Ntâu hlôngr yiêz hâur xeir zuôr shux xênhz Đại học, cao đẳng shông 2025

Trơưk li Bộ zoz zux, luôs hâux lưv xeir zuôr shux xênhz shông 2024 taz por truôx tuk, tsênhz mênhx, trơưk cui tinhv; sir jos hlôngr yiêz số, fuô uô tâu ntâu hâux lưv jông. Chor shux xênhz dự tưr thik, tâu xeir zuôr muk cơưv tsar ndê chôngz lênhx. Têx li heik no tso pov, chor tsêr cơưv Đại học, cao đẳng tsơưr lươngv zoz zux ziv hnuz ziv tâu uô jông. Taz sik, xeir zuôr shux xênhz shông 2024 tsênhv yuôr iz cxiê hâux lưv uô tsi tâu tsi tiêr li: Lax xeir zuôr shux xênhz cơưv uô cưk kriê ntơưr, ntâu thax tsav tsi yuô tâu moz siêz txos kriê txux chi, xeir zuôr shux xênhz nzor, tsi taz por côngz fênhx, iz cxiê tsưr ziv xeir zuôr shux xênhz uô tsi tâu trơưk hâux lưv tso tơưv....

Txix têx li heik co, luôs hâux lưv xeir zuôr shux xênhz shông 2025 zuôr muôx ntâu hlôngr yiêz. Tsênhv tsênhz, trơưk li Thông tư sôr 06/2025, Bộ zoz zux cui tinhv: Tsi xeir zuôr shux xênhz nzor; xeir zuôr shux xênhz tsuv khov lok shux xênhz têx điểm cơưv txux chi hâur tas nro shông cơưv lớp 12; tsi xav, tsi xeir trơưk iz cxiê jax cơưv; sir zôngv chứng chỉ luk saz têz qơưk đrâuv huv đros chiê xeir zuôr shux xênhz; xav hur si têx điểm tsi tsênhr đhâu 10% chor điểm cui tinhv xeir zuôr shux xênhz cơưv; lênhx shux xênhz tưs cơưv coz tâu xeir zuôr, tsi tas tưr thik tsuv đas cir xeir muk cơưv đhâu sâuv cxix luôs thiêz xav jênhv muk cơưv trâu luz tsêr cơưv ntơư.... Zơưv Nguyễn Anh Dũng, Phưv Vụ tsar Vụ zoz zux Đại học (Bộ zoz zux) heik pâuz nzir: “Hâur têx jiês xeir zuôr shux xênhz nhiv kruôr đhâu, pêz pov muôx iz cxiê hâux lưv uô tsi yuô tâu trơưk tsưr ziv thiêz tsi yuô huv đros. Chênhr viv li, hâur cui tinhv shông no, cxuô luz tsêr cơưv cux khav tinhv zuk têx vax huôv chiê uô tâu jông đuô luôs hâux lưv xeir zuôr shux xênhz huv đros trơưk cui tinhv”.

Bộ zoz zux cux njuôk xav tsưr ziv xeir zuôr shux xênhz shông 2025, tso tơưv cui tinhv six hơưv, hnuz nhôngs tsênhz mênhx trâu cxuô luz tsêr cơưv, trâu cxuô sở zoz zux tsưr ziv xeir zuôr shux xênhz thiêz têx six hơưv, hnuz nhôngs heik trâu shux xênhz pâuz. Chiê luôs hâux lưv xeir zuôr shux xênhz shông 2025 uô tâu truôx, Bộ zoz zux zuôr sir jos uô jông hâux lưv yax kriê; tror uô trơưk têx tsưr ziv yiêz; nzor uô tiêr cui tinhv thiêz truz lur six hơưv, hnuz nhôngs xeir zuôr shux xênhz jiês tiv iz. Tso tsês tsi xeir zuôr shux xênhz nzor, tsi cui tinhv iz cxiê jax cơưv chiê xeir zuôr shux xênhz; taz sik, iz cxiê tsêr cơưv heik tơưv tsưr ziv, xar cov Bộ zoz zux nzor thôngx ziv cui tinhv hlôngr shux xênhz têx điểm cơưv txux, nzor muôz sôr laov chiê cxuô luz tsêr cơưv phênhz thiêz pâuz tsênhz, thiêx tsi uô zuôv chei.

Heik mênhx txos têx hlôngr yiêz hâur Thông tư sôr 06/2025 lok xeir zuôr shux xênhz shông 2025 thiêz sâu jênhv cxuô luz tsêr cơưv têx ziv chênhv heik lol uô lơưr cui tinhv yiêz, zơưv Hoàng Minh Sơn, Thứ trưởng Bộ zoz zux heik cxuô Cục, Vụ hâur Bộ zoz zux muôz têx cui tinhv yiêz co uô qơư khov chiê uô tiêr têx ntâuz ntơưr fuô kriê trơưk li heik co hâur xeir zuôr shux xênhz. Iz chas ntơư, heik Sở zoz zux cxuô thax tsav qơư, têx lênhx thơưx seiz car cxuô luz tsêr cơưv heik zênhx max txos trâu têx lênhx cưk kriê ntơưr buôk ti kriê txux chi thiêz shux xênhz pâuz lok têx tsênhv njiêz yiêz hâur xeir zuôr shux xênhz shông 2025. Thứ trưởng Hoàng Minh Sơn heik mênhx: “Kror tưs, hâux lưv tưs uô tsi tâu mak Bộ zoz zux zuôr đros cxuô luz tsêr cơưv đơưk uô cov tâu jông chiê paz max chor shux xênhz. Ziv hnuz pêz ziv muôz jông six hơưv trâu shux xênhz, tsi tiêk muôx cui tinhv yiêz ho uô tuôr thênhv txos têx shux xênhz cêr cơưv txux, tsuôk zos taz por côngz fênhx thiêz zôngx ziv đuô trâu chor nhuôs shux xênhz xưz”./.

VOVĐB-Riê Lâux cxeik, nhênhv

Yên Bái krêz uô têx tsưr ziv taz por tsưr ziv chuôz tsar Chính phuv choz

Uô Thủ tướng chính phuv li ziv chênhv chox kriê ntơưv Côngz tênhv số 137 hnuz 20/12/2024 thiêz côngz tênhv số 140 hnuz 27/12/2024 lok cxơưz tiês chuôz tsar kinh têr shông 2025, tiv zix zos tsưr ziv chuôz tsar GDP shông 2025 sâuv 8% lơưr Chính phuv li nghị quyết số 25, ciês txix hâur shôngk shông, UB tỉnh Yên Bái tưz cxiv tsa tsưr ziv chuôz tsar kinh têr pov cov Ban chấp hành Đảng bộ tỉnh thiêz HĐ tỉnh chiê tso tơưv têx nghị quyết chox kriê, seiz car. Hâur co tso tơưv 02 tsưr ziv chuôz tsar: zos chuôz tsar tax 8,2% lơưr tsưr ziv tâu chính phuv choz ntơưv Nghị quyết 25 thiêz chuôz tsar jông, sir jos shông 2025 tax 10% ntâu, siêz đuô 2% ntâu pir đros tsưr ziv Chính phuv choz ntơưv Nghị quyết số 25.

          Tsưr ziv sir jos no tso pov tas nro cxix luôk chính trị tỉnh li siêz sir jos chiê uô hâux lưv “Chox Yên Bái yênhx tỉnh huôv tsar jông lok shông 2025 thiêz nhoz hâur têx tỉnh huôv tsar xuz thơưx thax tsav trung du thiêz tox siêz faz Bắc lok shông 2030” lơưr chinhz yênhx Nghị quyết Đại hội Đảng bộ tỉnh jiês tiv 19, thôngx cxix paz cxơưz trâu six cxiv 2025-2030, Yên Bái sir jos chuôz tsar kinh têr fênhx pheiz tax 10% ntâu iz shông. Zơưv Trần Thanh Chương, Phưv giám đốc Sở tài chính tỉnh Yên Bái puz pâuz: “Tror uô tiêr cơ chế, chính sách, đề án taz por thôngx ziv hâur ntu krêz uô. Huiz tôngv tas nro cxuô pênhr jos chiê yưv pênhr huôv tsar cơ sở cxuô zav, tiv zix zos zaoz thôngz, thax tsav qơư công nghiệp thiêz niêv đrôngs. Cxơưz tiês huôv tsar muôv muôs, jix vuv, muôs tơưv têx nganhx, hax huv tỉnh muôx jông”.

          Lơưr UB tỉnh Yên Bái, đhâu 3 luz hlik hâur shôngk shông uô, iz cxiê ploz tsênhr tưz tax tâu jông pir đros tsưr ziv tso tơưv thiêz siêz đuô pir đros tsêz no, tsiv grê tsiv uô công nghiệp têx luz hlik hâur shôngk shông 2025 njuôs xav tax 2 cxênhz 860 tỷ đeiv, chuôz ndê zuôr xar 10% pir đros tsêz no. Zơưv Phạm Trung Lân, Phưv giám đốc Sở công thương tỉnh Yên Bái xar tiêk, no zos têx lok six jông, tso pov têx doanh nghiệp li sir jos hâur tsiv uô, muôv muôs...sir jos chuôz tsar tsiv uô công nghiệp tỉnh tax txix 8-10%, gôngr phênhv uô tiêr têx tsưr ziv mak Chính phuv choz: “Đhâu seiz shuôk nhoz tas nro têx tsêr meir nhoz tas nro têx vênhv thix, pêz pov têx tsêr meir puôr lênhx huôx tôngv ciês đhâu thâuv nox tsiêz tas thiêz huôx tôngv siêz tsi zos huôx tôngv uô cov huv đros”.

          Hâur vênhv thix ju lix, pos Vũ Thị Mai Oanh, Phưv giám đốc Sở vênhx huôv, thiv thao thiêz ju lix tỉnh Yên Bái puz pâuz cux muôx 2 tsưr ziv tso tơưv. Tiv iz zos zaz zâuv kruô ju lix 2 tsov ntâu jiês, hâur co kruô saz đrâuv têz qơưk zos 300 cxênhz jiês, phênhv sâu tax 1 cxênhz 700 tỷ đeiv. Tiv oz zos tuôv zênhv chuôz tsar kruô tuôx ju lix tax 2,3 tsov jiês; hâur co kruô saz đrâuv têz qơưk zos 330 cxênhz jiês, phênhv sâu ju lix tax 1 cxênhz 955 tỷ đeiv. Lơưr co, tỉnh Yên Bái cxơưz tiês krêz uô Trung ương, tỉnh li têx Nghị quyết lok huôv tsar ju lix muôx chêx cuk, truôx tul: “Chiê chuôz tsar tâu mak jix vuv ju lix muôx pưs txux lok six coaz tsôngv, viv li pêz li tsưr ziv zos muôs trâu tsôngv kruô têx muôx tsiv grê tiv zix. Têx saz paz lok cơ sở cxuô zav thiêz vênhx huôv chiê Yên Bái zos qơư zaz zâuv tâu chôngz tsôngv kruô hâur thiêz saz đrâuv têz qơưk tuôx ndis seiz”.

          Shông 2025 muôx ziz njiêz coaz tsôngv, zos shông chuôz tsar, sir jos uô tiêr tsưr ziv tso tơưv, zos shông lơưr kaz hâur six cxiv Đại hội Đảng têx cấp thiêz tsưr ziv huôv tsar KTXH 5 shông 2021-2025. Đros tas nro cxix luôk chính trị, côngv thôngx doanh nghiệp thiêz tsôngv box li siêz xar njôngr sir jos, truôx siêz uô jông, tỉnh Yên Bái truôx siêz uô tiêr têx tsưr ziv chuôz tsar kinh têr shông 2025 thiêz Chính phuv tưz choz./.

Đinh Tuấn-Txâur Vax cxeik nhênhv