Công trường Lai Châu tuôr truôx tsưr ziv uô hâux lưv thâuv grê cxuô zav trox chuôz ndê siêz

          Sâuv công trường dự án cêr kror ar Hoàng Liên, nhoz xã Bình Lư, tỉnh Lai Châu, khôngz qiv uô hâux lưv tsênhv pov njôngr nhoz no. Têx luz meir zơưv ar tsi so krêz cêr, zơưv ar uô thax tsav qơư chiê krêz uô têx hâux lưv txơưr. Cêr jux jus tâu uô tiêr, muk đhâu têx nta trôngz, phưx vưv thâux gra chuôz zênhx. Têx tuêv sik côngv ciêr chênhr bax cxuô zav chiê uô qox thiêz cêr, paz chiê dự án hla trâu ntu uô tsênhv đros siêz sir jos uô truôx tiv zix. Kỹ sư Trần Mạnh Ninh, Chỉ huy trưởng côngz tsinhx, Công ty THHH MTV Thanh Tuyền, taz viv sik côngv uô dự án pheiz kênh:

          “ Pêz tsênhv chêx chôngk yênhx lix 3 paz chiê uô, nhoz kaz côngz tsinhx muôx 1 luz meir zơưv khơưz ar, hâur đruôz đraz muôx 3 meir khơưz ar thiêz ntu thơưx côngz tsinhx muôx 3 luz meir khơưz ar thiêz 1 luz meir luôv ar chiê krêz uô côngz tsinhx. Txix têx zav trox li grê sâuv niêv ciêz muôx ntâu txơưr txar, cux trâus zênhr shar lok vênhv thix chuôz zênhx chuôz tas. Taz sik, doanh nghiệp zuôr sir jos uô li chas chiê taz por muôx môngr jêz, poz jêz, xi măng, xor hlâu chiê uô phưx vưv công nhân uô tiêr côngz tsinhx”.

          Dự án cêr kror ar Hoàng Liên zos iz hâur têx côngz tsinhx lox nhoz tỉnh Lai Châu, muôx pênhr yưv uô zos 3 cxênhz 300 tỷ đeiv. Têx tsưr thâux tsênhv huiz tôngv zuôr xar 60 luz meir cxuô zav, phaz pênhv thiêz zuôr xar 100 kỹ sư, công nhân pheiz ca chiê uô hâux lưv tsi so. Zơưv Hoàng Quốc Việt, Phưv GĐ Ban seiz car Dự án cêr kror ar Hoàng Liên puz pâuz:

          “ Nhiv no sâuv công trường, têx taz viv cux tsênhv lok six sir jos, đros chinhz yênhx truôx siêz uô jông tiv zix chiê uô ntêx cheix lok nas tax uô tâu tiêr têx hâux lưv zuôr trâus, chiê cxơưz tiês uô trơưk tsưr ziv uô dự án”.

          Ban seiz car dự án yưv pênhr cxiv tsa tỉnh Lai Châu nhiv no tsênhv seiz car 34 dự án, đros pênhr yưv uô zos 4 cxênhz 800 tỷ đeiv, hâur co 27 dự án tsuv uô tiêr hâur shông 2026. Lơưr zơưv Trần Văn Điệp, Phưv GĐ Ban seiz car dự án yưv pênhr cxiv tsa tỉnh Lai Châu, phêv liv txix muôz pênhr 50% hâur 6 luz hlik hâur shôngk shông, đros hâux lưv grê chuôz zênhx chuôz ndê txix 2 txos 6% lơưr yênhx zav, tsênhv uô ntâu tsưr thâux thiêz têx taz viv njiz ntâu phêv liv. Viv li, tsưr yưv pênhr thâuv tưs cux sik côngv đros têx doanh nghiệp chiê taz por cxiv uô côngz tsinhx:

          “ Đros têx dự án lox, Ban zuôr tsov cưv đuô, chêx chôngk cán bộ kỹ thuật muôx yênhx tưv chuyên môn jông chiê phưv txơưx, sik côngv đros tsưr thâux đơưk kho têx phêv liv. Nhiv no tsưr yưv pênhr cux tsuv sik côngv đros têx doanh nghiệp, zos txos kaz shông tsi uô tiêr mak tsuv heik tsưr thâux co ciêr chênhr chêx chôngk krêz uô cov taz por six hơưv”.

          Chinhz yênhx “ nox tsiêz sei, ciêr chênhr uô hâux lưv” tưz tâu têx taz viv cxiv uô côngz tsinhx sâuv thax tsav tỉnh Lai Châu krêz uô txix ciês hâur shôngk shông. Txơưv tsênhv njiz ntâu phêv liv tiv grê cxuô zav chuôz ndê, taz sik công trường nhoz Lai Châu tsênhv tuôr truôx tsưr ziv cxiv uô, sir jos chox têx dự án uô tâu tiêr trơưk tsưr ziv tso tơưv, gôngr phênhv cxơưz tiês huôv tsar KTXH nhoz tox siêz ntus đriv./.

(Khắc Kiên-Txâur Vax cxeik nhênhv)