Luz nênhx hlôngr yiêz nhoz tsêr cơưv nhoz ntus đriv Pa Tần

Đhâu hnuz krêz shông cơưv yiêz, têx tsêr, qơư nhoz tsênhv yiêz khir nhoz Tsêr cơưv Phổ thông Dân tộc nội trú cxênhx iz thiêz cxênhx oz Pa Tần, tỉnh Lai Châu tưz qir muôx luz nênhx yiêz.

Suôz đruôk tsêr cơưv đror, shux xênhz sêi đrơưv siz zâuv muk hâur qar tsêr cơưv, cơưv txux chi. Hok ntơưv qơư nhoz hâur tsêr cơưv, shux xênhz cux jux juk sưv đros, tsi thôngx li têx hnuz xuz thơưx.

Shông cơưv 2026-2027, tsêr cơưv muôx 1.000 ntâu lênhx shux xênhz, 30 lớp nhoz 02 cấp cơưv. Hâur co, 840 lênhx shux xênhz nox nhoz hâur tsêr cơưv, cơưv txux chi thiêz 200 ntâu lênhx niêv txir zus mor. No zos luz tsêr cơưv yiêz tâu yưv pênhr uô muôx cxix cxuô têx qar tsêr cơưv, qơư uô si, yar tiêx thiêz qơư nhoz so.....

Ntơưv lớp cơưv 2A1, cưk kriê Nguyễn Thị Lê đros cưk kriê ntơưr paz kriê cxaz nzir têx txux chi sir jos kriê shux xênhz shâuv nhênhv ntơưr. Taz sik đros thiêz cưk kriê ntơưr hâur tsêr cơưv nội trú, hâux lưv tsi tiêk zos kriê txux chi, iz chas tas six kriê ntơưr, chor cưk kriê ho tror uô iz hâux lưv txơưr, co zos: tsoz phưz, kriê shux xênhz iz kro jux juk lok sâuv cêr xênhz huôx, nox nhoz hâur niêx hnuz. Cưk kriê Nguyễn Thị Lê heik:“Pêz lok six jông siêz, shir phaz viv têx nhuôs tâu cơưv nzir ntâu txux chi yiêz thiêz têx công nghệ yiêz mak chor nhuôs tsi tâu tâu pâuz txos. Taz sik cux muôx iz cêr cxơưx thâuv têx nhuôs nhoz ntâu jok tuôx, shux xênhz ho chôngz thiêz ntâu lênhx tsênhv lok six zâu, chênhr viv li cux njiz trâus lok six ntâu phiv liv. Xênhz huôx, nhoz so mak têx nhuôs cux tsênhv tsi tâu sưv, chênhr zos li co chor cưk kriê cux phiv liv đuô thiêz cux tsuv moz siêz  txos têx nhuôs ntâu đuô”.

Đros têx shux xênhz jiês xuz thơưx ndeiv vax tsêr, nhoz đêz chuôz zis, chiê sưv qơư nhoz yiêz tsuv iz ntuk ntêr thiêx zuôr sưv jux juk. Taz sik muôx cxix cxuô zav thiêz tâu chor cưk kriê ntơưr moz siêz txos yênhx pluôk nox, nhoz so tsênhv paz têx nhuôs sưv jux juk sưv trâu luz nênhx xênhz huôx hâur tsêr cơưv ntơưr.  Lò Thanh Thủy, heir nênhs Mảng, shux xênhz lớp 9A1 puz pâuz:“Thâuv ntêx cur cơưv hâur tsêr cơưv kuz mak pêz têx chuôz zênhx tưz muôx tsi cxix, tsi txâuk cơưv. Muôx tsi txâuk têx qơư, chuôz zênhx phưx vưv cơưv ntơưr, qơư uô si lov jêv lok cux muôx tsi txâuk. Tâu nhoz, cơưv hâur luz tsêr cơưv yiêz no cur pov jông đuô, muôx cxix cxuô zav chuôz zênhx chiê pêz muôx têx cơưv ntơưr, nox nhoz thiêz xênhz huôx tâu jông đuô”.

Ntơưv Pa Tần, muôx tsêr cơưv truôx khor cux iz zav li truôx tuk yênhx pluôk nox, qơư pư thiêz cêr xênhz huôx trâu 1.000 ntâu lênhx shux xênhz. Đhâu hlo thâuv shux xênhz muk cơưv txux chi tas, qơư uô jâuz mor nox ho qir uô hâux lưv. Têx zav nox tâu lênhk txêik, nzuôr hur si, uô siêr jông thiêz phêiz uô yênhx pluôk nox. Têx hâux lưv puôr lênhx tâu uô jông, viv têx pluôk nox ntơư zos tsưx phưv truôx tuk đas jos trâu shux xênhz. Niêv tix Lù Thị Hưởng, uô jâuz mor trâu shux xênhz nox hâur tsêr cơưv, pheiz kênh:“Viv tsêr cơưv yiêz zos tsêr cơưv 2 cấp, chôngz shux xênhz thiêz uô hâux lưv cux phiv liv, taz sik pêz jông siêz. Uô ntêx thâuv zuôr uô jâuz mor trâu chor nhuôs nox mak zuôr lênhk txeik, gra têx jâuz ntơưv qơư tsês chiê lok, đhâu co li muôz nzuôr hur, uô cov siêr jông chiê taz por vêv xênhz truôx tuk zav nox, truôx tuk đas jos trâu chor nhuôs cơưv ntâuz ntơưr tâu jông đuô”.

Ntơưv tsêr cơưv nội trú, chor nhuôs têx hnuz cơưv tsi tiêk qir txix suôz đruôk đror thiêz suôv câuv thâuv so ntơưr. Txix hu têx shux xênhz sơưr, kriê shux xênhz têik pav, vix tsav, vêv xênhz iz chêr, txos trâu qênhz yuôx qơư nhoz, cxuô zav hâux lưv puôr lênhx tâu choz tsênhz mênhx. Hok chor nhuôs zâu, lar heik zos shux xênhz lớp 1, no zos têx tsưr ziv xuz thơưx hâur luz nênhx tsi muôx chor lâul, niêv txir paz. Cưk kriê Nguyễn Văn Minh, Thơưx seiz car Tsêr cơưv Phổ thông Dân tộc nội trú Cxênhx iz thiêz Cxênhx oz Pa Tần, puz pâuz:“Phiv liv đuô hur si zos thâuv tok shux xênhz tuôx nhoz hâur tsêr cơưv, lar heik zos shux xênhz lớp 1, têx nhuôs tsênhv zâu thiêz tsuv ndẻiv vax tsêr, nhoz đêz chuôz zis. Viv li lok six phiv liv trâu chor cưk kriê ntơưr zos tsuv tsoz phưz, tu, kriê chor nhuôs iz kro jux juk. Taz sik txos nhiv no, tsêr cơưv cux tưz cxiv tsa thiêz tso tơưv tas nro têx chei, cui tinhv thiêz cux tưz choz hâux lưv tsênhz mênhx trâu yênhx lênhx nênhs, cưk kriê ntơưr đros paz têx nhuôs shux xênhz. Txix ntơư, tsêr cơưv cux sir jos qênhz yuôx, heik chor cưk kriê ntơưr thiêz lênhx nênhs uô hâux lưv hâur tsêr cơưv uô jông têx hâux lưv zok muôz, cux li kriê shux xênhz nox nhoz, xênhz huôx muk lol”.

Iz tsêr cơưv yiêz tsi tiêk tâu uô truôx khor lok sik têx qar cơưv yiêz jông. Ntơưv Pa Tần, tỉnh Lai Châu, iz luz nênhx yiêz tsênhv jux juk truôx njês txix têx zôngx ziv: Nhoz cơưv txux chi, têx pluôk nox, qơư pư thiêz tsưr ziv lok sâuv nox nhoz, xênhz huôx muk lol đros têx fôngx zưs. Nhoz co, cưk kriê cê zos têx lênhx kriê ntơưr, cê zos têx lênhx tsoz phưz trâu shux xênhz xưk li chor nênhs hâur chuôz zis../.

                                                                                                                         Khắc Kiên-Riê Lâux cxeik, nhênhv

Tsưr ziv, hâux lưv, tsưr ziv uô NQ20-NQ/TW lok huôv tsar Việt Nam yênhx têz qơưk niêv đêx hiêr truôx tuk

Nghị quyết 20 muôx ziz njiêz coaz tsôngv hâur hâux lưv chox kriê, paz đas cxơưz cxiz têx hâux lưv huôv tsar yiêz, gôngr phênhv tuôv zênhv zoz qơưx tsênhv tsênhz thiêz tsưr ziv huôv tsar hâur ntu nhiv no. Zâuv tsôngv cưr tix fôngx zưs đros nriêr pâuz hâur jax sâu hnuz no.

Cxiv tsa qơư truôx khor chiê Việt Nam yênhx têz qơưk niêv đêx hiêr truôx tul. Yênhx lix cxiv luôs seiz car niêv đêx hiêr têz qơưk yiêz, khov lơưr khoa học, công nghệ, dữ liệu sôr; seiz car, kriz uô, sir zôngv muôx chêx cuk, truôx vênhs thax tsav niêv đêx hiêr; jux juk uô tsưr niêv đêx hiêr đêz, thiêz têx thax tsav huôv tsar yiêz sâuv niêv đêx hiêr; por vêv tênhx qơư, thiêz phuôx huiz tênhx qơư niêv đêx hiêr. Kinh tế niêv đêx hiêr huôv tsar yiêz, muôx pênhr xưv tơưv txênhz siêz. Pêx xênhv nhoz thax tsav ntus đêx hiêr, poz hiêr luz nênhx tâu muôz siêz; vênhx huôv tâu tuôr tsês thiêz phuôx huiz. Côx phax, txiv ngaz, vax huôv tsưr qênhx têz qơưk sâuv đêx hiêr tâu tuôr truôx; Việt Nam li qơư sơưr thiêz pưk txux tâu muôz siêz. Têz qơưk Việt Nam zos têz qơưk niêv đêx hiêr, muôx ntâu kror jông txix niêv đêx hiêr, huôv tsar truôx đrênhk txix niêv đêx hiêr; muôx tsưr ziv sêiz car niêv đêx hiêr yiêz jông. Pêx xênhv thax tsav niêv đêx hiêr, poz hiêr li luz nênhx tâu muôz siêz cxuô zav; vênhx huôv niêv đêx hiêr tâu tuôr tsês thiêz phuôx huiz. Côx phax, ngaz tuk, tsưr qênhx tâu tuôr truôx; muôx qơư sơưr, txơưx jênhv thiêz pưk txux coaz tsôngv hâur sik côngv đros ntiêx têz.

Jênhv vưv thiêz tsưr ziv uô:

Pox niêv: 1. Chuôz tsar Đảng li lênhs tov, hlôngr yiêz siêz xar, muôz siêz jênhv pâuz lok huôv tsar têz qơưk niêv đêx hiêr, muôz siêz chêx cuk seiz car niêv đêx hiêr têz qơưk.

Txir nênhx: 2. Uô tiêr thể chế, hlôngr yiêz côngz xưv njuôs xav tênhx qơư niêv đêx hiêr têz qơưk, uô huôv tsar têz qơưk niêv đêx hiêr jông.

Pox niêv: 3. Huiz tôngv, phuôx huiz thiêz sir zôngv muôx chêx cuk têx pênhr jos; huôv tsar jông doanh nghiệp niêv đêx hiêr, tiv zix zos têx tập đoàn, tổng công ty lox.

Txir nênhx: 4. Huôv tsar khoa học, công nghệ, hlôngr yiêz xar tơưv, hlôngr yiêz sôr thiêz lênhx nênhs muôx tsơưr lươngv siêz

Pox niêv: 5. Sir jus huôv tsar têx nganhx kinh têr niêv đêx hiêr jông, hlôngr yiêz thiêz têx nganhx, vênhv thix yiêz.

Txir nênhx: 6. Huôv tsar cxix cxuô cxuô zav lok niêv đêx hiêr, krêz đar qơư huôv tsar têz qơưk, yênhx lix têx tsênhv qơư kinh tế niêv đêx hiêr hâur têz qơưk thiêz sâuv thax tsav qơư.

Pox niêv: 7. Por vêv tênhx qơư đêx hiêr; chuv tôngv phax tar qiv hơưv txơưr txar; muôz siêz têx tiv phaz ntus đêx hiêr, poz hiêr li đas jos tir tar.

Txir nênhx: 8. Cxiv tsa vênhx huôv niêv đêx hiêr, muôz siêz luz nênhx tsôngv px, phuôx huiz đas jos côngv thôngx tsôngv px niêv đêx hiêr hâur cxiv tsa thiêz por vêv Têz qơưk.

Pox niêv: 9. Taz por côx phax, txiv ngaz, ngaz tuk sâuv niêv đêx hiêr, poz hiêr; chuôz tsar sik côngv thiêz sik hux jos ntiêx têz, muôz siêz têz qơưk li qơư sơưr./.

                                                                                                               Vừ Chu- Txâur Vax cxeik nhênhv