Tiv phaz sir zôngv tênhv tênhz ntâu tiv zix faz Bắc zuôr uô li chas hâur cheix yar ntux cuz sor

          Tsêr meir đêx tênhv Mường Khương li pas đêx têx hnuz kaz hlik hli 5, đêx gris tas ntâu, đrox tuôx njuôz vos hâur têx pak đêx gris tas. “Tsi tâu muôx jiês tưs pov muôx qênhx shênhx li no” co zos tix lâuk Vương Văn Đạt, seiz car tsêr meir no li lo luk heik thiêz tsi pâuz uô li chas chiê khưx phưx, viv tưz uô cxuô tsưr ziv chiê tso tâu tênhv tênhz, taz sik cux tsi txâuk: “Ntu sir zôngv ntâu tiv zix zos tso 5 six hơưv, taz sik đêx muôx tsi txâuk, tsuôk tso tâu muôx nhos 2-3 six, txơưv tas công suất, 2 tuêv meir tsuôk tso tâu 1 tuêv. Txix thâuv tso tênhv tênhz txos nhiv no, zos shông tso tsơưs tiv zix. Xưk li têx shông tov ntêx, hli 5 muôx ntux lok nas mê njik, shông no mak tsi lok nas, zos lok nas mak thâuv lok thiêx muôx đêx, zos tsik lok nas kror tưs đêx cux gris tas”.

          Cheix yar ntux shông no cux zos ntu grê tênhv tênhz chuôz ndê, viv li ntâu tsôngv kruô txix tsôngv box txos doanh nghiệp tưz muôz siêz siêz xar sir zôngv cxênhx txuôk. Li ntơưv tsêr meir Công ty cổ phần yuôx zêx Thanh Bình, tênhv tênhz sir zôngv uô nhiêx txiêx tsiv uô chuôz ndê, viv li tsuv uô zôngv cxênhx txuôk.

          Lơưr tix lâuk Trương Văn Kiều, seiz car tsêr meir, nhiv no tsênhv zos cheix sâu yuôx zêx, viv li đrâuv hâux lưv tsiv uô thâuv hmo ntux, thâuv sơưr nzor tsêr meir cux uô thiêz tsuv muôx tsưr ziv uô chiê txu grês nhiêx txiêx. “Thâuv yar ntux cuz sor tênhv tênhz sir zôngv chuôz ndê mak zuk tsuv tsiv uô zav yuôx tưs tsơưs zôngv tênhv tênhz đuô. Pir li tsiv uô yuôx zêx muk Trung Quốc thâuv tưs cux tsi pôngz ntâu tênhv tênhz tsiv uô li yuôx zêx muôs trâu Trung Đông lok sik têx têz qơưk txơưr. Xưk li yuôx zêx đax muôs trâu Trung Quốc jiêz yar ntux cux tâu, cxênhx txuôk tâu tênhv tênhz”.

          Thôngz sâu tso pov, Lào Cai li tas nro tênhv tênhz sir zôngv shông 2022 tax 3 tỷ ntâu kWh, siêz đuô tas nro tênhv tênhz 5 tỉnh Tây Bắc muôx Yên Bái, Hòa Bình, Lai Châu, Sơn La, Điện Biên sir zôngv. Viv Lào Cai zos thax tsav thiêz tas nro têz qơưk li tsênhv qơư luyện kim, hóa chất, tsiv uô qir zuôv, tênhv công nghiệp tsav 80% tas nro tênhv tênhz sir zôngv.

          Lơưr zơưv Hoàng Văn Thuân, Phưv giám đốc Sở công thương tỉnh Lào Cai, nhiv no muôx 3 qơư cungz tênhv trâu Lào Cai muôx tênhv zuôr txix Trung Quốc lok công suất muôx 350 MW, txix 70 tsêr meir đêx tênhv mê thiêz muôx njik mê công suất zos 1 cxênhz 100 MW thiêz tênhv tênhz têz qơưk.

          Hâur co, lơưr njuôs xav, Lào Cai li tas nro tênhv tênhz zos tax công suất mak nhiv kruôr muôx nhos 460MW. Zoz qơưx sir zôngv tsơưs đuô hâux lưv cungz thiêz muôx têx kror jông paz txu grês phêv liv trâu Lào Cai hâur cheix yar ntux cuz sor. Zơưv Thuân puz pâuz: “Ntu no têx qơư sir zôngv tênhv lox pir li tsêr meir gang thép Lào Cai đros công suất 100 ntâu MW mak tso tsês tsi huôx tôngv txix shông 2022. Đrâuv co, têx tsêr meir lox li tsiv uô phốt pho mak tsênhv yuôr ntâu hax huv thiêz tưz muôx tsưr ziv sir zôngv txix ciês hâur shôngk shông viv li chêx chôngk uô hâur six hơưv tsi sir zôngv ntâu tênhv tênhz. Chênhr viv li hâux lưv tso tênhv tênhz thiêz txiêr tênhv tênhz nhoz Lào Cai cux muôx taz sik nhoz hâur cui tênhv”.

          Phưv giám đốc Sở công thương tỉnh Lào Cai- zơưv Hoàng Văn Thuân xar tiêk, txơưv Lào Cai muôx ntâu kror jông hâur sir zôngv tênhv, taz sik cxênhx txuôk tênhv zos txơưx jênhv têz qơưk viv li iz lênhx tsôngv box, doanh nghiệp puôr lênhx tsuv muôz siêz. UB tỉnh Lào Cai cux nhiv kruôr tso tơưv ntâuz ntơưr ciêr chênhr chox kriê uô têx tsưr ziv taz por cungz tênhv hâur cheix yar ntux cuz sor./.

An Kiên-Txâur Vax cxeik nhênhv

Tsưr ziv phax tar trâus kâus yar ntux cuz sor

         *Thâuv trâus kâus yar ntux cuz sor:

         Uô cuz txix 40 tưv tror sâur; tsik yuô ndo kaz, hêik luk tsik mênhx; tsâuk muôs; tơưr grêix kruôr, lok ntâu hưk; xênhr siêz thiêz ntuôr; tơưr grêix liêz; iz chêr tsik muôx jos lok sik châuk zâuv têk tơư; uô pa sêi; moz tâuz hâu; yênh…

          *Qir tiv trâus kâus yar ntux cuz sor

          Hâuk tsik txâuk đêx thâuv yar ntux cuz sor, vax tsêr tsik yuô lax, yar ntux cuz ciês lok trâu hâur qơư nhoz, tir yar ntux cuz sor ntêr. Nênhs lâul, Nênhs lox tôngv đrâuv jôngr… zos chor nênhs zôngx ziv trâus kâus yar tux cuz sor tiv zix.

          *Tsưr ziv xưv lik nênhs trâus kâus yar ntux cuz sor

            Tsuv hu ciês trâu y têr ntơưv thax tsav qơư lok sik chor nênhs chơưv paz tuôx đros paz

           Hâur six hơưv nhoz tok nênhs tuôx chơưv paz, chox ciês nênhs trâus kâus yar muk trâu têx qơư muôx nzôngr nzông, hlê têx trik yo ntêr por tsês.

             Tsik so qênhz yuôx jêx tưv đros chêr trâu nênhs kâus yar.

           Uô cov nênhs trâus kâus yar luz chêr lax txix têx tsưr ziv li: zôngv đêx uô trâu luz chêr lax, zôngv mêir nzuôx chuô; muôz fuôv muôx đêx ntuz so trâu chax đaz, kror tso; muôz đêx trâu nênhs kâus yar hâuk chiê cxaz nzir đêx…

         Zos nênhs trâus kâus yar tsênhv ndo tâu mak muôz hâuk nzir đêx, hâuk têx tsơưr điện giải… Zos nênhs trâus kâus yar tsik tâu tsiv, tror uô cov luz chêr lax thâuv nhoz tok chor nênhs chơưv paz tuôx txos. Zos nênhs trâus kâus yar lôngx mak tsuv paz trâu lênhx nênhs co uô pa cov tsiv./.

Tòng Anh-Lik Thox cxeik, nhênhv