Tsêr cơưv seiz car, shux xênhz niêv txir pâuz tsênhz txos pluôs nox niêv txir zus mor

Ciês thâuv cơưv tiêr six hơưv cơưv ntơưr zar têis cik, zuôr xar 11 six tar su, 1.660 ntâu lênhx shux xênhz nox nhoz niêv txir zus mor hâur Tsêr cơưv Cxênhx iz Tô Hiệu, phường Tô Hiệu, tỉnh Sơn La tưz piz nox pluôs nox su đros muôx ntâu zav nox sor so.

Zuôr xar iz ciêz no, xav txix hnuz tsêr cơưv tsưr tsix uô jâuz mor nox hâur tsêr cơưv, hlôngr njêx muôs shux xênhz niêv txir thâuv tưs cux qênhz suôk, nriêr pâuz txos chor mê nhuôs li pluôs nox. Tsi tiêk muôx njêx muôs xưz, chor uô niêv uô txir tsênhv tâu cxaz chuôz trâu tsêr cơưv Tô Hiệu kror Zalo, đros tsêr cơưv thiêz taz viv cungz jâuz mor nox… chiê pâuz tâu xor mông lok tsưr ziv uô jâuz mor, têx zav nox, hâux lưv choz kriê thiêz tsưr tsix pluôs nox tâu heik pâuz sâuv zalo. Pluôs nox hâur tsêr cơưv tâu kriz uô jông, pâuz tsênhz mênhx, paz trâu shux xênhz niêv txir cux tso siêz đuô. Tix lâus Đèo Hải Viên, Ban hlôngr njêx muôs shux xênhz niêv txir tsêr cơưv cxênhx iz Tô Hiệu hêik pâuz:“Pêz tsik so seiz car hâur yênhx têis cik, thâuv taz viv xa têx zav nox tuôx hâur tsêr uô jâuz mor, pêz zuôr sik hlôngr nhoz hâur tsêr uô jâuz mor seiz yênhx hnuz đros tsêr cơưv ntơưr. Txos pluôk nox pov mê nhuôs tâu nox ntâu zav, cxix cxuô, zav nox kaz… pêz pov lok six tso siêz thâuv chiê têx mê nhuôv nox hâuk ntơưv tsêr cơưv”.

Shông cơưv 2026 - 2027, Tsêr cơưv cxênhx iz Tô Hiệu muôx 1.860 lênhx shux xênhz mak muôx txos 1.665 lênhx shux xênhz đas cir nox hâuk ntơưv tsêr cơưv. Tsuv uô ntâu, ho tsưr tsix ntơưv 2 qơư sik txơưr, uô tiêr tsưr ziv tsưr tsix txêik jênhv zav nox, uô jâuz mor thiêz pheiz jâuz mor trâu chor nhuôs nox tâu uô lơưr khoa học, cxix cxuô. Thâuv txos 10 six 45 phênhz yênhx hnuz, pluôs su tưz bax tâu chiê muôz trâu chox shux xênhz nox.

Cưk kriê Nguyễn Thị Quế, Hiệu trưởng Tsêr cơưv cxênhx iz Tô Hiệu puz pâuz, lơưr tsưr ziv yiêz, tsêr cơưv sik côngv đros taz viv cungz jâuz mor nox zos Công ty Cổ phần Thực phẩm xanh Việt, choz zok qơư uô jâuz mor chiê taz viv uô ciês ntơưv qơư. Ban sêiz car sik côngv đros hlôngr njêx muôs shux xênhz niêv txir seiz car tas nro ntu uô: “Hâux lưv tsưr tsix nox hâuk hâur tsêr cơưv thâuv tưs cux tâu tsêr cơưv moz siêz txos, tiv zix shông no muôx têx lênhx nênhs cungz jâuz mor nox, viv li tsêr cơưv sik côngv đros Ban hlôngr njêx muôs shux xênhz niêv txir, seiz car tsơưr lươngv pluôs nox txix hâux lưv lênhk txeik têx zav nox uô ntêx, hâur ntu tsưr tsix uô. Tsơưr lươngv pluôs nox, tâu njuôk shuôk, thiêz seiz kaz jông txix chor cưk kriê ntơưr, ban seiz car tsêr cơưv thiêz tổ phưx vưv, uô li chas chiê chor jâuz mor txâuk trâu chor nox thiêz muôx txâuk tsơưr lươngv, paz  chor nhuôs muôx đas jos cơưv ntơưr tâu jông”.

Txix shông cơưv no, tsưr ziv tsưr tsix uô jâuz mor nox trâu shux xênhz niêv txir zus mor đros muôx ngênhx zoz zux, chinhr quyênx, doanh nghiệp thiêz shux xênhz niêv txir sik côngv đros seiz car jông tâu kriz uô ntơưv ntâu tsêr cơưv ntơưr nhoz Sơn La; tâu vav chiê siêz zuôr uô tâu jông đuô hâux lưv phưx vưv uô jâuz mor nox, cxiv tsa pluôs nox hâur tsêr cơưv ntơưr truôx tuk thiêz tsênhz mênhx đuô. Zơưv Nguyễn Văn Chiến, Giám đốc Sở zoz zux tỉnh Sơn La hêik pâuz: “No zos Ủy ban tỉnh li tsưr ziv chiê uô tsênhz mênhx Đảng, têz qơưk li lênhx tov lok hlôngr yiêz zaoz zux, txo grêk chor cưk kriê ntơưr uô têx hâux lưv txơưr, đros co, paz muôx tâu pluôs nox hâur tsêr cơưv truôx tuk, txâuk tsơưr pưr thiêz tâu uô jông đuô. Taz viv cungz jix vuv muôx txơưx jênhv uô cov jông uô trâu shux xênhz thiêz truôx tuk vêv xênhz zav nox, đros tas nro cui tênhv txơưr; tsêr cơưv thiêz cưk kriê ntơưr zuôr txo grêk tâu phiv liv hâur uô jâuz mor nox niêv txir zus mor trâu shux xênhz hok têx tsênhv chêi paz trâu chor shux xênhz mak cux tâu uô jông”. 

Cux lơưr hâu nov Sở Zoz zux tỉnh Sơn La, no tsi zos tsưr ziv uô truôx ntov. Đros têx tsêr cơưv nhoz thax tsav tox siêz đêz đrôngs, thax tsav mak kinh têr - xar hôiv tsênhv txov nhêv lok sik qơư tsi tâu muôx txâuk têx qơư uô cungz jâuz mor nox, tsêr cơưv cux tsênhv tsuv tsưr tsix uô jâuz mor ntơưv tsêr cơưv, jux juk hlôngr yiêz thâuv muôx txâuk cxuô kror./.

                                                                                                                   Lê Hạnh- Lik Thox cxêik nhênhv

Tây Bắc phuôx huiz tsưr ziv uô kinh têr sôr đhâu têx xiv huv OCOP

Uô tsênhz mênhx thôngz xor mông thiêz qir tiv.

 Định danh điện tử đhâu mã QR: Tas nro têx mông lok thax tsav chos, tsưr ziv sâu đê truôx tuk, thiêz côngk nhav tsơưr lươngv puôr lênhx tâu uô tsênhz mênhx. Tsôngv kruô tsuôk quét mã xưz muôx têx seiz thiêz pâuz tâu tas nro chor xiv huv

Seiz car thax tsav yuôx zêx sôr: Têx doanh nghiệp, HTX (xưk li thax tsav yuôx zêx Shan tuyết Tà Xùa - Sơn La) sik côngv xor mông đros yênhx puô ziv chuôz zis chiê qênhz shuôs, seiz car tsơưr lươngv, taz por trơưk cui tinhv thiêz cir ntơưr sâu zuôr truôx tuk thôngz đhâu mạng xã hội.

Tsaz yênhx vênhx huôv" hâur thax tsav sâuv tênhv qơư số

Uô huv đros di sản têx jông: Hlôngr viv tsuôk muôs iz hnaz cxur, zav nox trơưk li thâuv ntêx, têx HTX muôz "txux chi vênhx huôv" thiêz chor nênhs muôx suôz đror bê txơưx sênhr chêr uô si lov jêv ntơưv qơư fuô uô cê đros trâu yax mông. Nênhs Poz Ziz, Hmôngz, Cho.... têx txux chi vênhx huôv zos zov chênhr paz cxơưz, uô tâu jông luôs hâux lưv njuôk xav xiv huv.

Xar tơưv tsênhv njiêz sôr: Nzaz nzơưv têx mạng xã hội li Facebook, TikTok, Zalo chiê uô đuôz heik kriê thax tsav tox siêz, luz nênhx niêx hnuz ntơưv jêx jok reik đros hâux lưv uô têx xiv huv.

"Uô Ciêz zuôr muôs hax huv trơưk li hlôngr yiêz sôr" thiêz Livestream muôs hax huv.

Tso muôv muôs hax huv sâuv điện tử (TMĐT): Muôz têx hax huv muôs sâuv têx  qơư zov chênhr li Shopee, Lazada cux xưk li muôs trơưk têx ziv kuz thâuv ntêx.

Hnuz hôiv "Mega Live" ntơưv jêx jok: Nzaz nzơưv, sir zôngv ntâu têx tsưr ziv kriê tso đuôz livestream trâu tsôngv pêx xênhv seiz. Ntâu thax tsav qơư (li têx "Jok sôr" ntơưv Lào Cai lok sik Sơn La) tưz fuô uô têx jiês buôk ti tso đuôz, nta suôz ciês ntơưv qơư tsiv uô lok sik liêx tơư ntêir, hu zâuv yênhx vạn lênhx nênhs nhoz ntâu thax tsav tỉnh đas cir zuôr hax huv.

Tror yưv pênhr cxiv tsa têx côngz trênhx thiêz uô truôx jông Logistics.

"Muôz lur zus ntêr": Sir zôngv ciês chor nhiêx txiêx sâu tâu txix qơư muôs hax huv đhâu mạng xã hội chiê tror yưx uô, cxiv kho đuô tsêr meir thiêz hlôngr yiêz suôz bê, hnaz ntiv, trâu.

Sik côngv uô tiêr hâux lưv thâux xa: Hux jos đros têx taz viv thâux xa sêi muôx tsưr ziv uô jông chiê đơưk uô têx hâux lưv thâux xa muk lok đhâu têx cêr phiv liv, đaz tuôs, paz njuôk xav tsênhz mênhx, por hưv jông thiêz xa tâu sei têx xiv huv hur, jông txos trâu tsôngv kruô.

Iz cxiê xiv huv OCOP Tây Bắc nto bê sâuv ciêz đrôngs số:Cà phê hmôngr Bích Thao, Yuôx hmôngr đo đêx hâuk Ô long Thu Đan thiêz Jiz mur Phổng Lái, Kix đuz Phù Yên( Sơn La), Yuôx zêx Shan tuyết Suối Giàng, cxur Séng cù Mường Khương, Njêl hồi thiêz njêl tầm Sa Pa( Lào Cai), Cà phê Arabica, grêix caz puôz kruôr thiêz txux lov cuô txoz (Sơn La, Điện Biên, Lai Châu)./.

                                                                                                                Bích Thủy-Riê Lâux cxeik, nhênhv