Kênhx-suôz đror uô muôx cêr fôngx zưs, siz hluz sưv jông

Nhạc khèn bè

Zơưv Lò Văn Biến nhoz phường Tsênhv qơư, thị xã Nghĩa Lộ, tỉnh Yên Bái heik, nênhs Poz Ziz muôx iz jax pêv piêr lok traz kênhx tiêk: Thâuv ntêx muôx iz lênhx hluôk tuz xênhv Lò luz nênhx lok six txov nhêv, siêz jông thiêz txơưx yuôz trax, iz tus nxeik bluô nux hâur thax tsav lok six nhiêv lênhx hluôk tuz co hênhr, taz sik tus nxeik ntơư niêv thiêz txir tsi puz 2 tus tuz nxeik no siz thav, uô gâux đrâul, lênhx hluôk tuz lok six qiv thiêz tưz khiêr tsi nhoz hâur jok. Muk muk, muôx iz hnuz muk txos trâu iz tus đêx lênhx hluôk tuz ntơư tưz jâuv ntơưv ntus đêx muôz trax lok yuôz uô si, đơưk cêr qiv. Thâuv co, nưk tưz njiê pov ntâu tus shôngz ziês thiêz jông gâux ntơưv ntus đêx, li muôz chor shôngz co txiêr lok khi par uô cê yuôz sêz ho đror jông li chas, thâuv khi par tâu uô cê yuôz chas ho đror nhiêk txơưr nhiêk tsi siz thôngx lok six jông mnôngs. Txix thâuv co lok, têx fôngx zưs, luôs lưv tus thiêx cơưv shâuv, uô trơưk lênhx hluôk tuz pluôs no: “Chor kênhx no mak zôngv yuôz uô si, đhiê pax vuôk xòe hâur têx cêr lov jêv, jông siêz li: Txênhv tsêr yiêz, nox yôngz cok, tas nro têx cêr lov jêv mak puôr lênhx muôx kênhx đros. No cux zos iz zav trax, zav kênhx thâuv tưs tưz zuôr tsuv muôx hâur nênhs Poz Ziz têx cêr lov jêv. Txix lâul hluôk txos trâu hloz zâu lênhx tưs cux nhiêv kênhx hur si”.

Kênhx tâu muôz 14 zak shôngz chox lok khi par uô, chor shôngz no zos têx shôngz kênhs, shôngz trơưv ziês jông gâux, tơưr nhiêk, zak ntêr. Thâuv muôz têx zak shôngz lok par khi uô kênhx mak iz saz muôx 7 ntir. Luz tâuz kênhs zos muôz ntông uô, lơưr tho iz luz kror chiê yuôz, zar hâu đrav mak muôz chiêz mur lok njơưk, lok lo cov ntov trâu. Iz hâur têx phiv liv uô yax zos jêik uô chor blêiv kênhx, tsuv jêik uô li chas cov tuôz nhiêk thiêz chi iz zav li đror gôngr jông, taz sik 14 ntir kênhx co nhiêk đror nhiêk tsi siz thôngx, iz zav li ntir no đror lâul, ntir tov đror sôngz….., yuôz heik tâu lok têx cêr jông siêz, cêr qiv, xênhz huôx, uô pax lul heik trâu tus zuk hluz zuk nhiêv, ndo yuô. Chênhr viv li, kênhx thâuv tưs tưz tâu yuôz uô lov jêv hâur nênhs Poz Ziz luz nênhx xênhz huôx niêx hnuz thiêz hâur têx cêr nthuôr uô si lov jêv uz no. Zơưv Cầm Văn Hoa nhoz xã Hạnh Sơn, lênhx khênhr jêik uô kênhx phưx vưv têx ntênhs hội lox nhoz Nghĩa Lộ heik: “Uô kênhx mak mê njik phiv liv uô, tsuv tas nhos 10 tơưv hnuz thiêx uô tâu iz trax đror jông yuôz”.

Kênhx seiz njiê mak zôngx ziv taz sik thâuv yuôz đror lok six jông mnôngs, uô lênhx nênhs mnôngs tsi đhuôr xưk iz zav li gơưv tuz nxeik hluôk uô gâux đrâul siz sưv jông, ziv heik ziv moz siêz, ziv ndo yuô. Kror lar heik zos, traz kênhx Poz Ziz muôx têx suôz đror lâul, lơưr chor nênhs txơưx yuôz khênhr hu uô suôz kênhx niêv kênhx txir, thâuv yuôr uô têx ntir kênhx txơưr đuô đror đros lok six jông mnôngs. Zơưv Lò Văn Chính nhoz phường Tân An, thị xã Nghĩa Lộ heik pâuz: “Đros thiêz nênhs Poz Ziz nhoz Nghĩa Lộ, tsuv muôx traz kênhx no, co zos iz zav thâuv tưs tưz zuôr tsuv muôx hâur luz nênhx xênhz huôx niêx hnuz”.

Ntơưv thị xã Nghĩa Lộ, chor nênhs Poz Ziz txơưx yuôz kênhx, yuôz trax tưz xar tsưr ziv tsiv uô têx traz kênhx lox, siêz muôx 2, 3 thiêr tâu Guinnes Việt Nam côngk nhav. Iz chas co, chiê por hưv, tuôr tsês jông têx kênhx no tsi chiê pôngz plox, ntâu lớp shâuv jêik uô thiêz yuôz kênhx cux tâu krêz nhoz cxuô jêx jok, tsêr cơưv trâu têx tuz nhuôs, cxênhx hluôk cơưv shâuv, đros tuôr tsês, por hưv chiê. Tix lâus Lê Thanh Tùng, nhoz phường Pú Trạng, thị xã Nghĩa Lộ heik pâuz: “Ntu jê lok no lok six ntâu chor hluôk lơưr tưz pâuz txos zuk heir nênhs têx txux chi cêr nênhx vênhx huôv, lar heik zos têx kênhx thiêz trax. Thị xã krêz têx lớp shâuv jêik uô trax, kênhx thiêz shâuv yuôz, muôx lok six ntâu tus chôngz lênhx hluôk tuôx cơưv shâuv”.

Nhạc khèn bè rộn ràng đến hết bài…

Txos shông yiêz, suôz kênhx ho đror lov jêv ntưk trâu cxuô jêx jok nênhs Poz Ziz nhoz Mường Lò, thax tsav tâu seiz zos nênhs Poz Ziz Đuz li suôv qơư nhoz; Suôz kênhx đror uô lênhx nênhs muôx cêr shir phaz, jông siêz, siz hu zâuv sơưr đơưk đros nthuôr uô si lov jêv…. Co cux zos thâuv sơưr đơưk siz hu zâuv tuôr têk đhiê pax vuôk xòe, hơưv tok tsôngv kruô luôs 2 chas thax tsav qơư tuôx Tây Bắc ndis seiz têz qơưk uô si hâur cheix ntux yiêz./.

                          (Đinh Tuấn-Riê Lâux cxeik, nhênhv)

Du lix faz Bắc hâur chêix ntux yiêz

            Nhạc nền dân tộc…….

            Shông 2022, nzênhx du lix Sơn La tưz uô tâu ntâu luôs hâux lưv jông thiêz tok tâu 3,2 triệu lênhx kruô tuôx sêiz shuôk têz qơưs, tsôngv px muôx phênhv sâu tâu 2.800 tỷ đêiv nhiêx, bâuv li 3 jiês pir li shông uô ntêx. Iz hâur têx qơư muôx chôngz lênhx kruô tuôx ndis shuô uô si zos ơư ndis shuôk têz qơưs Mộc Châu-Sơn La. Pos Nguyễn Thị Hoa, Phưv Chủ tịch UBND huyện Mộc Châu hêik pâuz: “Pêz xav tiêk, sir jos uô tâu têx luôs hâux lưv hêik ntơư cux tsik zôngx ziv. Chênhr zos li hêik ntơư, hâur ntu zuôr txos no, hâu nov huyện Mộc Châu pêz tsênhv zuôr chêx chôngk uô truôx jông cxuô luôs hâux lưv tso tơưv, cov ziv hnuz ziv cxiv uô tâu truôx luôs hâux lưv huôv tsar du lix Mộc Châu thiêz cxươz cxiz têx lênhx nênhs siêz jông muôz pênhr nhiêx tuôx cxiv uô cov ziv hnuz ziv muôx chôngz lênhx kruô tuôx ndis shuôk txos Mộc Châu”

        Đhâu iz ntu ntêr tror kriz kror trôngx huôv tsar du lix, tỉnh Điện Biên tưz kriz cơưv ntâu jiês hêik lok cxuô xor xưv hêik lok kriz ntênhk hội pax lâus shông 2022 thiêz hnuz hội vênhx huôv du lix ntus đriv VN-Lok Tsuôk jiês tiv 3 thiêz sir zôngv iz cxiê côngz trênhx vênhx huôv Pa no ra ma, Qơư shov chor tuz lênhv hâur ntu đrav ntêx tir ntâuk tros châuz Điện Biên Phủ tâu tas siv nênhx đros trâu cêr yêz ntux za txix Đrôngl HCM tuôx trâu Điện Biên tưz uô tâu tiêr kaz shông uô ntêx; chênhr zos li hêik ntơư, tsôngv kruô tuôx sêiz shuôk têz qơưs txos Điện Biên hâur shông 2022 đhâu, zos 810.000 lênhx, tsa ndê 3 jiês pir li shông uô ntêx; tsôngv px muôx phênhv sâu tâu 1.400 tỷ đêiv…Pos Trần Thị Liễu, iz lênhx kruô nhoz đrôngl HCM tuôx ndis uô si txos Điện Biên shiê phaz lul hêik pâuz: "Tov kaz 16 shông, cur tror tuôx sêiz shuôk txos qơư tsês cxuô zav chuôz zênhx tir ntâuk zênhx tros châuz Điện Biên phủ; lar hêik zos đêiv đuôz Pa no ra ma, tir ntâuk zênhx tros châuz Điện Biên Phủ".

        Ntơưv tỉnh Yên Bái – muôx trôngz Khau Phạ zos iz hâur têx qơưs jông jav ndis uô si, sêiz shuôk têz qơưs hâur pêz têz qơưs VN thiêz zos hêir nênhs poz ziz thax tsav qơư tuôr tsês tâu têx txux chi, vênhx huôv jông cxôngx nzor. Thiêz xav hâur shông 2022 đhâu,  tsênhv qơư no tưz tok tâu iz triệu 600 lênhx kruô tuôx sêiz shuôk; hâur ntơư kruô oz chas têz qơưs tax tâu 28 cxênhz lênhx; muôx phênhv sâu tax tâu 1.100 tỷ đêiv. Vũ Thị Hiền Hạnh, Phưv Chủ tịch UBND tỉnh Yên Bái hêik pâuz: "Tỉnh Yên Bái chêx chôngk yax kriê, cxơưz cxiz, cxuô tsưr tsix, têx lênhx nênhs siêz jông muôz pênhr nhiêx tuôx huôv tsar uô du lix thiêz tsiv uô cxuô zav hax huv du lix cov huv đros tsôngv kruô siêz nhiêv".

        Zơưv Hà Văn Thắng, Giám đốc Sở Du lịch tỉnh Lào Cai cux hêik pâuz tiêk: shông 2022, muôx txos 4,5 triệu lênhx kruô tuôx sêiz shuôk têz qơưs; kruô oz chas têz qơưs tax tâu 108.000 lênhx, yax 2 jiês pir li shông 2021.

          Shông 2023, đros trâu luôs hâux lưv chiv nhênhv 120 shông Sa Pa, tưz cxơưz cxiz tâu chôngz lênhx kruô Trung Quốc tuôx ndis shuôk têz qơưs tsênhv zuôr tsar ndê siêz. "Trơưk li njuôk xav, tsôngv kruô oz chas têz qơưs tuôx sêiz shuôk têz qơưs trâu thax tsav tỉnh Laox cai hâur shông 2023 cux zuôr tsar ndê siêz txix ciês hâur shôngk shông yiêz. Njôk xav chor kruô oz chas têz qơưs tuôx ndis uô si zuôr tsar ndê 3 – 5 jiês oir li shông uô ntêx”

          Nhạc nền dân tộc tươi vui

        Têx suôz kênhx, suôz trax đror lov jêv lul trâu thax tsav tox siêz faz Bắc pêz têz qơưs, cux cxơưz cxiz tâu tsôngv kruô tuôx uô si, sêiz shuôk têz qơưs hâur chêix ntux yiêz shông 2023, tsôngv px zuôr muôx phênhv sâu tâu nhiêx txiêx muôx luz nênhx truôx tuk tsâu sor./. 

                                     Tsu cxêik nhênhvThu Thùy- VOV Tây Bắc