Sir jos cov Sơn La tơưv đhâu thax tsav qơư phiv liv lok zax zênhz

Zênhx zos iz hâur têx qơư phiv liv lok zax zênhz thâuv ntêx, xar Thôm Mòn, huyện Thuận Châu, Sơn La nhiv no tưz hlôngr yiêz ntâu. Uô tâu li no zos muôx cấp ủy, chinhr quyền li sir jos đros muôx pox nhuôs thôngx ziv siêz hâur tsav txênhz, hêik pâuz chor nênhs uô cxâuv thiêz sir jos tir tar zax zênhz. Zơưv Quàng Văn Chính, xar muôx 60 shông, nhoz jok Hợp Nhất, xar Thôm Mòn piêr:“Thâuv ntêx no zax zênhz hâur luz jok no mak phiv liv hênhr, txix zax zênhz uô muôx tuz saz tuz nhiês… Đhâu muôx tâu chor hâu nov li chox kriê, jêx jok yênhx lix tôv chiv chir sêiz car txix 2012, nênhs muôx zênhk zax zênhz mak chox muk chiv zênhk, uô cxâuv chêi mak chox muk cơư, tir tar jông têx qơư muôx tuz saz tuz nhiês, muôx zênhk zax zênhz… nhiv no pêx xênhv luz nênhx tưz truôx tuk lơưv”.

Huyện Thuận Châu muôx 29 xar, thị trấn, cêr muk lok phiv liv, thax tsav muôx ntâu trôngz jôngr ntông, muôx ntâu cêr lus, cêr zâu, pêx xênhv uô nênhx nhoz tsik siz jê; muôx đriv têz đros ntâu thax tsav qơư, hâur co muôx têx qơư phiv liv lok zax zênhz li huyện Tuần Giáo, tỉnh Điện Biên… uô trâu côngz xưv tsav txênhz phax tar chor nênhs phamv cxâuv zax zênhz njiz ntâu kror phiv liv. Thượng tá Nguyễn Đình Khiêm, Phưv Trưởng Công an huyện Thuận Châu, tỉnh Sơn La puz pâuz: Lưx lươngv tưz sir jos hêik pâuz thiêz kriz uô ntâu tsưr ziv hâur kriz uô Đề anr hlôngr yiêz, cxiv tsa xar, phường, thị trấn tsik muôx zax zênhz sâuv thax tsav:“Pêz chuôz cxaz nênhs muk trâu cxuô thax tsav qơư chiê nriêr pâuz qênhx shênhx, qênhz shuôk bê ntơưr chor nênhs cik txos zax zênhz, uô ntâuz ntơưr sêiz car chor nênhs sir zôngv cux li muôx zênhk zax zênhz; chox kriê têx taz viv choz trâu yênhx lênhx nênhs sêiz car thax tsav sêiz shuôk jông, tsik chiê muôx yưv têx qơưk muôs zax zênhz sâuv thax tsav”.

Txơưv qênhx shênhx nênhs phamv cxâuv, txiêz nanv zax zênhz phiv liv, muôx tsơưs nênhs tsuv tâu sêiz car ntơưv thax tsav qơư, taz sik xar Chiềng Đen, TP Sơn La ho nhoz jê thax tsav muôx ntu cêr lox 6 txuôk đros têx tỉnh muôx ntus đriv, phiv liv lok zax zênhz, viv li cux muôx yưv ntâu kror phiv liv lok nênhs phamv cxâuv, txiêz nanv zax zênhz…Zơưv Tòng Văn Pâng, Bí thư Đảng ủy xar puz pâuz, shông 2023, Chiềng Đen tâu Ban chox kriê lok chuôz cxaz lênhx tov, chox kriê côngz xưv phax, tar thiêz qênhz yuôx zax zênhz tỉnh Sơn La thiêz thành phố Sơn La xêir tsov chiê uô hlôngr yiêz, cxiv tsa thax tsav tsik muôx zax zênhz. Đros muôx tas nro cxiv luôs chinhr triv đros uô, đhâu xar muôx 1 shông kriz uô Đề anr, xã Chiềng Đen tưz tâu côngz jênhv zos taz viv, thax tsav tsik muôx zax zênhz:“Đảng ủy tưz lênhx tov, chox kriê, tsưr tsix hlôngr yiêz thax tsav lok zax zênhz đros trâu hlôngr yiêz thax tsav lok ngaz tuk; paz muôx thôngx ziv siêz hâur jênhv pâuz, huôx tôngv thiêz phuôx huiz tâu đas jos tas nro cxiv luôs chinhr triv. Cxiv vênhv tôngv tas nro pêx xênhv cxaz chuôz hlôngr yiêz thax tsav tưz txêik tâu canr bôv, pêx xênhv sâuv thax tsav thôngx ziv đros uô. Canr bôv thiêz pêx xênhv sir jos hêik pâuz chor nênhs phamv cxâuv thiêz txiêz nanv xar hôiv”.

Tỉnh Sơn La muôx ntus đriv ntêr đros 6 huyện nhoz ntus đriv, chor nênhs phamv cxâuv tưz liv zôngv kror no chiê thâux gra zax zênhz lok hâur têz qơưk Việt Nam chiê muôs thiêz thâux gra muk trâu têx tỉnh txơưr. Têx shông jê lok no, chor nênhs phamv cxâuv zax zênhz tsik so hlôngr đuô têx tsưr ziv uô chiê tsik trâus chor lưx lươngv muôx vax huôv cxov tâu.

Đề anr “Hlôngr yiêz, cxiv tsa xar, phường, thị trấn sâuv thax tsav tỉnh Sơn La tsik muôx zax zênhz ntu 2023-2025, tsưr ziv uô txos shông 2030” tso tơưv tsưr ziv txos shông 2030, 100% xar, phường, thị trấn, cơ quan, taz viv, tsêr cơưv ntơưr tsik muôx zax zênhz; paz trâu Sơn La tơưv tâu đhâu têx thax tsav qơư phiv liv lok zax zênhz hâur tas nro têz qơưk. Chiê uô tâu tsưr ziv no, Sơn La tưz thiêz tsênhv huiz tôngv tas nro cxiv luôs chinhr triv đros uô. Zơưv Kha Mạnh Sâm, Phưv Trưởng ban Thường trực Ban Dân Vân Tỉnh ủy Sơn La puz pâuz:“Pêz tưz chos kriê, sik côngv đros Mặt trận Têz qơưk thiêz chor tsưr tsix chinhr triv-xar hôiv, lưx lươngv vũ trang yax kriê, hêik chor đoàn viên, hôiv viên thiêz pêx xênhv uô jông lơưr chor phongz yaox, cxiv vênhv tôngv, nriêr pâuz qênhx shênhx hâur chor jiês muk uô côngz xưv ntơưv têx jêx jok, xar. Đros co, chox kriê cxiv luôs dân vận nzor hêik pâuz cxiv tsa tsưr ziv “dân vận txơưx” hâur phax tar zax zênhz”./.

                                                                                                              Lê Hạnh-Lik Thox cxêik nhênhv

Têx lênhx pox niêv uô hâux lưv sâu xor xưv nhoz tox siêz Lai Châu

“Pêz njiz lok six ntâu phiv liv, xuz thơưx zos cêr muk lol. Thâuv cheix ntux nas têx cêr lok six bluô, muk lol phiv liv cơưk, poz jêz muôx têx xưz poz thâuv tưs lok pâuz tsi tâu. Tiv 2, pêx xênhv tsi yuô tâu muôx tsưr ziv jênhv pâuz, viv li sâu xor xưv, yax mông tsi zôngx ziv hlo”.

“Thax tsav tox siêz ntus đriv, cur thiêz têx lênhx đros uô hâux lưv uô cê thâuv tưs muk côngz xưv, khênhr muk ntêr hnuz thiêz cheix yêz meir, muôx kênh jiês muk tơư tas ntâu six hơưv thiêx txos qơư sâu têx mông. Muôx têx hnuz lok nas, yêz tsi jông tos cêr, pêz tsuv thơưz yêz muk yênhx cêik cêr”.

Niêv lâul Nguyễn Quỳnh Trang nhoz Đeix nta suôz-xa đuôz tỉnh Lai Châu txos nhiv no tưz uô hâux lưv sâu xor xưv tâu 10 tơưv shông, taz sik cux tsênhv sơưv nhiêx hli lok six tsơưs. Têx li heik no cux iz zav li niêv lâul tsi tâu sơưv cơ quan têx chei paz tưs hlo thiêz phênhv sâu tâu cux tsuôk zos mê njik têx nhiêx txiêx sâu xor xưv hâur yênhx hli xưz. Cê txoz cxơưx trâu luz nênhx, têx tuz nhuôs, cê lês uô jông luôs hâux lưv zok muôz, niêv lâul tsuv sir jos uô hâux lưv hâur niêx hnuz, tsi so muk yênhx thax tsav, suôv qơư chiê sâu xor xưv, têx mông. Niêv lâul heik pâuz, iz jiês muk uô hâux lưv sâu xor xưv, iz jok, iz thax tsav qơư puôr lênhx uô trâu niêv lâul muôx têx cêr shir phaz, jông siêz thiêz njiz trâul têx phiv liv nhiêk txơưr nhiêk tsi siz thôngx:“Jiês muk uô hâux lưv jê no yax uô trâu niêv lâul cux muôx ntâu cêr jông siêz thiêz phiv liv, co zos muk cxeik đuôz, sâu têx mông lok pax đỗ quyên nhoz tox siêz. Zos iz lênhx tuz sâu xor xưv, thâuv muk ndê trôngz siêz, cur thâuv tưs tưz sir jos đros đreiv đoanx, muôx kênh qiv tsuv muk uô ntêx hlo chiê cxeik tâu đuôz tas nro sơưr đơưk hâur đoanx. Txơưv muk njiz lok six ntâu phiv liv, taz sik cur puôr lênhx xar tiêk, tsuv sir jos hla đhâu têx phiv liv, cêr txov ntơư xưz. Thâuv muk txos sâuv trôngz siêz, pov têx pax tơưs yiêz, jông jav uô trâu cur tưz tsi ndo gênhk hlo. Cur shir phaz tâu lês uô luôs hâux lưv sâu xor xưv, viv tưz uô trâu cur pov đêz pov đar, pâuz txos ntâu tsar zav jông”.

Thôngz sâu têx mông niêx hnuz sâuv ntơưr pov tsir điện tử thiêz sâu, uô đreiv 20 ntâu ntơưr pov tsir, pov tsir kaz ciêz, pov tsir trâu tsôngv box cxuô heir nênhs thax tsav tox siêz iz hlik, chênhr viv hâux lưv ntâu li ntơư, chor nênhs uô ntơưr pov tsir nhoz pov tsir Lai Châu tsuv sir jos thiêx lês uô tâu tiêr têx hâux lưv zok muôz. Chiê tso tâu têx mông trơưk six hơưv, cui tinhv, taz por tsơưr lươngv, yax xa têx mông jông, zov chênhr txos trâu tsôngv lax pêx xênhv, têx lênhx nhiêv mnôngs Đeix, nhênhv ntơưr pov tsir zênhx max thiêz sei đrơưv, iz chas têx mông hâur niêx hnuz, chor tuz sâu xor xưv tsuv tsiv uô, sâu tâu txix 15-20 jax sâu iz hlik.

Pos Vũ Thị Thu Hương, Phưv Tổng Biên tập pov tsir Lai Châu heik pâuz: Xav hur si chor tuz sâu xor xưv cir hux thôngx đros paz uô hâux lưv sâu xor xưv, taz viv nhiv no tưz muôx tsi txos 20 lênhx nênhs uô hâux lưv sâu têx mông, xor xưv, hâur co 80% ntâu tuz sâu xor xưv zos pox niêv:

“Muôx kênh jiês chor tuz sâu xor xưv pox niêv muk uô côngz xưv trâu thax tsav tox siêz đêz đrôngs, luz cheix ntux nas lơưr nhoz hâur thax tsav xar muôx yênhz luz hlik lok tsi tâu tsêr. Thâuv co xor tôngx lok hu tsi tâu, têx xor mông lok xa tsi tâu lok viv li cux njiz trâul ntâu phiv liv cơưk thiêz uô tuôr thênhv txos six hơưv yax xa têx mông. Txov thiêz phiv liv li ntơư, taz sik chor tuz sâu xor xưv pox niêv hâur pov tsir Lai Châu  cux sir jos lês uô tiêr têx hâux lưv zok muôz. Lơưr zos têx lênhx moz siêz uô hâux lưv, muôx txơưx jênhv thiêz zos têx lênhx nênhs uô ntêx nyuôs hâur cxuô cêr nuv; chiê uô li chas yax xa têx mông jông, zov chênhr txos tâu sei  trâu pêx xênhv sơưr đơưk”.

Zơưv Nguyễn Viết Mạnh, Chủ tịch Hội ntơưr pov tsir, Tổng Biên tập pov tsir Lai Châu heik pâuz, têx lênhx nênhs uô hâux lưv sâu xor xưv hâur Hội ntơưr pov tsir Lai Châu nhiv no muôx zuôr xar 100 lênhx, hâur co chor tuz sâu xor xưv pox niêv tsav iz đraz. No zos têx cơ quan pov tsir ntơưv qơư iz hâur têx phiv liv, thâuv tsuv lês uô luôs hâux lưv yax xa têx mông nhoz iz thax tsav txov nhêv, lox đar, phiv liv muk lol. Txơưv li co, taz sik Hội pov tsir têx hâux lưv uô tâu jông mak muôx tsi tsơưs chor pox niêv sâu xor xưv têx côngz đas jos paz. Têx coz nas chuô lox, tox xưz poz nhoz tox siêz đêz đrôngs; lok sik thâuv ntu muôx moz Covid-19 huôv xênhz phiv liv....thax tsav, suôv qơư tưs cux pov chor tuz sâu xor xưv pox niêv muk txos.

“Đros thiêz têx phiv liv, cuz nxor li ntơư, taz sik chor tuz sâu xor xưv pox niêv cux tsi so yax xa tâu têx mông, xor xưv jông txos trâu tsôngv pêx xênhv sơưr dơưk. Lơưr tsi so sâu thiêz muôx têx mông jông heik lol luz nênhx xênhz huôx, cêr huôv tsar uô nox uô hnar, paz cxơưz sơưr đơưk truôx siêz, sir jos khưr huôv tsar uô nox. Chor pox niêv uô hâux lưv sâu xor xưv ntơưv qơư zos lênhx sir jos hla đhâu phiv liv, cêr txov hâur luz nênhx, lar heik lơưr tưz muôx tsưr ziv jông, cxơưz cxiz ntâu lênhx pox niêv vir ndâuk txơưr đuô sir jos hla đhâu têx phiv liv”.

Nhạc nền.....

Đhâu 20 ntâu shông pheiz thiêz yênhx lix, tỉnh Lai Châu tưz huôv tsar lok six ntâu thiêz tsênhv sir jos txos shông 2030 chiê yênhx tỉnh huôv tsar hâur thax tsav tox siêz faz Bắc. Hâur yênhx ntu sir jos thiêz huôv tsar, muôx tsi tsơưs chor tuz sâu xor xưv, hâur ntơư muôx chor pox niêv tưz sir tas ntâu đas jos, tsưr ziv sâu xor xưv./.

                                                                                                      Khắc Kiên-Riê Lâux cxeik, nhênhv