Xêir zuôr chor mê nhuôv muôx txâuk đas jos, tsưr ziv

paz trâu thể thao Sơn La huôv tsar jông

Têx shông jê lok no, chor vận động viên Taekwondo Sơn La tưz huôv tsar hênhr nhoz thax tsav thiêz ntiêx têz. Muôx njêx muôs thiêz thik tưr tâu huy chương ntơưv chor giải sik tưr li: Sea Games; Giải Vô địch Taekwondo Đông Nam Á; Giải vô địch Twekwondo Châu Á… Hâur co muôx vận động viên Bạc Thị Khiêm tưz tưr thik tâu siêz ntơưv chor giải thik tưr nhoz thax tsav thiêz châu lục. Shông 2015, Khiêm tâu chiê nhoz hâur đôiv tuyển têz qơưk, tsik so muôx tâu côngz bê txix thik tưr tâu Huy chương cuz Vô địch châu Á 2024, 3 Huy chương cuz SEA Games 30, 31, 33 đros thik tưr tâu ntâu kror txơưr nhoz bôv môn Taekwondo.

Vận động viên Taekwondo Bạc Thị Khiêm luz nênhx zênhx nhoz đros chor cêr muôx trôngz poz jêz siêz, tưz paz trâu Khiêm muôx đas jos jông, đros siêz muôx 1 thiêr 75. Tâu chor cưk kriê chox lok hâur Tsênhv qơư huấn luyện txix thâuv muôx 12 shông, chor hnuz xuz thơưx nhoz đêz tsêr, cơưv shâuv ntâu uô trâu lênhx nxêik no hnuz tưs cux kuôx. Taz sik sir jos hla đhâu têx phiv liv, Bạc Thị Khiêm tưz truôx siêz cơưv shâuv, sêiz thể thao zos kror paz trâu zuk hlôngr yiêz đuô luz nênhx. Iz đêiv huy chương zos iz kror cxơưz cxiz trâu Khiêm sir jos đuô, thik tưr cov tâu siêz đuô:

“Thâuv thik tưr tâu chor jiês xuz thơưx, cur lok six shir phaz viv zuk têx sir jos co tưz uô tâu trơưk siêz xar. Thiêz thâuv thik tưr tâu chor jiês siêz đuô tov kaz no, zuk pâuz tiêk sir jos mak zênhx zuôr uô tâu xưz, kror co paz cxơưz cxiz trâu zuk sir jos đuô”.

Xênhz zus thiêz hloz lox ntơưv xar Pắc Ngà, huyện Bắc Yên kuz, tỉnh Sơn La, vận động viên Đinh Thị Dương tâu pâuz txos hâur Tsênhv qơư Huấn luyện thiêz thik tưr thể dục thể thao tỉnh li iz jiês zok nriêr chor hluôk nênhs muôx txux chi shông 2018. Đhâu njuôk shuôk đas jos, Dương tâu hêik cov cơưv shâuv bôv môn Muay-môn thể thao tsuv muôx jông đas jos thiêz sir jos. Đhâu iz ntu sir jos cơưv shâuv, Đinh Thị Dương tưz thik tưr tâu Huy chương nhiêx ntơưv giải vô địch chor Câu lạc bôv Muay têz qơưk shông 2023, Huy chương Tôngx giải Vô địch Têz qơưk shông 2025. Vận động viên Đinh Thị Dương hêik pâuz:

“Thâuv nhiv kruôr tuôx ntơưv Tsênhv qơư cơưv shâuv, cur cux lok six cxơưx; taz sik thâuv njiê pov sơưr đơưk cux sir jos cơưv shâuv, thik tưr tâu ntâu jiês, cur cux hêik zuk tsuv sir jos cơưv shâuv, thik tưr cov tâu li sơưr đơưk”.

Têx shông đhâu, hâux lưv zok nriêr chor vận động viên piz uô txix ciês ntơưv cxuô thax tsav qơư, viv têx tuz nhuôs tsôngv box mênhx cxưx tsơưs nênhs muôx đas jos jông, huv đros têx môn thể thao. Huấn luyện viên bôv môn Muay cưk kriê Lại Thanh Sơn, Tsênhv qơư kruôz kriê thiêz Thik tưr Thể dục thể thao tỉnh Sơn La puz pâuz:

“Qênhx shênhx xêir tsov, pêz ntâuk gri tâu tiêk chor shux xênhz muôx luz nênhx txov nhêv, viv li thâuv tuôx ntơưv Tsênhv qơư mak zuôr sir jos cov zos yênhx chor vận động viên cơưv tâu jông”.

Zơưv Lê Hồng Quân, Giám đốc Tsênhv qơư Vênhx huôv Thể thao tỉnh Sơn La puz pâuz chor nhuôv muôx tsêr nhoz đêz, phênhv ntâu muôx luz nênhx txov nhêv. Viv li, thâuv cơưv shâuv tưz tsik zos cơưv txux chi mak tsênhv zos zoz zux, kriê trâu chor nhuôv tso siêz cơưv vênhx huôv thiêz huôv tsar muk ntêr:

“Hâur côngz xưv xêir tsov thiêz chox chor nhuôv lok ntơưv tsênhv qơư kruôz kriê tsuv hla đhâu lok six ntâu kror, txix cxuô mênhx cxưx têx phongx cxưx, txos trâu xênhz huôx sik txơưr, chiê uô tâu nênhx nhoz hâur iz tênhv qơư cxuô zos iz ntu tsuv sir jos kruôz kriê, chiê chor nhuôv truôx siêz, sir jos cơưv shâuv vênhx huôv thiêz cơưv shâuv txux chi thik tưr thể dục thể thao”.

Đros chor cưk kriê ntơưr thiêz shux xênhz li sir jos, thể thao Sơn La thik tưr tâu jông ntâu kror. Shông 2025, Sơn La tưz thik tưr tâu 100 ntâu huy chương hâur têz qơưk thiêz zuôr xar 20 huy chương ntiêx têz. Txix chor jêx jok nhoz đêz txos chor qơư thik tưr lox, Thể thao Sơn La têx thik tưr tâu thiêz chor huy chương nhiv no zos kror hêik txos sir jos hla đhâu têx phiv li, paz cxơưz cxiz trâu sơưr đơưk cơưv shâuv cov thik tưr tâu ntâu đuô thiêz siêz đuô./.

Trấn Long-Lik Thox cxêik nhênhv

Heik kriê phax tar nênhs fêv đas nziêk zuôr muôs lênhx nênhs đhâu mạng xã hội

Hâur ntu têz qơưk hlôngr yiêz, huôv tsar nhiv no, internet thiêz mạng xã hội tưz paz lênhx nênhs ntâu têx jông hâur luz nênhx. Taz sik, đros trâu têx li heik co cux uô tsar ndê chôngz lênhx ntâu nênhs fêv, tiv zix zos nênhs fêv nziêk đas zuôr muôs lênhx nênhs đhâu sâuv mạng xã hội đros thiêz têx tsưr ziv lok six txơưx nziêk đas li: hâux lưv siz nhiêx hli siêz. Lar heik zos nhiv kruôr đhâu, 03 lênhx nxeik shux xênhz nhoz xã Phiêng Pằn, tỉnh Sơn La tưz trâus iz tus nênhs fêv nhoz Bắc Ninh ntâu jiês hu xor tôngx, chos luk tiêk: Muôx hâux lưv uô, nhiêx hli 10 tsov đeiv iz lênhx nênhs iz hlik. Mnôngs trơưk nênhs fêv heik, 03 lênhx nxeik ntơư tưz sơưr cêr ntơưv qơư nhoz, cxov yêz kruô Sơn La-Bắc  Ninh muk uô hâux lưv. Thâuv txos thax tsav xã Yên Châu, Công an tưz zênhx max phax tir thêir thiêz đros paz, chox lok choz trâu chuôz zis.

Chor nênhs fêv khênhr liv zôngv iz cxiê lênhx pêx xênhv, lar heik zos chor tuz nxeik hluôk, nênhs lox tôngv xar zok nriêr hâux lưv uô siêz muôs, zôngx ziv nziêk đas tâu chiê buôk ti, hâuz nziêk. Nênhs fêv muôx têx đas tiêk, zos nênhs xeir zuôr lênhx nênhs uô hâux lưv, kriê zok nriêr nuv uô “nhiêx hli siêz, hâux lưv siz”, tsi tas cơưv ntơưr siêz, lok sik đas tiêk zos nênhs siz pâuz siz sưv đhâu sâuv mạng xã hội chiê luôs lưv tus njênhs, mnôngs trơưk. Đhâu thâuv heik luk, siz thav sưv, nênhs fêv jux juk nziêk đas cov kriê qơư nhoz, têx mông cik txos thiêz xa nhiêx đas cir uô ntêx, lok sik muôx têx nziêk đas muk saz têz qơưk đrâuv tsi trơưk chei thiêz trâus muôs trâu luôs lưv tus chiê zuôv uô têx hâux lưv hnhar tsi trơưk chei.

Iz cxiê tsưr ziv nênhs fêv khiêr nziêk đas nhiv no zos: Krêz uô tài khoản mạng xã hội chuôr, tso mông xeir zuôr nênhs uô hâux lưv; sir zôngv têx đuôz jông chiê hâuz nziêk tâu sei luôs lưv tus njênhs thiêz heik lênhx nênhs co xa nhiêx uô ntâuz ntơưr lok sik nziêk đas uô gâux uô đrâul đhâu sâuv mạng xã hội.

Đhâu têx txuz nziêk đas li no mak lênhx nênhs trâus nênhs fêv nziêk đas trâus ruôr hiêv lok six ntâu. Lơưr tsi tiêk trâus pôngz nhiêx, pôngz chuôz zênhx chuôz tav, tsênhv muôx têx trâus zuôv uô đaz uô tuôs, zuôv uô têx nuv hnhar uô tsi jông txos lênhx nênhs trâus nziêk đas ntơư thiêz chuôz zis txox siê, luz nênhx zar tov kaz.

Chiê phax txar tsi trâus nênhs fêv nziêk đas, tsôngv pêx xênhv sơưr đơưk tsuv chênhr phax thiêz bax jông tsưr ziv zuôr trâus txos trâu zuk. Xuz thơưx, tsi njênhs luôs lưv tus nziêk đas “muôx hâux lưv uô siz, tâu nhiêx hli siêz”, lar heik zos txix têx mông tsi pâuz mênhx sâuv mạng xã hội. Tsi tâu kriê, muôz zuk têx mông, ntâuz ntơưr cik txos trâu luôs lưv tus tsi pâuz tsênhz bê. Tsi xa nhiêx trâu lênhx nênhs tưs thâuv tsi tâu pâuz mênhx lênhx nênhs ntơư.

Iz chas co, tsuv seiz shuôs jông mông xeir zuôr nênhs uô hâux lưv đhâu têx qơư chênhr, cơ quan muôx vax huôv lok sik nênhs muôx suôz đror bê txâuk njênhs. Thâuv sơưr đơưk xar muk uô hâux lưv saz đrâuv 2 chas têz qơưk, tsuv thôngz đhâu têx taz viv tâu chei uô hâux lưv heik sâuv trơưk cui tinhv. Iz chas ntơư, cux tsuv kriê trâu chuôz zis, chor nênhs cxênhz jê chiê tâu paz thiêz heik kriê.

Thâuv qênhz pov zôngx ziv trâus nênhs fêv nziêk đas, tsôngv pêx xênhv tsuv zênhx max heik trâu cơ quan Công an lok sik hâur nov ntơưv qơư pâuz chiê sei đrơưv đros paz, đơưk tu. Iz chas co, sơưr đơưk cux tsuv lok six chênhr phax chiê tsi trâus nênhs fêv nziêk đas, txo grêk tsơưs têx txuz tsi jông li heik sâuv./.

Vừ Chu-Riê Lâux cxeik, nhênhv