Tuôr tsês mênhx cxưx La Ha li vênhx huôv chax chês

Đros thiêz heik kriê têx ziv chuôz zis, xênhv nênhs cxơưz tiês huôv tsar cêr uô nox, cxuôv cêr yeiz pluôs, zos jos li lênhx txir ndâux txir luk, zơưv Lò Văn Siêng, mênhx cxưx La Ha nhoz jos Tát Ướt, xã Liệp Tè, huyện Thuận Châu, tỉnh Sơn La cux tsov cưv yax kriê chiê tuz nhuôk thiêz pox nhuôk hâur jos tsov cưv tuôr tsês thiêz phuôx huiz zuk mênhx cxưx li têx tsiv grê vênhx huôv chax chês jông.

Ntu đhâu zơưv tsi so tsês six hơưv nriêr pâuz, nhênhz chơưv, hôx phưx zuk mênhx cxưx li têx ntênhs phêv chax chês, tsôngs yo, luk heik, ntơưr sâu li: ntênhs Pang A, đhiê pax vuôk Hưn Mạy, Tăng Bu….đros siêz xar kriê trâu pox nhuôk nênhs La Ha cov pâuz thiêz seiz tsiv grê mênhx cxưx li vênhx huôv chax chês:“Cur thâuv tưs cux kriê tuz nhuôk tsi chiê zuk mênhx cxưx li têx vênhx huôv chax chês jông trâus pôngz plox, têx phongz cxưx tưs jông mak tsuv tuôr tsês. Cur thâuv tưs cux vênhv tôngv pox nhuôk uô lơưr zuk mênhx cxưx li phongz cxưx; tôngv vênhx tuz nhuôk tsi tâu pâuz tus tsi mak zuk heik kriê chiê lơưr pâuz”.

   Huyện Thuận Châu nhiv no muôx 560 ntâu ziv chuôz zis đros 2 cxênhz 500 ntâu lênhx nênhs tsôngv box nênhs La Ha nhoz uô nênhx, phênhv ntâu nhoz 3 xã Nong Lay, Chiềng La thiêz Liệp Tè. Chiê tuôr tsês thiêz phuôx huiz tsôngv box La Ha li têx tsiv grê vênhx huôv chax chês jông, cấp ủy, chính quyênx huyện Thuận Châu tưz sir jos sik côngv đros têx sở, nganhx tsov cưv hôx phưx têx ntênhs phêv, tsôngs yo, luk heik, reik đros huôv tsar uô ju lix.

          Lơưr co, ntâu qơư vênhx huôv, vênhx ziv đros ntâu lênhx nênhs nhoz cxuô hov hnuz nhôngs hâur tsôngv box La Ha tưz tâu yênhx lix ntơưv tiv phaz, uô tsôngv box luz nênhx chinhz yênhx ziv jông đuô. Nhiv kruôr jê ntơuv no zos qơư tuôr tsês vênhx huôv chax chês mênhx cxưx La Ha nhoz xã Liệp Tè, huyện Thuận Châu. Niêv lâuk Tòng Thị Thởi, Phưv seiz car qơư tuôr tsês vênhx huôv chax chês mênhx cxưx La Ha nhoz jos Hiên, xã Liệp Tè, huyện Thuận Châu pheiz kênh:“Cur pov lok six jông siêz viv zos iz lênhx nênhs mênhx cxưx La Ha, cur lok six nhiêv zuk mênhx cxưx, muôx tsôngs yo jông,, luk heik txơưr. Cur zuôr tror nriêr pâuz thiêz tuôr tsês zuk mênhx cxưx li vênhx huôv jông chiê kriê trâu cxênhx nênhs tov kaz no”.

          Krêz uô dự án “Yưv pênhr huôv tsar têx mênhx cxưx lok six tsơưs nênhs, tsôngv box mênhx cxưx tsênhv txov nhêv”, txix hâur shôngk shông txos nhiv no, huyện Thuận Châu tưz thôngz đhâu bê zuôr xar 560 ziv chuôz zis tsôngv box La Ha li zoz qơưx paz txưv huôv tsar uô nox; yênhx lix têx đoanx côngz xưv muk seiz thiêz cơưv shâuv chênhz zênhv huôv tsar kinh tế têx ziv chuôz zis no. Đrâuv co zos yưv pênhr cxiv tsa 10 côngz tsinhx ntâu ntơư têx jos muôx chôngz tsôngv box mênhx cxưx La Ha nhoz uô nênhx. Sik côngv đros têx taz viv, lênhx nênhs paz txưv thiêz huiz tôngv pênhr txix xã hội chiê cxiv tsa têx côngz tsinhx vênhx huôv sâuv thax tsav.

          Li côngz tsinhx tsêr vênhx huôv côngv thôngx trâu tsôngv box La Ha ntơưv jos Hiên, xã Liệp Tè, huyện Thuận Châu tưz tâu krêz côngz cxiv tsa txix hli 3/2023, txos nhiv no tưz uô tiêr thiez chox lok sir zôngv. Zơưv Đinh Mạnh Hùng, Phưv Chủ tịch UB huyện Thuận Châu puz pâuz: côngz tsinhx tâu uô lơưr tsưr ziv yiêz đar 200 yiv ndis ntâu, zos qơư chiê tsôngv box 7 jêx jos mênhx cxưx La Ha sik đros xênhz huôx, chuôz cxaz cêr niêv côngv siêz, zos qơư chiê hluôk nênhs tsưr tsix têx tsaz yênhx, huôx tôngv trâu tsôngv box mênhx cxưx tsơưs nênhs: “Tsêr vênhx huôv mênhx cxưx La Ha tâu uô tiêr muôx ziz njiêz lok six coaz tsôngv hâur côngz xưv tuôr tsês, phuôx huiz mênhx cxưx La Ha li tsiv grê chax chês, zos qơư chiê tsôngv box La Ha xênhz huôx côngv thôngx, piêr kriê têx xiv huv jông; thôngx cxix cux zos qơư nhênhz chơưv, phuôx huiz mênhx cưx La Ha li tsiv grê vênhx huôv chax chês jông”

          Yênhx lênhx nênhs, yênhx tsưr tsix thiêz cấp ủy, chính quyênx tiv phaz nhoz Thuận Châu li têx sir jos tưz thiêz tsênhv gôngr phênhv uô jông đuô tsôngv box têx mênhx cxưx heik cxuô, mênhx cxưx La Ha heik taz li luz nênhx chinhz yênhx. Thôngx cxix gôngr phênhv tsi mê lok hâux lưv tuôr tsês, phuôx huiz mênhx cxưx li têx tsiv grê vênhx huôv jông, tiv zix zos mênhx cxưx lok six tsơưs nênhs./.

Trấn Long-Txâur Vax cxeik nhênhv

Chor hluôk tỉnh Đắc tưr hêik gâux, hêik cvưr cxiêx

Têx suôz trax đror uô lov jêv lul, 6 lênhx nxêik Hmôngz hnar têx tsôngk tiêz, tsôngk yo jông jav đhiê pax vuôs, sênhr chêr uô têx txưv njêx muôs luôs nxi. Tus muôv Ma Thị Huế, nhoz xã Cư Króa, huyện Mrắk, phêiz kênh: Pêz hêir nênhs Hmôngz nthuôr uô cêr lov jêv đhiê pax vuôs, sênhr chêr, tsuôk zos kriz uô trâu têx hnuz ntênhk tsiêz lok sik ntênhk hội. Taz sik, ntơưv thax tsav qơư nhoz yiêz Đắc Lắc, tsơưs kriz nthuôr uô cêr lov jêv sênhr chêr. Tsuôk zos txos trâu thâuv kriz hội tưr chor hluôk hêik gâux, hêik cưr cxiêx, thiêx tror shâuv đhiê pax vuôs, sênhr chêr: “Pêz chor uô no muôx 6 lênhx, shâuv uô hâur iz luz hli ntâu thiêx uô tâu li co. Nhiv no tror shâuv cux zos chor lâuk kriê. Cur tâu cơưv têx txux chi nthuôr uô cêr lov jêv co, cur jông siêz hênhr thiêz tsênhv yuôr zuk hêir nênhs têx txux chi, vênhx huôv jông tsênhv tsik tâu pâuz txos”

Tus muôv H Chuyên Knul,  nhoz jos Mblơt, xã Ea Bông, huyện Krông Ana, hội tưr thi zos jiês chiê zuk hêir nênhs Êđê khoz cxuô jax đruôk tôngx, cxêz tôngx muôx njiêz luk huôv tsar cêr uô nênhx jông:“Cur sêiz pov chuôs li zuk tror nhiêv zuk hêir nênhs đuô thiêz tror nhiêv zuk têx cxux chi vênhx huôv jông cxôngx nzor. Thiêz cur xar uô cov cxuô lênhx sđ pâuz txos zuk hêir nênhs têx txux chi”

          Hội tưr thi chor hluôk hêik gâux, hêik cưr cxiêx, zos iz luôs hâux lưv uô hâur hnuz kriz ntênhk hội, nhiêv têz nhiêv qơư, zos Tỉnh đoàn Đắk Lắk kriz uô. Zuôr xar muôx 30 jax nthuôr uô cêr lov jêv, 300 lênhx hluôk nhoz 15 huyện, thị xã, thành phố hâur thax tsav tỉnh đros trâu cxuô hêir nênhs hâur hur si têz qơưs têx suôz gâux, cưr cxiêx, sênhr chêr, đhiê pax vuôs. Txix têx suôz đruôk tôngx, nxêz tôngx, suôz trax shôngz, trax T rưng, kênhx đing, trax tính….Tus muôv H Tuyết Niê, nhoz jos Cuôr Dăng A, xã Cuôr Dăng, huyện Cư Mgar shir phaz lul hêik: “Jiês tưr li no, zos chiê chor hluôk sđ tuôx siz njiz, cơưv shâuv cov sđ huôv tsar tâu truôx zuk hêir nênhs têx txux chi, vênhx huôv jông cxôngx nzor tsik chiê pôngz plox”

Trơưk li Ban sêiz car hội tưr thi, jiês tưr chor hluôk hêik gâux, hêik cưr cxiêx ntơưv tỉnh Đắc Lắc, huv đros cxuô hêir nênhs sđ luz nênhx nox nhoz muk lok hâur niêx hnuz. Zơưv Lê Văn Hồng, tsêr cơưv Cao đẳng vênhx huôv tỉnh Đắk Lắk, Tsar Ban sêiz car hội tưr thi hêik pâuz: “Ban sêiz car hội tưr thi shông no, muôx ntâu zav jông huv đros tsôngv kruô siêz nhiêv thiêz têx cêr lov jêv, đhiê pax vuôs, sênhr chêr cux uô trâu tsôngv kruô sêiz tsik đhuôr. Lar hêik zos chor tuz nxêik hluôk nhoz têx huyện li: Krông Bông, Lắk cxuô jax gâux, sênhr chêr, đhiê pax vuôs…tưz cxơưz cxiz trâu ntênhk hội kriz uô tâu yênhx côngz”.

          Uô tâu yênhx côngz hâur ntênhk hội tưr thi tưz paz cxơưz cxiz trâu chor hluôk hâur thax tsav tỉnh Đắc Lắc truôx siêz khơưk tsêr, huôv tsar  cxuô hêir nênhs têx txux chi, vênhx huôv jông cxôngx nzor tsik chiê pôngz plox./.

                                                        Tsu cxêik nhênhv-CQTTTN-Tòng Anh BT