưz, tsoz txir hơưk hloz lox kênhz, sâu tsi tâu siêz. Niêv lâuk Giông tror sir jos cơưv shâuv chênhz zênhv txix têx ziv chuôz zis tưz chos tâu yênhx côngz, thôngx cxix cxaz chuôz têx lớp kriê cxaz kỹ thuật zos Hội pox niêv têx cấp sik côngv tsưr tsix. Khov truôx siêz thiêz gruôs uô nox, đhâu iz ntu, chuôz zis li mênhv chêx txir hơưk huôv tsar jông, qir sâu tâu truôx, niêv lâuk chuôz zis krêz đar mênhv chêx cuk. Txos nhiv no, chuôz zis muôx 3 hecta txir hơưk, iz shông sâu tâu muôx nhos 4 tênhr txir nhôngs, bâuv 1 tênhr txir kruôr, grê muôs chungz fênhx muôx nhos 150 cxênhz đeiv iz cir txir kruôr, chox lok phênhv sâu truôx trâu chuôz zis.

            Đros thiêz chos txir hơưk, niêv lâuk Giông tsênhv sir jos tu zus 100 tul keiz, ok zuôr kê, cê phưx vưv chuôz zis li zoz qơưx, cê muôs trâu niêv ciêz, muôx cxaz phênhv sâu. Sik côngv tsêz chos thiêz tu zus, chuôz zis li phênhv sâu tax 300 tsov đeiv iz shông, yênhx iz hâur têx chuôz zis muôx luz nênhx jông hâur jos.

          Niêv lâuk Hav Thị Dủ, Chủ tịch Hội pox niêv xã Xím Vàng heik: Niêv lâuk Mùa Thị Giông zos hội viên pox niêv jông, cê txơưx huôv tsar uô nox, cê sir jos cxaz chuôz Hội li têx huôx tôngv, truôx siêz pheiz kênh têx chênhz zênhv hâur tsêz chos txir hơưk trâu têx hội viên xar cơưv shâuv uô lơưr. Niêv lâuk yax six paz, tôngv vênhx têx ziv chuôz zis pox niêv muôx luz nênhx txov nhêv truôx siêz hlôngr yiêz tsoz chos, zôngv kỹ thuật yiêz lok tsêz chos tu zus cov muôx tâu phênhv sâu siêz đuô.

          Txix chêx cuk tax tâu, niêv lâuk Mùa Thị Giông chuôz zis li trâur nuv chos txir hơưk tsênhv tâu krêz uô đêz đar, gôngr phênhv cxơưz tiês phongz yaox huôv tsar uô nox, txu grês cêr pluôk truôx vênhs nhoz tiv phaz. Đros chinhz yênhx sir jos hla đhâu têx phêv liv, car xar, car uô, niêv lâuk Mùa Thị Giông tsênhz tsênhz zos đeiv iêr chi cax lus chiê têx hội viên pox niêv sik đros cơưv shâuv, uô lơưr.

            Phênhv “Nôngx mênhx zuôr tsuv pâuz” hnuz no tsuôk muôx xâuk li no xưz. Phênhv no zos Chiz coaz Đeix nta suôz VN thax tsav Tây Bắc đros Tsênhv qơư cxiz kôngz têz qơưk uô./.

Lik Thox cxiv sâu- Txâur Vax cxeik nhênhv