Tir tar chor nênhs fêv nziêk đas siz zuôr đhâu mạng xã hội

Nhiv kruôr muôx 14 shông, siz pâuz đhâu sâuv mạng thiêz xar hlôngr yiêz luz nênhx. Taz sik đhâu ntus đriv, lênhx nxêik mênhx cxưx Hmôngz H.T.C, nhoz Điện Biên ho trâus nziêk đas siz zuôr uô niêv txir no, trâus ntâuk tsiv. Đhâu oz shông thiêx khiêr điv tâu tror lok ntơưv qơư nhoz, C cux tsênhv lok six nyêi thâuv xar txos ntu co: “Lơưr hêik tiêk zuôr txir saz Trung Quốc mak muôx tâu luz nênhx jông, xar zuôr đaz tsi cux tâu, txir lok six hluz pox niêv... viv li cur thiêx muk. Thâuv muk txos saz tor mak tsik jông li zuk siêz xar, tsik zos li lơưr hêik. Muk txos mak xar tror lok tsêr xưz”.

Tror lok txos tsêr, têx kror trâus saz đrâuv tơưr grêix mak zuôr txơưx jông, taz sik hâur siêz mak zuôr nhoz đros đrêiv. Txêik jênhv, thiêz chơưv kho trâu chor nênhs trâus nziêk đas, zơưv Đinh Minh Nghĩa, Phưv Giám đốc Tsênhv qơư Côngz xưv xar hôiv thiêz Bảo trợ xar hôiv tỉnh Lào Cai puz pâuz: “Nênhs trâus nziêk đas mak zuôr lok six nyêi tiv trâus ntâuk tsiv, zuôv uô đaz uô tuôs. Pêz tso canr bôv muk njiz yênhx lênhx nênhs chiê nriêr pâuz, hêik kriê, sêiz sêz lơưr njiz phiv liv kror tưs mak paz trâu lơưr...”

Txix chor nênhs trâus nziêk đas tror lok hêik pâuz, lưx lươngv pênhz phax tưz kriz uô hâux lưv tir tar. Sêiz car chor chuyên anr tir tar cor nênhs zuôr muôs lênhx nênhs, Trung tá Vũ Trần Minh Đạt, Zênhx tsar Zênhx pênhz phax Trôngx đriv Ntiêx têz Lào Cai hêik pâuz tsênhz txos kror phiv liv no: “Hâur chor txuz anr muôx ntâu kror puz pâuz chor nênhs fêv liv zôngv siz zuôr chiê đas nziêk muôs lênhx nênhs. Hâur côngz xưv tir tar, lưx lươngv tưz tir tar tâu oz chuyên anr tsưr tsix zuôr muôs lênhx nênhs tsik tâu muôx 16 shông txix tsưr ziv đas nziêk siz zuôr uô niêv txir. Đhâu đas nziêk tâu, chor nênhs sơưr thơưx, đas nziêk tsik so khiêr ntơưv qơư nhoz muk gâuv, lok sik muk uô hâux lưv ntơưv têx qơưk công nghiệp kuôk Lào Cai txix 300 txos 500 cêik cêr”.

Khiêr muk gâuv muôx yênhx puô cêik cêr, chor nênhs fêv co cux trâus lưx lươngv pênhz phax ntêk cxov tâu, chor lok tik cêr cxâuv trơưk chêi têz qơưk. Taz sik, chiê tir tar tâu jông chor nênhs fêv nziêk đas zuôr muôs lênhx nênhs, đros chor lưx lươngv muôx vax huôv têx tsưr ziv uô, kror zov chênhr tiv zix ntơưv ntus đriv cux zos yênhx lênhx nênhs tsuv pâuz, sêiz shuôk jông, sir jos nriêr pâuz thiêz đros tir tar cov tâu jông chor nênhs fêv no./.

An Kiên-Lik Thox cxêik nhênhv

Tsưr ziv jênhv pâuz thiêz sir zôngv zav nox truôx tuk

Tsưr ziv jênhv pâuz zav nox truôx tuk

-Pâuz tsênhz qơư tsiv uô: Tsov cưv xeir tsov zav nox pâuz tsênhz qơư, hnuz nhôngs uô, hax sir zôngv.

-Muôx cxix cxuô ntâuz ntơưr: Đros thiêz têx zav nox krưr, ntiv hâur hnaz, hâur tơưz tsuv krưr ntiv jông, tsi ntuôs, tsi su lok sik txơưr txar li chas. Iz chas ntơư, ntơư lo chiv tsuv sâu cxix cxuô têx mông trơưk cui tinhv chiê lênhx nênhs sir zôngv zôngx ziv qênhz yuôx uô ntêx thâuv zuôr zôngv.

-Têx pâuz thiêz njiê pov tâu: Chor jâuz, txir ntông tsuv zos jâuz, txir ntông nhôngk, tsi njưk, tsi tuôs lok sik njôngs lưx. Têx grêix tsuv yiêz khir, kruôr krơưr, tsi tsư nxiêz, tsư pok. Njêl, chưk lok grêix chênhr, yiêz khir, kror muôs hur jông.

-Tsi pov muôx têx txơưr txar li chas: Sơưr đơưk tsi tâu xeir zuôr zav nox tsư nxiêz, tsư pok, tsư kâuz, tuôx pưv, tsi yuô yiêz jông..., viv no tâu seiz zos zav nox tsi truôx tuk.

Kriê taz por zav nox truôx tuk trơưk cui tinhv

Khơưk tsês chiê trâu têx qơư huv đros: Zav nox nhôngk mak sơưr đơưk tsuv muôz tsês trâu tuv txiêk lax nziês zos uô nox sei, lok sik hâur têx tuv lok six txiêk zos tsês ntêr. Tsi tâu tsês chiê zav nox saz đrâuv jôngr ntêr đuô 2 luz six hơưv (lok sik ntêr đuô iz six hơưv zos tiêk cuz sor), cuz sor li ntơư zôngx ziv muôx zôngr njâur tsơưk, uô tsi hur zav nox.

Têx zav nox nhôngk thiêz siêr mak nhiêk tso nhiêk iz kro qơư: Chor grêix nhôngk thiêz grêix siêr mak sơưr đơưk tsuv muôz nhiêk tso nhiêk iz kro qơư, tsi tso uô cê thiêx cik tsi tâu têx caz moz uz no. Tsi tas li, têx zav nox tsuv nhiêk tso nhiêk iz kro, muôx hâu cơư, vor ntov jông hur si.

Krưr ntiv lok sik vor ntov jông: Sir zôngv têx têik muôx hâu vor ntov lok sik hnaz ntiv jông zav nox zuôr txo grêk tsơưs tâu zôngr uz no za tsơưk thiêz pâus, tsư nxiêz, tsư kiêk, uô tsi hur zav nox.

Tuv txiêk nzuôr, so hur si thiêz qênhz shuôs tsi so: Vêv xênhz, nzuôr, so tuv txiêk tsi so, muôz têx zav nox tsi nxiêz, tsi jông uô nox ntơư por tsês thiêz qênhz shuôs tênhv, tso tênhv huv đros cov tuv txiêk lax nziês thiêx tsi tsư kiêk, tsư nxiêz, chor jâuz mor, zav nox li jông nox.

Thâuv tưs tsuv muôz têx zav nox tsi truôx tuk por tsês?

Zav nox tưz tas hax sir zôngv: Qênhz shuôs njôngr hnuz nhôngs tsiv uô thiêz hax sir zôngv uô ntêx thâuv zuôr muôz uô nox lok sik sir zôngv. Têx zav nox krưr ntiv hnaz, hâur têik mak tsi tâu sir zôngv zos tưz tas hax, txơưv zav nox co cux tsi tâu tsư nxiêz, tsư kiêk li chas hlo.

Muôx yưv têx zôngx ziv tsi jông uô nox: Zav nox tsư nxiêz, tsư kiêk, tsư kâuz, tsi yiêz, tuôx pưv lok sik têx txơưr txar li chas mak sơưr đơưk tsi tâu muôz uô nox, viv co puôr lênhx tsi jông nox, tsuv muôz por tsês.

Zav nox siêr tsês chiê ntêr: Zav nox tưz uô tâu siêr mak tsi tâu muôz tsês ntêr saz đrâuv đhâu 2 luz six hơưv. Hâur ntu cuz sor, zos tsês ntêr zav nox saz đrâuv zuôr zôngx ziv muôx zôngr uz no za tsơưk, uô tsi hur zav nox.

Zos tsi pâuz tsênhz shor zav nox pok nox tâu lơưv, mak jông đuô sơưr đơưk tsuv muôz por tsês chiê tsưx phưv truôx tuk đas jos trâu zuk thiêz chor nênhs hâur tsêr./.

Hồng Việt-Riê Lâux cxeik, nhênhv