Nậm Nghẹp- Sơn La: thax tsav qơư muôx pax txir tuôz ziz tơưs yiêz jông jav

          Nậm Nghẹp (Ngọc Chiến, Sơn La) thâuv txos luz hli 3, têx pax txir tuôz ziz tơưs đơưz vos cxuô thax tsav qơư. 1 cxênhz 200 hecta ntâu trôngz txir tuôz ziz tơưs đơưz vos yênhx qơư jông jav cxơưz cxiz tâu chôngz tsôngv kruô tuôx ndis seiz thiêz cxêik đuôz, nriêr pâuz vênhx huôv Hmôngz. Jiês xuz thơưx tuôx jos Nậm Nghẹp, xã Ngọc Chiến hâur ntu pax txir tuôz ziz tsênhv tơưs jông jav, cux trơưk hnuz Ntênhs pax txir tuz ziz shông 2026, niêv lâuk Vũ Lưu Ly, tuôx txix Hà Nội shir phaz heik:

          “No zos jiês xuz thơux cur tuôx Nậm Nghẹp, pov trôngz jôngr chiv xênhz nhoz no lok six jông jav, tiv zix zos pax txir tuôz ziz tơưs đơưz vos cxuô qơư, lênhx nênhs nhoz no mak siêz jông”.

          Jos Nậm Nghẹp nhoz siêz 2 cxênhz txos 2 cxênhz 300 yiv pir đros ntus đêx hiêr, muôx 170 ziv chuôz zis nhoz uô nênhx, phênhv ntâu zos tsôngv box mênhx cxưx Hmôngz. Đros tsôngv px sâuv thax tsav, tsoz txir tuz ziz tsi taz uô jông jav thax tsav qơư mak tsênhv zos ntâu ziv chuôz zis nhoz no li phênhv sâu tsênhv. Tix lâuk Kháng A Sáy, tưz muôx 25 shông chos txir tuz ziz đros muôx 18 hecta ntâu tsoz txir tuz ziz puz pâuz: ar têz thiêz qiv hơưv nhoz no huv đros chos txir tuz ziz, viv li txir tuôz ziz tưz yênhx tsoz chos chox lok phênhv sâu tsênhv trâu chuôz zis:

          “Shông no tsưr tsix Hnuz ntênhs no mak cux shir phaz, uô tsâus Đangv, têz qơưk. Đhâu hnuz ntênhs no xar njôngr ntâu tsôngv kruô ju lix pâuz txos pax thiêz txir tuôz ziz đuô, zuôr muôx chôngz lênhx nênhs sâu zuôr txir chiê pox nhuôk luz nênhx jông đuô tuôx”.

          Cheix pax txir tuôz ziz tsuôk truz ntêr 1 luz hlik ntâu. Đros chor pax jông jav no, Nậm Nghẹp tưz tâu chôngz lênhx nênhs lok six nhiêv txos, yênhx qơư zaz zâuv lênhx nênhs tuôx ndis seiz uô si nhoz thax tsav tox siêz Tây Bắc. Lơưr zơưv Lò Văn Thoa, Phưv Chủ tịch UB xã Ngọc Chiến, tỉnh Sơn La, hnuz ntênhs pax txir tuz ziz tâu tsưr tsix ziv muôz siêz zav pax jông jav no li tsiv grê thiêz no cux zos tsoz chos paz tsôngv pox nhuôk cxuôv yeiz thiv pluôk. No zos jiês chiê xã heik kriê thax tsav Ngọc Chiến txos tsôngv kruô hâur thiêz saz đrâuv têz qơưk pâuz txos:

          “Hnuz ntênhs shông no muôx ntâu huôx tôngv yiêz li tsưr tsix tsôngv px têx mênhx cxưx nhoz xã Ngọc Chiến li têx tsưr ziv uô si trâur lâuk, cxơưz cxiz tsôngv kruô thiêz pêx xênhv sđ sik đros cxaz chuôz, heik kriê têx vênhx huôv jông txos tsôngv kruô pâuz txos...”

          Hnuz ntênhs pax txir tuôz ziz tâu tsưr tsix gôngr phênhv tuôr tsês, phuôx huiz tsôngv px têx mênhx cxưx nhoz no li têx vênhx huôv chax chês jông, txix tsôngs tiêz tsôngs yo txos zav nox thiêz têx cêr xênhz huôx côngv thôngx, cxiv tsa Ngọc Chiến yênhx iz qơư jông jav, cxơưz cxiz tâu chôngz tsôngv kruô tuôx ndis seiz, uô si./.

(Trấn Long-Txâur Vax cxeik nhênhv)

Huôv tsar truôx cxuô hêir nênhs têx vênhx huôv tsiv grê chiê cxơưz cxiz huôv tsar qơư ndis uô si, sêiz shuôk têz qơưs hâur thax tsav tinh Điện Biên

           Txox cêr lênhx poz jêz muk trâu jos Na Sang 1, xã Núa Ngam, tỉnh Điện Biên, tưz pov njôngr tsôngv px hêir nênhs Lok Tsuôk hâur thax tsav co tsôngv pox niêv vir ndâuk xơưk tsôngk tiêz, tsôngk yo đros trâu têx tsêr, tox trôngz câuv har jông jav hur đros hêir nênhs co luz nênhx nox nhoz muk lok hâur niêx hnuz. Pos Vì Thị Tích, nhoz jos Na Sang 1 shir phaz lul hêik pâuz: “Thâuv tsênhv zâu 10-12 shông, cur tưz cơưv shâuv ntok ntâuz; đhâu co, cur cux cơưv shâuv chos pax thiêz chos gax chiê trâuk ntâuz. Thâuv muôx 14-15, cxuô zav ntâuz cur ntok tâu chox lok xơưk tsôngk tiêz, tsôngk yo hnar cux jông hênhr. Tov kaz cur cux kriê trâu têx mê nhuôv chiê tuôr truôx zuk hêir nênhs luôs hâux lưv ntok ntâuz tsik chiê pôngz plox”

          Iz chas huôv tsar truôx zuk hêir nênhs luôs hâux lưv ntok ntâuz, tsôngv px nhoz jos Na Sang 1 tsênhv tuôr tâu truôx têx cêr đaz cêr kruô cxôngx nzor đros đrêiv hâur luz nênhx niêx hnuz. Tsênhz tiês, đhâu iz shông khưr tsêz chos kôngz, thâuv têx blêx liêx, blêx têz siêr, hur si tsôngv px jêx jos tưz bax cxuô zav nox mor blêx yiêz thiêz uô pluôk nox ndo txiêx njis pox côngz, zơưv côngz, luz ntux luz têz muôx ntux nas paz tsôngv px sđ khưr sâu tâu ntâu kôngz lôngk. Pos Lường Thị Ún,  nhoz jos Na Sang 1, xã Núa Ngam hêik pâuz nzir: “Thâuv nox mor blêx yiêz, tsuv muôz chor blêx mok chox lok ciz uô nox. Lar hêik zos thâuv txos chêix blêx yiêz siêr, tsuv muôz chor blêx yiêz co chox lok uô chiê hu pox côngz, zơưv côngz lok đros nox đros hâuk, por hưv trâu chuôz zis tsik muôx moz gênhk, khưr sâu tâu ntâu kôngz lôngk”

            Đros trâu tsôngv px jos Na Sang 1, tsôngv px hêir nênhs Poz ziz, Hmôngz, Cho hâur thax tsav tỉnh Điện Biên cux tsênhv niêx hnuz tror cxiv kho thiêz zok nriêr zuk hêir nênhs têx txux chi, vênhx huôv jông cxôngx nzor cov muôx đros đrêiv hâur luz nênhx tsik chiê pôngz plox. Zơưv Lò Văn Thiền, nhoz xã Pu Nhi, tỉnh Điện Biên hêik pâuz: “Thâuv ntêx chor lâuk sir zôngv hnênhr chox lok tuô nak tuô nôngs; taz sik nhiv no sir zôngv hnênhr chox tưr uô cêr lov jêv”

          Zơưv Nguyễn Thanh Sơn, Thơưx sêiz car Sở Dânmênhx cxưx tỉnh Điện Biên cux hêik pâuz tiêk: Ntu 2026–2030, Điện Biên tso tơưv luôs hâux lưv uô cov muôx 85% xã, jêx jos tsôngv px hêir nênhs tsơưs muôx tsêr vênhx huôv, yar tiêx kriz uô cêr lov jêv côngv thôngx. Đros co, cxơưz cxiz tsôngv px cxuô hêir nênhs sđ zok nriêr-huov tsar zuk hêir nênhs têx txux chi, vênhx huôv jông cxôngx nzor, txuôk đros huôv tsar uô nox, cxiv uô cxuô qơư ndis uô si hâur ntu 2026-2030 cov tsôngv kruô oz chas têz qơưs pâuz txos: “Chor tuz nxêik hluôk ntuôr uô cêr lov jêv cxôngx nzor nhoz trâu cxuô luz jêx jos tsuv tax tâu 95%. Ntơư cux chênhr zos iz luôs hâux lưv cxơưz cxiz huôv tsar uô nox hâur thax tsav tsôngv px hêir nênhs tsơưs nhoz thax tsav tox siêz đêz đrôngl, luz nênhx tsênhv ntâu cêr txov nhêv”.

          Txix têz qơưs têx pênhr nhiêx muôz paz huôv tsar uô nox, tưz pov njôngr tsôngv px hâur thax tsav tỉnh Điện Biên luz nênhs hlôngr yiêz-truôx tuk, tsâu sor./.

                                        Tsu cxêik nhênhv-Vũ Lợi, CQTT Tây Bắc