Tây Bắc tiêv tiêv ndo txos Tổng Bí thư Nguyễn Phú Trọng- lênhx nênhs lênhs tov siêz jông

          Zơưv Lồng Xênhv Muôk, mênhx cxưx Hmôngz, nhoz jos Km14+km17, xã Trạm Tấu, huyện Trạm Tấu, tỉnh Yên Bái shông 2013 tas nro chuôz zis muôx 4 lênhx nênhs hmôngr jông tâu njiz Tổng Bí thư Nguyễn Phú Trọng hâur jiês zơưv tuôx seiz yuô thiêz uô hâux lưv đros huyện Trạm Tấu.

          Đros zơưv, Tổng Bí thư Nguyễn Phú Trọng zos iz lênhx nênhs lênhs tov txơưx njê, muôx pênhr xưv thiêz lok six sưv jê đros tsôngv box sđ. Zơưv cux lok six shir phaz viv tâu Đảng, têz qơưk tsov cưv hâur krêz uô têx chính sách trâu tox siêz, thax tsav tsôngv box mênhx cxưx tsơưs nênhs thiêz uô Tổng Bí thư Nguyễn Phú Trọng li luk choz kriê, tsôngv box tox siêz xã Trạm Tấu heik cxuô, huyện Trạm Tấu heik taz tưz sir jos côngv siêz, tax tâu ntâu chêx cuk hâur huôv tsar kinh têr, cxuôv yeiz thiv pluôk, luz nênhx ziv hnuz ziv bluô nux.

          Zơưv Cao Đức Hải, kuz Tsar Ban tuyên giáo tỉnh ủy Lào Cai mak ho jông siêz tâu ntâu jiês njiz Tổng Bí thư Nguyễn Phú Trọng thâuv zơưv tuôx seiz yuô Lào Cai, lok sik ntơưv têx hâux lưv tsưr tsix nhoz Trung ương. Zơưv Hải puz pâuz, zơưv cux ndo njôngr txos Tổng Bí thư li tsưr ziv uô hâux lưv, thâuv tưs cux seiz jông têx tsênhv tsênhz nhoz tiv phaz:

          Hâur jiês muk uô côngz xưv ntơưv Lào Cai thâuv co, Tổng Bí thư tưz ntâuk grê lok six siêz trâur nuv tuyên giáo, vênhv tôngv, txơưv nhiv kruôr tâu krêz uô siv. Ciês thâuv đros cán bộ xã Bản Lầu thav tas, Tổng Bí thư tưz ntâuk grê 3 vênhv thix tsuv uô thiêz têx co tưz yênhx luk choz kriê chiê Lào Cai krêz uô muôx chêx cuk trâur nuv tuyên giáo, vênhv tôngv, tov kaz no tâu ntâu tiv phaz hâur têz qơưk cơưv shâuv uô lơưr. Zơưv Hải heik:

          “Lok six kruôk txos Tổng Bí thư, thâuv đros cán bộ tiv phaz thav tas Hloz tưz heik tơưv 3 luôk hâux lưv tsuv tsov cưv, 3 luôk hâux lưv co tưz tâu pêz seiz lok six muôx tsiv grê chiê tsov lơưr krêz uô hâur ntu uô siv. Muk ntâu tiv phaz, ntâu ziv chênhv tsi tâu to tâuz, khov muôx 3 luk choz kriê co mak tưz jux jus uô tâu hâux lưv tax chêx cuk jông”.

          Pêz Đảng li têx yênhx tix tsênhv tsênhz hâur côngz xưv tơưv txênhz phax tar thaz huôz nox nhiêx, têx luok hâux lưv tsi jông têx shôngk jê ntơưv no, mak Tổng Bí thư Nguyễn Phú Trọng zos iz lênhx nênhs lênhs tov zos iz hâur têx luôk hâux lưv paz cxơưz tsôngv box li siêz njênhs txos Đangv.

          Zơưv Bùi Thái Sơn, Phưv Bí thư thường trực Huyện ủy Quỳnh Nhai, Sơn La xar li no, tsi tâu muôx jiês tưs luôk hâux lưv phêv liv no ho tâu uô mak uô tsôngv box njênhs njôngr li ntơưv. Tổng Bí thư li ntâu luk heik lok luôk hâux lưv phax tar thaz huôz nox nhiêx tưz yênhx thôngz yax jông, chuôz cxaz đas jos chiê tas nro cxix luôk chính trị sik đros truôx siêz cxuôv por tsês hâux lưv thaz huôz nox nhiêx, chuôz cxaz tsôngv box li siêz njênhs njôngr txos Đảng.

          “Nênhs Thái muôx lo luk zos “Xưn”- zos iz hâux lưv lok six coaz tsôngv, tiv zix zos hâur côngz xưv phax tar thaz huôz. Tsôngv box lok six pôngz siêz lox thâuv Tổng Bí thư tâu tas siv nênhx, tsôngv box xar njôngr, njênhs njôngr têx lênhx nênhs tưz paz hâux lưv trâu Tổng Bí thư hâur côngz xưv phax tar thaz huôz, têx luôk hâux lưv tsi jông zuôr tror uô jông luôk hâux lưv no. Yuôr tsôngv box li siêz njênhs njôngr txos Đảng mak tror tâu tuôr truôx jông”./.

(VOVTB-Txâur Vax cxeik nhênhv)

Tây Bắc moz siêz tuôr tsês têx txux chi vênhx huôv jông zos đrêiv Tổng Bí thư heik kriê

Nhoz xã Nghĩa Lộ, tỉnh Yên Bái nhiv no, ntơưv cxuô jêx jok tsênhv yuôr lok six chôngz lênhx niêv txir, pos zơưs, chor lâul pâuz thôngz lok heir nênhs Poz Ziz têx txux chi vênhx huôv jông, txix ntơưr sâu txos têx cêr lov jêv, suôz sênhr chêr uô lov jêv, zav nox, têx txux chi uô si thâuv nzor…. Lơưr tsênhv moz siêz, sir jos por hưv, tuôr tsês têx txux chi heik sâuv chiê kriê trâu cxênhx hluôk cơưv shâuv, đros por hưv tsês.

90 ntâu shông, taz sik zơưv Lò Văn Biến, heir nênhs Poz Ziz nhoz jok Cang Nà, phường Trung Tâm, thị xã Nghĩa Lộ, tỉnh Yên Bái cux tsênhv niêx hnuz moz siêz lus kriê ntơưr Poz Ziz thiêz têx txux chi đhiê pax vuôk xòe trâu canr bôv, tsôngv pêx xênhv ntơưv qơư. Zơưv heik pâuz: Hâur ntu chox car tir ntâuk tros châuz, cxiv tsa thiêz huôv tsar têz qơưk, pêz Đảng thâuv tưs tưz seiz hloz txos vênhx huôv. Ntơưv jiês cơưv vênhx huôv tas nro têz qơưk lok hli 11/2021, Tổng Bí thư Nguyễn Phú Trọng cux ntâu jiês heik mênhx “Vênhx huôv zos xã hội qơư khov truôx, tsênhv muôx vênhx huôv mak tsênhv muôx lênhx nênhs, vênhx huôv trâul pôngz, cux tsi muôx lênhx nênhs. Zơưv Biến heik:

“Tưz zos nênhs Poz Ziz mak sơưr đơưk tsuv pâuz zuk heir nênhs muôx txux chi jông tưs. Chor lâul nênhs, têx lênhx pâuz thôngz pâuz cxuô tsuv kriê trâu têx lênhx tsi pâuz, tsi thôngz chiê sơưr đơưk pov thiêz cơưv shâuv”.

Nthuôr uô cêr lov jêv zos hâux lưv thâuv tưs tưz tsuv muôx nhoz têx jêx jok ju lix côngv thôngx hâur cxuô thax tsav Tây Bắc. Co cê zos têx nuv uô sik hux jos, uô muôx cêr lov jêv, shir phaz hâur têx jiês siz chuôs njiz, cê zos hâux lưv uô tsênhv tsênhz chiê por hưv, tuôr tsês heir nênhs têx txux chi vênhx huôv.

Ntơưv tỉnh Điện Biên, thâuv chiv nhênhv 70 shông ntâuk zênhx tros châuz Điện Biên Phủ thiêz shông ju lix 2024, pêx xênhv thiêz tsôngv kruô tuôx hâur tỉnh chôngz đuô viv li têx txux chi, hâux lưv no ziv tâu sir jos uô jông chiê phưx vưv sơưr đơưk. Niêv lâul Lò thị Hương, thơưx seiz car chor tuz nxeik nthuôr uô cêr lov jêv jok Him Lam 2, phường Him La, TP Điện Biên Phủ, tỉnh Điện Biên heik pâuz:

“Chor tuz nxeik hluôk hâur paz nthuôr uô cêr lov jêv mak lênhx tưs cux jông siêz, shir phaz lus sik đros shâuv sênhr chêr nthuôr uô jov jêv, chiê phưx vưv tsôngv kruô, uô tâu trơưk kruô ndis seiz têz qơưk uô si tsưr ziv, siêz nhiêv cux li piêr kriê Điện Biên têx muôx jông trâu tsôngv kruô pâuz txos”.

Ntơưv Sơn La-thax tsav muôx 12 heir nênhs uô nênhx nhoz uô cê, pâuz tsênhz lok Chủ tịch HCM tsưr ziv, siêz xar “Vênhx huôv zos kriê cêr trâu pêx xênhv, têz qơưk huôv tsar” thiêz sir jos uô trơưk Đảng tsưr ziv por hưv, huôv tsar vênhx huôv Việt Nam, hâur co muôx Tổng Bí thư Nguyễn Phú Trọng tưz ntâu jiês khav tinhv “tsênhv muôx vênhx huôv mak tsênhv muôx heir nênhs, vênhx huôv pôngz, tsi muôx lênhx nênhs”, têx shông đhâu cấp ủy, hâu nov thiêz tsôngv pêx xênhv nhoz suôv qơư no thâuv tưs tưz seiz hloz txos por hưv, huôv tsar têx txux chi vênhx huôv txix cxuô phôngz yaox, nuv uô tsênhv tsênhz. Lar heik, iz shông Sơn La puôr lênhx muôz yênhx tyv đeiv chiê paz uô têx hâux lưv vênhx huôv, txux chi cêr lov jêv hâur thax tsav; ntâu qơư hâur tỉnh cux tso tơưv têx tsưr ziv uô jông. Pos Quàng Thị Xuyến, Tsar ban vênhx huôv-xã hội, HĐND tỉnh Sơn La heik pâuz:

“Txos nhiv no, HĐND tỉnh Sơn La tưz tso towuv 05 Nghị quyết cik txos chei paz por hưv, tuôr tsês têx txux chi vênhx huôv tsi chiê pôngz plox. Iz chas co, têx chei paz huôv tsar vênhx huôv heir nênhs tsơưs tâu muôz uô cê đros têz qơưk têx tsaz yênhx huôv tsar kinh tế xã hội thax tsav tsôngv box heir nênhs tsơưs thiêz tox siêz. Thường trực HĐND tỉnh cux choz cxuô Ban hâur HĐND tỉnh tsi so seiz kaz têx hâux lưv phênhz nhiêx txiêx paz zok nriêr tuôr tsêstêx vênhx huôv  cxôngx nzor”.

Tây Bắc, muôx chor tỉnh Sơn La, Lai Châu, Điện Biên, Yên Bái thiêz Lào Cai iz txưv tâu pâuz txos zos thax tsav txov nhêv hâur tas nro têz qơưk. Taz sik, co cux zos suôv qơư jông đros trâu muôx ntâu tsar zav txux chi vênhx huôv.

Pâuz tsênhz lok Đảng tsưr ziv thiêz xưk li Tổng Bí thư Nguyễn Phú Trọng tưz ntâu jiês khav tinhv ““tsênhv muôx vênhx huôv mak tsênhv muôx heir nênhs, vênhx huôv pôngz, tsi muôx lênhx nênhs”, cxuô suôv qơư hâur thax tsav tưz thiêz tsênhv sir jos por hưv, tuôr tsês têx txux chi vênhx huôv tsi chiê pôngz plox, seiz vênhx huôv muôx grik xưk li kinh tế, chính trị, xã hội. Txix ntơư, cxơưz paz đas jos chiê huôv tsar sei thiêz truôx./.

VOVTB-Riê Lâux cxeik, nhênhv

Lai Châu txoz cxơưx luz nênhx nox nhoz trâu nênhs muôx côngz têz qơưk

Pos Phạm Thị Ninh, 82 shông, lênhx tuz lênhv tâu tas siv nênhx viv tsưx phưv têz qơưk Phạm Văn Cởi tus pox niêv luz tsêr nhoz jok 26, phường Đông Phong, TP Lai Châu, tỉnh Lai Châu hâur têx hnuz no muôx nzir cêr shir phaz, lov jêv đuô. Iz chas đoanx canr bôv hâu nov tỉnh tuôx seiz yuô, tôngv zênhx, chuôz zis tsênhv tâu hâu nov ntơưv qơư, đoanx thêv hâur thax tsav tuôx seiz shuôs, muôz huv puz thiêz. Lar heik pos luz tsêr nhiv kruôr tâu ntơưv qơư paz cxiv kho chiê pos tso siêz đuô hâur cheix ntux nas no:

“Cur lok six hmôngr jông thiêz shir phaz tâu sơưr đơưk moz siêz, hluz txos, cur tus txir tưz tâu tas siv nênhx thâuv ntu tir ntâuk tros châuz tsưx phưv têz qơưk, tsês luz côngz bê jông trâu cur uô nênhx nhoz tov kaz. Têz qơưk tưz paz zos đreiv li têx chei lênhx nênhs muôx côngz têz qơưk tâu paz, muôx têx cur tsênhv tâu paz ntâu đuô pir li luôs lưv tus txơưr đuô thiêz. Hâur hnuz đhâu Chủ tịch Ủy ban tuôx muôz huv puz, tưz nus txos cur đas jos, uô trâu cur shir phaz thiêz jông siêz hênhr. Tsi pâuz heik li chas, tsuôk uô tsâus Đảng, Chính phủ thiêz têz qơưk tưz moz siêz, txoz cxơưx txos cur chuôz zis xưz”.

Uô trơưk têx lâul iz txưv kriê “hâuk đêx tsuv ndo njôngr txos hâur đêx” chiê pheiz kênh têx phiv liv, cêr pôngz siêz đros chor nênhs muôx côngz têz qơưk, niêx shông thâuv txos têx hnuz ntênhs, hnuz tsiêz, cấp ủy, hâu nov ntơưv qơư thiêz têx đoanx thêv phường Đông Phong, TP Lai Châu ho siz zâuv tuôx seiz yuô, tôngv zênhx, muôz huv puz trâu zuôr xar 40 lênhx nênhs thiêz chuôz zis muôx côngz têz qơưk hâur thax tsav. Iz chas Đảng, têz qơưk têx huv muôz puz, ntơưv qơư tưz hu zâuv chor nênhs siêz jông siz chos paz tâu ntâu poz huv chiê paz nzir têx lênhx nênhs, chuôz zis muôx côngz têz qơưk; tsưr tsix têx đoanx muk paz max chor chuôz zis muôx côngz têz qơưk tsi muôx qơư khov vav, chuôz zis txov nhêv li: Paz lơưr uô liêx têz, kho têx vax tsêr…. Thiếu tá Bùi Văn Tường, Tsar Công an phường Đông Phong, TP Lai Châu heik:

“Muk seiz yuô têx chuôz zis muôx côngz têz qơưk thiêz chuôz zis tâu têz qơư paz tâu Công an phường xav tinhv, co zos hâux lưv uô tsi so hâur niêx shông. Shông no pêz đros cxuô đoanx thêv thiêz hâu nov ntơưv qơư tưz sik đros paz max thiêz hu lơưk têx lênhx nênhs siêz jông chiê muôz huv puz trâu chor chuôz zis muôx côngz têz qơưk hâur thax tsav phường. Pêz cux xav, no zos hâux lưv uô, hâur ntu zuôr txos canr bôv, chiên sĩ hâur taz viv tsuv fuô uô jông”.

Tỉnh Lai Châu nhiv no tsênhv seiz car zuôr xar 8 cxênhz lênhx muôx côngz têz qơưk têx ntâuz ntơưr, hâur co zuôr xar 650 lênhx tâu sơưv nhiêx paz niêx hli. Hâur 4 shông đhâu, ntơưv qơư tưz muôz nhiêx paz niêx hli, nhiêx paz iz jiês trâu 5 cxênhz ntâu lênhx nênhs muôx côngz thiêz chor nênhs muôx côngz têz qơưk li nênhs hâur tsêr; cxiv uô thiêz paz kho đuô 40 ntâu luz tsêr trâu têx chuôz zis li heik sâuv muôx luz nênhx txov nhêv. Khov cấp ủy, hâu nov ntơưv qơư, cxuô cơ quan, đoanx thêv hâur thax tsav thiêz chor nênhs siêz jông moz siêz paz, txos nhiv no 100% nênhs muôx côngz têz qơưk hâur thax tsav tỉnh muôx luz nênhx jông thiêz truôx tuk đuô. Zơưv Đèo Văn Thương, Giám đốc Sở Lox tôngv, Saz pênhz thiêz xã hội tỉnh Lai Châu heik pâuz: 27/7 shông no, iz chas zuôr xar iz cxênhz poz huv, tsiv gri nhos 300 tsov đeiv trơưk li Đảng, têz qơưk chei paz, ntơưv qơư tưz tsês 800 tsov đeiv ntâu chiê uô 400 ntâu poz huv muôz puz trâu têx chuôz zis, lênhx nênhs muôx côngz têz qơưk. Iz chas ntơư, cxuô cấp ủy Đảng, hâu nov ntơưv qơư, đoanx thêv hâur thax tsav cux tsês ntâu nhiêx txiêx chiê uô têx luôs hâux lưv seiz njuôk shuôs đas jos, zuôr huv puz trâu chor nênhs, chuôz zis muôx côngz têz qơưk thiêz cxiv kho têx côngz trênhx ndo txiêx njis chor tuz lênhv tâu tas siv nênhx viv tsưx phưv têz qơưk.

“Uô trơưk Đảng, têz qơưk chox kriê, lar heik zos Bộ Lox tôngv, Saz pênhz thiêz xã hội, ndax 27/7 niêx shông cux li bax tok tsiêz têz qơưk, Tỉnh ủy, HĐND, Ủy ban MTTQ Việt Nam tỉnh thiêz cxuô cấp, cxuô ngênhx cux tưz zênhx max muk seiz shuôs chor nênhs muôx côngz têz qơưk hâur tas nro thax tsav tỉnh. Iz chas Chủ tịch têz qơưk thiêz tỉnh têx huv, chor nênhs siêz jông, cxuô doanh nghiệp cux moz siêz, paz têx chuôz zênhx, hax huv uz no trâu têx lênhx nênhs muôx côngz”.

Luôs hâux lưv fuô uô têx chei cux li tsoz phưz, txoz cxơưx trâu chor nênhs muôx côngz têz qơưk hâur thax tsav tưz paz gra siêz lơưr luz nênhx nox nhoz xênhz huôx. Đhâu ntơư, uô tâu trơưk têx chei “hâuk đêx ndo njôngr txos hâur đêx” chiê ndo côngz pâux txiêx njis têx lênhx tuz lênhv tưz tâu tas siv nênhx thâuv ntur tir ntâuk tros châuz viv tsưx phưx têz qơưk, paz pêx xênhv njênhs njôngr lok Đảng, têz qơưk thiêz tỉnh Lai Châu têx tsưr ziv, chei paz./.

Khắc Kiên-Riê Lâux cxeik, nhênhv