Tsuv muôx hâux lưv trâu chor nênhs đhâu chiv zênhk zax zênhz hâur thax tsav tox siêz Bắc Kạn uô

  Muôx 60 shông hnuz nhôngs, zơưv Đinh Xuân Thủy, nhoz jos 13, phươngx Nguyễn Thị Minh Khai, đrôngl Bắc Kạn, tưz hâuk zax zênhz tâu 30 shông thiêz 3 jiês muk chiv zênhk zax zênhz. Zơưv Thuỷ cux hêik pâuz tiêk: Jiês chiv tâu zênhk zax zênhz ntêr yax zos 10 thiêz hâur ntu co, zơưv Thuỷ muôx hâux lưv uô truôx đros pox niêv ntơưv iz qơư chos ntông txir thênhx caz nhoz Hà Giang thiêz uô hâux lưv tsar yêz thâux hax huv muôs. Taz sik, đhâu iz ntu tsik ntêr tov kaz tror lok trâu qơư nhoz, zơưv Thuỷ tưz tror đros têx fôngx zưs hâuk zax zênhz. Trơưk li zơưv Thuỷ, xar cov chiv tâu zênhk zax zênhz, zuk tsuv uô siêz truôx bo đros chuôz zis, đros têx lênhx nênhs cxênhz jê hâur thax tsav thiêz tsuv muôx hâux lưv uô truôx, đhâu thâuv chiv tâu zênhk zax zênhz:“Muk thor hâux lưv uô, muôx chôngz lênhx ntâu tus cux tsik njênhs zuk. Lar hêik zos tsuv uô li chas cov chuôz zis, têx fôngx zưs cxênhz jê njênhs zuk, zuk thiêx thor tâu hâux lưv uô thiêz tsik cxoz đros chor nênhs kuôr zax zênhz uô cê, hâuk đêx hâuk chơưr thiêz zuk tsuv muôx hâux lưv uô truôx, tsik cxoz xar txos zax zênhz. Đros co, têx fôngx zưs, cxuô lênhx hâur chuôz zis tsuv sox sêiz car njôngr, zuk thiêx tsik tror hâuk zax zênhz”

 Zơưv Triệu Đình Mùi (34 shông, nhoz xã Đồng Thắng, huyện Chợ Đồn, tỉnh Bắc Kạn) cux tror muk trâu tsênhv qơư chiê chiv zênhk zax zênhz jiês tiv 2. Đhâu muk chiv zênhk zax zênhz jiês tiv iz tror lok tsik muôx hâux lưv uô truôx thiêx tror hâuk zax zênhz:“Qir tiv zos cur tsik muôx hâux lưv uô truôx thiêz zuk tsưx phưv tsik tâu zuk tus khênhx, tsênhv xar muk đros têx fôngx zưs uô si thiêx tror hâuk zax zênhz”

        Sở Laox tôngv xã hội Bắc Kạn cux hêik pâuz tiêk: nhiv no hur si tỉnh muôx zuôr xar iz cxênhz lênhx muôx zênhk zax zênhz, muôx bê hâur ntâuz ntơưr sêiz car. Hâur iz shông, muôx 70-80 lênhx đhâu chiv zênhk zax zênhz tror lok trâu côngv thôngx. Taz sik, trơưk li thôngz sâu hâur shông 2021, chor nênhs tror hâuk zax zênhz muôx txos 74%; shông 2022 muôx 64% lênhx. Hur si chor tror muôx zênhk zax zênhz zos tsik muôx hâux lưv uô truôx, luz nênhx txov nhêv njuôr thiêz tsik tâu muôx tsênhv chêi têz qơưs paz đhâu chiv zênhk zax zênhz. Zơưv. Nông Khánh Hoàng nhoz xã Cẩm Giàng, huyện Bạch Thông, Bắc Kạn hêik pâuz: "Ntơưv Bắc Kạn tsik muôx ntâu hâux lưv uô, phênhv ntâu zos muk uô jos puôz tsêr. Zos tâu muk uô hâux lưv trâu têx công ty mak jông cơưs; taz sik zuk cux nyêi tsav lơưr nzuz zuk, viv muk uô hâux lưv trâu têx công ty, tsuv muôx ntâuz ntơưr sêiz njuôk shuôk đas jos cxix cxuô”

        Zơưv Ma Đức Thủy, Giám đốc tsênhv qơư sêiz car chiv zênhk zax zênhz tỉnh Bắc Kạn cux hêik pâuz tiêk: Ntơưv qơư chiv zênhk zax zênhz no, chor nênhs muôx zênhk zax zênhz tsik so tuôx chiv zênhk zax zênhz. Hauar ntơư, muôx 30-50%, zos chor tror hâuk zax zênhz, muôx iz cxiê lênhx tror tuôx chiv zênhk zax zênhz 6-7 jiês: “Thâuv tror lok trâu côngv thôngx lơưr tsuk uô zav hâux lưv tưs cov huv đros thiêz tsuv kriê hâux lưv trâu lơưr uô cov muôx luz nênhx truôx tuk. Đhâu oz shông tuôx nhoz ntơưv no chiv zênhk zax zênhz, tưz pâuz tâu zax zênhz zos iz zav ruôr hiêv txos zuk luz chêr, đas jos, txox siê. Taz sik, đhâu chiv zênhk zax zênhz tror lok tsêr, tsuv muôx hâux lưv uô truôx thiêx tsik tror muôx zênhk zax zênhz”

          Tsênhz tiês, đhâu thâuv chiv zênhk zax zênhz tror lok trâu côngv thôngx, lênhx nênhs co tsuv uô siêz truôx bo tror cxiv kho zuk chuôz zis thiêz luz nênhx, tsik cxoz mnôngs têx nênhs fêv nziêk đas thiêz muôx hâux lưv uô truôx thiêx zuôr muôx luz nênhx tsâu sor đros côngv thôngx sđ./.

                                                                             Tsu cxêik nhênhv-VOV Đông Bắc

Gia Lai: Thax tsav tsôngv box heir nênhs tsơưs tsênhv taz tov hlôngr yiêz

Pos Đinh Thị Ngoại-Chi hội tsar pox niêv jok Lơk, xã Nghĩa An, huyện K’Bang heik pâuz, uô lơưr phôngz yaox sik đros cxiv tsa jêx jok yiêz, 5 shông đhâu, tsôngv box sơưr đơưk hâur jok sik đros paz yênhx puô hnuz côngz thiêz iz tyv đeiv ntâu, chiv chir ruôr yêv têx nja vax, lax caz chiê krêz uô đar cêr muk lol jêx jok, uô yiêz 4 txox cêr muk trâu têx đras liêx. 5 chuôz zis pluôs tâu paz max cxiv uô tsêr nhoz. Shông 2022, xav kror đruôz đraz iz lênhx nênhs tax 41 tsov đeiv, chor ziv chuôz zis pluôs txo grêk tsơưs ntâu, hâur jok tsi yuôr chuôz zis tưs tsênhv uô nênhx nhoz hâur têx tsêr đaz tuôs, kâus kêz jik. Pos Đinh Thị Ngoại heik pâuz:“Tsôngv pêx xênhv jok Lơk tưz sir jos cxaz chuôz, uô lơưr phôngz yaox, sik thôngx siêz, sik đros cxiv uô cêr muk lol jêx jok. Đhâu thâuv uô trơưk têx tsưr ziv uô nox yiêz, sơưr đơưk tưz muôx phênhv sâu tâu ntâu đuô, jêx jok hur si, luz nênhx hlôngr yiêz, vav mênhx đuô pir li thâuv ntêx”.

Jok Lơk zos iz hâur 206 jok tsôngv box heir nênhs tsơưs nhoz tỉnh Gia Lai tưz hlôngr yiêz ntâu thâuv fuô uô lơưr Ban Thường vụ Tỉnh ủy li Chỉ thị 12 lok cxuô cấp ủy sir jos uô jông hâux lưv chox car cxiv tsa jêx jok yiêz nhoz tsôngv box heir nênhs tsơưs. Iz chas ntơư, đros thiêz têx pênhr nhiêx têz qơưk, nhiêx txiêx hâur xã hội đros trâu sơưr đơưk siz chos paz 96 cxênhz ntâu hnuz côngz thiêz pêx xênhv muôz 400 cxênhz xưv phaz ar têz. Đhâu 5 shông, nhiv no tas nro tỉnh muôx 110 jok tsôngv box heir nênhs tsơưs uô tâu luôs hâux lưv cxiv tsa jêx jok yiêz, tsôngv box luz nênhx iz hnuz tâu gra siêz jux juk.

Chiê tror uô tâu jông têx hâux lưv li heik sâuv paz tsôngv pêx xênhv txo grêk cêr pluôs truôx, ntơưv jiês cơưv ntâuk grê 5 shông uô lơưr Chỉ thị 12, zơưv Hồ Văn Niên-Bí thư Tỉnh ủy Gia Lai heik:“Cxix luôs chính trị tsuv sir jos sik đros uô jông, tsi so thiêz tsênhv tsênhz; hu zâuv thiêz sir zôngv têx pênhr trơưk tsưr ziv tso tơưv, muôz tsaz yênhx, dưv anr têx pênhr lok uô uô cê; paz pêx xênhv tâu buôk ti txos têx pênhr nhiêx txiêx. Cxuô sở, ngênhx hâur tỉnh zênhx max đros đơưk têx phiv liv chiê kriê lok sik heik trâu chor hloz muôx vax huôv đơưk uô. Sir jos uô jông đuô thiêz têx luôs hâux lưv sâuv, chiê uô tâu trơưk Chỉ thị 12 paz pêx xênhv hla đhâu cêr txov, phiv liv”./.

                                                                             VOVTN-Riê Lâux cxeik, nhênhv