Pênhr nhiêx tsov cưv paz tsôngv box thax tsav txov nhêv Sơn La

Kuôk nor 2,3 luz hlik, tix lâuk Lò Văn Ninh nhoz xã Mường Bon, huyện Mai Sơn, Sơn La tưz tâu Zênhx hangx chính sách xã hội tỉnh Sơn La puz txeik pênhr tsov cưv 100 tsov đeiv chiê huôv tsar tsiv uô kôngz nuv. Chor nhiêx txiêx no tưz paz chuôz zis muôx pênhr yưv uô trâur nuv vax-pas-guôx, tu zus buô, khơưz pas zus njês thiêz chos txir lưv tsiz sôngz chiê huôv tsar uô nox: “Muôx pênhr nhiêx mak chuôz zis luz nênhx jông đuô thiêz cur cux muôx hâux lưv uô truôx đuô...Cur xar txeik tâu cxaz pênhr nhiêx chiê zuôr cxaz nôngz zuz thiêz chos cxaz tsoz chos, tu zus cxaz buô, zuôr krâur tu zus buô”

          Yuôr tix lâuk Cà Văn Ngân nhoz xã Phổng Lập, huyện Thuận Châu ndaz ndơưv pênhr nhiêx txeik tâu txix Zênhx hangx chính sách xã hội txix shông 2023, tix lâuk yưv pênhr krêz đar trâur nuv tu zus nhux sha nhuôk thiêz huôv tsar chos têx tsoz chos muôx tsiv grê siêz li yuôx zêx thiêz cà phê đros mênhv chêx 1 hecta ntâu...Pênhr txeik 100 tsov đeiv tưz yênhx đas jos paz tix lâuk Ngân chuôz zis hlôngr yiêz phênhv sâu thiêz cxênhx txuôk tâu đhâu yênhx shông: “Thâuv tsi tâu muôx pênhr puz txeik mak chuôz zis iz shông cxênhx txuôk tâu muôx nhos 50 tsov đeiv. Txix shông 2023 txos nhiv no tâu zênhx hangx chính sách puz txeik pênhr chuôz zis cxênhx txuôk tâu ntâu đuô, muôx nhos 100 tsov đeiv iz shông. Njuôs xav chor pênhr nhiêx no cur zuôr yưv chiê chos cxaz cà phê...”

          Têx phênhv pênhr puz txeik tsov cưv no tâu cxênhx txuôk txix tsaz yênhx cxênhx txuôk- sik côngv tês viv nênhs pluôk tỉnh Sơn La. Txix shông 2021 txos nhiv no, tưz muôx 150 tỷ đeiv ntâu tâu xa lok hâur zênhx hangx, đros 6 cxênhz 200 ntâu lênhx nênhs sik côngv tês gôngr côngv, paz txeik pênhr đros phênhv liv kis trâu yênhx cxênhz ziv chuôz zis pluôk thiêz zuôr xar pluôk, tiv zix zos hluôk nênhs nhoz tox siêz yưv pênhr uô nox, muôv muôs thiêz huôv tsar kinh têr chuôz zis: “Tsaz yênhx hnuz ntênhs cxênhx txuôk nhiêx txiêx- sik côngv tês viv nênhs pluôk tưz chox lok têx lok six jông trâu hluôk nênhs têx mênhx cxưx hâur tỉnh; paz hluôk nênhs tâu txiek pênhr tsov cưv txix zênhx hangx chính sách xã hội  chiê huôv tsar uô nox huv đros yênhx tiv phaz. Thôngx cxix, huôx tôngv cux tưz huiz tôngv hluôk nênhs li pưs txux uô ntêx nyuôk cxaz chuôz têx huôx tôngv vi côngv thôngx luz nênhx”.

          Ntu đhâu, tỉnh Sơn La cux tưz bax pênhr nhiêx txix tiv phaz li phênhv nhiêx txiêx cxaz nzir chiê Zênhx hangx chính sách xã hội cxaz nzir lok phênhv pênhr puz ziv chuôz zis pluôk thiêz têx lênhx nênhs chính sách txơưr sâuv thax tsav txeik. Txos hnuz 15/3, pênhr nhiêx tiv phaz muôz trâu zênhx hangx chính sách xã hội zos 230 tỷ đeiv, tsav 3,5% tas nro pênhr nhiêx chi nhánh zênhx hangx chính sách xã hội Sơn La.

          Zơưv Đặng Ngọc Hậu, Phưv chủ tịch UB tỉnh Sơn La, Tsar ban hlôngr njêx muôk Hội đồng seiz car Zênhx hangx chính sách xã hội tỉnh puz pâuz: “Hâur ntu zuôr txos tỉnh zuôr krêz uô ntâu tsưr ziv, tror uô trơưk Tỉnh ủy, HĐ, UB tỉnh li chox kriê lok chính sách puz txeik pênhr; chuôz tsar thiêz huiz tôngv têx pênhr jos puz txeik pênhr. Thiêz cux đhâu tsưr ziv li ciêz xa nhiêx txiêx cxênhx txuôk chiê uô li chas muôx phênhv pênhr ntâu; tror paz têx lênhx nênhs pluôk tâu txeik pênhr sei tiv zix. Yax six chox kriê têx chiz coaz taz viv sik côngv jông hâur têx cấp tsưr tsix, krêz uô têx tsaz yênhx dự án puz txeik pênhr đros lênhx nênhs pluôk, chiê uô li chas nênhs pluôk sir zôngv tâu pênhr nhiêx muôx chêx tiv zix”.

          Nôngx mênhx, hluôk nênhs tox siêz Sơn La li hâux lưv huôv tsar uô nox, sir jos hla đhâu cêr pluôk tsi taz zos têx tsênhv tsênhz tso pov chính sách puz txeik pênhr tsov cưv li chêx cuk mak tsênhv zos chính sách li chêx cuk uô muôx tâu têx phênhv nhiêx txiêx cxênhx txuôk  txix côngv thôngx li chinhz yênhx sik côngv siêz, sik côngv tês, gôngr đas jos. Cux zos đas jos gôngr phênhv uô têx tsaz yênhx têz qơưk li qơư tsov txos lok txu grês cêr pluôk, cxiv tsa nôngx cxênhz yiêz, txu grês qênhx shênhx puz txeik pênhr đros phênhv liv siêz thiêz taz por nox nhoz xã hội, gôngr phênhv lok tỉnh tox siêz tsênhv yuôr ntâu phêv liv li huôv tsar KTXH./.

Lê Hạnh-Txâur Vax cxeik nhênhv

Têx zav jâuz tâuv, txir ntông jông chos hâur luz 4 hlik hli ntiêx têz

1.Chos cxuô zav tâuv: Zos tsôngv box sơưr đơưk xar chos têx jâuz tâuv mak ntu no zos six hơưv jông đuô hur si chiê chos têx tâuv trâu đrênhs, tâuv caz, tâuv mos, tâuv đuz....., tsuôk pôngz 2 luz hlik txix thâuv chos txos thâuv txi tâuv jông sâu đê.

2.Điz kuôr nak: Điz kuôr nak zos iz hâur têx jâuz tâuv lênhx nênhs chos tsuôs ntâu yuôx cxiz thiêz tuô caz hmoz tho nox uô ruôr hiêv đuô hur si. Chênhr viv li, xar muôx tâu têx điz hur thiêz truôx tuk, sơưr đơưk tsuv chiv chir chos hâur zuk têx vax, lok sik uô qơư chos jê tsêr.

Cheix ntux sor zos ntu jông chos têx điz heik sâuv thiêz điz cux jông xưk li têx tâuv uz no, thâuv chos tâu sơưr đơưk tsuv trâu đrênhs chiê điz chaz hmaz, txi tâuk. Txix thâuv chos lok, tsuôk iz hlik xưz, điz muôx têx txi thiêz jông sâu đê.

3.Tâuz: Cheix ntux sor cux zos ntu jông chos cxuô zav tâuz. Chos tâuz jê tsêr muôx têx tâu đê pax, njik thiêz tâuz nox uô yêik, uô hmo. Tâuz nưk cux muôx ntâu zav txơưr tsi siz thôngx li: Tâuz tưs, tâuz đas.....

4.Jâuz txux lov: Cheix ntux sor zos ntu khênhr muôx đêx nas, viv li jông chiê chos têx jâuz txux lov uz no li: Jâuz poz njês nak, puv huz, luôv lơưk...., hlar thiêz hloz lox jông, sơưr đơưk chos tsi ntêr tưz muôx têx tâu đê nox. Lar heik, ntu no têx jâuz co lok six hur, viv khênhr muôx đêx nas ntâu, nưk hloz lox nưk, tsi tas tsuôs yuôx uz no.

5.Txir lưk suôr: Chos txir lưk suôr hâur vax zos jông đuô hur si chiê truôx tuk đas jos trâu cxuô lênhx cxuô tus hâur tsêr. Thiêz no zos iz hâur têx zav txir khênhr zôngv txos hâur têx pluôk nox niêx hnuz, sơưr đơưk lênhx tưs cux xar cov muôx tâu têx jâuz tâuv hur thiêz truôx tuk chiê uô nox.

6.Cuô txoz: Zos iz zav tsoz chos cux jông chos hâur cheix ntux sor no. Tsi yuô thôngx li têx txir lưk suôr, cuô txoz tsuôk chos iz tsoz xưz cux muôx têx txâuk nox iz ntuk ntêr lơưv. Chiê tsoz cuô txoz hloz lox jông, txi txir tâu đê nox mak tsuôk pôngz nhos 2 hlik xưz, xav txix thâuv chos txos thâuv txi./.

KT theo Rau xanh cá sạch-Riê Lâux cxeik, nhênhv