Niêx hnuz uô thể dục thể thao paz luz nênhx nhoz cax siêz đuô

Thâuv suôz trax đror đros trâu suôz thav luk đrông ntưk, ziv uô trâu sơưr đơưk moz siêz, sik đros shâuv tập thể dục cov iz chêr nxênh, muôs-cêr cor cav jux juk yênhx ntâu lênhx pêx xênhv Sơn La iz cêr xênhz huôx thâuv tưs tưz zuôr tsuv muôx hâur luz nênhx. Nhiêk muôx nhiêk iz txux chi cơưv shâuv txơưr tsi siz thôngx li: Muôx kênh lênhx lơưr đhiê têk tơư, têx tus mak muk tâus cêr, đhiê tâus cêr, cheix yêz tuôv lok zos yêz câux vaz...., taz sik tas nro puôr lênhx zos chiê tsưx phưv truôx tuk đas jos thiêz uô luz nênhx cax siêz đuô đhâu lês uô ntâu têx hâux lưv uz no hâur niêx hnuz.

Pos Lê Thị Thảo, nhoz jok 7, phường Tô Hiệu, tỉnh Sơn La zos iz hâur têx lênhx cơưv shâuv đhiê, uô têk tơư li co heik:

“Cur shông no tưz 60 ntâu shông lơưv, hnuz tưs cux tuôx ntơưv yar tiêx Tây Bắc no chiê shâuv đhiê têk tơư uô si. Shâuv đhiê li no tas mak iz chêr nxênh, nox tâuk, pư tsâus jos jông đuô, cux tsi yuô muôx moz gênhk, uô nênhx cax siêz, shir phaz đuô”.

Tsi tiêk chor nênhs lâul hnuz nhôngs siêz, ntâu lênhx hluôk nênhs cux xeir tsưr ziv đhiê uô têk tơư, muk lol tâus cêr, đhiê tâus cêr....zos iz kro jông chiê tsưx phưv tâu truôx đas jos, tsi yuô trâus muôx moz. Niêv lâul Nguyễn Thị Uyên, nhoz jok 5, phường Tô Hiệu heik pâuz:

“Cur hâux lưv uô mak ntâu thiêz phiv liv, viv li cxiê tas cik muk đhiê uô têk tơư muôx 30 phênhz, zuôr paz trâu zuk muôx đas jos jông thiêz cax siêz đuô, tsi yuô moz tâuz hâu, iz chêr”.

Trơưk li bác sỹ Nguyễn Quốc Việt, thơưx seiz car khoa kho moz kok, trưx, tsêr kho moz Đa khoa tỉnh Sơn La, zos niêx hnuz six uô cov iz chêr nxênh, đhiê muk lol, tâus cêr....tsi tiêk paz tsưx phưv tâu truôx đas jos, tsênhv jông trâu têx sâur nyar, tsi xar ntâu, tsi moz hlưz thiêz uô luz nênhx cax siêz đuô.

“Shâuv uô têk tơưk, đhiê tâus cêr, muk lol tâus cêr cov iz chêr nxênh lok six zov chênhr trâu cxuô lênhx cxuô tus, cux seiz lâul hluôk, lok sik hloz zâu, txir nênhx lok pox niêv chiê xeir shâuv uô têx jax, txux chi huv đros zuk. Uô li heik sâuv zuôr tsưx phưv tâu truôx đas jos, uô nênhx cax siêz, tsi yuô muôx moz gênhk. Taz sik zos thâuv tưs gênhk mak sơưr đơưk cux tsuv so. Ciês cur tuk khênhx lok muôx kênh ntu cux lok six tros maz thiêz tưz sir jos cơưv shâuv li heik sâuv, nhiv no cux txo grêk cir lok six ntâu lơưv. Muk lol, đhiê tâus cêr uô iz chêr nxênh, nhoz tâuk jux juk txo grêk cir, đas jos truôx tuk, tsi yuô muôx moz”.

Hâur ntu têz qơưk huôv tsar đros trâu ntâu hâux lưv tsuv lês uô, sơưr đơưk tsês mê njik six hơưv, hnuz nhôngs chiê muk lol, đhiê tâus cêr, uô têk tơư tsi tiêk zos tsưr ziv xeir tsov, tưz yênhx ntâu lênhx pêx xênhv đrôngs tox siêz Sơn La cêr cor cav zuôr tsuv uô hâur luz nênhx niêx hnuz. Tsi so muk lol, đhiê tâus cêr li heik sâuv tsi tiêk paz iz chêr nxênh, muôx đas jos jông đuô, tsênhv uô sơưr đơưk muôx luz nênhx cax siêz đuô. Cêr sor siêz, shir phaz qir txix têx hâux lưv uô zôngx ziv-xưk niêx tas cik sơưr đơưk sơưr nzor, gruk tâu têx huôz chuô jông, lax siêz thiêz muôx đas jos qir uô têx hâux lưv hâur iz hnuz yiêz./.

Thanh thủy-Riê Lâux cxeik, nhênhv  

Đơưk kho têx phêv liv trâu yuôx zêx Lào Cai: Tsuv muôx têx sik côngv tsênhv tsênhz

          Ntơưv jiês khiêz phêv nhiv kruôr đhâu, lênhs tov nganhx kôngz nuv Lào Cai tưz sâu jênhv ziv chênhv thiêz têz têx luk nus lok hâux lưv sâu zuôr blôngx njik yuôx zêx hâur ntu grê nhiêx thâux hax huv muk têx niêv ciêz chuôz ndê 5 txos 6 jiês, uô trâu hâux lưv sâu zuôr njiz trâus ntâu phêv liv. Txix têx xor mông cxơưx iz cxiê mênhv chêx yuôx zêx chiv ntux yiêz njuôs xav zuôr muôz txiêr por tsês, zơưv Trần Minh Sáng, GĐ Sở kôngz nuv thiêz tênhx qơư tỉnh Lào Cai khav tênhv, hâux lưv đơưk kho têx phêv liv nhiv no zos lok six zuôr trâus taz sik tsênhv tsênhz mak cux tsi phêv liv li ntơư:

          “Phêv liv nhiv no lok tsêz chos yuôx zêx tsi zos zov chênhr li pov tsir sâu, cur xar mak tsi tâu txos li ntơưv. Viv nhiv no đhâu têx doanh nghiệp, têx xã li ziv chênhr mak pov hâux lưv sâu zuôr yuôx tsênhv tâu tsưr tsix fênhx yax. Grê muôs kis đuô niêx shông taz sik pêz cux uô iz siêz thôngx ziv đros hâux lưv co”.

          Chiê phax tar tsi uô tsôngv px nôngx mênhx cxơưx thiêz txiêr por tsês tsoz yuôx zêx, têx cam kết txix têx doanh nghiệp muôx pưs txux coaz tsôngv chiê tsôngv pox nhuôk njênhs njôngr txos. Tiv zix li HTX yuôx zêx Mường Khương tưz thôngz pov lok hâux lưv sâu zuôr 100% chor yuôx zêx tsôngv pox nhuôk chos tâu, taz por thêv nhiêx txiêx đros grê truôx tul zos txix 6 txos 7 cxênhz đeiv iz cir njik yuôx nhôngs. No zos hâux lưv uô paz tsôngv px nôngx mênhx tsi cxơưx trâus zuôv grê. Zơưv Nguyễn Hồng Quân, Phưv GĐ HTX yuôx zêx Mường Khương puz pâuz:

        “Đros têx ziv chuôz zis nhiv no tsênhv cir hôx thôngx txix shông 2025 pêz tưz cam kết sâu zuôr 100% xiv huv. Shông 2025 tưz muôx 1 cxênhz ntâu ziv. Yuôr têx ziv tsi cir hôx thôngx pêz cux tưz thôngz pov tsuv cir hôx thôngx uô ntêx hnuz 30/4 mak pêz zuôr sâu zuôr tas shông trâu pox nhuôk, txơưv niêv ciêz muôx ntâu txơưr txar pêz cux zuôr sik côngv đros tsôngv pox nhuôk”.

          Đros siêz sir jos tuôr truôx têx cêr sik côngv, chính quyênx tiv phaz tsuv chuv tôngv đuô pâuz tâu qênhx shênhx, por vêv têx tsưr yưv pênhr uô nox jông, tâu tsôngv pox nhuôk njênhs njôngr. Lênhs tov têx sở nganhx xar tiêk, hâux lưv xã thiêz doanh nghiệp tsi sik côngv jông zuôr uô zênhr shar txos tỉnh li tênhx qơư yưv pênhr cxuô. Zơưv Hoàng Chí Hiền, GĐ Sở công thương tỉnh Lào Cai, heik mênhx:

          “Doanh nghiệp zos tỉnh tưz hu zâuv tuôx, lơưr yưv pênhr jông. Taz sik viv li chas chính quyênx tiv phaz thiêz têx tsưr yưv pênhr lox li no ho tsi seiz seiz lax, sik côngv? Cur cux xar njôngr xã tror yax mông vênhv tôngv tsôngv px, thâuv phêv liv li no tsuv sik đros pheiz kênh, sik đros paz max”

          Đrâuv têx tsưr ziv paz txeik pênhr txix Zênhx hangx têz qơưk thiêz cxơưz cxiz muôv muôs txix Sở công thương, thôngz yax coaz tsôngv tiv zix nhiv no zos tsuv truôx siêz tuôr truôx têx mênhv chêx yuôx zêx tsênhv muôx nhiv no. Cxuô cêr cxơưx tsi taz uô zênhr shar txos 40 cxênhz ziv chuôz zis tsôngv px li tsưr ziv huôv tsar uô nox mak tsênhv uô zênhr shar txos yuôx zêx Lai Châu li qơư sơưr sâuv niêv ciêz ntiêx têz. Zơưv Trần Minh Sáng, GĐ Sở kôngz nuv thiêz tênhx qơư tỉnh Lào Cai thix ziv:

          “Cur thix ziv têx xã đros nganhx kôngz nuv tsuv truôx siêz, tsi chiê têx txơưr txar nhiv no uô zênhr shar txos tsôngv px li siêz xar, txos tỉnh li thax tsav chos yuôx zêx. Thix ziv lênhs tov têx xã seiz shuôk jông thiêz muôx tsưr ziv chiê tsôngv px sik côngv đros tex doanh nghiệp uô li chas chiê taz por pox nhuôk cux xưk li doanh nghiệp li qênhx liv”./.

(An Kiên-Txâur Vax cxeik nhênhv)