Lào Cai: Têx kror jông txix nganhx kinh têr tsênhv

Xav tênhv công nghiệp zos đas jos chuôz tsar, txix ciês hâur shôngk shông, tỉnh Lào Cai tưz chêx chôngk chox kriê, krêz uô ntâu tsưr ziv, sir jos tsiv grê tsiv uô công nghiệp tax 60 cxênhz tỷ đeiv hâur shông no. Iz hâur têx chiê tax tâu li co zos Tsêr meir kuôr hlâu Lào Cai qir huôx tôngv hâur luz hli no, gôngr cxaz txix 5-6 cxênhz tỷ đeiv trâu tsiv grê công nghiệp. Txos nhiv no, cxuô côngz xưv kho đuô tưz tâu uô tiêr, zuôr xar 1 cxênhz lênhx nênhs lox tôngv tror uô hâux lưv. Cxuô luôk hâux lưv bax uô txos hnuz huôx tôngv đhâu 3 shông cơư trôngx tưz tâu uô tiêr. Zơưv Nguyễn Hồng Việt, Phưv Tổng giám đốc Công ty TNHH Khoáng cxax thiêz luyện kim Việt Trung puz pâuz: “Tas nro chuôz zênhx cxuô zav pêz tưz tsiv uô thiêz siv huôx tôngv. Nhiv no têx chuôz zênhx li thênh, kuôr hlâu tưz tâu chêx chôngk chiê huôx tôngv siv hâur six hơưv nzor tiv zix chiê hli 4 tror tsiv uô fênhx yax”

          Têx jông đuô thiêz thâuv têx xiv huv công nghiệp tsênhv hâur tỉnh Lào Cai tsênhv muôv muôs jông, đros grê muôs ndê jux jus li: qir zuôv, tôngx, phốt pho cuz... Têx tsêr meir tsênhv sir jos hlôngr yiêz công nghệ, muôz siêz tsơưr lươngv xiv huv chiê muôs trâu niêv ciêz yiêz. Li công ty CP DAP số 2, shông 2025 tso tơưv tsưr ziv tsiv uô 330 cxênhz tênhr qir zuôv, liv zix sâu tâu siêz đuô shông 2024. Zơưv Vũ Việt Tiến, Tổng giám đốc Công ty pheiz kênh: “Lok DAP li niêv ciêz shông no lơưr li pêz njuôs pov zuôr jông thiêz truôx tul đuô shông 2024. Lok nhiêx phí mak shông no pêz cux muôx têx zuôr tâu txu grês đuô shông 2024”.

          Lok vênhv thix ju lix, shông no, Lào Cai sir jos tos 10 tsov jiês kruô thiêz uô tax phênhv sâu txix ju lix- jix vuv zos 45 cxênhz tỷ đeiv. Tsuôk hâur 2 luz hlik hâur shộngk shông, tưz muôx zuôr xar 2,1 tsov jiês kruô ju lix tuôx Lào Cai, chuôz ndê 93% pir đros tsêz no. Zơưv Trần Sơn Bình, Phưv giám đốc Sở vênhx huôv, thiv thao thiêz ju lix tỉnh Lào Cai heik: “Pêz krêz đar âhux lưv cxơưz cxiz, heik kriê ju lix txos niêv ciêz sâuv ntiêx têz co zos têx niêv ciêz li Vân nam, Trung Quốc. Tror tsưr tsix têx huôx tôngv ju lix lox chiê paz cxơưz nganhx ju lix”

          Đrâuv công nghiệp, ju lix, Lào Cai zuôr chêx chôngk lok vênhv thix muôs tơưv saz đrâuv têz qơưk, kôngz jongr nuv đros tsưr ziv muôz siêz kinh têr cxaz 10 cxênhz tỷ đeiv, chiê tax tâu tsưr ziv 87 cxênhz tỷ đeiv. Tỉnh cux cxơưz tiês zaz zâuv, huiz tôngv pênhr tas nro xã hội tax 62 cxênhz tỷ đeiv. Tiv zix, ntâu tsưr ziv chuôz tsar phênhv sâu tưz thiêz tsênhv tâu krêz uô, truôx siêz tax tsưr ziv sâu trâu têz qơưk 15 cxênhz 500 tỷ đeiv hâur shông no./.

CTV VOVTB-Txâur Vax cxeik nhênhv

Cxuô jiês yax kriê tsưx phưv truôx ntus đriv têz qơưs

Tus ndêx cxok kuôk cêv đriv têz 207, zos Zênhx Pênhz phax trôngx đriv Chiềng Khương, tuz lênhv Pênhz phax tỉnh Sơn La seiz car, hâur têx hnuz hâur hli 3 tsi tiêk muôx chor tuz lênhv muk lol qênhz yuôx shuôs, tsênhv zos qơư choz kriê cêr uô nênhx jông, sik đros tsưx phưv truôx đriv têz trâu cxuô lênhx cxuô tus, chor tuz nhuôs sơưr đơưk thiêz.

Tâu seiz njiê pov njôngr, tâu tuôr tâu cor txos tus ndêx cxok kuôk cêv đriv têz sâu bê Việt Nam; tâu mnôngs chor tuz lênhv pênhz phax niêx hnuz hmo uô luôs hâux lưv tsưx phưv ntus đriv heik thiêz thav kriê lơưr têx hâux lưv ziv uô trâu chor cưk kriê ntơưr, têx nhuôs shux xênhz nhoz no shir phaz, ndo txiêx njis thiêz moz siêz đros tsưx phưv truôx đriv têz pêz têz qơưk: “Mnôngs chor txir nzơưv tuz lênhv pênhz phax kriê lok tsưx phưv ntus đriv têz qơưk. Pêz tsênhv tâu muk seiz shuôs tus ndêx cxok kuôk cêv đriv têz, pâuz tsênhz lok luôs hâux lưv cxiv tsa thiêz tsưx phưv têz qơưk thôngz đhâu têx jiês cơưv li heik sâuv. Cur chos luk zuôr sir jos cơưv txux chi cov coz, chiê đros paz cxiv tsa thiêz tsưx phưv truôx têz qơưk hâur ntu zuôr txos”.

“Cur lok six jông siêz thiêz shir phaz thâuv tâu cơưv, tâu pâuz lok têx hâux lưv tsưx phưv têz qơưk. Cur vav chiê siêz, đhâu no cux zuôr tror muôx têx tsaz yênhx xưk li co thiêz, chiê pêz muôx têx cxaz chuôz ntâu đuô”.

No zos 02 lênhx nhuôs shux xênhz Vũ Trần Bảo Ngọc thiêz Cà Văn Hoàn cux li ntâu lênhx shux xênhz lớp 6A1, tsêr cơưv cxênhx 2 Chiềng Khương, huyện Sông Mã, Sơn La têx lul heik, tsưr ziv xar đhâu jiês cơưv, yax kriê lok tsưx phưv têz qơưk.

Iz jiês cơưv tsi muôx trôngx tos jâuv, tsi muôx ntơưr sâu, chưx mêv, taz sik tâu chor nhuôs shux xênhz ndo njôngr chiê hâur đruôz siêz tsi plox thâuv tâu ndis seiz, shuôs têx cêr muk lol  qênhz yuôx đriv têz, lok sik pov têx jêx jok nhoz ntus đriv tsênhv ziv hnuz ziv hlôngr yiêz, muôx luz nênhx tsâu sor viv cấp ủy, hâu nov thiêz pêx xênhv cêr sik thôngx siêz, siz paz, hâur co muôx chor canr bôv, chiến sĩ tuz lênhv pênhz phax.....

Trung úy Vũ Quốc Việt, Đội trưởng Đội vũ trang, Zênhx Pênhz phax trôngx đriv Chiềng Khương, lênhx buôk ti kriê têx txux chi, tsưr ziv heik sâuv trâu sơưr đơưk heik: “Cur jông siêz thiêz shir phaz thâuv tâu hlôngr njêx muôs trâu taz viv, trâu lưv lươngv yax kriê têx txux chi, tsưr ziv tsưx phưv đriv têz trâu têx nhuôs shux xênhz; kriê chor nhuôs pâuz tsênhz lok tsưx phưv ntus đriv têx zov chênhr cux li ndêx cxok kuôk cêv đriv têz têx muôx liv jông. Đhâu têx jiês cơưv li no, cur vav chiê siêz zuôr cxơưz đas jos, kriê tsưr ziv trâu chor tuz nhuôs nhiêv têz nhiêv qơư đuô, chiê thâuv hloz lox, lơưr zuôr zos têx lênhx tror đros tsưx phưv truôx tuk thax tsav ntus đriv, têz qơưk”.

Tsi tiêk têx hnuz hâur hli 3 xưz, mak chiv nhênhv Hnuz chax chês tuz lênhv Pênhz phax Việt Nam, lok sik Hnuz Pênhz phax tas nro tsôngv box sơưr đơưk...., têx jiês kriê thiêz cơưv txux chi li heik sâuv ho tâu chor Zênhx Pênhz phax hâur thax tsav tỉnh Sơn La đros cxuô luz tsêr cơưv tsưr tsix, đhâu ntơư, paz cxơưz đas jos, kriê nzir tsưr ziv thiêz nthuôr đar siêz xar trâu têx nhuôs shux xênhz nhoz ntus đriv. Cưk kriê ntơưr Bùi Thị Minh, uô hâux lưv hâur tsêr cơưv cxênhx 2 Chiềng Khương, huyện Sông Mã, Sơn La heik: “No zos hâux lưv uô muôx liv thiêz tsênhv tsênhz, paz têx nhuôs shux xênhz muôx nzir tsưr ziv, pâuz tsênhz lok têx ndêx cxok kuôk cêv đriv têz, thax tsav ntus đriv. Txix ntơư, kriê cxaz nzir trâu chor nhuôs pâuz đros tsưx phưv truôx tuk têz qơưk thâuv tsênhv nhoz cơưv txux chi hâur tsêr cơưv”.

Têx jiês yax kriê, cơưv nzir txux chi” li heik sâuv tsi ntêr, tsi ntâu taz sik muôx têx zuôr uô chor tuz nhuôs shux xênhz ndo njôngr tsês hâur đruôz siêz tsi plox; iz chas ntơư paz têx nhuôs pâuz tsênhz, zuk thiêz cxuô lênhx nênhs Việt Nam, lênhx tưs cux lok six zov chênhr, puôr lênhx tâu têz qơưk, têx tuz lênhv, chor lâul por hưv, moz siêz, hluz txos. Txix ntơư, cxênhx hluôk, têx tuz nhuôs zuôr hloz lox iz fâuv jux juk thiêz tror lês uô chor lâul têx luôs hâux lưv cxiv tsa, tsưx phưv têz qơưk./.

Lê Hạnh-Riê Lâux cxeik, nhênhv